لبق لبق على جنب , عندك موقف؟ هذا موضوع المواقف, عطنا موقفك بسررررعه

[M_M_D_1]

بسم الله الرحمن الرحيم

ما أحب أطول عليكم, لكن عشان أنظم الوضع حبيت أحط موضوع خاص عن المواقف الي مرت عليك في حياتك (مواقف والله لوفقدت الذاكرة ماتنساها)



وعشان أرتب الموضوع أكثر أنا أقترح لو يكون الموضوع عن الموا قف المحرجة أو الحرجة أو الي هو وبس, ويكون الموقف حصل لك أنت شخصيا.



وعشان أرتب الموضوع أكثر وأكثر ياليت لو تكون الردود قليلة جدا والأغلب يكون للمواقف المحرجة .



وعشان أرتب الموضوع (4) - نظرا لكثرة كلمة (أكثر) في الموضوع تم اختصارها بأرقام بدل عددها - أي واحد بيحط موقف له, لازم يحط كلمة PARKING في أعلى الرد بحجم صفحة كاملة وبلون مميز عشان نعرف ان عنده موقف..



********************هذي قوانين الموضوع والي بيخالف
ترا بأدعي عليه 2300000 ألف دعوة, وبزاعله لمدة 1000 كيلو لتر***********************


وعشان أوضح الموضوع (532) - هذا الرقم تبع قاعدة كلمة (أكثر) المذكورة آنفا - تراني جايب لكم ثلاث مواقف صاروخية, بأبدأ من الأزين فالأزين يعني أول واحد زين والي بعده أزين منه والأخير أزين واحد.

وعلى بركة الله نبدأ:

[ركـام]

ياخي المكان زحمة !

ما لقيت لي موقف :/

[M_M_D_1]

PARKING PARKING PARKING


كنا في مستشفى الشميسي في قسم العناية المركزة , وكنا ننتظر موعد الدخول للعناية المركزة,

أذن العصر وحنا هناك , كان فيه مصلى صغير هناك,

المهم الناس تجمعوا عشان يصلون , تلفتوا يمين ويسار يدورون شيخ [SIZE="5"]يصلي فيهم, ثم يوم شافوني المظهر مظهر شيخ (لكن المخبر الله المستعان) قدموني أصلي ....!!!!

]تقدمت , ثم: استوو استقيمو..... الله أكبر ............. , وما ان كبرت حتى تذكرت اني أحدثت حدث قبل ما نجي هنا واني منب متوضي.....



وش أسووي أكمل الصلاة وأعيدها بعدين ولا أقدم واحد بدالي؟؟؟؟؟؟


المهم حصل تضارب فكري حاد, لكن في النهاية فاز جانب.... (نسأل الله الإخلاص) على جانب..... (الله يتوب علينا)


قدمت واحد بدالي ورحت أتوضا , وما ان بدأت في الوضوء حتى تذكرت أني أصلا توضيت عقب ما وصلنا هناو لكن (الله يخلف) نسيت اني توضيت...........


غسلت وجهي وأنا أقول : طوط طوط طوط عليك يا ابليس.

وسلامتكم وانتظروا القادم الأقوى القريب.

[M_M_D_1]

ما عليك أخوي المبدع جب لك ((جيب)) وارقى فوق الرصيف وبتلقالك مواقف مب موقف (خبرة مواقف الجامعة)

[M_M_D_1]

أنا بروح أنام الحين اذا قمت وما لقيت عدد صفحات الموضوع ثلاثين ترا ماهب أزيلكم,

وترا اليوم جمعه وأنتم عارفين ان دعوة المشايخ ماهي لعب, (وترا ماقدموني الناس في المستشفى عبث)

والسلام عليكم

[M_M_D_1]

ألووو ألوو ألوو ألوو ألووألوو ألوو ألوو ألوو ألوو ألوو ألوو ألوو ألوو ألوو ألوو

وش هالصدى, شكله مافيه الا أنا بالحالي هنا!!!!


وشرايك يا M_M_D نسولف أنا واياك بالحالنا؟


M_M_D : يا خي مالقيت الا أنا , دور لك أحد ثاني.

أنا : لا تكفى أنت أملي الوحيد الآن , الين واحد يدخل واحد من الأعضاء على موضوعي بالصدفة ويسولف معي,

M_M_D: طيب وش السالفة الي عندك؟. الله يعينا عليك.

أنا: تذكر سالفة النادي اللياقي .


M_M_D: ايه أنت وخويك ذاك الي ياكل شاورما صاروخ قبل ما يدخل النادي وبعد مايطلع صاروخ (والله ياهو يسمع بالتصبيرة).


أنا: ايه ايه , فيه مرة من المرات رحت للنادي بالحالي, ويوم طلعت كنت عطشان مرة وكنت مشتهي( ديو) لكن المدرب قالي لازم ماتشرب أي شي فيه سكر...

