موقف محرج أول ما تصلي باالناس

[ايام]

طبعا في بداية استقامتي دخلت مسجدنا المهم رحت جلست في الروضة ومن حظي ان الامام ماحضر ذك اليوم شوي الا والجماعة تناظر فيني انا في نفسي اقوال افا ياناس انا توني تائب مااعرف شي والله اقاموا الصلاة ويدفوني بالقوه وانا حاط اظافري بالفرشة الظاهر انا تقطعتها هم يدفوني وانا مثبت رجلي في الفرشة المهم تقدمت طبعا على طول الله اكبر واقرا الفاتحة اللي وراي يقولون ماشاء وش هذي التلاوة الخاشعة مادروا اني شوي واصيح من الربكه تسمع لي ازيز كازيز المرجل من الخوف طبعا كانت اقصر صلاة فجر صلوها الجماعة قرات فيها الفلق والاخلاص

طبعا بعدها اذا دخلت المسجد اروح للزاوية اليمين على طول حتى لوانا اول واحد دخل المسجد

[:حاش باش:]

مواقف قميله قدن

جوزيتا خير يا باعث امل

ياليت يعني بعد اذن صاحب الموضوع ياليت يعني كل من قرا و وفتح خشته يضحك يختار لنا احلى موقف قراه من هالمواقف الحلوه

وبعدها لا مانع يحط موقف نبي نضحك
انا عني فطست ضحك على موقف مدلج...

[مطوع]

واحد من الأشخاص أعرفه متمرس

صلى العصر كبر الله أكبر الحمد لله رب العالمين

ثمن سكت تذكرويجيك واحد من الجماعه الشيبان

تحمس وقام يرد > مستانس أول مره يرد

[البارود]

والله يا أخوان صار لي موقف لا أحسد عليه إطلاقا

أرسلني الوالد الله يحفظه للمسلخ عشان أجيب الذبيحة

أنا طبعاً عاطل عن العمل أرسلني الوالد مع صلاة الظهر

ويوم دخلت المسلخ واروح اتوضى علشان الصلاة

واجي مسرع وادخل المصلى

كان ضيق وفيه بعض الشباب فاضوا من الصلاة

وكان فيه اثنين سودانيين واقفين جمب بعض كأنهم يصلون

لضيق المكان ماقدمت الامام

جيت ولبقت

الله أكبر

وانتظر الرجال يركع

انتظر

انتظر

ماركع

التفت بعضهم للثاني وتكلموا ثم طلعوا

طلع الثنين مايصلون

انا مباشرة ركعت

بعض الشباب قام وطلع من الضحك

انا كملت صلاتي وانا ماسك نفسي

[متفائل~]

مواقف مضحكة

[TAG]

المشاركة الأصلية كتبت بواسطة المشتاق للشهادة ههههههههههههههههههه...مواقفكم تقطع الوجه من الإحراج واحد من الشباب جا يصلي بالناس ...والأخ سمين يعني ( دب) ... المهم .... قرا الفاتحة وبدا يقرا ما تيسر له من القرآن ... والأخ سيقانه تقول :صاج شاورما ما شاء الله ..يعني عريضة وسمينة ... إلا وفيه قطوة جالسة تناظر هالسيقان من بعيد ...وفجأة!!! تقرب القطوة وتقترب شيئا فشيئا من سيقان أخونا في الله ..والأخ لا زال يصلي بالناس ويرتل الآيات بسكينة ووقار ...وما يدري ايــش اللي بيصير وصلت القطوة عند سيقان الأخ السمينة وجلست تفرك جسمها على رجله وتلف وتدور حول سقانه ... والأخ يحسبه ثعباااان ...... فصاح الإمام وهو في الصلاة : آآآآآآآآآآآآآآآآآآآآآآيييييي ... ويوم جا يسجد قال : ربنا ولك الحمد ...من الخوووووووف ....كل هذا بسبب قطوة وأغلبية الناس قطعوا صلاتهم من الضحك ....

هههههههههههههه


مواقف ومواقف .



