رحلة عمر !

[واحد منهم]

هلا بالعيال .. وش الدنيا بكم ؟

اليوم وأنا أغوص في أعماق النت .. و أتمشى بين هالمنتديات .. و أفر على هالمواقع .. كنت أعيش في فضاوة حقيقية .. أهلي مسافرين ولا لي خلق اطلع من البيت .. المهم مدري وش طيحني على موضوع في المعالي ..

ولقيت رد لأحد الأخوات .. طبعا هالأخت في يوم من الأيام سرقت ستايلها
طبعا كتبت بالاستايل في ديوانية الشباب .. أذكر إنه خلوها الله يذكره بالخير سمح لنا إننا نكتب بأي ستايل لأي كاتب في المنتدى شاب أو فتاة فقط في الديوانية ..

عاد اذكر إني كتبت بالرد في الموضوع المخصص لإعتماد الستايلات .. شوي ويرد بعدي سوار يهاوش ..المسيكين حاط عينه على هالستايل ..
لكن ماعرف كيف يأخذه بدون إقتباس .. فكان كل ماكتب رد يطلع اقتباس باسم الأخت
عاد دق على خلوها اخوه يسأله كيف ياخذ التنسيق بدون مايطلع اسم البنت .. الظاهر كان مقفل جوال خلوها أو مارد عليه .. فأخذت التنسيق أنا ..

المهم .. لقيت هالأخت موقفه من قبل الإدارة :/

قلت فرصة نرجع نستخدم هالتنسيق .. رحت عاد ادوره لين لقيته .. عاد اعجبتني فكرة إني اراجع المواضيع القديمة ..
فقلت خلني اشوف مواضيعي و مسيرتي في المعالي .. فاكتشفت إتي مر علي اربع سنوات تقريبا في المنتدى ..
سبحان الله مريت على مواضيع و أعضاء .. وناس تركوا المنتدى .. وشباب كانت لي معهم أيام حلوة و أختفوا ..
الصراحة إني خنقتني العبرة ..

فعلا الواحد يوم يتذكر الأيام الجميلة في حياته يستمتع بكل لحظة من لحظاتها ..
عاد قلت أسترجع هالذكريات و هالأيام و المواضيع و الردود الحلوة معكم ..
هذا أول موضوع لي ويبدو إنها أول مشاركة في نفس اليوم الي سجلت به .. أذكر كنت جالس بمعمل النت بكلية الحاسب جامعة الإمام .. وكان توهم فاتحينه .. وكنت جالس مع واحد من الشباب سألني تعرف منتدى المعالي ؟؟

قلت لا والله أول مرة أسمع به ! قال غريبة .. تعرف منتدى الصحوة ؟؟ قلت اييه معروف بس له فترة مختفي !
قال هذا هو المعالي .. فسجلت فيه .. وكان هالموضوع في أول يوم لي بالمعالي

بتاريخ 03-01-2005 يعني بالهجري 22 - 11- 1425 هـ

http://forum.ma3ali.net/t93769.html

المشاركة الأصلية كتبت بواسطة واحد منهم بسم الله الرحمن الرحيم الحمدلله رب العلمين الصلاة والسلام على سيد العالمين نبينا محمد عليه وعلى صحبه أفضل الصلاة والتسليم وبعد ...... . . . . . أعجبني المنتدى وسجلت فيه وبس هذا الي عندي !!!!!

طبعا كنت ادخل الديوانية على خفيف .. وماكنت افهم وش يقولون

يعني قعدت ثلاث شهور تقريبا وأنا ما تجرأت أنزل موضوع بالديوانية .. بعد ثلاث شهور تجرأت ونزلت هالموضوع ..
بتاريخ 23-03-2005 / 12 - 2 – 1426 هـ

http://forum.ma3ali.net/t104403.html

المشاركة الأصلية كتبت بواسطة واحد منهم بسم الله الرحمن الرحيم باسم العزوبية وباسم كل عزابي نبارك لأنفسنا الخطوة الرائدة المتمثلة في قيام الإدارة بنقل مشرف الديوانية (( المتزوج )) [لاحظ كلمة المتزوج ] مليح السجايا إلى منتدى الإسرة المكان الصحيح والعادل لكل المتزوجين ، وعقبال إكتمال هذه الخطوات التصحيحية الرائدة من الإدارة في تنظيف الديوانية من المتربطين عفواً المتزوجين

بعدها ألاحظ إني بديت أمون عالديوانية .. وبديت أسنتر بالديوانية

وصار تتقفل مواضيعي ذذ وهذا أول موضوع يتقفل لي

المشاركة الأصلية كتبت بواسطة واحد منهم بسم الله الرحمن الرحيم ياشباب شوفوا الأستديو التحليلي العالمي مهوب مثل أخويانا !! [IMG]http://one1of1them.jeeran.com/1one1.JPG[/IMG] اترك لكم حرية التعليق . . ..:: حفظكم الباري ::..

