وانت حر وتاخذ القسم الذي ترتاح له - في هجاء العاصمة

[وليد الغامدي]

السلام عليكم ورحمة الله وبركاته


مسّاكم بالخير جميعًا ..




وش السالفة يا ولد .. يقولون الأيام ذي صاير حاقة ما حصلتش .. << يذكرني بملون

يا حبي لذاك الإنسان .. طيب وعلى نياته .. لا يفوتكم التعليق حق البخاري اللي في مجلة أجيال بس



ألحين مدرعم يوم يقول لازم إما تهجوا قسم ثاني وإما تترجم ..

طيب قلنا ما نعرف إملاء كيف نعبر



<< بالخير يا فهيم




على طاري الهجا ليه الشعب شابّين هجاء في قسم عبد الرزاق ..

والرّجال مطرطع منهم ..

قفلت معه يوم يسبون قسمه << الرجّال يسمع بالولاء ..


أما أنا فـ لي موعد مع قسم .. وأي قسم .. << هذي مقدمة

قسمٌ قد وقف في وجه ديوانيتنا ..


قسم ٌ .. كل يوم إذا جيت ومالقيت بقس فقم بفرك عيونك يمكن انك دخلت قسم ثاني

قسمٌ .. أعضاؤه يعشقون الصخب .. << أما صخب والله ماهيب صاحية ما أدري من وين جبتها

يعشقون الهواش . . يعشقون العجرى ومفك العجل ..


عاد تخيًل تجي يوم تدخل للمعالي تلقى قسم العاصمة مكسّر .. وفيه علامات جدار قديم وعليه دم

حينها تعلم بأن الدعثة قد قامت

تحس لو قربت زيادة بيطيح جنبك مطرقه ومفتاح اربع طعش ..


حمااااااااااااس









هذا هجائي للعاصمة .. بلسان نبطي ..




[poem font='Simplified Arabic,4,,' type=0 align=center bkcolor='' bkimage='' border='none,4,' num='0,']المدرعم قال تهجو غصب من شان السباق = وانت حر وتاخذ القسم الذي ترتاح له


لو تشوف العاصمة تحسب سوالفهم صداق = والخوي خاين خويه يضربه في كاحله


وانت واقف تسأل الجاهل وش اسباب الخناق = قال هذا جا لذاه وذاك ياهو راح له


ما فهمت من الهروج الا صياحك والشداق = والقسم طايح مباقس والمراقب صاح له


جاك واحد قال ببرم لك عقود الإتفاق = تطلع الصمان مرة فوق ظهر الراحلة


الخيانة دم يجري في عروق اهل النفاق = وش لهم غير النفاق بأرض جدبا قاحلة *1


لو تسوق البنت موتر ما يجيب لها فتاق = وده ان البنت ترجع للحبيبة ناحلة *2


لا تطالب بالسواقة يالجهول وبالخقاق = البنية نهر صافي والمبادي ساحله


والسياسة باب واسع لا تقرب للعراق = تحسب الغدوات لاجلك تحسب المسراح له ؟؟


ودّي اقفل قسمهم بالكود ويذوق الفراق = يا خويي شفت حلقة ويش ذا المفتاح له


كان ودّي أصبح القايد مبايَع بالعناق = لكن اني عفت قسمه والأماني راحلة[/poem]



وسلامتكم

وليد الغامدي

<< دعاية للنبط



*1 - النفاق : ما أقصد به أهل العاصمة .. بل أقصد به بعض الكتّــاب الليبراليين وبعض المنافقين ..

*2 - الشطر الأول يبيّن طريقة تفكيره وأن هذا قوله ليجذب الفتاة للقيادة .. أما في الشطر الثاني فإن الحبيبة هي أم الفتاة ..


أما في البيت الأخير كنت أتمنى أصير مشرف على العاصمة ذذ تخيّل مكتوب تحت اسمي (( إشراف العاصمة )) ذذ

[باقي وفاء]

صح لسانك


والله هالمارثون طلع المواهب المدفونة

[أبوالشباب]

ღ ღ ღ ღ ღ ღ ღ ღ ღ

شكلك تسمع بالهجاء ..

ღ ღ ღ ღ ღ ღ ღ ღ ღ

[تراتيل الصباح !]

همسات وبس !

[وليد الغامدي]

المشاركة الأصلية كتبت بواسطة باقي وفاء صح لسانك والله هالمارثون طلع المواهب المدفونة

صح بدنك


نعم نعم ..


أبشرك كنت دافنها في حفرة جنب بيتنا

[وليد الغامدي]

المشاركة الأصلية كتبت بواسطة أبوالشباب ღ ღ ღ ღ ღ ღ ღ ღ ღ شكلك تسمع بالهجاء .. ღ ღ ღ ღ ღ ღ ღ ღ ღ

تحس اني غسلتهم مرة

[وليد الغامدي]

المشاركة الأصلية كتبت بواسطة فتى سديراوي همسات وبس !

ألحين الشريط اللي في توقيعك متى بينزل ذذ

[[ ماضي ]]

؛

مثل ما قال أبو حزام .. ..

وبعدين يا فتى سديراوي .. اقلقتنا .. كل موضوع تدخله همسات وبس .. يا خوي روح هايط هناك ولا تجي تزعجنا .. !

من طول النوى ~ ماضي !

[وليد الغامدي]

يالدب ..

ألحين انا فازع لك قلت خوينا ولازم نعاونه نهجوا العاصمة وانت وياه تقولون تسمع بالهجاء


بس تعجبني في القسم الثاني من الرد

[[ .. رايق .. ]]

ـ ـ ـ ـ ـ ـ ـ ـ ـ ـ ـ ـ ـ ـ ـ ـ



اوخس اوخس .. وقسم بالله يا العالم قلبت على العاصمه ايه ايه كفو كفو .. !

الحين واحد نزل موضوع مدري وش نسميه وواحد نزل موضوع بالنبطي يحش بالعاصمه .. ناقصنا خطبه وخلاص نحجر للعاصمه .. !

|||||| رايق ||||||

[وليد الغامدي]

هلاااااااااااا والله



أنت ارجع بس من ماليزيا واكتب فيك قصيدة


بس لا تخاف موب هجاء

[المقلع]

صح لسانك ... الله يستر من ردهم

[وليد الغامدي]

صح بدنك ..


ما عليك حنا موجودين ..

[al3abqary]

أجل تسبّون العاصمة !!

شكلكم ما حسبتم حساب للرد

[وليد الغامدي]

^^

ننتظركم يا حلوين ..



ألحين بيسوون العاصمة مؤتمر للرد علينا ذذ

لا وبيتهاوشون من اللي يرد