... مملكتنا ومشكلة الموظفين..

[سلطان بن محمد ..]

سلام عليكم ورحمه الله وبركاته



كيفكم



حقيقة ما فكرت اكتب الموضوع الا لما طفح الكيل


ليش موضفينا زفت واخلاقهم زفت تقل تشحذهم قروش وهم ياخذون راتب على شغلهم <<خاش بقوة تقل يضارب


حقيقة ان الواحد يشيل هم اذا قالو له بركة عندك معاملة


ليش ذا يا ربية وش تتوقعون منه السبب

انا بقولكم سبب وحدته عند اكثرهم


الا وهو انه يقول انا المدير معي لو وش ما اسوي
والناس الي واقفة برى لي الفضل اني اخلص معاملتهم

ولو صدق انه عندهم زحمة زي ما يقولون كان لقيتو حقين الواسطة ما خلصو بسرعه بس وش نقول

والله شي يرفع الظغط
والا ادها والامر من ذا كلة انك ما تدري وش يبون يعني تفر مليون مرة ع شان تعرف وش يبون مرة ورقتن ناقصة مرة صورة بطاقة احوال
تصدقون الحين بسيارتي كم صورة للرخصة وكمان التامين وكمان والاحوال الاستمارة وخرابيط واجدة


ع شان امعط من كل ورقة نسخة واروح اخوض المعركة <<احس ان اخوض به غلط

وفية سبب بعد تلقى كل واحد يمرمر بالمراجعين يتفاخر عند اخوياه والله رحت للداوم ونايم وساحب ع المراجعين
المهم الي ابي اوصلة عطني كم من سبب للتاخير الي صاير من الي يشتغلون للحكومة ولا بعد اعدو حقين الشركات الخاصة مثل حقين بنك الراجحي تلقاهم يعاملونك من طرف شعرة الخشم

بعطيكم مثال

مرة رحت بصرف من صرافه الي بجنب بدة وكانت عطلانه ة مدري حسني قلبي انه خربانه بس قلت لازم ما اوسوس وادخل البطاقة وتروح وادقل بطاقة الجامعه بس مقلوة قلت بشوف والله تدخل بس مسكتها ما راحت واخذ بطاقة محل وادخلة وتمشي

المهم يعني انا ما علي غلط واكلم الراجحي يقولون لازم خمسين وكل الي بالحساب 300 ريال

قلت معصي الغلط منكم وانا ادفع قال راجع الفرع تبي اوقفها وقفتها قلت شكرن

واروح لاخس فرع بالعالم حق النسيم الي بالاربعين (165)

المهم والله وااروح وكلم الموضف قال رح لذاك هو الي للبطايق واروح له قال لازم خمسين قلت لا قال رح كلم الهاتف قلت زين واكلمهم و ويقول ما اقدر اسوي شي واتهاوش معه

وارجع لخوي حصلته يشتغل يصور اضن وانا اكلمة مشى وتطنقر معي واقولة اذا كنت تحاتسن لا تمشي منب جدار ويستحي وياقف والعالم تناضر <حسيت اني قوي


احس اني سحب ع الموضوع بكمل المرة الجاية

الوكاد سؤال يقول

وش اسوء دارة راجعتها ؟

اسواء شركة خاصة راجعتها ؟

وشكرا

[سبته]

افشل ادارة جامعة الأمام والخطوط



ولي عوده للفضفضه ,

[سبته]

يؤ محد رد وانا مسوي قلق وحاجز ذذ

[سلطان بن محمد ..]

المشاركة الأصلية كتبت بواسطة سبته يؤ محد رد وانا مسوي قلق وحاجز ذذ

اعلمك ليش


لاني انا الكاتب

[برعم]

إييييه يا جامعة سعود

حرموني في ماده مادرستها يوم جيت أراجع قالوا لي يمكن تكون نزلت متأخره وزي كذا >> سوق غنم

قلت طيب وش ذنبي أنا يوم انحرم قالوا والله الخطأ خطأ المفروض أنك تستعلم دايم عن الجدول لأنه ممكن

ينزل شي وإلا شيات >>>

ينعن أم الإدارة اللي زي كذا

[سلطان بن محمد ..]

المشاركة الأصلية كتبت بواسطة برعم إييييه يا جامعة سعود حرموني في ماده مادرستها يوم جيت أراجع قالوا لي يمكن تكون نزلت متأخره وزي كذا >> سوق غنم قلت طيب وش ذنبي أنا يوم انحرم قالوا والله الخطأ خطأ المفروض أنك تستعلم دايم عن الجدول لأنه ممكن ينزل شي وإلا شيات >>> ينعن أم الإدارة اللي زي كذا

تدري وش المشكلة ان ربعنا القانون هو مزاجة

اشتها يمشيها مشها ما اشتها وش يسوي القانون ما يسمح


والمشكلة يكون الخطا منهم وانت تتحمل الخطا

[سعيلمان]

يا حبيبي كل الحكومه

[قمم الشواهق]

أحد أصدقائي نزل له في الجدول ستة مواد
من المستوى الثاني وهو في المستوى السابع
يوم راحلهم قالوا النظام نظام لابد تدرس المواد هذي
والله إن خويي جزم إن يفصل من الجامعة بسبب الربكة هذي
لكن حاولنا نهديه والآن هو يختبر مع المستوى الثاني !!
نظام عجيب غريب معك واسطة تمشي مامعك عظ البلاط واسكت

[مدرعم]

يا رجال اليوم رايح للمرور أجدد الإستماره ..
عطيته الأوراق واللوحه القديمه وقالي رح للدريشه الثانيه ..
رحت له عطاني اللوحه الجديده بس يوم ناظرتها منمسحه شوي و وصخه واضح انها مستعمله ومركبه بسياره من قبل ..!!
قلت له ياخوي هاذي مستعمله :S
وينقز خويه وياخذه ويهاوش عليه قدامي يقوله ( كم مره قلت لك لا تعطي إلا من اللوح اللي تحت يا ثور ) :\
قال ( مدري والله ما لقيت لوح تحت ولقيت هاذي على الطاوله وعطيته )
طبعا لو معطيني المستعمله ما راح يقدر يدخلها بالكمبيوتر فما أدري وش هالتخلف اللي عندهم ..