ياحبي لأبو كريم رحت تناقشات معه بالرسايل الخاصة ومالقيت منه الا الأسلوب اللطيف و الرائع ..

هنا موضوع عرض معلومات عن الـ dsl

http://forum.ma3ali.net/t106974.html

ولو تشوفون إني آخر الموضوع قلت

المشاركة الأصلية كتبت بواسطة واحد منهم يالله لي عودة يا أحبة بروح أتغدى !!

وإلى يومك مارجعت له


وهذا موضوع اول مابديت امون على ابو سحلب .. طبعا أنا أعرفه من يومي بالمتوسط لكن انقطعت العلاقة يوم صرت بثالث ثانوي لمدة سنتين ..

المهم رجعت العلاقة مع ابو سحلب وكان هالموضوع أول موضوع لي عنه

http://forum.ma3ali.net/t107255.html

المشاركة الأصلية كتبت بواسطة واحد منهم بسم الله الرحمن الرحيم كيف الشباب يا اأحبة اليوم قابلت ابو سحلب >>>> ياحظك وهرجنا معاًَ هرجن مبرحن مظحكن جدن جدن المهم قال لي أنه يمر بظروف صعبة تهي تهي والدي اس ال مقطوع وطفرت من المقاهي تهي تهي وقال لي بما انك بتدخل اليوم المنتدى سلم لي علي الشباب وقل لهم ابو سحلب يقول اتظروا المواضيع التالية ام ساحر القرن العشر طعش مبسوطة أكبر خربان في العالم المبدع وطلابه صورة ابو سحلب المزيون خلاص انتهت المواضيع

وهالموضوع أول موضوع يطيح وجهي فيه

http://forum.ma3ali.net/t121049.html

المشاركة الأصلية كتبت بواسطة واحد منهم بسم الله الرحمن الرحيم طوط عند االإشارة تكون الساعةالثالثة صباحاً طوط TOT IN THE TOT THE TIME IS THRE AM TOT

الحين صرت امون على شباب الديوانية .. وصرت من الشلة ..
فنزلت هالموضوع بتاريخ 02-08-2005 / 26 - 6 - 1426 هـ
ووصل لأكثر من مية رد يعني تقريبا عشر صفحات ..

http://forum.ma3ali.net/t126907.html

المشاركة الأصلية كتبت بواسطة واحد منهم بسم الله الرحمن الرحيم صديقيني أعضاء الديوانية الغراء صبحكم الله بالخير في يومتن من الإيام وليلون من الليالي إجتمع المدعوان هليكوبتر وصهيل المتيري وثلة من النفرات وغسلوا راس المسكين الوديع ابو سحلب قالوا له أنت إنسان غير عاطفي ومن هالكلام لين خلوه عاطفي ][ مافيها شيء يكون الإنسان عاطفي ][ لكن تعدا العاطفة المعقولة إلى اللا معقولة وااااااااااااااوك كلام خطيرن جدن امس تهي تهي قدر الله علي ومسكت معي فخفخينا الساعة 2.5 الليل قلت مابدهاش ابو سحلب ماوراه شيء وبيخاويني يوم ركب معي السيارة قال قال وليته لم يقل ليت الأرض بلعته قبل مايقول لقد أنه قال أنا صرت عاطفي ودي ودي ودي أحضنك

وفي هالموضوع بالذات حصلت على اول تقييم سلبي في سجلي .. واحد من المشاركين بالموضوع يحسب كلمتي له ( اها بس ) إنه سبة :/

هالموضوع نزلته أيام ماكان أبو الشباب مشرف عالديوانية .. طبعا صار فيه هجة على كيفك

http://forum.ma3ali.net/t136415.html

هالموضوع كل ما اتذكره اتذكر اني قعدت يومين يالله اتحرك ..

http://forum.ma3ali.net/t140166.html

المشاركة الأصلية كتبت بواسطة واحد منهم السلام عليكم ورحمة الله وبركاته في هذا اليوم لقد أنه سوف يروح الأن مجموعة من الهدور لعالم الثلج الي على طريق الملك عبدالله ولقد أنه من يرى في نفسه أنه صملة فليجي هناك ومن أردا أن تبكيه أمه فليأتي هناكا والعلم ماتشفونه لا ماتقرونه ا .هـ >>>> (( تعني الحقونا هناك )) كتبهو : واحد منهم وبتوجيهن مباركون من المدعوان : ابو سحلب الدارصوفي وهليكوبتر وبحضوركم يتم لنا الفرح والسرور مسموح اصطحاب الأطفال وجوال الكاميرا

