ܓܨܓ ܓܨܓ سـحـقـآ لعصيـر الواحـه .....!!ܓܨܓ ܓܨܓ

[NXT]

السلام عليكم ورحمة الله وبركاته


طبعآ حاولت جاهدآ الايام الي راحتـ اكتب موضوع مير النفسيه دمااار وحتى قررتـ ماأكتب وفجأه هونتـ <=- الله يخليك ذخر لنا ولا يحرمنا كتاباتك <=- حركـ بس

الا على طاري فجأه فيه نكته تقول ...
حوطي توه متعلم كلمه فجأه ويبي يجربها دخل البقاله قال للهندي باللهي واحد عصير الواحه طمام وفجأه ميرندا <=- هاهاها لا عاد تنكت


<=-يسمع بالمقدماات الشيقه ولا وش السالفه ؟؟

عنديلكم قوووصهـ



العنوان : (( قصهـ أحد))
بطل القصه : واحدآ أسمه عوض عوض الله عوضين العوضاني وبنختصر أسمه بالقصه لعوض لأن اسمه واسم ابوه وعايلتهم تودي لنفس الطريق لكن سمعنا إشاعه أنه صديق الكسب (( ذاك خوينا ))

نبذه مختصره عن حياه عوض ( عوض ولد بزمن ليس زمنه لأاني اتوقع والعلم عند الله لو أنه لاحق على حياه *تـأبطآ شرآ* اتوقع حياته بتكون زاهيه بالرفاهيه الزبده هذا عوض
عمر الحظ ماضحك له وكان دايم يصفقونه عيال حارتهم ولا كان فيه احد يحبه لأانه لاسولف قام يتفل على الي قدامه لأن سنونه الي قدام ناطه ولا يقدر يسيطر على نفسه بذات الجمل التي تحمل حرف السين بكثره ))

وفي يوم من الأيام طلع أبو الشباب من البيت ألاوولد الجيران يصارخ يقول (تقول أمي وين الـ 13 ريال حقت كرتون عصير الواحه الي بالطمام الي شاريه من بسطتنا
وجالس يتهاوش معه إلين فتح الله عليه وراح ولد الجيران
وبعدين جلس يفكر وش هالحظـ لا أبو يفتح النفس ولا من أم الجيران لحووول من وين لي فلوس الحين وه بس لو تطيح لي من السماء 100 ريال بس احل فيها نص مشاكلي ...

وأستمر فـ التفكير حتى أذن المغرب عوض راح للمسجد ودخل حمامات المسجد وهو يفكر وش الحل بسالفه أم الجيران المهم جلس يتوضاء وغسل جميع أعضاء الوضوء وبقت رجيلنه
المهم جاء يفصخ الصندل وكان عنده حركه متعود يسويها بالصندل وهذا الي محببه فيه ولا باعه من عيد الفطر الي قبل سنتين
انه يحرك رجله بقوه وينفصخ الصندل
المهم سوا الحركه وانفصخ صندله اليمين وغسل رجله
وجلس يحرك رجله اليسار وعيا ينفسخ الصندل ويحركها بقوه مااش ماانفصخ جلس يقول عوض بينه وبين نفسه (ياأنا ياأنت يا حماط (( تم زرف الكلمه من أبو سحلب )) من زينك انت ولونك الاخضر فاتح يوم انك تتميلح)
المهم وحرك رجله بقوه ونط الصندل وطااار فوق وطاح على واحد من الحمامات

شوي الا سمع صرخه بالحمام واحد معصب خاااااااف عوض وجع وش سويت انا لحوول ناقص مشاكل

وفرك ماتشوف ألا غباره ودخل المسجد بسلااامـ وبعد الصلاه رجع عشان ياخذ الصندل الي في الحمام


ويوصل البيت ويدخل غرفته ويفسخ ثوبه وينسدح بالفرااش وهو جالس يسوف مع نفسه (( الله يرجهـ )) شوي الا سمع صوت واحد جالس يضحك

ويتلفت بالغرفه ماااش مالقى أحد ؟؟ وش السالفه ؟

ويسمع صوت واحد يقوله : ياحماط انا هينا ....
عوض خاف : وين انت طيب تكلمني انا ولا من ؟

الصوت : ايه ياحماط مافيه بالغرفه الا انت يعني اسولف مع دولاب غرفتك ذا الي اربع بيبان ومابوه الا باب واحد ماانكسر للحين ؟ اكيد اسولف معك

