:: سك سك .. إذا بلشت بـ بزر .. ما تقلقش .. دق وصك .. وأنـا جايكْ .. ! ::

[سكـ سكـ .!]

‘ ، ‘







:: السّلَاَمُ عَلَيْكُمْ وَرحْمَةُ الله وَبرَكَاتِه :) ::
:
:
:
.


,



أثري مهمْ



أمس بتالي الليل ونيت ..



,



أمس ما كان في البيت إلا أنا وبزر صغير الله يكفينا شره !

أناظر شدا الله من فضلك .. بلا دشوش بلا خربطة .. ذذ ..

ومتحمس مع أنشودة كانت بمهرجان شدا العام .. !

جت ذيك الرييييحة .. ريحة عطر منتااز مرره بس ريحته منتشره .. توقعت أنّو فيه عطر طاح وانكسر

,


أقوم بجسمي الرشيق .. وأدور عن الريحه .. إلا ويطلع ذاك البزر اللي بالبيت من باب المجلس ..

يناظر بعين ومغمض عين ..

شسالفة ..

أقوله أنت اللي كسر العطر ؟! أو رشيت على البيت كله ؟!

ويغمض شوي .. ويرفع عيونه شوي شوي .. يأشر على جسمه .. همن يفتح اثمه ويغز عليه م1 ..

قلت افتح اثمك .. وأدعس خشيمي .. إلا وأثره هالهدر شاارب عطر .. ذذ



,



وأمسكه من عند علبابه [ توي سامعن به هالكلمة .. يقولون إن علباب يعني رقبة .. الظاهر انه تسذا .. ذذ ]

وأدعسه بالسيارة .. عاد السيارة آجـآر .. يعني اكرف والدينها .. ذذ

أذكر زمان خارج السعودية .. إذا كان فيه شخص مصاب وأنت اللي جايبه بسيارتك .. تدق على الإسعاف .. ويعلمونك حاجات تسويها عشان ما يفقد الوعي أو مكروه لا حصل الله ,

وأزهم ( أكلم ) على الهلال الأحمر ..

يابو الشباب معنا بزر يمكن عمر 4 سنين شرب قارورة عطر كامله الهدر وحنا بالطريق رايحين للمستشفى .. وش نسوي به !

قال الحين هو صاحي وإلا فاقد الوعي ..

ألتفت على هالهدر .. يناظر همن يضحك وينام .. م1 .. سكران هالولد !

قالي وأنت تسوق اضعط على كرشته بشويش ..

وأنت بالطريق عطه ماء خله يشربه [ يبي يدج بنا هالبزر .. أجل ماء من البقالة .. يعني راح ريال كاامل على هالهدر ذا .. ما يستاهل ] !

.
.
.


وأوقف عند أقرب بقالة .. وأشري ماء .. وأفتح اثمه وأحقنه حقن من الماء لين طقت كرشته ..

وأحرك للإسعاف .. يوم وصلت .. جيت أبشيل البزر .. أثره شسمه .. دببببببب .. مليااان مااء عجزت أشيله !

وانغزه لعله يقوم .. ما حولك أحد .. تقول ميت !

وأشوف الشسمه المستشفى مجهزين كل شيء .. سرير ومدري ايش .. ويشيلونه من السيارة ..



.
.
.


بعد ساعتين وأنا واقف .. ما قعدت .. وقوفي كله موب حرص على الولد .. ما لقيت كرسي أقعد به .. وإلا تسان أقعد !


يناظر ذاك الطبيب المصري اللي صراحة حقدت عليه .. قالي : أنت أبوه ؟

: لا يبن الحلال أنا مش باباه .. ولا أخوه .. أنا ولد عمه !

يعدل ذيك النظارات الصفراء التسبيرة : ممم .. طيب هو الحين .. شسمه .. ما ندري عنه .. نايم مدري فاقد الوعي !

: يقلع شيطانك .. شلون ما تدري .. وشوله أجل أنت محطوط بذا .. >_<

: اهدأ وتعال عندي بالمكتب !

[ اكشششششخ .. أجل تعال للمكتب .. تقول مسلسلات .. ذذ ]


: بص يا ابني .. كل الناس بتشرب عطور ومش عارف ايه .. بس الحمد لله .. احنا راح نغسل المعده .. وراج يجلس يومين عندنا !


: طيب يا دختور .. الولد سكران .. يناظرن بعين .. ويضحك .. بعدين يرجع ينام .. بعدين يصحى .!


: لا ما تخفش يا ابني .. دي حالة حتروح إن شاء الله ..


: طيب متى تبي تغسلون المعدة [ أتوقع انهم يجيبون ليْ .. ويدعسونه باثمه .. ويشغلون الماء .. ويغسلون المعدة ] !


: إن شاء الله دلوأتي !


: طيب عن أذنك يا دختور .. برب .. ذذ !




,



وأروح للسيارة .. اثر الجوال هناك من يوم ما دخلت المستشفى .. العصر .. مكالمات لم يرد عليها !


: السلام عليكم .. هلا يا عم .. تعال شف ولدك بالمستشفى شرب عطر الهدر .. ايه بالتخصصي .. يالله عجل علينا ترا مليت م1 !