عاد قهر ماحد جاء معنا .. رايق كان وده يجي بس مدري ليه ماجاء

المشاركة الأصلية كتبت بواسطة [ .. رايق .. ] كنت بأجي بس فيه نفر معكم الظاهر انه يعرف نفسه الظاهرانه بكلية اصول الدين ووحاطينه مشرف لأنه كان بيدخل الحاسب

وهنا أول موضوع مثبت في في المعالي .. وكان في قسم التربية و التعليم ..

بتاريخ 22-09-2005 / 18- 8 – 1426 هـ

http://forum.ma3ali.net/t138691.html

المشاركة الأصلية كتبت بواسطة واحد منهم بسم الله الرحمن الرحيم الناس أجناس فمنهم الصالح ومنهم الطالح ومنهم صاحب الفكر الجميل ومنهم صاحب الفكر الرديء اضف إلى ذلك من كانت لديه صفة حسنة فلديه على النقيض صفة سيئة لأن الكمال لله جل شأنه بالنسبة للمعلمين وقياساً على ماسبق هناك الطيب وهناك الرديء هناك قوي الشخصية وكذلك هناك ضعيفها ولما كان مسار الحديث في موضوع الأخت الفاضلة شادن اتجه للحديث عن الموقف السلبية لبعض المعلمين أحببت أن يكون هذا الموضوع ذكر للمواقف الجميلة التي مرت بنا في والتي لا زلنا نعيش أحداثها في حياتنا مع بعض معلمينا آمل من الجميع التفاعل وخصوصاً الأخوة الذين عارضونا في مقال الأخت الفاضلة شادن

وهنا موضوع لي .. كتبته بعد موقف حدث بيني وبين سهيل المطيري .. طبعا موقف محزن .. و الحمد لله عادت العلاقة مع أبو عبدالرحمن كما كانت بل و أفضل ..
الموقف حدث يوم عيد الفطر .. الصراحة إني من قوة الموقف ماصليت العيد .. لا والظاهر إني شوي و أصيح :/ والله يجزاه خير أبو سحلب ماقصر مرني و أخذ بي فرة لين هديت شوي ...

http://forum.ma3ali.net/t147522.html

الصراحة بسبب هالموضوع وصلتني رسايل كثييييييييرة جدا جدا منهم من يقول انت حاقد .. ومنهم من يقول استمر وكمل الموضوع !
ومنهم من يقول عندي اشياء ممكن تفيدك في موضوعك ..
ماحبيت اقتبس الموضوع هنا .. تشوفونه كامل بالردود أزين
عنوان الموضوع ( قناة البراطم المنتفخة قناة فاشلة ... ) ...

وهنا أول موضوع لي في ديوانية الشباب يثبت و بحصل على خمس نجوم .. فعلا ً هالموضوع كتبته من قلبي .. و أشعر إلى الآن بحلاوته إلى اليوم ..

ياآآآآه ما أجملها !!

في هذا الموضوع كانت مشاعري على النقيض فيه من الموضوع السابق ! صحيح ماقدرت امسك دموعي ! لكن والله دموع فرح .. ومحبة .. و أخوة نقية صافية .. أسأل ربي أن يعيدها ..

كلي أمل بأن تتصفحون هالموضوع وتعيشون الجو الي عشته و أنا أتصفح الموضوع بردوده !!

http://forum.ma3ali.net/t156039.html

من الآثار الحلوة لهالموضوع .. إنه بعد مانزلته بساعة تقريبا .. نزلت هالموضوع والي فيه تصميم جميل ..
من أخي وحبيبي [ أبو سلمان ] طبعا كان اسمه ستايل قبل لايغيره إلى أبو سلمان
وضعه أغلب الشباب كـ صورة شخصية



http://forum.ma3ali.net/t156296.html


ولو تتصفحون الموضوع تلاحظون إنه فيه شباب إلى اليوم وهم ماغيروا هالصورة

المشاركة الأصلية كتبت بواسطة واحد منهم بسم الله الرحمن الرحيم ديوانية الأحبة تصميم الأخ ستايل جزاه الله خير

وهذا موضوع الظاهر على أول فترتي الإشرافية عـ الديوانية ..

http://forum.ma3ali.net/t183216.html


أتمنى تشوفون تاريخ آخر تواجد لكاتب الموضوع .. كاتب الموضوع هذا ياشباب إنسان دخل بغموض وطلع بغموض .. يعني تخيلوا فجأة إختفى و إلى يومك .مايندرى عنه .. حي ولا ميت .. يعني إنقطع إنقطاع كلي عن النت و عن المسن .. هالكلام كله وهو مشرف .. شيء غريب فعلا ً !