عوض: من انت ويرحم امك مااحب المزح الثقيل

الصوت : انا جني داخل فيك

عوض: اعوذ بالله من الشيطان الرجيم أعوذ بالله من الشيطان الرجيم صالح (( هذا صالح يصير أخو عوض الصغير )) يا حماط أطلع من تحت السرير ولا عمرك تسوي هالحركات معي قايللك

الجني : أي صالح مهبول انت مافيه احد بالغرفه الا انت

(( طلع ابو الشباب طايح من الدرج ودخل فيه الجني دايركت ))

عوض : طيب ويرحم والدينك اطلع ترا والله أني خايس ولا أعرف اسوي شي ومشاكلي واجد وكل يوم أنطق ولا معي سياره ياخي شكلك تخوف انت طلبتك اطلع مالي خلق مشاكل ترا ؟

الجني: شكلك تخوف ؟؟ هذا وانت للحين ماشفتني ؟ بعدين مابي منك شي انا ابي اساعدك ...

عوض: طيب امانه ماتطلع لي بالليل وبذات لا طفيت النور لا شفتن مشغل النور اطلع لي عادي

الجني: زين مهيب مشكله الحين بعلمك وشلون تجيب فلوس لأم الجيران

عوض : وشلون ؟؟

الجني : رح لغرفه أبوك وافتح اي كتاب من الكتب الي هو صافهن بالمكتبه وبتلقا بحدا الصفحات فلوس

عوض:آهآآآ وأقوله ابي فلوس كل مافتحت محفظتك مالقى فيها شي يقولي بلا ماعندي ولا ريال وانا ابوك


عوض ووصل عند المكتبه وكان فيها فوق 300 كتاب وجلس يناااظر وش أفتح يارب وش أفتح ؟
المهم شاف كتاب عنوانه ((سند البخاري فالاحاديث الشريفه)) ويفتح الكتاب ويلقى 200 ريال معفطه
أنبسط عوض ومن قوه ماهو مبسوط خم الكتاب وجالس يقول والله اني داري انك أطلق راوي احاديث على وجه الدنيا واصل يابطل ولا يهمونك
الجني: وش الي واصل ؟؟؟ فريق الهلال ياحماط ؟ ياخوي هذا راوي حديث متوفي الله يرحمه وش ذا الكلام ؟
عوض: هاااه وش طلعك انت ؟ بعدين وش رايك أفتح كتاب ثاني
الجني: لا لا لاتفتح ترا ابوك يتفقد قبل ماينام 200 كتاب ويخلي 100 مهب ثقه لا عشانه يتعب ويروح ينام
عوض: طيب أروح أرن على بيت الجيراان وأعطيها فلوسها ؟؟ ولا تدري خلها بكره


رجع عوض غرفته وانسدح وجلس يناظر الـ 200 وهو مبسوط ووشاف شي واستغرب ؟ كان الملك فهد متلطم بالصوره من كثر الغبار الي بالكتاب ؟

طلع الجني لعوض وجلس يسأله كم سؤال ؟

الجني : عوض الحين انت بأي عمر .؟ وخلصت دراستك ولا لا .؟ متوظف ولا وش وضعك.؟

عوض: ايييييييييييه وانا اخوك انا طال عمرك سالفتي سالفه أول ماتخرجت كانت نسبتي 90 ودخلت أنا و أسد الحرب هندسه ومرتن من المرات رحت للدكتور سلطان العبدالكريم كان عندي سؤال بماده الكيمياء ودلخت على مكتبه
وقلت له عندي معادله مافهمتها وقال وش المعادله
وكانت بهذا الشكل

cacn2 + 3H2o ======> caco3 +2NH3

وانا جالس أسأله كل ماقلت حرف ( الثي) = السي أشوفه يغمض عينه ويعصب
وأثرني مليته سعابيل ولا أنبتهت مع الحماس فالسؤال ويقوم ويقولي محروم من الماده ياحماط ... لين تحترم الدكاتره مهما كان انا مثابه أبوك مااشوف لك اي أحقيه انك تتفل علي
ومن يوم هالسالفه وانا مارحت للجامعه من الفشيله

الجني: عاد من جد انت عليك سنون مايبيلك(تقويم) يبيلك شبكـ غنم يالله يالله تتعدل سنونك خخخخخخ


المهم نام عوض ونام الجني بعد وقام عوض على الظهر
وراح يصلي الظهر ورجع وطق باب الجيران

((سماعه الجرس))

