وين بنروح اليوم :) ؟؟ !!

[/// الخيال ///]

الطفوله وما ادراك مالطفوله


اولا مجريات هالقصه ما اذكر منها شيء ولكن قصتها علي الوالده

باسلوب ضاحك خلى كل اللي حولي يضحكون علي

وانا يحولي ما غير اناظرهم بخدود حمراء وعيون مبققه منفتحه الى اعلى الدرجات

طبعا واضح من كلامي ا ان القصه محرجه وقديمه نسبيا

نسبيا الا قديمه كليا يعني لها تقريبا حول العشر سنوات

ذكريات يوم كنت بالابتدائيه طبعا ببداية الابتدائيه لا احد يظن اني وقتها كنت بسادس

القصه تقول اني انا وابوي وامي ومجموعه كبيره من العائله الكريمه مسافرين على متن الطائره

الى احد المدن متجهين الى خارج المملكه وطبعا كانت هالرحله اول رحله

لي بالطياره وكنت عنصر قلق على شغالات الطياره وبهجه وفرح لركاب الطياره لانهم كانوا يضحكون علي

وما اخفيكم اني كنت عنصر قلق ايضا لبقيه اخرى من ركاب الطياره

الشاهد ان سماحتي كنت ما احب اقعد ومزعج ابوي وامي ومحرجهم شوي وعلشانكم شويات

وكان صوتي عالي اذا جيت اتكلم مع امي وابوي

وكان اللي حولنا يسمعوني ويعرفون المعنى لكل منطوق يخرجه لساني بحكم انهم سعوديين مثلنا ويترقبون الضحكه

علي تلو الضحكه

واما الضحكه الاصليه اللي كان عليها موضوعي

اني وبينما الطياره تطير ومتجهه بعيدا عن اراضي المملكه سالت احد والداي سؤالا لا يعنون يعنوا فقلت :



اليوم بنمرح عند خوالي ونمرح هنا معناها ننام وبمعنى اخر نبيت


عاد هالسؤال مدري وشلون سالته يعني راكبين طياره ومبعدين عن بيت خوالي بالاف الكيلومترات واسال هالسؤال

وانا اقولكم الخطاء موب مني الخطاء من الطيار اللي المفروض يعلمني وين بتروح الطياره لكن حصل خير

وطبعا كان الجواب ضحكه قويه من شباب سعوديين كانوا معنا بنفس الرحله

وابوي طبعا وامي ما قصروا ضحكوا علي ونشروا قصتي على كل اقاربي يوم رجعنا

وطبعا اقاربي ضحكوا علي وبما انها خربانه خربانه نشرنا هالقصه عندكم

اضحكوا علي انتم بعد


وسلامتكم

[أبوالشباب]

ღ ღ ღ ღ ღ ღ ღ ღ ღ

راحت أيام الطفوله ..

ღ ღ ღ ღ ღ ღ ღ ღ ღ

[فيصل المرشدي]

؛


^
^
^
انت ملاحظ


؛

فيصل المرشدي

[أبوالشباب]

ღ ღ ღ ღ ღ ღ ღ ღ ღ

انت كل شوي تعدل بالموضوع .. مره عن الطفوله ومره وين بتروح اليوم !!

اثبت على شي واحد ..

ღ ღ ღ ღ ღ ღ ღ ღ ღ

[آخر صيحة]

أشوفك صاير راعي الموضوع ياللي فوقي

بصراحة قصتك حلوة بس مدري وش تبغى

وأنت ليش كذا صاير مضحكة كلن جا وضحك عليك وتسلى ومشى

تدري أن عندنا اللي يسوي مثل ها الحركات يسمونه هطف

برايفت آبو تركي -ليل هادئ - مدرعم

تدرون ان ما عندي سالفة فلذلك لا تشرهون علي ولا تصكونن إنذار لأن ها اليومين هاجتن معي

[طالب الحور]

{ ..

زين سألت أنت بتمرح أو لأ .. ما قلت أبي أروح لهم

يعني كان تساؤل ما كان أمر

.. }

[مؤمّل]

ياحظك ركبت طيّاره وأنت صغير
أنا وأنا شنب ماركبتها

[السمو الملكي،،،]

وكنت عنصر قلق على شغالات الطياره

حلوه شغالات الطياره



¨'*·~-.¸¸,.-~*'¨'*·~-.¸¸,.-~*'



وعلى طاري الشغالات مافيه قصه لهن..