وهذا موضوع ترحيب بمشرفين جدد .. ادخلوا الموضوع وتبون تعرفون منهم هالمشرفين

http://forum.ma3ali.net/t194524.html


ياشين الرسمية


http://forum.ma3ali.net/t191521.html


بس ولو حسيت إني قوي ذذ

هذا الموضوع ممنوع على [ أبو صالح ] إنه يدخله .. لأنه يذكره بعملية ارهابية سويتها فيه ذذ

من جد صار تسونامي هاك اليوم بالديوانية ذذ

http://forum.ma3ali.net/t215092.html

بعدها بشهرين تقريبا تركت الإشراف ..

وتركت المنتدى لمدة شهرين تقريبا كفترة نقاهة ..

ومن ثم عدت ولكن عدت كـ عضو في فريق الإعلام المقروء و الحمد لله قدم الفريق نشاط متميز جداً ..

ثم عدت للإنقطاع لمدة أربع أشهر عن المنتدى .. وعدت بهذا الموضوع ..

http://forum.ma3ali.net/t415271.html

بعنوان ( سبحان محي العظام وهي رميم ) ..

http://forum.ma3ali.net/t447444.html

http://forum.ma3ali.net/t449217.html

هالموضوعين أعلاه .. جابت لي مشاكل أنا في غنى عنها !
إلى الآن لازلت أعاني منها .. والحمد لله على كل حال ..

اربع سنوات مضت من حياتي .. مليئة بالدروس .. والتجارب .. الحسنة و السيئة .. تجارب دراسية .. إجتماعية .. مالية ..
حينما عدت لهذه المواضيع وجدت نفسي مجبر على أن ألخص أهم ماحصل فيها حتى تبقى نبراس لي في حياتي المستقبلية ..

إخفاقاتي في الجامعة .. تجعل مني أجدد العزم حتى أحصل شهادة البكالريوس .. و أبني مستقبل زاهر كما خططت .. أيضا ً تجاربي الإجتماعية تجعل مني شخص واعي وخبير بعض الشيء في إنجاح العلاقات الإجتماعية .. كذلك بالنسبة للتجارب المادية ..

التي تنقلت فيها في عدة مراحل من مستوى منخفض حتى مستوى الثراء .. أذكر على وقت طفرة الأسهم .. لاحت لي في الأفق .. بوادر الثراء الفاحش ..

شاب في عمر 20 سنة و متوسط دخله الشهري لايقل عن عشرين ألف ريال ! شيء خيالي جدا ً ..

ومن ثم حصل الإنهيار .. حتى خسرت كل ماجمعت و الحمد لله .. ثم عدت مع والدي .. فبدأنا في مجال العقارات .. وأيضا بعد أن تمكنا من هذا المجال .. ندخل الأسهم وفي غمضة عين يذهب رأس مالنا ..

و نسأل الله من فضله و أن تكون الثالثة ثابتة و أسأله أن يعم بفضله سائر المسلمين ..
جملة من الدروس و العبر نستطيع أن نستخلصها من ماضينا .. ستكون بإذن الله بمثابة دليل نجاح لنا في المستقبل ..
لو كل شخص منا جعل تجاربه الماضية أمامه .. لتلافى كثير من العقبات و الأخطاء التي تواجهه في حياته ..
طولت عليكم في الموضوع .. لكن كلي أمل في إنه حاز على رضاكم ..
والسلام عليكم

[مباري الساس]

أيام حلوة

ليتها ترجع

[واحد منهم]

ياشباب .. أحب لي أن يبقى الموضوع بدون ردود على أن يمتلأ بردود [ ...... ] !

* [ ...... ] يقصد بها ردود التي يريد منها صاحبها تكثير مشاركاته

[ليل هادئ]

إييييييييه يا عبدالكريم والله إنك جبتها على الجرح

يا زين مواضيع أول .. أحيان إذا كنت طفشان أفتح مواضيع الديوانية القديمة وأجلس أقراها تحس إن الشباب كانوا كلهم مع بعض كانوا قلب واحد

اما الحين الله يخلف كل واحد في طريق ..

