الشاشة ماتشتغل !!!

[GRAVES DIGGER]

السلام عليكم

ياشباب انا امس فكيت جهازي وزيتت المروحة وضبطت

طبعا انا فكيت شرائح الالمنيوم اللي تجي فوق المعالج ( Processor) ولقيت البودرة على الجوانب

قمت وشلتها وحطيتها في الوسط

ورجعت المروحة وثبتتها بشكل سليم

واشتغل الجهاز وزي الفل

بس ماتعرفت الشاشة على الجهاز

ليش ؟

ماادري !!

اللي عنده حل يقول لي

مع العلم ان المذربورد MSI

[واقعي]

كرت الشاشة مدمج أم منفصل ؟

إذا الكرت منفصل يمكن يكون انهز مع الفك والتركيب

وتأكد من الكهرباء

لأنه إذا كان الجهاز 220 وشابكه 110

الشاشة ماراح تشتغل

[GRAVES DIGGER]

على مااظن انه مو منفصل

بس لو تكرمت تعطيني موقع كرت الشاشة بالتحديد

[واقعي]

الكرت المنفصل غالبا يكون تحت

وإذا وصلت السلك .. توصله بالعرض

أما الكرت المدمج فيكون بالطول .. مادري فاهمني ؟؟

[GRAVES DIGGER]

هذا ياطويل العمر اللوحة الام (motherboard) حقتي

وزي ماانت ملاحظ الرامات (RAM) جنب المعالج (Processor)

بس فيه فتحات التوسعة اللي تحت المعالج (Processor)

اللي لونها ابيض هذي للكرت الشبكة واشياء زي كذا

بس فيه فتحة التوسعة السوداء

هذي ماادري وش هي له ؟؟

على العموم لو تعطيني تحديدا وين كرت الشاشة عشان اشيك على جهازي المفصخ <<<بدون كيس

ودمت بود

[واقعي]

ههههههههههههههههههههههههههههههه

لأنه كرت الشاشة هو كرت تشبك فيه الشاشة ..

زي كرت الشبكة .. وووو

بس ذا وظيفته تشبك فيه سلك الشاشة

باختصار تأكد من كل الكرورت انها راكبة تمام

تأكد من الكهرباء .. هل مروحة البور شغالة

أيضاً تاكد من تركيب سلك الشاشة جيدا

لأن المعالج ماله صلاح

.....

[GRAVES DIGGER]

طيب وين كرت الشاشة فيه اصلا

حدد لي مكانه من الصور اللي فوق

[واقعي]

الصورة مافيها ولا كرت !!

[سـوبر المعالي]

أختي هل إذا شغلتي الجهاز يشتغل الجهاز بس الشاشة تظل سوداء يعني مايظهر لك أي شيء ؟
اذا كذا المشكلة فتأكدي من تركيبك للرام بشكل صحيح

[~ دانة الروح ~]

الأفضل ان تذهب به إلى أي محل ليرى الخلل

قبل أن تتفاقم المشكله

.....~

[فراشةفوشية]

أختي هل إذا شغلتي الجهاز يشتغل الجهاز بس الشاشة تظل سوداء يعني مايظهر لك أي شيء ؟ اذا كذا المشكلة فتأكدي من تركيبك للرام بشكل صحيح

أنا نفس المشكله

وديت الجهاز للمحل



وقال: ذاكرت الشاشه هي المشكله؟؟


وش الفرق بين ذاكرة الشاشة وكرت الشاشة؟؟!!!


وانا اخاف إن المحل ينصب علي

[للإحتراف صانع..]

ممكن تفسير أكثر للمشكلة ؟

(( بس ماتعرفت الشاشة على الجهاز ))

اذا كانت الصورة طبق للوحة التي لديك فيعني أنه لايوجد لديك كرت شاشة مدمج وانما منفصل .

عموماً تأكد من تركيب مشتت المعالج " قطعة الالمنيوم والمروحة الموجود فوق المعالج " , فكثير ممن يقوم بفصلها وتنظيف لا يقوم بارجاعها بشكل صحيح فترتفع الحرارة فلا يعمل الجهاز او يقوم باعادة التشغيل بشكل مستمر .

بالتوفيق