| . أيها النمل انحاشوا .. جاءكم غضبي .. ذذ

[[ بحوري ]]

حييتم حيث كنتم ؛ فأهلا :


|
.
هذا الموضوع برعاية [ توتكس ]



نص الإعلان [ وداعا للـ DDT .. ولى زمنه .. .. مالك إلا توتكس .. ذذ ]




والله ماادري وش لون أبدا لكنني ببدا من حيث وصل ذاك الجيش العرمرم



واستباح منزلي حتى هددني بالطرد




قد تتساءلون وتقولون[ شسسالفة ]




السسالفة ومافيها /



إن النمل ؛ وماأدراك مالنمل سبحان من خلقه وعلمه ؛




جاء بجيش كبير ؛ أوله في الصين وآخره في المريخ ؛ جاء ليسكن منزلي أو شقتي



فحفر وبنى ؛ وبدأ يخزن الطعام تحت البلاط




وأنا بكل فخر صابر وأقول يمكن لاانتهى من التخزين ماعاد أشوفه ؛



لكن ! وأي لكن ؛




وكما قال الشاعر :



إن أنت أكرمت الكريم ملكته .......... وإن أنت أكرمت اللئيم تمردا



وما النمل إلا لئيم متنكر ......... وإكرامه أعظم الذنب والخطا








بدأ النمل بالسرقة ؛ يوم سارقن السكر ؛ ويوم سارقن الرز ؛ ويومن جايني وأنا نايم ؛ يتنزه على راسي ؛ يخرب نوماتي ؛ ويومن جايني بين أزرار الكيبورد




مايستزبد : إنه هبل بي ؛ صرت أحسب حساب لكل حركة أسويها .




حتى الشاهي ياعالم إن تركته دون مراقبة لقيت النمل يتسبح فيه !




اشتكينا الأمم المتحدة وحلف النيتو وجيش التحالف والانتربول ؛




كلهم يقولون مانقدر هذا حيوان ومنظمات حقوق الحيوان بتبهذلنا << الله الله من النصب




قلت يانملات الذين مالكم إلا السموم ؛ وأروح أجيب بودرة إسمها [ DDT ]



وأرشها على أماكن تواجده ؛ المهم وأتركه رجعت ثاني يوم




لقيت عيالهم يلعبون بالبودرة يحسبونها ثلج



يقول لك [ واكتست الأرض ببياض الثلج .. تخبرون البودرة بيضاء ] ذذ









قلت يالله يمكن إن مفعوله متأخر .. وصبرت




شوي النمل زاد بطريقة مهوسة .. يعني البدرة جذبته ..




قلت أكلة تبن .. ورجعنا لهمنا .. نخاف من النمل .. حتى إني صرت أتحلم فيه وأنا نايم ..




المهم :




وجاء يوم الحسم ؛ والمعركة ؛ وبدأ الوعد والوعيد ؛ بيني وبين جيوش النمل




ذهبت وأنا -- >



للصيدلية .. دخلت له وقلت له بعصبية .. عندك سم ؟



قال : وشو سمه يبو << انخرع




قلت سم للنمل .. قال إيه عندي ..



قلت ورنا اياه .. لقيته شي ثاني اسمه [ توتكس ] يعني غير الأولي



لا ويختلف هذا سائل وليس ببودرة




المهم قلت ترى ان ماجاب بالنمل جبته لك ..




المهم ورجعت البيت أفكر في الموضوع قمت [ تمنذلت وخلطت معاه سكر ]




وبدأت أنصب الكمائن للنمل في كل زاوية وعند كل بوابة للنمل ..




بعد شوي بس شوية كبيرة يعني أبو نص ساعة .. ..



لقيت النمل بدا ينتشر على الأرض معلنا حالة طوارئ ..



القتلى بالألوف والمئات والعشرات ..



المرض معدي .. والسبب مجهول .. والفاعل .. عدو




ابتسمت ابتسامتن ماكرة ..



وخلدت للنوم مرتاح البال .. حتى جاء وقت الفجر استيقظت وأول شيء فكرت فيه



رؤية ماحصل للنمل الشرير ..




ذهبت للأماكن المطلوبة .. فوجدته [ شايلن قشه وبادين بالرحيل ]



كل نملة شايلة رزة ولا قمحة ولا حتى بيض عيالهم




قلت في خبث .. ترحل تبلي غيرنا ؟



لا وألف لا .. فحاولت اكتشاف طريقه ونصبت له الكمائن ..




هنا .. انتهى أمر ذاك الجيش الذي أوشك على طردي من البيت .. وأوشك على هزيمتي



والإنقلاب على شرعية سكناي بمنزلي




والآن نقول لكم .. ياأيها النمل اخرجوا من مساكنكم فإني مستعد لمواجهة جيوشكم




إهـ ..
.
|
|| .. في حفـظ المولى .

[سنجــار]

ياشرير
































وين هيئه حقوق الحيوان عنك

[The Top]

الله لا يجعلني نملة بين يدينك !