بعدين شف لو تلاحظ كثير من الردود ما تتعدى عشر كلمات لكن والله ما تمسك نفسك من الضحك .. أما الحين الرد يوصل عشر سطور لكن تحس فيه ملاغة بشكل عجيب

شكرا لك على موضوع هيك يا راجل


ليل هادئ ،

[أبـو صـالـح]

بسم الله الرحمن الرحيم ،،
وأنا أقول وش هالصوت الحلو أثرهـ أنت اللي تهرج

ما شاء الله وش هالنشاط ..؟

أمّا سالفة الحر حرام عليك ليه تقول لا تدخل
والله أني جلست أكركر إلين قامت أمّي هيلة وشوي تقبصن <<< باب ما جاء في التمنّي

طيب يآخي صحيح ليه توقفوننا <<< جبنة مثلاً
تصدق عاد ،، والله العظيم يوم أني أروح وأسوي هاك الجريمة بقسم الكشكول حق الشسمهات
إنّي كنت مغرر بي وكنت جبنة ولا لو إنّي ذهين كان نزّلته بالملتقى
لكن أخبر أني يوم جيت أنزّل الموضوع وألقى الأقسام اللي تحت وآآآآجد <<< وكانت هاذي أول مرّة أنزل وأشوف الأقسام اللي تحت الديوانية
إيه أقولك يوم جيت أنزّل الموضوع بلشت مدري وين أزين مكان له <<< ولو حبيّب يبي ينزّله في مكانه الصحيح
المهم يوم انّي قريت اسم كشكول قلت أكيد أنّ هذا هو قسم الوناسة لهن
وكان اللي يجزمني غطريف وباقي الشلّة ومثل ما قلت لك جبنة وبس

عاد انا من زود التخريب حطيت بداخل الموضوع كاننا في غزوة
وياولد يالله يمديك تلحق على شسمه يعني قصدي فشفاش أبو ربع لا يروح بالك بعيـد

لكن الحق يقال // والله أنك ما قصّرت ،،
أخبرك يوم تضيفن وانا مسوي فيها دلوع
لا بعد أقولك انّي أدرس بالتربية النموذجيّة والله أنّي توهّقت يوم قلت لي أنك درست فيها
حسيت أنّ الكذب حبله قصير

أجل أنا بالتربية والله أني كنت أكتب لك وانا ميتٍ ضحك
ومن زود الحبكة مسوي فيها مزيون يضايقوني الوعّين اللي يوقّفون عند باب المدرسة
والله أني أستاهل التوقيف والجلد بعد ذذ


شكراً لك :$
تجولت بنا في عمرك الإنترنتّي إن صحّت التسمية ،،
وكانت رائعة جداً جداً ،، وذكرياتٍ مُمتعة

لكن هاه آوعى تكون هنا نهاية عمرك الإنترنتّي
<<< معليش على التفكير المشقلب ،، لكن والله مدري ليه كذا حسّيت

أبـو صـالـح

[مباري الساس]

عبدالكريم تذكر يوم نتهاوش حنا وإياك

يوم تسوي فيها قوي وتستخدم صلاحياتك

عبدالكريم تذكر أيام الهجات والوناسة

عبدالكريم تذكر يوم تهجد الوشسمه المشكلة الأن معطينه وجه

عبدالكريم تذكر طلعتنا أول

كنا يد وحدة ما كانت فيه هواش ما فيه مشاكل ما فيه شلل الأن للأسف تتعب من الشلل

لو قلت تذكر أأبتل إلى باتسر

الكلام بالماضي نقص بالعقل

ليه ما نحاول نعيد أيام اول مهوب بس على المنتدى أجزم إن رجعوا الشباب مثل أول يبي يرجع المنتدى مثل أول

الحين الشباب أي كلمه تكتبه يجي يفسره تفسير الأسواء للأسف

فلتصفو قلوبنا لتصفى لنا الدنيا
كن جميلا ترى الوجود جميلا

[مباري الساس]

ما أدري ليش الرد ذا طاحت عيني عليه :/
http://forum.ma3ali.net/posts/2940475-post15.html

[ذيب لكن حبيب]

..


ياااااااااهـ ..

ياخي وأنا أقرا الموضيع أنسى موضوعكـ وأدخل جو بذيكـ المواضيع ..

صح إني مالحقت على ذاكـ الجيل بس الصراحه أحس إن سِمتهمـ الكبرى/ صفاء القلب ..

أتمنى أن تعود الأيامـ للوراء ..

أتمنى أن نرى ديوانيتنايسودها الود وصفاء القلب لكن متى ..


