|| الطيران التركي ~

[درة الأقصى]

السلام عليكم ورحمة الله وبركاته


.
.


صباحكم / مساؤكم استعداد للسفر ~



حبيت أستفسر عن الطيران التركي ..

لأني سمعت إنه كشره .. ومب لهناك ..

- في حد جربه .. ؟


- وكيف جودته .. ؟ ومستوى الخدمة عندهم .. ؟

- عندهم تلفزيون على كل كرسي ولا ؟ ولا لكل3 كراسي شاشه وحده .. ؟


- وماهو تقييمكم له ..؟


الله يعيين .. 4 ساعات على متن الطائرة ..


>> أول مرة أسافر ع خطوط طيران غير الإمارات .. المشكله ماشي حجز ..
باستثناء العام .. الطيران السوري بس ذهاب والسعودي ذهاب واياب ..



بانتظاركم يا أفاضل ~

[أبو العز الاندونيسي]

وعليكم السلام ورحمة الله

- عندهم تلفزيون على كل كرسي ولا ؟ ولا لكل3 كراسي شاشه وحده .. ؟

هي تعتمد على حسب نوع الطائرة وموديلها



و 4 ساعات أرحم من اللي 9 ساعات



زي أنا ان شاء الله بعد كذا شهر مسافر على الخطوط القطرية A330 على ما أظن أن فيها شاشة مع كل مقعد

[الدبلوماسية]

مالي شغل خوذين معكم لتركيا <<



اللي أعرف عن الطائرات التركية
مره سافرت فيها (عودة ) فقط
لأن خطوطنا الرائعة مستأجرة منهم كم طيارة
أنواع الخياس صراحة


صوت الطائرة عالي ومزعج

وكل الطيارة درجة وحدة والكراسي ضيقة و ورى بعض وكتمه << أنواع الحشرة

والمضيفات نفسياتهم رائعة جداً

- عندهم تلفزيون على كل كرسي ولا ؟ ولا لكل3 كراسي شاشه وحده .. ؟

ياحليلك
مافي ولا تلفزيون أظن

- وماهو تقييمكم له ..؟

3 من 10

الثلاث نقاط اللي أعطيتهم بسبب السندوتشات بوجبة العشا كانت لذيذة


يازين طيران الإتحاد وبس



رحلة سعيدة بإذن الله

[درة الأقصى]

المشاركة الأصلية كتبت بواسطة أبو العز الاندونيسي وعليكم السلام ورحمة الله هي تعتمد على حسب نوع الطائرة وموديلها و 4 ساعات أرحم من اللي 9 ساعات زي أنا ان شاء الله بعد كذا شهر مسافر على الخطوط القطرية A330 على ما أظن أن فيها شاشة مع كل مقعد

ماعرف شو نوع الطائرة وموديلها .. :/

الله يعينكم ..

الواحد ما يتغنى عن الترفيه خلال الرحلة بالطائرة ..

العام بالصيف في رحلتي للسعودية .. كان نصيبنا في الروحه الطيارات الصغيرة ..

وتعبنا من مشاهده الشاشة اللي فوق .. وما تبين أصلاً لأنها أمامي بـ 3 كراسي ..

والبرنامج اللي كانوا محطينه ممل ..

الله يعيننا صراحه ..


شكراً لمرورك ..
حفظك الله في حلك وترحالك يا فاضل ~

[مهند]

.. , ..


أخوي الكبير راح السنة الماضية لتركيا ع التركية ..
يسبها .. يقول طيراتهم سيئة ..

من الامارات فيه أكثر من خطوط حلوة ..
الإتحاد بالمقام الأول .. بس ما أذكر تروح اسطنبول أو لا ..
الاماراتية حلوة برضو ..

ممكن القطرية .. مدحوها ..
طبعاً بيكون ترانزيت ع الدوحة ..

لكن لو ما حجزتوا للحين أقترح تشوفون الإتحاد .. أو القطرية ..
الإماراتية غالب رحلاتها مليانة من شهر May تقريباً ..

موفقين ،


.. , ..

[درة الأقصى]

مالي شغل خوذين معكم لتركيا <<

دام الطيران مب لهناك ..
بتروحين بدالي ما بقوول لأ ..

اللي أعرف عن الطائرات التركية مره سافرت فيها (عودة ) فقط لأن خطوطنا الرائعة مستأجرة منهم كم طيارة أنواع الخياس صراحة

متى ؟؟ قرييب ولا من كم سنه ؟

صوت الطائرة عالي ومزعج

صح .. أنا ها اللي سمعته ..

