بوابة المرحلة الجامعية

[غموض المشاعر]

اولا:
السلام عليكم ورحمة الله وبركاته..كيفكم يا اهل الخير..
على طول انا داخله بالموضوع وبدون مقدمات..
انا ابي فزعتكم وابيكم تعلموني اذا انا الحين سجلت عبر الموقع المخصص للتقديم للجامعات..
وبعدين انا دخلت عشان ابي اسوي تعديل واكتشفت ان نسبتي غلط المهم انا عدلتها لما عدلتها انحذفت كل
الدرجات وايضا الرغبات(انا الأان بورظه كبييييييييرة)
وما ادري وش اسوي لاني ارسلت لهم رساله بس لايوجد رد!!
اما الهاتف المجاني عالفاكس
الهمه ابي ادري اذا هم ممكن يقبلوني او لا؟؟>>علماً أنهم ارسلوا لي رساله اول ما كملت التسجيل الجديد
لكن بعد التعديل ما جاني شي!!
الشاهد الله يرحم والديكم اذا احد عنده اي خبر او معلومه يتحفني فيها وانا بأمس الحاجه لكم..
أختكم:غموض المشاعر
تقبلوا تحياتي..انتظر الرد..

[سماويّه !]

|[....

لا أعلم للأسف ،

لكن لو تواصلتِ مع أحد الموظفين في الجامعة التي قدمتِ للقبول فيها ،
ربما يخبروكِ عن أي مستجدات فيما حصل لكِ ..

وفقكِ الله ..

....]|

[Novel]

المشاركة الأصلية كتبت بواسطة **أديم السماء** الســــــــــــــلام عـــــــــــــــــــليكم الله يجزاكم خير ابغى استفسر عن جامعة الملك سعود التأهيلي فية اقسام علمية لان الرغبات الي موجودة عندي كلها بحريملاء ما فية الا كلية الاداب هي الي بالرياض وانا مابي كلية الاداب تكفون ردو علي بسرعة

وعليكم السلام ..

أتذكر العام كان - لأنه قبول إلكتروني - ما تطلع لك الأقسام إلا اللي تناسب النسبة ..
فـ أتوقع أنتِ تطلع لك الأقسام اللي تناسب النسبة فقط !
اللي هي كلية الآداب ..

ممكن - لو تبغين جامعة الملك سعود - تسجلين بالآداب وتدرسين تيرم ثم تحوّلين للقسم اللي تبغين ..



الله ييسر .

[ليتني طفله]

المشاركة الأصلية كتبت بواسطة عشاااااق القمم باركوووووولي سجلت ريحتوني الله يريحكم سجلت 7 رغبات غير مكررة يرفض التكرار!!! الحمدالله ع كل حال ان شاءالله انقبل في المذنب آميييييييين

ماشاء اللــه

مبــاااارك

إن شاء الله يقبلونـك في المذنب

دعواتك يقبلونــي

[ليتني طفله]

أي جامعه ..!

لأني يوم جيت أسجل في جامعة الملك فيصل

قال أقدر ألغي الطلب وأسوي تقديم جديد

شوفي يمكن في إلغاء طلب إلغي وقدمي من جديد

الله يسهلك يااارب

[غموض المشاعر]

مشكورين عالمرور والله ماراح انسالك هالنصيحه خيتي ليتني طفله
والله دار راسي مالقيت حل
بس اقتراح جيد ومافكرت فيه بس كبف ومن وين او منهم..
دبله من البدايه بس الظروف وهذا مستقبل والله ييسر

[قلب طفلة]

الله يعينك ويسهل لك يارب ،

بشرينا.. وش صار ؟

[كالوو]

وعليكم السلام ورحمة الله وبركاته

حصلت لي مشكلة مشابهة في التسجيل بجامعة الملك فيصل
وحلها إلغاء الطلب والتسجيل من جديد ..

،

حل آخر ،
تعبئة البيانات من جديد " الدرجات والرغبات "
ولا تنسين تحفظين التعديل ،

إن كان سؤالك بالنسبة للقبول الموحد للطالبات في الجامعات الحكومية في الرياض
فبإمكانك الاستفسار في المنتدى الالكتروني للقبول الموحد للطالبات ..