-->أجل إثري متعرفن على تاجر ..ذذ

إلا أقول بموضوع ترحيب بالمشرفين ومن ضمنهمـ سوبر المعالي ..

سوبر المعالي مكتوب تحت اسمه موقف نهائيًا ..!!!

وش دعوى عاد مشرف وموقف ولا هو أحد يوزرات أخونا ذاكـ إيه ماغيرهـ ..

مثل حركة أوّاهـ ..

>>فيه إحتمال نلقى تحت اسمه أجل موقف نهائيًا ..

واحد منهمـ ..

..

[محمد الحربي]

كروم ..،

تصدق من كثر حبي لكـ ..

دخلت الموضوع وأنا مشغول ، لعيونك كل شيء يهـون !!

< وش عنده العاطفي ..!!


،

والله يا عبدالكريم دخلت على أحد روابط مواضيعك القديمة ..

وعلى قولتك [ خنتقتني العبرة ] شفت يوزرات كان لها صولات و جولات وكانت معي بهم مواقف !!

ولكنها الآن مهجـورة !!

ولا أعلم أين هم أصحـابها ..؟


صدقت ..،

فعلا الواحد يوم يتذكر الأيام الجميلة في حياته يستمتع بكل لحظة من لحظاتها ..

لكن هذه حـال الدنيا اجتمـاع وافتراق ..،


.........

على طاري وقت اشرافكـ ..

أذكر كنت أسولف معك بالمسن وصار موقف وعصبت أنت < ما أذكره والله !!

فقـلت لي كلمة ..!

قـاسيـة !!

فتقبلتهـا بكل صدر رحب !!

فأنا سويت برنت سكرن ..

وعـ الديوانية ..

فكـان عنوان الموضوع [ لا يفوتكم واحد منهم وهو معصب ]

فـمايمديه يجيله دقيقة الا أنت مشووووووت و على سلى المحذوفات !!

وصرت بعدها ماترد على بالمسن !!



صراحة أفضل أيام الديوانية ..

أيام اشراف سوار وراكـان ...

[واحد منهم]

ياشباب ليس المقصد من وضع الموضوع تذكر الأيام القديمة للديوانية ، وليس المقصد إننا نبي نشوف من أحسن مشرفين مروا عالديوانية !

أفضل أيام الديوانية الآن و أفضل مشرفين مروا عليها هم مشرفينها الآن !!

( لكل زمان رجال ! )

أقولها بكل حق و تجرد ..

[ زبدة الموضوع ، وما كنت أريد أن أرمي إليه هنا ]

اربع سنوات مضت من حياتي .. مليئة بالدروس .. والتجارب .. الحسنة و السيئة .. تجارب دراسية .. إجتماعية .. مالية ..
حينما عدت لهذه المواضيع وجدت نفسي مجبر على أن ألخص أهم ماحصل فيها حتى تبقى نبراس لي في حياتي المستقبلية ..

إخفاقاتي في الجامعة .. تجعل مني أجدد العزم حتى أحصل شهادة البكالريوس .. و أبني مستقبل زاهر كما خططت .. أيضا ً تجاربي الإجتماعية تجعل مني شخص واعي وخبير بعض الشيء في إنجاح العلاقات الإجتماعية .. كذلك بالنسبة للتجارب المادية ..

التي تنقلت فيها في عدة مراحل من مستوى منخفض حتى مستوى الثراء .. أذكر على وقت طفرة الأسهم .. لاحت لي في الأفق .. بوادر الثراء الفاحش ..

شاب في عمر 20 سنة و متوسط دخله الشهري لايقل عن عشرين ألف ريال ! شيء خيالي جدا ً ..

ومن ثم حصل الإنهيار .. حتى خسرت كل ماجمعت و الحمد لله .. ثم عدت مع والدي .. فبدأنا في مجال العقارات .. وأيضا بعد أن تمكنا من هذا المجال .. ندخل الأسهم وفي غمضة عين يذهب رأس مالنا ..

و نسأل الله من فضله و أن تكون الثالثة ثابتة و أسأله أن يعم بفضله سائر المسلمين ..
جملة من الدروس و العبر نستطيع أن نستخلصها من ماضينا .. ستكون بإذن الله بمثابة دليل نجاح لنا في المستقبل ..
لو كل شخص منا جعل تجاربه الماضية أمامه .. لتلافى كثير من العقبات و الأخطاء التي تواجهه في حياته ..
طولت عليكم في الموضوع .. لكن كلي أمل في إنه حاز على رضاكم ..
والسلام عليكم

[Ӎἀϰ̕]

واحد منهم ..