,


وأرجع للبيت الساعة 1 بالليل .. !

والحمد لله افتكينا من هالبزر .. زاد أنا قايلن لعمي خذه معك .. بس ما بيفهمش ..


وصحة هالسكران .. أقصد البزر .. تمام اليوم الحمد لله .. يبي يطلع عاد الليلة .. أنا أقول لو يحطونه تحت الرعاية لمدة 10 سنين نرتاح شوي من لقافته م1 !





أ . ه !




,


.
:
:
:
:: دُمتمْ فِي رعَايةِِ الله :) ::






-{| يَا مُقَلّبْ الْقُلُوبْ ثَبّتْ قَلْبِيْ عَلَى دَينَكْ|}-

[بو سلمان القاضي]

[center]:: [quote=سكـ سكـ .!;7208960]

‘ ، ‘






والحمد لله افتكينا من هالبزر ..


أنا أقول لو يحطونه تحت الرعاية لمدة 10 سنين نرتاح شوي من لقافته م1 !



________________________________________ ____________




ما عندك رحمه؟؟؟؟



يا شرير



الله يشفيه ويعافيه ويبارك فيه

[واحد منهم]

واضح إنك جديد الجديد على قولة واحد من الشباب

يقولون والعهده عليهم مافيه فكك زي اللبن .. كان شربته بدال الماء جيك لبن وخلصت عمرك

بعدين اسمها علباه مهب علبابه

[[ .. ماضي .. ]]

؛

طيب شرّبه عطر BOSS عشان يهضّم ..

من طول النوى ~ ماضي !

[ليل هادئ]

الله ياخذ بليسك أجل شاربن عطر وسكر

يا هو منتهي هالولد

أذكر يوم إني صغير قلت بجرب أخلي ريحت ثمي عطر .. وأجيب لي علبة عطر وأبخّه في ثمي إلا أعوذ بالله حسيت بمرارة عجيبة :S

عاد مدري شلون ذا اللي يشربون علب كاملة :S


ليل هادئ ،

[مثمر]

الله يكفينا الشر ...


أجل الرّجّال يصمخ على العطر


كان عطيته قهوة .. أغديها تجيب راسه

[مسبب زحمه]

وش جابك عندهم

او وش جابه عندكم

بدون اهل هع


ولا الحظ الاقشر
..

[أبوالشباب]

ღ ღ ღ ღ ღ ღ ღ ღ ღ

لا والله وكملت الليله .. سكران وترس بطنه مويه ..

ღ ღ ღ ღ ღ ღ ღ ღ ღ

[مثمر]

المشاركة الأصلية كتبت بواسطة أبوالشباب ღ ღ ღ ღ ღ ღ ღ ღ ღ لا والله وكملت الليله .. سكران وترس بطنه مويه .. ღ ღ ღ ღ ღ ღ ღ ღ ღ

تخيّل عاد ..

4سنوات وسكران

[هاوي المقناص]

هههه
ان شاء الله ان البزر سالم
والله ياهو منتهي

وجزاك الله خير

والله يجوزك النار

[مدرعم]

والله يا هو خبل هالبزر

يوم أنا بزر كنت أنقهر أحط عطر ولا تطول ريحته ..
فقررت إني أشرب كاس عطر
علشان خلاص ما أحتاج أتعطر بعدها
بس الحمد لله مدري وش اللي ركد الشيطان وذقت العطر طلع طعمه شيين فمسحت الفكره من راسي ..

مدرعم ،

[سكـ سكـ .!]

,

أخس ..

ولو شكلي أبجيب معي جرّة عطر المرة الثانية ..

منورين يا حلوين ,

,

[خاااااااالد]

والله منتهي


الله يصلحه

[ماطور ديزل]

.



هههههههههههههههههههههههههههههههههههه ... !!


والله يآ ولد عمك ذآ فله آجل يضحك ثمين يفطس نوم







.

[محمد الخالدي]

احمد ربك مافصل عليك الورع

[معصوب تمر]

خخ خخ


اجل صايرن مربي

بس بس كم عمر ها الصغنون



ياشين اذا جيت تبخ عطر لخويك و يكون الغطا من لمك وتمتلي عيونك عطر

[المشتاق للشهادة]

سلاااااااامات ما يشوف شر والله ....

والحين غسلوا معدته ولا باقي ؟؟؟

[(.:أبو المثنى:.)]

المشاركة الأصلية كتبت بواسطة ليل هادئ الله ياخذ بليسك أجل شاربن عطر وسكر يا هو منتهي هالولد أذكر يوم إني صغير قلت بجرب أخلي ريحت ثمي عطر .. وأجيب لي علبة عطر وأبخّه في ثمي إلا أعوذ بالله حسيت بمرارة عجيبة :S عاد مدري شلون ذا اللي يشربون علب كاملة :S ليل هادئ ،

المشاركة الأصلية كتبت بواسطة مدرعم والله يا هو خبل هالبزر يوم أنا بزر كنت أنقهر أحط عطر ولا تطول ريحته .. فقررت إني أشرب كاس عطر علشان خلاص ما أحتاج أتعطر بعدها بس الحمد لله مدري وش اللي ركد الشيطان وذقت العطر طلع طعمه شيين فمسحت الفكره من راسي ..