أريد معلومات عن أبها ؟؟؟؟

[** المتنبي **]

السلام عليكم ورحمة الله وبركاته


مسافر لأبها عن قريب بإذن الله وهي المرة الأولى فأحب ممن لديه معلومات عن :

1- جوها وقت الأمطار
2- الفنادق
3- المطاعم
4- الأماكن الخلابة


أن لا يبخل علينا بالنصح والفائدة
محبكم / المتنبي

[الذيب الأزرق]

وعليكم السلاام

أنا ماقد جربت جوو أبها نفسها دايم أروح لسوده جوها خياال روعه يعجبني بقووه وتراه براااد خذ معك ملابس شتويه

عندك السكن فندق الأنتر ويقع في السوده ، وعندك فندق قصر أبها بالسوده طبعا كلها خمس نجوم وفيها مطاعم تبع الفندق ابحث بقوقل يطلع لك صور
قصر أبها الهاتف: 2294444

أبها انتركونتيننتال الهاتف: 2247777


السوده ، القرعا ، الحبله ، المحاله ، وادي الريحان ، والجبل الأخضر ، وتلفريك السوده وتلفريك الحبله، وقرية محمد حسين

وترا أحسن لك أسكن في السوده وإذا بغيت تنزل أبها للملاهي والأسوواق قربيه



أتمنى أني افدتك وإذا بغيت شي أبشر تحت أمرك

[** المتنبي **]

تسلم إي والله يالذيب ,,,,

الأيام هذه فيه أمطار ؟؟؟ متى يبدأ موسمها

أسعار الفنادق ,, أبغى رخيص شوي

[عصير مانجو]

وعليكم السلام اخوي

انا في ابها ( قولي قسم )

بالنسبه للجو :
الجو بصراحه متقلب يعني حر على برد على رطوبه مدري من وين تجي بعد والامطار تجيك فجأه مالها موعد فمن الافضل انك تنوع بالملابس وتجيب معك الخفيف والثقيل

الفنادق : انا مارحت للفنادق بابها بس انصحك لاتغتر بالشكل الظاهري روح بنفسك وتأكد
انا زميلاتي مدحوا لي فندق قصر السلام وفندق البحيره والوسام والباقي ما ادري عنها بس مثل ماقلت روح بنفسك وشيك على الوضع

المطاعم:
مطعم الواحه ( في ابها )
المطعم السعودي ( اللي على طريق الملك فهد )
مطعم العاذريه ( طريق القاعدة الجويه )
مطعم الكركند والمطعم الشرقي ( على طريق المدينه العسكريه )

مطعم السناره ( في ابها وخميس مشيط )

مطعم الشيهانه ( في وسط الخميس بجانب دهانات الجزيره الفرع النسائي )

امممم
هذا الللي يحضرني حاليا بس راح تلاقي في ابها كثير مطاعم غير هذي والي يقدومنه شي مميز




المنتزهات :
عندك طبعا السوده والحبله ومنتزه الفرعاء والمسقي ومنتزه الامير سلطان ( في نظري افضل الاماكن هذي )

وعندك الملاهي اللي فيها جلسات عوايل >> الدلمون لاند على طريق الملك فهد ومنتزه سلام في أبها


http://www.abhaonline.com/

http://www.khamiscity.com/autohtml.p...htm&file=index

هذي روابط ممكن تساعدك

ان شاء الله اكون افدتك واي سؤال انا حاضره

وحياك الله ومرحبن الف


تحياتي

[الذيب الأزرق]

