... مقلب في رسالة !! فيه بعض من أكل المقلب من شباب الديوانية طط ...

[المعتز بدينه] · 18-07-2008, 05:13 PM

.. بسم الله الرحمن الرحيم ..

.. السلام عليكم ورحمة الباري وبركاته ..

..

.. <<< ماني فاضي أكتب مقدمة لعل الشيخ سيكو يكفي

الوقت الأن الساعة 3:5 صباحا

يدق جوالك بنغمة الرسايل تيت تيت تيتت تيت تيت تيتت <<< لحد يدقق

فتحت جوالك من هذا الي يرسل بهذا الوقت ويقطع علي قيام الليل

أكيد فيه شيء مهم

خلنا نفتح الرسالة ونشوف

طق طق <<< قاعد يفتح الرسالة

بل

إيييييش

أممممتع <<< يبلع ريقه

وش مسوي له أنا هذا إبن الذينا

أوووووووووه

<<< كل هذا وهو يقرأ الرسالة

بتسألون وش كان بالرسالة

أكيد طبعا

<<< لا ياشيخ

<<< إشرايكم بـالله بالأسلوب حسيت أني حسيت أني دان براون صاحب رواية شفرة دفنشي

كانت الرسالة كالتالي : -

أدري الوقت ماهو وقت رساله بس أعذرني فيه سؤال محيرني

وشاغل تفكيري من أكثر من أسبوع وما خلاني أنام زين !!

بغيت أسألك وجاوبني بصراحة بدون مجاملة ولولا ثقتي فيك ما سألتك :

الطياره فيه بوري ؟!!

طبعا هذا كان نص الرسالة

أرسلتها لمجموعه من الشباب منهم بعض شباب الطلائع و المعالي

نبداء بسلسة الردود

طبعا أنا كنت بأخذ غفوة قبل أذان الفجر من باب تطبيق السنة و تكون [ إستراحة محارب ]

إلى جاني إتصال من واحد من الشباب

حرااااااااام عليك أقسم بـالله أخذت عقلي

منت صاحي قسم بـالله

وهو يكلمني أشوف أرقام بعض الشباب على الإنتظار قلت بعدين أكلمك ياصديق

جاء الي بعده

الله يقلع شرك يإبن الذينا طيرت النوم من عيني

الي بعده

والله شفت رسالتك وأنا بين النوم و الصحوة <<< إسمع بس

والله طار النوم من عيني بس جازاك الله خير خلنا نلحق الفجر <<< ياحبي لك يأبو خالد

حتى مسكين مايعرف يزعل

وجتني الرسائل كالأتي :-

:: 1 ::

فيها بوري ونص يإبن الذينا

<<< مسكين قفلت معه

:: 2 ::

ما أدري بس كان فيه طياره مرة من فوق بيتنا وسقطت عليها طياره وسمعت السواق يدق بوري

وطلع راسه من الدريشه وقام ينفخ على سواق الطياره الي قدامه <<< هذا وهو يسمع بس

:: 3 ::

من ملحط

شايفني بنشري ... ذذ

:: 4 ::

من أسد الحرب

الطيارات القديمة مافيها لكن الجديده فيها . بس ما أدري فيها فلشر ولا لا ؟ <<< يرحم لي أمك لا يكثر بس

:: 5 ::

أكيد فيها بوري للطيار وبوري للمساعد <<<

:: 6 ::

من بريد القلوب

أنت وش تتوقع ؟! <<< يعني على الثقل بس

:: 7 ::

من أبو أنسه

أنت تحسب الطيارة فيها بوري !!

لا مافيها بس القطار فيه <<< يرحم لي أمك لعد تنكت أبد

:: 8 ::

من ياسين المنسم

لا مافيها ,,, بس يكبس للي قدامه وهو بيوخر <<<

:: 9 ::

[ براد + جو عليل + وناسه + سناعيس ] = حائل

أوووه بالغلط هذي بترايب الصندوق الوارد

:: 10 ::

فيه روايه تقول فيه لا وفيه روايه تقول إيه بس صعب علشانه قوي <<< أحد فهم شيء طط

:: 11 ::

شف طيارتك يبو لا تزعجنا

طبعا فيه بعض الرسايل محجوبه

وبعضهم أرسلوا كول مي

وجاني واحد من الشباب يقول وأنا أشوفك من كم يوم تجلس لوحدك تفكر شكلك تفكر ببوري الطياره

لو وجهت لك هذي الرسالة وش بيكون جوابك ؟!!

وننتظر تعليقاتكم الموقرة

أنتظركم ...

وترى أي شيء في الرسايل لا يعبر بالضرورة عني إنما يعبر عن كاتبه

عدنان الفاضل · 18-07-2008, 05:28 PM

همن ..
صار فيه بوري , والا لا ..؟!

مالك@ · 18-07-2008, 05:29 PM

تخيل تجي الرسالة ليل هادئ بنص الليل وشي يكون شعوره<<<<إلعب بعيد وإبعد عن مناكشة المشرفين أحسنلك:seko:

مشكور

ô¤ سـمـو الأحـاسـيـسـ ¤ô · 18-07-2008, 05:40 PM

أنا أتوقع ما فيها بوري لا صار شيء معاه صفيرة يصفر

أنا مرة قد حديت لي واحد ونزلته من الطيارة , وركبتهاودعست بها ,, ثم حدني راعي طيارة غمارةوأبي أخرشه بالبوري ولا حصلته

مدري يمكن فاصلينه لأن البوري حقها أكيد بيكون قوي مرة

وأكيد إن الدرويات حقت الطيارات فاصله لهم

ومن ناحية ردة الفعل راح تجيك رسالة بس ما يصلح كتبها هناأكتب لك وش بيكون بعض محتواها
والله إن نفسيتك تعبانة ,, هالحين تزعجنا تالي الليل علشان شيء مالك فايدة منه

لكن ما أقول إلا ( الله لا يبلانا )

هذي الرسالة بتكون مقدمة وإذا صحيت دقيت عليك وتفاهمت معاك وعلمتك فيه بوري وإلا لأ

<< سالفتي طويلة مرة

عبدالعزيز القرني · 18-07-2008, 05:40 PM

هههههههههههههه

مهبول ياخي أنت ..

يمكن لو جتني يمكن مدري وش يصير >> عيت تجي

شكراً على الموضوع الكويس حقيقة

مِسَـواك · 18-07-2008, 05:46 PM

اقوله رح قدام الطياره وقل لراعي الطيارة ورن اقوى صوت عندك

عدنان الفاضل · 18-07-2008, 05:56 PM

أنا اعتقد والله العالم ,
أنه يفرق من طيارة الى طيارة ..!

يعني اللي دركسونه زيت ,
ما به بوري ,
لأنه يبي يثقل على الطيار , ولا يقدر يلف زين ..!

أما اللي دركسونه هواء ,
لا به بوري ..
حتى شفه زرار صغير , جمب مثبت السرعة ..

صح مكانه غلط , لكن الشكوى لله ..