** : مين ؟
عوض: اقول ناد أمك قله تفتح الباب

مرت سنه مالك على البال طاري <=- اغديكم تعذرونه هالمره بس
مرت دقيقه
** : الوو يالي عند الباب
عوض : هلا
**: تقول أمي مقفلين مانفتح البسطه الا العصر
عوض: قلها أرحمينا ياكارفور الحين
**: نعم
عوض : لا لا ولا شي قلها عوض بيسدد فلوسه
يعطيها الـ 13 حقت كرتون عصير الواحــهـ الي بالطمطميه
وباقي معه 200 - 13 = 187 ريال

ويرجع البيت ويتلقى بعض التهزئ من الوالده على حاجه بايخه (( متفل عـ الشغاله بالغلط ))

عوض راح الغرفه وهو يصيح ودموعه اربع اربع وخامن الوساده وش السوات الحين ؟؟

قال مالي الا اروح أتعشى بروستد دام معي فلوس قبل ماتطير

جلس يناظر تحت الوساده مالقى الا عشرين ريال ؟؟؟؟؟ وين الباقي ياولد مايدري ؟؟؟
وش السالفه كان معي 187 ؟ عقب ال13 حقه ام الجيران
تدري شكله صالح الحماط بذات انه مختفي اليوم كله ولا نزل يتغدى معنا

ويدخل غرفه صالح

ويلقى صالح متشعمط بيد السوني وانواع الحرفنه البطل
عوض: صالح وين الفلوس
صالح: هاااه وش فلوسه أقول طس تراني موصل المرحله الاخيره .؟
عوض: وش مرحله اخيره كل اشرطتك مختمهن ولا شرا لك ابوي من طقينا البلاي ستيشن الا ثلاث اشرطه كراش وسيارات وكوره
صالح: لا انا شارين أشرطه جديده ؟
عوض : ماشاء الله وش شاري يالمليح ومن معطيك فلوس
صالح: هاااه ياخي مادري لا خلصت لعب أعلمك
عوض: أقول اضغط ستارت لامعط الفيش وأوريك المرحله الاخيره بيني وبينك
صالح: ياخي لقيت فلوس بغرفتك مادري من حقاته وشريت فيها اشرطه ؟
عوض: لا ياشيخ ماتدري من حقاته تقول بغرفتي يعني حقت السواق أكيد حقتي
صالح: حقاااتك ؟..؟؟ يوووووووووه والله اني مادريت <=- حركات أخواني

المهم مششا السالفه عوض رحمه أخوه الصغير وراح للمطعم ودخل عليهم وجلس بالطاوله

وراح لـ لمطعم ((البوؤساء)) أكل وشبع بـ العشرين الباقيه

ورجع البيت وكان اليوم المنتظر لـ عوض البابا بتاعه شاريله سياره بس ينتظر تطلع من الوكاله

وأول مادخل البيت سلم على أبوه وحب راسه وقاله وين السياره قال أطلع تلاقيها عند الباب

وطلع أبو الشباب طااااير وأول ماشاف السياره صرخه قويه : يبــــــــــــــــــــــــــــــــــــــ ــــــــــ ـــــــــــــــــــــــــــــــــــه وش هالسيااااااااااره
وقعد يصيح مهب مصدق نفسه
أبو عوض: شفت اني ماعندي أغلى منك وانا ابوك
عوض: حسبي الله ونعم الوكييييييييل يبه وش هالسياره كورولا أحمر بعد ؟؟؟؟




لا لا انا مااقدر اتحمل اعيش بهالبيت أنت شخص بلا ضمير ولا عمرك قلت عندي ولد أوسع صدره

عوض جلس يبكي ويركض بالشارع يركض يركض بعيييييييييييييد بعييييييد بعيييييد بعيييييد بعيييييييد بعييييييد <=- يسمع بالاخراج والبنهايات الحزينه
((في مقوله)) أن عوض مازال يركض من شدهـ الألم والاحباااط
((وفي مقوله أخرآ)) أن عوض وهو يركض دعسته سياره بالدائري الشرقي ومات
((وفي مقوله)) أن عوض أنظم إلى الـ 37 المطلوبين أمنيآ

لكـ ايه القآرى العزيز أن تختار النهايه التي تناسبكـ


معلومه بس .... يقال أن عصير الواحــهــ سبب لكل المشاكل الحاصله بذا القصه

[أشقراني]

ودّي أقرى موضوعك ..

بس طويييييييييييييييييل

خل أخلص اختباري بكرة ان شاء الله وأرجع أقرى موضوع





لك منّي ود و ورد وحبّة هيل ..: )

[مؤمّل]

ههههههههههههه ..