والله مدري وش أقول تعبت وأنا أهجول بين مواضيعك و أقرأ ردودك ..



لكن جزاك الله خير وكثر من أمثالك ..

[ليل السكون]

الله يا عبد الكريم .. ما أجمل الإستفادة من الماضي الجميل .. وأنا أقول الاستفادة .. لا الركون لفشل حاضر ان كانت تسمى فشل ..

جملة من الدروس و العبر نستطيع أن نستخلصها من ماضينا .. ستكون بإذن الله بمثابة دليل نجاح لنا في المستقبل .. لو كل شخص منا جعل تجاربه الماضية أمامه .. لتلافى كثير من العقبات و الأخطاء التي تواجهه في حياته ..

زبدة الموضوع ..

[مدرعم]

ايييييه ..

والله الواحد اذا جاء يكتب رد الحين يفكر مليون مره وشلون بيفسرونه بعض الناس .. ز1

جوله رائعه ممتعه ،
شكرا عبدالكريم ..


مدرعم ،

[[ .. رايق .. ]]

ـ ـ ـ ـ ـ ـ ـ ـ ـ ـ ـ ـ ـ ـ ـ ـ



عبدالكريم وجع وش انت مقتبس يا الورع هههههههههههههههههههههههههههههههههههههههه هههههههههههههههههههههههههههههههههههههههه ههههههههههههههههههههههههههههههههه

يبي من يمحطك اثري من يومي فرخ وانا وشسمه اجدع بالوجه .. !


عاد عبدالكريم .. اذكر انك كنت تسولف معي قبل ما تصير مشرف همن يوم صرت مشرف ما صرت تسولف .. !


يالله عاد خلاص انا مشغول الحين بالمواضيع الي ناوي انزلهن .. !

|||||| رايق ||||||

[[ .. رايق .. ]]

ـ ـ ـ ـ ـ ـ ـ ـ ـ ـ ـ ـ ـ ـ ـ ـ


عبدالكريم يا نكبه

|||||| رايق ||||||

[واحد منهم]

المشاركة الأصلية كتبت بواسطة أبـو صـالـح بسم الله الرحمن الرحيم ،، وأنا أقول وش هالصوت الحلو أثرهـ أنت اللي تهرج أمّا سالفة الحر حرام عليك ليه تقول لا تدخل والله أني جلست أكركر إلين قامت أمّي هيلة وشوي تقبصن <<< باب ما جاء في التمنّي طيب يآخي صحيح ليه توقفوننا <<< جبنة مثلاً تصدق عاد ،، والله العظيم يوم أني أروح وأسوي هاك الجريمة بقسم الكشكول حق الشسمهات إنّي كنت مغرر بي وكنت جبنة ولا لو إنّي ذهين كان نزّلته بالملتقى لكن أخبر أني يوم جيت أنزّل الموضوع وألقى الأقسام اللي تحت وآآآآجد <<< وكانت هاذي أول مرّة أنزل وأشوف الأقسام اللي تحت الديوانية إيه أقولك يوم جيت أنزّل الموضوع بلشت مدري وين أزين مكان له <<< ولو حبيّب يبي ينزّله في مكانه الصحيح المهم يوم انّي قريت اسم كشكول قلت أكيد أنّ هذا هو قسم الوناسة لهن وكان اللي يجزمني غطريف وباقي الشلّة ومثل ما قلت لك جبنة وبس عاد انا من زود التخريب حطيت بداخل الموضوع كاننا في غزوة وياولد يالله يمديك تلحق على شسمه يعني قصدي فشفاش أبو ربع لا يروح بالك بعيـد لكن الحق يقال // والله أنك ما قصّرت ،، أخبرك يوم تضيفن وانا مسوي فيها دلوع لا بعد أقولك انّي أدرس بالتربية النموذجيّة والله أنّي توهّقت يوم قلت لي أنك درست فيها حسيت أنّ الكذب حبله قصير أجل أنا بالتربية والله أني كنت أكتب لك وانا ميتٍ ضحك ومن زود الحبكة مسوي فيها مزيون يضايقوني الوعّين اللي يوقّفون عند باب المدرسة والله أني أستاهل التوقيف والجلد بعد ذذ شكراً لك :$ تجولت بنا في عمرك الإنترنتّي إن صحّت التسمية ،، وكانت رائعة جداً جداً ،، وذكرياتٍ مُمتعة لكن هاه آوعى تكون هنا نهاية عمرك الإنترنتّي <<< معليش على التفكير المشقلب ،، لكن والله مدري ليه كذا حسّيت أبـو صـالـح

هلا والله ومليون هلا بابو صالح ..
ياحبي لك والله !