[/// الخيال ///]

ما قصرتوا على ردودكم اللمميزه

ولو ان فيه ناس يبيلهم قطم رووس

والقطم هنا معناه مختلف عن المفاهيم السرياليه المتعلقه برؤؤس ذولا البشر المنقطمين


ولكني اخيرا ساتحملهم لاضافتهم لموضووعي طابع ظرافه مقبول النسبيه


سي يو ليتر اند ثانك يو اند ..... الخ

[الحــتـف]

ترى حتى انا ركبت طيارة وانا صغير





لك مني باقة ورد وجمال بالرد !

[واحد منهم]

المشاركة الأصلية كتبت بواسطة آخر صيحة أشوفك صاير راعي الموضوع ياللي فوقي بصراحة قصتك حلوة بس مدري وش تبغى وأنت ليش كذا صاير مضحكة كلن جا وضحك عليك وتسلى ومشى تدري أن عندنا اللي يسوي مثل ها الحركات يسمونه هطف برايفت آبو تركي -ليل هادئ - مدرعم تدرون ان ما عندي سالفة فلذلك لا تشرهون علي ولا تصكونن إنذار لأن ها اليومين هاجتن معي

أنت المفروض يعطونك بطاقة عدم تعرض

ياتي باق الدبي

المشاركة الأصلية كتبت بواسطة مؤمّل ياحظك ركبت طيّاره وأنت صغير أنا وأنا شنب ماركبتها

هههههههههههههههههههههههههههههههههههههههه هههه

معاناة سعودي

المشاركة الأصلية كتبت بواسطة السمو الملكي،،، حلوه شغالات الطياره ¨'*·~-.¸¸,.-~*'¨'*·~-.¸¸,.-~*' وعلى طاري الشغالات مافيه قصه لهن..

أنت تلاحظ

شغالات


ايه نسيت اقول لك الحمد لله عالسلامة يالسمو مابغيت ترجع

[[ .. رايق .. ]]

ـ ـ ـ ـ ـ ـ ـ ـ ـ ـ ـ ـ ـ ـ ـ ـ



8
8
8


واحد منهم الراعي الرسمي للموضوع ولا وش لون ؟

|||||| رايق ||||||

[أبوالشباب]

المشاركة الأصلية كتبت بواسطة /// الخيال /// ما قصرتوا على ردودكم اللمميزه ولو ان فيه ناس يبيلهم قطم رووس والقطم هنا معناه مختلف عن المفاهيم السرياليه المتعلقه برؤؤس ذولا البشر المنقطمين ولكني اخيرا ساتحملهم لاضافتهم لموضووعي طابع ظرافه مقبول النسبيه سي يو ليتر اند ثانك يو اند ..... الخ

ღ ღ ღ ღ ღ ღ ღ ღ ღ

ألاقي عند أحد فيكم المترجم الوافي الذهبي ؟؟

ღ ღ ღ ღ ღ ღ ღ ღ ღ

[نــور الفجر]

الله يعينك
المرة الثانية لازم يعلقوك بحبل ويجروك ورا الطيارة




والله ياشباب الديوانية المصرقعييييييييييييييييييييييييييييييييي ييييين
لكم أجمل تحية

[برعم]

الطفولة لو أقول مواقفه كان ماأسكت

قصة السياكل بالحاره والفقش اللي يمشي ثلاث آلاف

والمهاوشات

على طاري السفر كنا قبل أن سافرنا قبل ممكن عشر سنين أو أكثر شوي

نروح حنا وعمي سوى للقصيم على جمس عندنا موديل 80

المهم وقف أبوي بيسوي شاهي بالخط

مير يغرز الجمس ذذ

ونبلش به

وأبوي ماغير تلعين وتشويت بنا

وإلا سالفة كنا بسفر ومسكة مع أبوي يسوي غدا ذذ

ويوقف ويطبخ ويتسدح وقعد ثلاث ساعات راحة

[مسبب زحمه]

يووووه مايجزونك اخوالك على هالحب هع

انا كنت اسال امي ,, يمه كم بقى من ساعه ونروح لاخوالي يعني قبل بيوم ,,يوووه الله يصبرها علي

صدز اخوالنا مايجزونا هع هع

..

طيب ماعندك موقف اخر

..

[/// الخيال ///]

ما قصرتوا جميعا

شاكر لكم تواجدكم