أخيراً عرفنا سالفة عصير الواحه ..

[برعم]

ياولد لو تجمع اللي ذاكرته بكل المواد اللي راحت ماجا كثر ذا

[آبــوٍ تــرٍكـي]

زودن على آنه طويل الون مدري وش يبي
شكلك حاط جآئزه للي يقرا الموضوع كآمل ..

[[ .. ماضي .. ]]

؛

مشكور .. !!!!!!!!!!!!!!!!!!!!!!!

[أسد الحرب]

أنا قريته كامل وبالمارية عوض درس معي هندسة

[[المعتز بدينه]]

أقسم بـالله أنك كاتب مقلع


ضحكت لما قلت آميـن


يا شيخ تنفع مخرج سنمائي


وننتظرك قريبا في مسلسلات أخرى أأ أقصد في موضيع أخرى

[ليل هادئ]

أحد جاب طاري عصير الواحة




ليل هادئ ،

[[ .. رايق .. ]]

ـ ـ ـ ـ ـ ـ ـ ـ ـ ـ ـ ـ ـ ـ ـ ـ



هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههه


هلا والله ومسهلا بـ نكست .. وقسم انك منسم يا خبل هههههههههههههههههههههههههههههههههههه والله اني اول ما دخلت الموضوع وشفت لون الخط على طول حطيت الخلف بس مدري وش لون قريت اول كلمه قلت يا رجال خلني ارجع وش وراي والحمد لله اني رجعت وسعت صدري الله يوسع صدرك بالعافيه .. بس تبي الصدق كل سطرين اقرب شوي للشاشه مير اخر السطور بدى خشمي يويدز من ورا الشاشه هههههههههههههههههههههههههههههههههه .. !


هيا نروح للاقتباسات .. !

طبعآ حاولت جاهدآ الايام الي راحتـ اكتب موضوع مير النفسيه دمااار وحتى قررتـ ماأكتب وفجأه هونتـ <=- الله يخليك ذخر لنا ولا يحرمنا كتاباتك <=- حركـ بس

والله اني ودي اكتب موضوع بس نفس المشكله مالي خلق والنفسيه موب مقفله بس النفسيه ما روقت هكا الترويقه .. بعدين الوقت ما يساعد اختبارات .. بس اكثر شيء مشجعن اني انزل موضوع المبزره الحين ما يدخلون البابا والماما .. ماخذين سلك المودم .. فـ شكلي بـ استغل الفرصه واكتب لي موضوع .. .. !

مختصره عن حياه عوض ( عوض ولد بزمن ليس زمنه لأاني اتوقع والعلم عند الله لو أنه لاحق على حياه *تـأبطآ شرآ* اتوقع حياته بتكون زاهيه بالرفاهيه الزبده هذا عوض عمر الحظ ماضحك له وكان دايم يصفقونه عيال حارتهم ولا كان فيه احد يحبه لأانه لاسولف قام يتفل على الي قدامه لأن سنونه الي قدام ناطه ولا يقدر يسيطر على نفسه بذات الجمل التي تحمل حرف السين بكثره ))

هههههههههههههههههههههههههههههههههههههههه هههههههههههههههههههههههه والله لو تابط شراً عبدالكريم اما من ناحيه ابو سعابيل هههههههههههههههههههههه ذكتني يوم انا بثاني متوسط مدري وش الله مقردني وانا وخويي ننقز لاول صف ونجلس اول طلاب .. لعل المدرسين كلهم اذا تحمسوا طاري علينا سعبوله ولا سعبولتين :s الا حد انه مرّه واحد من المدرسين متحمس بالشرح .. وهو متحمس طااااااااااارت سعبوله انا اتابعها وين تبي توقع وين يا ربيه المهم انها شطفتني ووقفت على خد خويي الي جمبي انا اناظره وكاااااااااتم الضحكه .. شوي خوي بحرقه تملئها القرف مد يده ومسح السعبول وهو يناظري وكله حقد انا عجزت اصبر ومت الضحك .. !

وفي يوم من الأيام طلع أبو الشباب من البيت ألاوولد الجيران يصارخ يقول (تقول أمي وين الـ 13 ريال حقت كرتون عصير الواحه الي بالطمام الي شاريه من بسطتنا وجالس يتهاوش معه إلين فتح الله عليه وراح ولد الجيران وبعدين جلس يفكر وش هالحظـ لا أبو يفتح النفس ولا من أم الجيران لحووول من وين لي فلوس الحين وه بس لو تطيح لي من السماء 100 ريال بس احل فيها نص مشاكلي ...