The Top

[السمو الملكي،،،]

الانملكم حبه كبيره ولاحبه صغيره"يعني يقرص ولامايقرص!
وش رايك بحبه كبيره وصغيره تحس رز


¨'*·~-.¸¸,.-~*'¨'*·~-.¸¸,.-~*'



بس ياخي الغريب بموضوعك مافيه ولاحبة سمايل!..

[خيال الروسا]

بس مسوي قوي على النمل

[طالب الحور]

{ ..

النمل المهاجر أجل

كويس ما جاهم مدد بس

.. }

[و1حد]

اليوم نمله نامت معي داخل الفراش

لقصتني مرتين

والله وأقوم قافله معي .. وأفرك والدينهـا فرك !!

وأخليها .. عشان يشوفونها ربعها وينزجرون

[و1حد]

تو لقصتني وحده !!
وانتفها بـ علبة عصير ربيع

[قابض على الجمر]

زين ما جاك النمل الأبيض ..

ولا كان ما صلح معهم ولا تايد يا شيخ ..

حتى لو تكلم برشلونة ما يصلح .. ..

لازم تجيب شركة وتدفع لهم 1000 ريال ..

بالنسبة للنمل العادي هذا اللي يجيك أسود وأحيانا يجيك ألماني أشقر ..

ففي طريقة أفضل من اللي سويتها وأوفر ..

وأيضا ما تدري السم اللي حطيته هذا يمكن يؤثر على رئتيك وجيناتك الوراثية .. :col: ..

الطريقة الاقتصادية ..

إنك تجيب رخام وتطحنه تطحنه .. لين يصير بكبر حبات السكر ..

وتجيب شوية سكر و مع فلفل..

تخلط هذا الخليط المكون من ( فلفل + سكر + رخام مطحون ) ..

بتشوف النملة السكر .. فتهب مسرعة ..

إذا وصلت وجت تبي تاخذ السكر ..تشم الفلفلويخليها تعطس ..

فلما تعطس النملة راح ينطلق رأسها كالعادة باتجاه الأرض مثل الأخ هذا ..



ويصقح راسها بالرخام وتموت .. ..

شكرا للإنصات .. :col:

حتى ذكرتني في عايلة نعرفهم خارج القارة الآسيوية..

كان عندهم بيت 3 طوابق ..

غزتهم الفيران ..

حطوا مصايد ومدري شلون ..

لكن ولا شي ضبط معهم ..

تركوا البيت وراحوا سكنوا في شقة صغيرة :tears: ..

وأذكر مرة .. << كأني زودتها شوي ..

أخاف الناس ما يدرون وين الموضوع ووين الرد .. :l1: ..

شكرا ..

تقدر تطلع الفرق بحوري .. ؟؟

[رحــّـال]

كأن عنوانك تشوبه شائبة.. لأنها آية قرآنية..

[واحد منهم]

ياشرير

ياقاتل

يا مجرم

بالسم مرة وحده



وين راحت الرحمة

وين راحت الانسانية

قسوة .. عنف .. إبادة

ديكتاتورية بشعة .. تتجلى في أشنع صورها



بالسسسسسمممم

سم !

كم من اسرة شردت

اطفال يتموا

امهات ثكلى

ونساء ترملوا

واااااهـ ٍ على الشفقة التي انتزعت من قلبك

[مفاعل]

اقتباسك هذه الآية في عنوانك لا يجوز رعاك الله .
غير العنوان من فضلك .

[بو سلمان القاضي]

شرير

[[ .. ماضي .. ]]

؛

أجل النمل يقرص ؟

يسمونه قرّوص مب نمل .. !

وبعدين انت حاط سم ليه ؟ والله لو انه فار ماسويت كذا .. !

يا حبيبي اذا مرّة مرّة قفلت الأخلاق يعني اتفل عليهم وقل لهم أنا أكرهكم ما أحبكم .. !

صدّقني بيزعلون وبيطلعون من البيت وبيقولون لك : كش عليك ..

[واحد منهم]

المشاركة الأصلية كتبت بواسطة :: ماضي :: ؛ أجل النمل يقرص ؟ يسمونه قرّوص مب نمل .. ! وبعدين انت حاط سم ليه ؟ والله لو انه فار ماسويت كذا .. ! يا حبيبي اذا مرّة مرّة قفلت الأخلاق يعني اتفل عليهم وقل لهم أنا أكرهكم ما أحبكم .. ! صدّقني بيزعلون وبيطلعون من البيت وبيقولون لك : كش عليك ..

ايه هذا الأسلوب ولا بلاش








بالأبيض لماضي

لديك أسلوب رائع بس لوتترك اسلوبك الاستفزازي

[[ .. ماضي .. ]]

المشاركة الأصلية كتبت بواسطة واحد منهم ايه هذا الأسلوب ولا بلاش بالأبيض لماضي لديك أسلوب رائع بس لوتترك اسلوبك الاستفزازي

؛

شكراً ..

[عدنان الفاضل]

شرشير ..

[مؤمّل]

ماخشت بدغاديغك