من هنا

وإن شاء الله من المقبولات ^^

[غموض المشاعر]

بليييييييييييييز بنات وربي متوهقه
ما اعرف كيف الغي التسجيل
تكفون ردوا بسررررررررررعه لان اخر يوم بعد بكره(يوم الجمعه)30/7/1429

[ترفّق]

*

جرّبت تسجّلين من جديد ؟

كان الله في عونك ,,

*

[استثنائيه]

غموض المشاعر , في منتديات جامعة البنات يوجد دعم لفنـي لـحل مشـاكل التسجيـل بإشراف إدارة الحاسب الالي ونظم المعلومات بجامعة الرياض للبنات, إسأليهم هنـاكـ , أعـانك الله

[المشرقه]

آنآ متخرجه هالسنهـ
ولا جبت نسبه وآبي جآمعة الإمام محمد بن سعود قسم أصول ..
فيه آحد عندو خلفية عن الدورة التأهيليه ومتى يبدا التسجيل ..
شكرآ لكم

[وديــــان]

الله يوفقكم جميعا

ويارب يتم قبولكم جميعاً في الجامعه

[بسمه المعالي]

المشاركة الأصلية كتبت بواسطة بسمه المعالي كم تكلفة التعليم الموازي بالرياض ومتى يبداء التسجيل وكيف

ساعدوني أنا أنتظر

[حديث السكون]

^
^

حسب علمي البسيط أنها اسقطت التكاليف !


حديث السكون

.

[ليتني طفله]

المشاركة الأصلية كتبت بواسطة وديــــان الله يوفقكم جميعا ويارب يتم قبولكم جميعاً في الجامعه

وديانوه ..

الله يقبل دعائك ..

[ليتني طفله]

بسم الله الرحمن الرحيم


السلام عليكم ورحمة الله وبركاته


تورطت من جد

جامعة الملك فيصل فتحت فرصه أخيره لتعديل الرغبات ..

رحت أبي أعدل رغباتي . . .

ولقيت تخصص علوم الحاسب الآلي وتقنية المعلومات في الأحســاء ,,

المهم إخترتــه . ..

بس لا حظت من ضمن الشروط ...

1- الحصول على شهادة الثانوية العامة قسم العلوم الطبيعية .
2- الجلوس لاختبار القدرات المعد من قبل المركز الوطني للقياس والتقويم للطلاب.
3- الجلوس للاختبار التحصيلي للكليات العلمية المعد من قبل المركز الوطني للقياس والتقويم
4- الجلوس لاختبار القبول المعد من قبل المركز الوطني للقياس والتقويم للطالبات

نقطــه رقم 3 مافهمتها .. وش هذا اللإمتحان أنا ما إمتحنت إلا قدرات

مدري إذا هم يقصدون درجــة التحصيلي الي مع القدرات ... أو شــي ثانــي ...

ساعدونــي قبل يوم الأربعـــاء لأنه آخــر يوم لتعديــل الرغبــات

http://www.kfu.edu.sa/ad-1429/adv03.asp

...

وجزاكم اللــه خير

[أبــو عــابد]

و عليكم السلام و رحمة الله و بركــــاته ..

الاختبـــار التحصيــلي للطلاب فقط دون الطــالبــات ,,

و هنــا رابط اختبارات مركز القياس للتأكيد ..

http://www.qeyas.com/Qiyas/Exams/Exams.aspx


فكــوني مطمئنّــــة تمــامــا ..

يسّــر الله لكِ القبول في التخصص الذي ترغبين ..

[الـمـهـا]

وعليكم السلام ورحمة الله وبركاته

ليتني شفت إعلان بشريط الإهداءات خفت

بس الحمدالله يوم فتحت الموضوع أرتحت

الله يوفقك وييسر لكِ أمرك


< ذكريني أسئلك عن

الجامعه العربية المفتوحة وبعد كلية العلوم بالدمام بخصوص الدراسات العليا >