بس الله ستر وتم ترقيع البعض






بالتوفيق

[باعث أمل]

المشاركة الأصلية كتبت بواسطة :حاش باش: مواقف قميله قدن جوزيتا خير يا باعث امل ياليت يعني بعد اذن صاحب الموضوع ياليت يعني كل من قرا و وفتح خشته يضحك يختار لنا احلى موقف قراه من هالمواقف الحلوه وبعدها لا مانع يحط موقف نبي نضحك انا عني فطست ضحك على موقف مدلج...

وإياك أخي حاش باش

أشكرك على الإقتراح

أشكر الجميع على مشاركتهم الحلوه

أرجو من الإخوه يختارون احلى موقف قراه من هالمواقف الحلوه







دمتم بِود

[aat]

والله يامواقفكم زي العسل ياشيوخ



أنا من ناحيتي ناحصل معي مواقف







شكريات

[أوزانْ..!]

لا مواقف الموضوع بسيط جداً ما أدري ليه يتخوفون منه البعض.

[::أبو حفص::]

هذا مسجد قبل سبع سنين تقريبا يعني فترة كان مافيه شباب ملتزمين
فالامام قرا الفاتحة وبعدها بدا إنا أرسلنا إنا أرسلنا وعلقت معاه وما وراه الا شيبان منسمين فقال واحد منهم - أرسل غيره

ويسولف واحد من الربع يقول مرة في مؤذن حاط حرته بواحد مجنون بالمسجد كل ما يدخل هالمجنون طرده وصيح عليه
عاد المجنون حقد على المؤذن وبعد فترة المؤذن قاعد يرفع الاذان ويوصل حي على الصلاة وجاه المجنون ويشوته فنقر طبعا مع صارت صيحة ومده حي على الصلاااااااااااااااااااااااه الظاهر الفنقر قوي


وهذا موقف صار معاي كنت رايح المخيم انا وخويي وقفنا على مسجد وصلينا وبس انا وياه مطاوعة اهل المسجد ينطرون واحد يقيم فينا مافي المهم كان يدخل واحد بيته قريب من المسجد وداق هالبشت انا قلت خلاص مسكت
كبر وصلى صوته يمغص بطنك وقرا فينا الغاشية واخطا افلا ينظرون الى الابل كيف سطحت المهم واصلح له كان يقول عفواا عفوا انا مسكت نفسي المهم خلص صلاة وقام وله الرجال حليق وثوبه طويل ماشفناه تحت البشت بعدها عدنا الصلاة

[dodge]

المشاركة الأصلية كتبت بواسطة ::أبو حفص:: هذا مسجد قبل سبع سنين تقريبا يعني فترة كان مافيه شباب ملتزمين فالامام قرا الفاتحة وبعدها بدا إنا أرسلنا إنا أرسلنا وعلقت معاه وما وراه الا شيبان منسمين فقال واحد منهم - أرسل غيره ويسولف واحد من الربع يقول مرة في مؤذن حاط حرته بواحد مجنون بالمسجد كل ما يدخل هالمجنون طرده وصيح عليه عاد المجنون حقد على المؤذن وبعد فترة المؤذن قاعد يرفع الاذان ويوصل حي على الصلاة وجاه المجنون ويشوته فنقر طبعا مع صارت صيحة ومده حي على الصلاااااااااااااااااااااااه الظاهر الفنقر قوي وهذا موقف صار معاي كنت رايح المخيم انا وخويي وقفنا على مسجد وصلينا وبس انا وياه مطاوعة اهل المسجد ينطرون واحد يقيم فينا مافي المهم كان يدخل واحد بيته قريب من المسجد وداق هالبشت انا قلت خلاص مسكت كبر وصلى صوته يمغص بطنك وقرا فينا الغاشية واخطا افلا ينظرون الى الابل كيف سطحت المهم واصلح له كان يقول عفواا عفوا انا مسكت نفسي المهم خلص صلاة وقام وله الرجال حليق وثوبه طويل ماشفناه تحت البشت بعدها عدنا الصلاة

اضحك الله سنك

بس يالغلا توني ادري ان الصلاه ورى حليق اللحيه ومسبل الثوب باطلهـ

اثابك الله ياشيخ

اثابك الله يا شيخ