وما فيه حل الا (بيبسي ماكس), رحت أقرب بقالة, وقفت السيارة وناديت راعي البقالة وقلتله: يامدير جب واحد ببسي ماكس.

ويوم جاب البيبسي قلته شكرا ورفعت الدريشة ومشيت....


ما تلاحظون ان فيه شي ناقص!!!!؟؟؟



((((نسيت أدفع القروش))))) , لا والغريب ان الرجال ساكت!!!!


المهم يوم مشيت وطولت ,تذكرت اني ماعطيت الرجال فلوسه , ثم على طول قررت أرجع له , ومن حارة لحارة ومن داعوس لداعوس الين وصلت له,


يوم شافني على طول عرفني وجا عندي , ثم قلت له : آسف يامدير أنا في ينسى يدفع فلوس بعدين أنا في روح.... ,
لكن الحمد لله انه كان متفهم الموضوع وعلى طول سامحني.


المهم, طَّلعت البوك عشان أعطيه الريال حقه, لكن ويا للفاجعه البوك فاضي وما فيه ولا ريال................. !!!!!


بديت أدور وأقلب وجهي بين البوك وبين الرجال, لكن يوم شاف حالتي المزرية قالي: مافي مشكلة هذا ريال واحد بس, اذا يقدر يجيب بكرة كويس, اذا مافي يقدر خلاص. (أنا أشهد انك ذيب يا هالبنقالي).

ثم جيت له بكره وعطيت بدال الريال خمسة.

M_M_D : , هاه خلاص خلصت السالف . الحمد لله , يالله مع السلامة

[سلطان بن محمد ..]

يبن الحلال المواقف كثار اوي اوي اوي


لكن ما بالبال شي

اول ما يجي شي صدقني موضوعك مأل الوحيد لي


لكني تذكرت موقف امس صار لي

امس وانا بطريق خريص امس تسعطعش مليون الا يوم وصلت مخرج ثلاث طعش راحين جنوب

الا هاك المخرج الي اكرة من يوم وانا صغير اذا بغينا نروح لخوالي بالشفاء اكرة وادوخ اذا لفيت منة خصوصا اذا مسكت الحانب الايمن

المهم امس كنت مسرع نوعا ما بس تعرف معي اكس فايف والتوازن حلو والكفر الي يمين ياصرخ يبي هواء بس معصي منب معبية

المهم وانا ماسك الجانب الايسر مسرع شوي الا ها الي يكبس حسبي الله علية واروح الجانب المشاوم وبغا ينغما علي والله اوحول للجانب الاخر الا ذاك راي اللكسز الي يكبس وانا الي ت## اخلاقي واعيي يطق بواري وزحمة وانا الي ارحمة واخور وبس

بغيت انزل واوفق موتري واروح بتكسي



وبس ما تحسون اني غشيم على ها السواقة :]

[كرااش]

موقفي هو

كنت امشي وطحت

[__الجوكر__]

#########

[قـاهـرالـروس]

^
إيه ده ؟

المهم حبيبنا راعي الموضوع عندي مواقف كثيره كثر الهذاك ,
واللحين مشغول فاحطها لك بعدين ’

شكرا على موضوعك ذا

[اعاشق المجد]

عندي مواقف كثيرة لكن ما اقدر أقولها وإذا تباني أقولها على مسؤوووووووووليتك

[مسبب زحمه]

باركينق <<متعيجز يقلب


كنا ذاك اليوم طالعين انا واخوي وولد عمي واخوه

كلنا مانبي هالمقهى الا اخوي

قمنا ورحنا طلبنا عايسكريم

وهو راح للمقهى ولزم علينا ندخل معه

قمنا دخلنا بعايسكريماتنا <<ياطولها

وهو طلب له موكاتشينو

المهم قمنا وطلعنا وانا في السياره

تذكر مخي اننا ماحسبنا

اقوم التفت عليه قلت حاسبت انت قال لا <<شكلة راسم علي اني بحاسب له

ونروح ندق على المقهى ونقوله ترانا نسينا ندفع لكم وتراه كوب واحد نبيه يقول لا حلال عليكم زي البنقالي
الي عطا ام ام دي ون

المهم قال تعالو بكره رجعوها


قممنا رجعنا ونظرات السودانيين والفلبينين الي في المقهى ماترحم

تحس انك صارق رواتبهم


وبس ..
------------------------------------------------------------------------------------------

[المستشار الخاص]

PARKING

هههههههه

عليك مواقف

المهم

هاك اليوم جو ناس يخطبون إختي
وقالوالي يالمستشار رح ود البخور

دخلت المجلس بالبخور

المهم

كانت السكبة غبية شوي
يجيك الشماغ من فوق ويبقى ذيل طايح مع الجنب <<عساكم فهمتوا

المهم والقصدير حق المبخرة مو مثبت زين


لفيت راسي يسار أو يمين جت سليمة

بعدها لفيت راسي على الجهة الثانية

ويطيح القصدير ويحرق الفرشة

أنا من زود اللحسة نحشت من المجلس