المشاركة الأصلية كتبت بواسطة ** المتنبي **

تسلم إي والله يالذيب ,,,,

الأيام هذه فيه أمطار ؟؟؟ متى يبدأ موسمها

أسعار الفنادق ,, أبغى رخيص شوي

الله يسلمك ماسوينا شي واجبنا
شف حنا دايم نروح لها في أغسطس الجو حلو والمطر مره يجي ومره لا وأحيانا ينزل برد
انا صرحه ماقد جربت أسكن في فندق بأبها دايم نروح حنا وعماني ونستاجر بيت بأحد قرى السوده بحكم اننا مجموعه
تقدر تستاجر فله بمنتجع أبها الجديده حلو وهذا رقمهم : 072291516
أو قرية السوده السياحيه وهذا الرقم072248888
أو منتجع الفرعا السياحي 072540020
منتجع الحبله السياحي 072530919
مجمع الزامل2265101 07

[** المتنبي **]

أخجلتني ,, وما أدري ماذا أقول لك ....... (( وفيت وكفيت ))

ربي يسلمك ويجزيك خير ,,

محبك / المتنبي

[7azem]

فيه إضافة بسيطة ....!!


فيه منطقة اسمها ((المحتطبة))...



اللي أعرف انها تمتلي مويه تشوف مسابح حولكـ >>>بالعربي إذا بغيت تسبح رح لها



وتصلح للشباب >>إذا تبي أماكن دقها كعّابي ...


وبالتوفيق


تروح وترجع بالسلامة

[** المتنبي **]

يـــــــا سلام

اللي عند إضافات نحن نرحب بها

[** المتنبي **]

يا رفاقي ,,,,,
أين أجد سكن رخيص في أبها ....... لأنا إحنا طلاب منتفين

[عصير مانجو]

ما انصح بالرخيص

لاني احس انك بتدفع فلوس على الفاضي ولو دفعتها بشي يستاهل ازين

[** المتنبي **]

طيب واللي ما عنده فلوس ...........

الرخيص أحسن من الخيام والغربلة ............... ما تلقى دورات وماء ؟؟

[الذيب الأزرق]

منتجع الجعيثن فيه شقه تتكون من غرفة نوم + غرفة جلوس +حمام "اكرمك الله"+مطبخ بـ 350 وهذا رقمهم 2344440 07

[OFF]

أبها .. رحنا لمها العام !
كنت بصراحة متخيلتها قمة في الروعة .. من ناحية الطبيعة وهيك !
لكن بصراحة تفاجأت بقوة .. عادية والله
أما الجو بصراحة روعه !

أحلى مافيها .. منتزة السحاب
تشوف طبيعة وأجبال روعه .. لكن محجر عليها
حنا نطينا من ورا الشبك .. !

الحبلة وما أدراك ما الحبلة .. ما أعجبتنا أبداً !
خسارة المشوار لها ,


برأيي ماتتعدون السودة !

[معتزة]

فيه منتجع توه جديد راائع بكل المقاييس بس غويلي نوعـا ما, إسمه "منتجع الخميس" وموقعه على بعد 3 كلم من طريق أبها _خميس مشيط,خلف البسامي للنقليات
.
طبعا هو عبارة عن فلل مزودة بكااافة الخدماات ,أيضا نفس المنتجع فيه كل المرافق من مطعم ومقهى ونادي صحي وملاعب..

أسعاره:

(من يوم إلى أسبوع ) === 1000 ريال في الليلة لكل فلة.
- (من 8 إلى 30 يوم ) === 900 ريال في الليلة لكل فلة.
- (فوق 30 يوم ) === 750 ريال في الليلة لكل فلة.

رقم تلفونهم:072233961

***

في شي لازم تحطه ببالكـ أخوي ,أبـها ليست بذات الطبيعة الباهرة والخضرة الممتدة والغابات ولكن مايميزهـا هو جوها الـرائع وجبالها الشاهقة

[** المتنبي **]

أحبابي ما فيه أبو 100 و 200

350 وبعد تقولوا ما هي بذات الطبيعة ,,,

إيه اللي تشوروا به علي ؟؟ أي منطقة أروح لها *** أبغى أمطار وخضرة تنعش النفس وبس ***

أشكر الجميع على نصايحهم