وكل الطيارة درجة وحدة والكراسي ضيقة و ورى بعض وكتمه << أنواع الحشرة والمضيفات نفسياتهم رائعة جداً

:S

ياحليلك مافي ولا تلفزيون أظن

مافيه بعد .. !!!
شو بسوي 4 ساعات .. !!
أحلى شي بالطياره التلفزيون .. خاصة قنوات أفلام الكرتون ..
يحطون أفلام كرتون يدييده

3 من 10 الثلاث نقاط اللي أعطيتهم بسبب السندوتشات بوجبة العشا كانت لذيذة

الله يعييين .. !!
لاتخليني أهون عن السفره ..
يااااارب يطلع عندي امتحان نهائي في يوم السفر .. عسب يحجزون لي ع الطيران الاماراتي متأخر
وجبة عشااا .. إحنا راح تكون إفطار .. : )

لو صج الخدمة تعبااانه ورايحه فيها .. شكلنا بالرده راح نحول ع طيران ثاني

يازين طيران الإتحاد وبس

قلت لبابا .. بس مستبعدين المسافة لمطار بوظبي ..



شكراً عزيزتي ع الرد .. يعطيج العافية ~

[!. الشَّهدْ .!]

لهذي الدرجة مآتطمن الطيآرهـ !!
الخطوط السعودية و [ فل ] مآلقينآ غير التركية ..
يلآ إن شآء الله تطلع حلوهـ ..

درة :/
ألحقوآ نفسكم في الحجز لو مآحجزتوآ ..
إحنآ الحجز لقينآهـ بآلقوهـ ..

والأربعة سآعآت نآمي فيهآ <<
ولآ خذي لعبة معآكي وألعبي <<

[شموعة]

الله يعييينا بالسفرة ,,

صج احلى شي قنوات الكرتوون الي نشوفها ،،

والله بقعد 4 ساعات ملانين ,,

الواحد ما يرتااح يوم يرقد هونيك

عن نفسي ما احب ارقد وانا جالسه ,,

الله يعيينا ,,

[strawberry]

"


سيئة جداً جداً جداً ..

جربتها لساعة ونصف كأنها خمس ساعات..!
الكراسي غير مريحة وضيقة ولا فيها شاشات ولا شي
الخدمة بعد مو ذاك الزود ..

تقييمي
2 من 10
لانهم حطوني عند الدريشة وهو مو مكاني




الله يعينكم .. وتوصلون بالسلامة إن شاء الله





"

[درة الأقصى]

المشاركة الأصلية كتبت بواسطة !. الشَّهدْ .! لهذي الدرجة مآتطمن الطيآرهـ !! الخطوط السعودية و [ فل ] مآلقينآ غير التركية .. يلآ إن شآء الله تطلع حلوهـ .. درة :/ ألحقوآ نفسكم في الحجز لو مآحجزتوآ .. إحنآ الحجز لقينآهـ بآلقوهـ .. والأربعة سآعآت نآمي فيهآ << ولآ خذي لعبة معآكي وألعبي <<

مالقينا ع طيران الامارات .. ومانقدر نأخر سفرنا ..

دواماتنا مبجر ع الكورس الياي .. :/


ماحب أنام في الطيارة ..

صج صج .. الله يعيننا ..

[درة الأقصى]

أخوي الكبير راح السنة الماضية لتركيا ع التركية .. يسبها .. يقول طيراتهم سيئة ..

شكلنا راح نسبها بعد ..
وشكلي راح أستغل الاربع ساعات في كتابة رسالة شكوى .. وبعطيها لهم قبل لا أنزل

من الامارات فيه أكثر من خطوط حلوة .. الإتحاد بالمقام الأول .. بس ما أذكر تروح اسطنبول أو لا .. الاماراتية حلوة برضو ..

الاتحاد روووعه .. لكن نستبعد الطريق من أبوظبي للشارقة ..
رغم توفيرهم للمواصلات .. لكن صعبه 4 ساعات أخرى في الطريق .. :/

الاماراتية .. فل .. ولاكان ماترددنا في الحجز فيها ..
والقطرية نفس الشي .. ربيعتي وأهلها راح يسافرون عليها ..

رغم إنه الكل حاجز قبل قبلييين .. بعد فل ..

