أهل المنطقه الشرقيه او من لديه الخبره توجيهاتكم ونصائحكم ..

[صديق الكل]

السلام عليكم ورحمة الله وبركاته ..


يالله حيهم كلن بإسمه


قررت السفر أنا والعايله الكريمة إلى المنطقه الشرقيه .. الدمام على الخبر......


وعندي طلب إن شاء الله بسيط لأهل المنطقه أو من لديه الخبره بالمنطقه ..


ـ أماكن تصلح لجلوس العوايل ..
ـ أفضل السكن مع السعر المعقول ..
ـ جديد المنطقه ..
ـ مكان إلم تزره لم تذهب لشرقيه ..
ـ أفضل المطاعم طبعاً غير الأكلات البحريه لأني لم أرزق بحب هذه الأكلات ..
ـ أفضل الأسواق للعوايل ..
ـ إن حصل خرائط للمنطقه فحسن على حسن أو إحداثيات . .


منطقة الثقبه هل تناسب لسكن العائلي مع إني أذكر أنها للعزاب فهل تغيرت .. ؟



وفقكم ربي ..


بإنتظاكم ..!

[وجه طفولي]

ـ أماكن تصلح لجلوس العوايل .. الحمد لله اغلب الاماكن عندنا للعوايل مثل كورنيش الخبر ( مع ان الجو الحين ما يساعد ) والاسواق الكثيـــــــــــــــــره جدا
الخبر : مثل الراشد و الظهران مول و فينيسيا مول و السويكت و فؤاد سنتر (بس الحين اخترب )
و الدمام : مارينا مول و الشاطئ مول و سوق الدمام ( سوق الحب)
(بنات لازم فرة السوقه)


ـ أفضل السكن مع السعر المعقول .. السكن متوفر بكثره ايضا و لله الحمد انت ما عليك بس تعال حي الشاطي و بتلقى انواع السكن وانت تنقى اللي يعجبك


ـ جديد المنطقه .. بالنسبه للدمام عندك الكورنيش حقه جديد بس الله يعينك عالحر و المجمعات كل مالها تتوسع مثل الظهران و الراشد ( هم الافخم و الاكبر ) بالخبر
و ايضا بالخبر على نفس شارع الكورنيش بتلقى انواع المطاعم و الاسواق الصغيره و الفخمه


ـ مكان إلم تزره لم تذهب لشرقيه ..
زي ما قلت لك المجمعات
[SIZE="3""]

ـ أفضل المطاعم طبعاً غير الأكلات البحريه لأني لم أرزق بحب هذه الأكلات ..
ـ أفضل الأسواق للعوايل ..
زي ما افدت سابقا , مادري انت من النوع اللي يحب يجرب المطاعم الجديده



ـ إن حصل خرائط للمنطقه فحسن على حسن أو إحداثيات . .


منطقة الثقبه هل تناسب لسكن العائلي مع إني أذكر أنها للعزاب فهل تغيرت .. ؟
انشالله هذي الاخوان ممكن يفيدونك




وانشالله اكون فدتك و ما طولت عليك

[الهياج]

حياك الله في الشرقية ,,

بالنسبة للسكن ,, كم عدد أفراد العائلة // بكذا أقدر أحدد لك السكن الممتاز ,,

بالنسبة للمطاعم ,, كثير جدا منها فلفلة في الشارع الاول - فن تايم أو ليالينا ((((( تخلي الواجهة البحرية على يسارك وتبتل وتمشي بيجي على يسارك في منعطف .. هذا طريق وفيه طريق ثاني تخلي برج الشريتون على يمينك والشاطئ مول على يسارك إلى الأشارة ويصير قدامك البحر ياتروح يمين أو شمال ,, على طول روح شمال وامش مسافة راح يجي المطعم الفان تايم أو ليالينا على يميك مباشرة .. ))))))--- وغيره كثير طبعا الفان تايم المطعم عالبحر ...

لا تفوت القرية الشعبية إن كانك ما جيتها من قبل وفيها مطعم جيد ..

قرية الدلفين بعد جيده ..

مخيم قافلة الخير لا يفوووووووووتك بس رجال مهب عوايل

وبالنسبة للخبر لا تفوت (سايتك ) خطيييييييييير والله


خريطة المنطقة الشرقية ممكن تفيدك
http://www.athagafy.com/maps/Fig-06.jpg



ووجه طفولي ما قصر ربي يحفظه ..

