الفزعة ياشباب .. مندوب اجتماعي في مركز صيفي لايريد ان يحرم من افكار الديوانية

[المنشد الفضائي]

الدعوة جد يا شباب
مانبي استهبال
انا مندوب اجتماعي في اسرة بمركز صيفي معروف في مدينة الرياض .. والمركز حكومي ومعروف جدا وامكاناته عادية يعني موب ضعيفة وموب مثل المراكز الأهلية المطخطخة..
ووالله ان اسرتي انشبوني الحين يبون مني اسوي برنامج واقدمه في اسرع وقت.
طبعا المركز الصيفي عدة اسر كل اسرة فيها مندوب ثقافي واجتماعي ورياضي .. المندوب الاجتماعي مثلا عليه يوم في الاسبوع ينفذ البرنامج الاجتماعي للمركز كلهم .. وانا المندوب الاجتماعي في احدى الاسر .
شغل الاجتماعي طبعا هو تقديم المشروبات والاكلات مثلا للطلاب .. عمل استبانات اجتماعية اذا واحد عرف جاب فكرة كويسة .. وهكذا .. لكن ربعي في الاجتماعي ماعندهم افكار الا جب ترمس عصير ووزع شطيرة فطاير بس رغم انه يسمح لنا بتنفيذ اشياء كثيرة تدخل ضمن الاجتماعي لكن ماعندك أحد ..
احتري افكاركم الجهنمية ياشباب الديوانية

[المستشار الخاص]

أناطول عمري ثقافي والله المستعان




لكن ....

أحاول أدور أفكار وأجيك

[أبوالشباب]

ღ ღ ღ ღ ღ ღ ღ ღ ღ

اجتماعي .. موب يعني مسؤول التغدية والأكل ؟؟








لك منّي ود و ورد وحبّة هيل ..: )

ღ ღ ღ ღ ღ ღ ღ ღ ღ

[سلطان بن محمد ..]

بعطيك فكرة حلوة


انك تحط كوشكات ويكون بوسطها اكل



بس ما يكون الشرى بالفلوس العادية يكون


بفلوس انتم حاطينها


ويشتري من الكشكات الموزعه على المركز

وعاد الفلوس هذي تكون جوائز من مسابقات و اسالة وانت وطريقتك


مجرد فكرة

[المنشد الفضائي]

فكرتك حلوة يا معصوب تمر وقاعدين ندرسها الحين .
طيب ماعندكم افكار ثانية تكفووووووووووووون

[ركـن]

,’

أخوي بنود التقيم تفرق بين مركز ومركز ..

لو تطرح بنود التقيم عندنا عشان نقدر نفيدك ..

[الفدائي]

الله يوفقك ..........لي عودة بإذن الله

[فخامة الرئيس]

بالفاروق ياشيخ ..؟

[::متفاءل::]

فيه يا اخوي عدة افكار منها

إنك تتطرح كل اسبوع وجبة معينة أو تخصص وقت من البرنامج لهذه الوجبة وتكون مثلاً شعبية

فا سبوع تجيب كليجا وأسبوع تجيب عريكة واسبوع تجيب مدري نسيت اسمه ا هي اكلة جيزانية على الفخار

أهم شئ في البرنامج قوة الاعلان وتحديد موعد ثابت لطرح البرنامج

[الفدائي]

فيه فكرة
انكم تحطون مسابقة أفضل طبق
فواحد يجيب مطازيز والثاني مرقوق والثالث جريش وعلى هالنحو
ويصير فيه تنافس بين الأسر من ناحية((النشاط الاجتماعي))
الشيء الثاني
حضور الاعضاء انفسهم يعتبر جزء من النشاط الاجتماعي
يعني
الاسرة اللي يكون فيها الغيابات قليل تكرم في النهاية
طبعاً بتستفيدون بهالناحية من قلة الغيابات



اتمنى اكون أفدتك