لكن لو ما حجزتوا للحين أقترح تشوفون الإتحاد .. أو القطرية .. الإماراتية غالب رحلاتها مليانة من شهر May تقريباً ..

للأسف .. تم الحجز مسبقاً.. من أكثر من شهر ..

موفقين ،

شكراً جزيلاً ..
وفقنا الله وإياكم ..

[سهم الزمن]

مالى ثغل تاخذونه وأنا لا ليث كيذا مايثلح تاخذونا كلنا بث
حنا وياكم تكفون ولا خلاث مابي الوح معكم
ماما تقول لالالالالالالا مافيه لوحه خوذه
هي لحاله بث دلة الاقثى

[درة الأقصى]

المشاركة الأصلية كتبت بواسطة شموعة الله يعييينا بالسفرة ,, صج احلى شي قنوات الكرتوون الي نشوفها ،، والله بقعد 4 ساعات ملانين ,, الواحد ما يرتااح يوم يرقد هونيك عن نفسي ما احب ارقد وانا جالسه ,, الله يعيينا ,,

الله يعيين

راح نتصرف بتمشية الوقت ..

شكراً ماي سستر ع المرور ..

: )

[رحــّـال]

بالتوفيق.. درة الأقصى..

زوايانا بانتظار عدستك الرائعة للتصوير في السفر.. الأماكن هناك خلابة الطبيعية.. فأتحفنا..

حفظكم الله بالنسبة للطيران لا أعرفه والإخوان كفووفو

[كبرياء دمعة]

المشاركة الأصلية كتبت بواسطة !. الشَّهدْ .! لهذي الدرجة مآتطمن الطيآرهـ !! الخطوط السعودية و [ فل ] مآلقينآ غير التركية .. يلآ إن شآء الله تطلع حلوهـ .. درة :/ ألحقوآ نفسكم في الحجز لو مآحجزتوآ .. إحنآ الحجز لقينآهـ بآلقوهـ .. والأربعة سآعآت نآمي فيهآ << ولآ خذي لعبة معآكي وألعبي <<

كيف تروحون بدوني
والله مره الرحلة بتكوون طفش مو شئ

درة ،
الله يسهل عليكم انتبهي للشهد !
مالي دآعي

[Z.A.M]

والله ممتازة ،،

** ** **

وروووعة لكن لاتنسوووووووني خذوووني معكم ،،

[درة الأقصى]

المشاركة الأصلية كتبت بواسطة strawberry " سيئة جداً جداً جداً .. جربتها لساعة ونصف كأنها خمس ساعات..! الكراسي غير مريحة وضيقة ولا فيها شاشات ولا شي الخدمة بعد مو ذاك الزود .. تقييمي 2 من 10 لانهم حطوني عند الدريشة وهو مو مكاني الله يعينكم .. وتوصلون بالسلامة إن شاء الله "

شكلي برسل نسخه من لاموضوع لبابا

انتي ساعه ونص ما طقتيها .. عيل إحنا كيف راح نستحمل الـ 4 ساعات

بالعكس .. إحنا نتضارب على الدريشة ..

نبدل مع أي حد في سبيل إنه نقعد عند الدريشة ..

والحمدلله غالباً تذكرتي تكون في هالمكان ..

الله يسلمج .. سعدتُ بمروركِ ..

[درة الأقصى]

المشاركة الأصلية كتبت بواسطة سهم الزمن مالى ثغل تاخذونه وأنا لا ليث كيذا مايثلح تاخذونا كلنا بث حنا وياكم تكفون ولا خلاث مابي الوح معكم ماما تقول لالالالالالالا مافيه لوحه خوذه هي لحاله بث دلة الاقثى

ههههه

إييه .. لازم تسمعين كلام الماما ..

حياج الله يا حلوة : )

[درة الأقصى]

المشاركة الأصلية كتبت بواسطة رحــّـال بالتوفيق.. درة الأقصى.. زوايانا بانتظار عدستك الرائعة للتصوير في السفر.. الأماكن هناك خلابة الطبيعية.. فأتحفنا.. حفظكم الله بالنسبة للطيران لا أعرفه والإخوان كفووفو

الله يوفق الجميع ..

للأسف .. زوايانا ماراح يرافقنا في الرحله

عنده التزامات الدوام ..

أنا راح أصور بداله

[strawberry]

"


درة تقييمي لهم صفر من 10
لأنهم نقلوني للدريشة عطيتهم +2



ننتظر تقريرك عن تركيــا..
ستكون رحلة مُمتعة بإذن الله






"