وإن ذكرت شي راح اخبرك

تحياتي بو فهد

[عبد الله الجرّاح]

موضوع راح يفيدك ~

http://forum.ma3ali.net/t326174.html

[* دُرَة *]

المشاركة الأصلية كتبت بواسطة الهياج حياك الله في الشرقية ,, بالنسبة للسكن ,, كم عدد أفراد العائلة // بكذا أقدر أحدد لك السكن الممتاز ,, بالنسبة للمطاعم ,, كثير جدا منها فلفلة في الشارع الاول - فن تايم أو ليالينا ((((( تخلي الواجهة البحرية على يسارك وتبتل وتمشي بيجي على يسارك في منعطف .. هذا طريق وفيه طريق ثاني تخلي برج الشريتون على يمينك والشاطئ مول على يسارك إلى الأشارة ويصير قدامك البحر ياتروح يمين أو شمال ,, على طول روح شمال وامش مسافة راح يجي المطعم الفان تايم أو ليالينا على يميك مباشرة .. ))))))--- وغيره كثير طبعا الفان تايم المطعم عالبحر ... لا تفوت القرية الشعبية إن كانك ما جيتها من قبل وفيها مطعم جيد .. قرية الدلفين بعد جيده .. مخيم قافلة الخير لا يفوووووووووتك بس رجال مهب عوايل وبالنسبة للخبر لا تفوت (سايتك ) خطيييييييييير والله خريطة المنطقة الشرقية ممكن تفيدك http://www.athagafy.com/maps/Fig-06.jpg ووجه طفولي ما قصر ربي يحفظه .. وإن ذكرت شي راح اخبرك تحياتي بو فهد

قرأت الموضوع وكانت لي نيه أكتب عن ليالينا والقريه الشعبيه لكن الاخ الهياج ماقصرجزاهـ الله خير


عندكم ايضا لوتسأجرون قارب مدري مركب المهم انو حلو تأخذون جوله في وسط البحر لمدة نصف ساعه
اوعلى حسب أستأجاركم

المشاركة الأصلية كتبت بواسطة صديق الكل منطقة الثقبه هل تناسب لسكن العائلي مع إني أذكر أنها للعزاب فهل تغيرت .. ؟

ماأظن ان فيه لكن بشكل عام كونكم جايين لدمام والخبر سياحه لاتفكروون الله يهديكم بالثقبه


وبالنسبه لسكن بالخبر ( العقربيه) عندكم سما والسعوديه بلازا ورحاب سويتس << كلها حول بعض بالخبر
وبرضو في أكثر من مكان لشقق المفروشه حولهم


للاسواق نفس ماذكرت الاخت وجه طفولي لكن أن اردتم مكان تسوق هادي عندكم فينيسا مول لكن الماركات اللي فيه
قليله جدا مقارنه بالظهران والراشد


والرابط الذي وضعه الاخ عبد الله جزاهـ الله خير راح يفيدك بإذن الله






حياكم الله ولي عودة بإذن الله

[[ ماضي ]]

؛

ـ أماكن تصلح لجلوس العوايل ..

أماكن كثيرة .. انا مافهمتك ! أماكن للترفيه ولا الراحه ..

اذا عالترفيه .. فيه عندك القلعه .. ! :P .. اممممممممم بعد منتزه الملك فهد .. ، وغيرها لا أذكرها ..

ـ أفضل السكن مع السعر المعقول ..

والله شوف .. اذا تبي سكن تمام التمام .. انصحك تروح حول الدمّام .. لأنه هنا بالخبر نار .. ! يعني مشي حالك بالدمام ..

ـ جديد المنطقه ..

كل شي جديد .. بس انت تعال وحياك

ـ مكان إلم تزره لم تذهب لشرقيه ..

بحكم اني بالشرقية انصحك انك تروح سايتك .. ومعرض أرامكو .. !

ـ أفضل المطاعم طبعاً غير الأكلات البحريه لأني لم أرزق بحب هذه الأكلات ..

مطعم ماضينا .. فيه عوايل .. ! ، بس انا انصحك تجرب مطعم البانوش ( أكلات بحرية ) ! انت جرب ولا تخاف .. !

صدّقني بتحب شي اسمه اكلات بحرية من بعد هالمطعم ذا .. انت جازف وماعليك ..

ـ أفضل الأسواق للعوايل ..

امممم .. ممكن جيان .. ! فينيسا مول ---> توه جديد .. !

منطقة الثقبه هل تناسب لسكن العائلي مع إني أذكر أنها للعزاب فهل تغيرت .. ؟

اخس مافي الشرقية الثقبة .. .. انصحك انك تشيلها من راسك .. ! بس فيه حي والله تمام التمام .. هو الحي الوحيد اللي بالثقبة عجبني .. حي البايونية .. !

رحلة سعيدة عزيزي ..!

[[ لَيتَنِي طِفْلَه ! ]]

أفضل الأسواق للعوايل ..

في مجمــع الظهــران والراشــد

أشيااء مرره حلوه فيه مطاعم وفيه كوفي شوب وفيه ألعاب للأطفــال يعني كللل شي ...
الخبر بــلازا أيضــا ً

منطقة الثقبه هل تناسب لسكن العائلي مع إني أذكر أنها للعزاب فهل تغيرت .. ؟

لا تفكـر في شي إسمه ثقبــه مكــان لزيادة الهم والغم بالأصــح ،،وليس للسياحه ...

[أم البنات]

الله يجزاك خير كفيتوا ووفيتوا


نبي اماكن سياحية في الأحساء

وشقق مفروشة عوايل

ممكن ؟


وياليت بسرعة !!!


بوركتم ..~

[[ ماضي ]]

؛

ام البنات جبل قارة بالأحساء .. !