هههههههههههه و الله ياحبيبي إني كل ماتذكرت ذاك التسونامي و أنا الي اتحسف
حسيت إني مجرم

بس ولو والله ياهي وجهت ناس عالصراط المستقيم
وعلى طاري التربية .. أنا داري إنك منتب خشة تربية ذذ

بس جالس اسلك لك

بكل حق سعدت و انبسطت بردك ابو صالح .. لك مني تحية من القلب للقلب

[أبو سحلب]

[ ...... ] !

[واحد منهم]

المشاركة الأصلية كتبت بواسطة ليل هادئ إييييييييه يا عبدالكريم والله إنك جبتها على الجرح يا زين مواضيع أول .. أحيان إذا كنت طفشان أفتح مواضيع الديوانية القديمة وأجلس أقراها تحس إن الشباب كانوا كلهم مع بعض كانوا قلب واحد اما الحين الله يخلف كل واحد في طريق .. بعدين شف لو تلاحظ كثير من الردود ما تتعدى عشر كلمات لكن والله ما تمسك نفسك من الضحك .. أما الحين الرد يوصل عشر سطور لكن تحس فيه ملاغة بشكل عجيب شكرا لك على موضوع هيك يا راجل ليل هادئ ،

عذرا والله عزيزي ليل ما انتبهت لردك واقتبست رد أبو صالح قبل

حبيبي الافتراق طبيعي جدا .. لكن غير الطبيعي هو عدم وجود من يستمر بقيادة المسيرة ..
وليت اي واحد مننا لا جاء يرد ..

يرد رد يبيض الوجه ولا مايحتاج .. بدون مجاملات ، الوضع يتطور بشكل كبير جدا ً ..

ولو الواحد تعب على رده .. كان تشوف الديوانية شيء ثااااااني !

وهالموضوع بداية إن شاء الله

شكرا مستر ليل

[واحد منهم]

المشاركة الأصلية كتبت بواسطة مباري الساس عبدالكريم تذكر يوم نتهاوش حنا وإياك يوم تسوي فيها قوي وتستخدم صلاحياتك عبدالكريم تذكر أيام الهجات والوناسة عبدالكريم تذكر يوم تهجد الوشسمه المشكلة الأن معطينه وجه عبدالكريم تذكر طلعتنا أول كنا يد وحدة ما كانت فيه هواش ما فيه مشاكل ما فيه شلل الأن للأسف تتعب من الشلل لو قلت تذكر أأبتل إلى باتسر الكلام بالماضي نقص بالعقل ليه ما نحاول نعيد أيام اول مهوب بس على المنتدى أجزم إن رجعوا الشباب مثل أول يبي يرجع المنتدى مثل أول الحين الشباب أي كلمه تكتبه يجي يفسره تفسير الأسواء للأسف فلتصفو قلوبنا لتصفى لنا الدنيا كن جميلا ترى الوجود جميلا

لعلك فهمت الموضوع غلط عزيزي مباري
المقصد ليس الترحم على أيام مضت !

القصد كل القصد الإستفادة من الماضي في المستقبل ..

بالتوفيق يالدبي والله الله بهاني لاتزعله

[واحد منهم]

المشاركة الأصلية كتبت بواسطة ذيب لكن حبيب .. ياااااااااهـ .. ياخي وأنا أقرا الموضيع أنسى موضوعكـ وأدخل جو بذيكـ المواضيع .. صح إني مالحقت على ذاكـ الجيل بس الصراحه أحس إن سِمتهمـ الكبرى/ صفاء القلب .. أتمنى أن تعود الأيامـ للوراء .. أتمنى أن نرى ديوانيتنايسودها الود وصفاء القلب لكن متى .. -->أجل إثري متعرفن على تاجر ..ذذ إلا أقول بموضوع ترحيب بالمشرفين ومن ضمنهمـ سوبر المعالي .. سوبر المعالي مكتوب تحت اسمه موقف نهائيًا ..!!! وش دعوى عاد مشرف وموقف ولا هو أحد يوزرات أخونا ذاكـ إيه ماغيرهـ .. مثل حركة أوّاهـ .. >>فيه إحتمال نلقى تحت اسمه أجل موقف نهائيًا .. واحد منهمـ .. ..

هلا و الله وغلا !

ياغالي صفاء القلب لازال وسيبقى إن شاء الله ..
وجميل لو استفدنا من ماضينا في حاضرنا ..


ايه نسيت اقول لك ..
بما إنك متعرف على تاجر وش رايك تعشيني بتشيليز