مدرعم ،

[عدنان الفاضل]

المشاركة الأصلية كتبت بواسطة مدرعم يا رجال اليوم رايح للمرور أجدد الإستماره .. عطيته الأوراق واللوحه القديمه وقالي رح للدريشه الثانيه .. رحت له عطاني اللوحه الجديده بس يوم ناظرتها منمسحه شوي و وصخه واضح انها مستعمله ومركبه بسياره من قبل ..!! قلت له ياخوي هاذي مستعمله :S وينقز خويه وياخذه ويهاوش عليه قدامي يقوله ( كم مره قلت لك لا تعطي إلا من اللوح اللي تحت يا ثور ) :\ قال ( مدري والله ما لقيت لوح تحت ولقيت هاذي على الطاوله وعطيته ) طبعا لو معطيني المستعمله ما راح يقدر يدخلها بالكمبيوتر فما أدري وش هالتخلف اللي عندهم .. مدرعم ،

حسيت انك مطلع استمارة سيكل ..

[سلطان بن محمد ..]

المشاركة الأصلية كتبت بواسطة عدنان الفاضل حسيت انك مطلع استمارة سيكل ..

كبرنا ع الشي هذا






<انفع صدقي

[عدنان الفاضل]

المشاركة الأصلية كتبت بواسطة معصوب تمر كبرنا ع الشي هذا <انفع صدقي

خل عنك ,
اطلق صدقي بالعالم .. انت

بالله وش تحس به أنت ..

[ابوالمقداد]

حبيبي في كل شي عندك واو تمشي ماعندك اقعد في بيتك ..

في طريقة حلوها ارفع صوتك ونافخ تمشي امورك يقولون وراك ظهر ..

لوتبي واسطه قولي اعرف واحد جندي بالحرس الوطني واظن تقاعد ..

[قـاهـرالـروس]

و أنت اللحين وش تبي من موضوعك بالضبط ؟!



:/

[[ .. رايق .. ]]

ـ ـ ـ ـ ـ ـ ـ ـ ـ ـ ـ ـ ـ ـ ـ ـ


والله وفيك البركه يا معصوب تمر .. بس ياخي ليه نص الموضوع ما انكتب اقصد نص احرف الموضوع ناقصه


انا ابيي معطينه وزاره المياه والصرف الصحي مخالفه بقيمه 1600 .. وقايل لي رح ناظر وش سالفتهم .. من كرهي للمعاملات لي 3 ايام اماطل :/ .. والله شكل تبي تجين هوشه اليوم يحبه قلبك .. !

|||||| رايق ||||||

[ملتهب]

معصوب ..


من اللي مزعلك بس ..


تحسون انه على الريحه قرأ اول سطر وطار في العجه ..

[مُسعد الروح]

في الزمن هذا اللي تكون أخلاقه وألفاظه وسخه هو اللي يمشي ( يعني بالدعس )


ونصيحة يا شباب : إذا جاتكم فاتورة من شركة الكهرباء ومن شركة الإنفصالات رح وتأكد منها

لأن أغلبها نصب في نصب مهو خطأ !



واحد من اخوياي أبوه عنده شقق جاتهم فاتورة الكهرباء 10 آلاف وعليها ، يوم راجع الشركة طلع حقهم 4 آلاف وشوي ! وبعدين يقولي دائما كذا


أيضا شركة الإتصالات والإحتيالات أزعجتنا بعرض خاص بتزويد السرعه مجانا وآخرتها الفاتورة 1200 ريال حسبو عليّ زيادة السرعه !




الله يعيين





أحس ردي يجيب الهم والغم

[سلطان بن محمد ..]

متشكرن لكل الي ردو



كتبت موضوع من هول المصيبة

المعالي جييم

الله يعينك يامعصوووووووووووووب

بس اخسسسسسس الشركات

عندك الخطوووووووووووط فاشلة لانها حكومية.ماتخصصت عالمياً......عرفت

عندكالاتصالات......انت عارف الشباب عارفين مانوعاني منهم بس في النهاية وش ذي الشركة الي تدق عليهم وتستهبل عليهم وتسجل مكالماتهم ........فاشله

[معصوب قشطة]

أسوء إدارة راجعتها كانت إدارة المرور



حتى بعد ما دخلوا نجم بعملية معاينة المخالفات ..



بالله عليكم حاطين موظفين نجم على كاونترين و أمه محمد كلها عندهم و المرور عنده 6 كاونترات و بس 2 يشتغلون





اما أسوء إدارة كانت تأمين التعاونية



بالله عليكم شهرين علشان 1000 ريال !!!!! والله فشيله




ما اقول إلا الله يخلف على أم جابتهم << اكيد التعاونية مب المرور