والإستراحات غير شكل ..

بالنسبة للشقق المفروشة أول ماتدخلون الأحساء تحصلونها .. !

هذا اللي اعرفه

والسلام ..

[ثمة ثرثرة..!]

حياك الله أم البنات في الأحساء ..

امممم

أماكن سياحية ؟

عندك جبل قارة .. ممتاز ( طبعًا الجبل معروف ببرودته في الصيف .. )

والآن تقام فعاليات بوراق الخير ( نسائية ورجالية )

والشقق المفروشة إن شاء الله لي عودة ..

[ثمة ثرثرة..!]

أم البنات ..

إذا تبغين فنادق ..

عندك ( الأحساء انتر كونتيننتال )

هاتف : 5840000--03


والشقق المفروشة كثيرة ..

أفضلها اللي على خط قطر .. عند إدارة التربية والتعليم ( بنين )

عندك مثلا ( واحة الخليج )

هاتف / 5889111-03

غرفة وصالة 200 ، غرفتين ( وسط ) وصالة 250 ، غرفتين ( كبار ) وصالة 300 >> خدمة انترنت واير لس



( الأحساء بلازا )

هاتف / 5885555-03

غرفتين وصالة 250



ملاحظة : الأسعار للأسبوع هذا واحتمال ترتفع الأسبوع الجاي عشان الصيف !

[الهياج]

لا تنسون مطعم كشندني ما ادري ايه نسيت اسمه والله مطعم هندي على كيف كيفك بالقرب من دوار الصدفة بالدمام او بالقرب من مطعم دارين

تحياتي

[ثمة ثرثرة..!]

8
8
8
مطعم كوبر شندني

[مِخْمليّـة ‘]

السلام عليكم ورحمة الله وبركاته ..


وعليكم السلام ورحمة الله وبركاته




ـ أماكن تصلح لجلوس العوايل ..

البحر أو ممكن تأخذون شاليه أ والواجهة البحرية تراها تشبه الكورنيش بس أكثر زحمة !
والقرية الشعبية فيها متحف وبعدين غرف تأكلون فيها ! > نسيت أسماء بعض الأماكن إن ذكرتها رجعت :/


ـ مكان إلم تزره لم تذهب لشرقيه ..
فيه سايتك وفيه بحر رأس تنورة قبل مدة رحنا له هادي ونظيف ماأدري إذا للحين نفس النظافة ولّاتغير ! بسأل لكم عن أماكن ثانية ويمكن أرجع !



ـ أفضل المطاعم طبعاً غير الأكلات البحريه لأني لم أرزق بحب هذه الأكلات ..
كوبر شندني / شيزان / تشيلز /ابل بيز /التنور الصيني/جاوان /مغل


ـ أفضل الأسواق للعوايل ..
الدمام / الشاطئ مول ومارينا مول وابن خلدون
الخبر / الراشد , فينيسا, مجمع الظهران

[رفيده]

في الاحســــــــــــــــــــــــــــــــــا ء
الاشياء الجديده
العثيم مول
وكذلك تم تجديد العقير(البحر)
وكذلك مطعم اموري

[::معالي::]

حياك الله في الشرقيه
الدمام كل شي فيها حلو والجماعه كفوا ووفوا..
لاتنسى تمر الجبيل بينها وبين الدمام 80 كيلو وتستاهل الزياره والحين بمناسبه الاجازه فيها فعاليات حلوه بس بدون نوم واذا تبي نوم عندك افندق الانتر..
اما الاحساء فيها العثيم مول توه جديد ..ومهرجان حسانا فله ..وفيها استراحه المها رايقه ..ومنتجع العز يجنن

[أم البنات]

ماضي

ثمة ثرثرة

رفيدة

شكرا

جزاكم الله خير ماقصرتوا والله

الحمدلله رجعنا وللاسف ماشفت ردودكم

سبحان الله لقيت أخوي الله يطول بعمره حاجز لنا شقة في الاحساء بلازا بالصدفة وطلعت بـ300ريال

غرفتين وصالة بس مرة ضيقة ولكن نظيفة وحلوة وفيها نت

وكان وقتنا مرة ضيق ولا رحنا مكان فقط حضرنا المناسبة ورجعنا للرياض

بس الحساء حلو مرة

وتمنينا نجلس أكثر

المهم

ماقصرتوا



وحسانا فلـــــه



موفقين ..~

[!! ليـــدي !!]

::


الله يعطيكم العافيه اذا فيه مهرجانات اوشي زي كذا ياليت تكتبونه

مشكوريـــن


::

[najdyh]

إضافة إلى ما ذكر /

فيه شاليهات الخليج أو النادي البحري بالدمام

عموما الشرقيه مجال التمشيه فيها هو المجمعات والكورنيش أو الشاليهات بس ..

موفقين ؛

[عَبقْ الرُوح ~]

ـ مكان إلم تزره لم تذهب لشرقيه .. فيه سايتك

سايتك عباره عن ايش ؟

ووين يقع باالضبط ؟

.
.

جزاكم الله خيرا ..