واااااااااااااااع يقلع ابو ابو الذوق كرتون عصير الواحه وطماط ذكرتني باخواني اذا قاموا يمصمصون الكاتشب وقسم اني انفض نفض من القرف .. !

وأستمر فـ التفكير حتى أذن المغرب عوض راح للمسجد ودخل حمامات المسجد وهو يفكر وش الحل بسالفه أم الجيران المهم جلس يتوضاء وغسل جميع أعضاء الوضوء وبقت رجيلنه المهم جاء يفصخ الصندل وكان عنده حركه متعود يسويها بالصندل وهذا الي محببه فيه ولا باعه من عيد الفطر الي قبل سنتين انه يحرك رجله بقوه وينفصخ الصندل المهم سوا الحركه وانفصخ صندله اليمين وغسل رجله وجلس يحرك رجله اليسار وعيا ينفسخ الصندل ويحركها بقوه مااش ماانفصخ جلس يقول عوض بينه وبين نفسه (ياأنا ياأنت يا حماط (( تم زرف الكلمه من أبو سحلب )) من زينك انت ولونك الاخضر فاتح يوم انك تتميلح) المهم وحرك رجله بقوه ونط الصندل وطااار فوق وطاح على واحد من الحمامات شوي الا سمع صرخه بالحمام واحد معصب خاااااااف عوض وجع وش سويت انا لحوول ناقص مشاكل وفرك ماتشوف ألا غباره ودخل المسجد بسلااامـ وبعد الصلاه رجع عشان ياخذ الصندل الي في الحمام

هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههه

الله ياخذ ابو هالوجه ههههههههههههههههههههه والله يا تخيلت الموقف .. وذاك مركز مرّه ويالله يالله يسدد همن يجيه صندل يمشي مليون ههههههههههههههههههههههههههههههههههههه .. !


ذكرتن بموقف قاله لي The Top قبل شوي يوم اشوفه بـ مطعم برسيه بتاع ابو صالح .. يقول انه هو "ذاتوب" وواحد من اخوياه كاناو يركضون يبي يلحقون على الركعه .. خويه المصعفق قبل ما يوصل باب المسجد فصخ نعاله وهو يركض .. لعل نعلته طارت ودخلت المسجد وصقعت واحد من الي يصلون هههههههههههههههههههههههههههههههههههههه المشكله وش لون يبي ياخذ نعلته وهو صانن واحد فيها ارجع حافي للبيت .. !

عوض : طيب ويرحم والدينك اطلع ترا والله أني خايس ولا أعرف اسوي شي ومشاكلي واجد وكل يوم أنطق ولا معي سياره ياخي شكلك تخوف انت طلبتك اطلع مالي خلق مشاكل ترا ؟

الظاهر لوه قايل له اني توي صاقع واحد بحمامات المسجد بالصندل وذاك كان بوضع مئساوي كان قال له يا كلف ما تخلي الناس ياخذون راحتهم انت حتى بالحمامات وطلع على طول ههههههههههههههههههههه .. !

عوض ووصل عند المكتبه وكان فيها فوق 300 كتاب وجلس يناااظر وش أفتح يارب وش أفتح ؟ المهم شاف كتاب عنوانه ((سند البخاري فالاحاديث الشريفه)) ويفتح الكتاب ويلقى 200 ريال معفطه أنبسط عوض ومن قوه ماهو مبسوط خم الكتاب وجالس يقول والله اني داري انك أطلق راوي احاديث على وجه الدنيا واصل يابطل ولا يهمونك الجني: وش الي واصل ؟؟؟ فريق الهلال ياحماط ؟ ياخوي هذا راوي حديث متوفي الله يرحمه وش ذا الكلام ؟ عوض: هاااه وش طلعك انت ؟ بعدين وش رايك أفتح كتاب ثاني الجني: لا لا لاتفتح ترا ابوك يتفقد قبل ماينام 200 كتاب ويخلي 100 مهب ثقه لا عشانه يتعب ويروح ينام عوض: طيب أروح أرن على بيت الجيراان وأعطيها فلوسها ؟؟ ولا تدري خلها بكره

هههههههههههههههههههههههههههههههههههههههه ههههههههههههههههههههههههههههههههههههههه اجل واصل يا بطل لا يهمونك ههههههههههههههههههههههههههههههههههه الله ياخذ بليسك يا خبل ههههههههههههههههههههههههههههه

الحين فتح سند البخاري فالاحاديث الشريف لقى ميتين طيب لو فتح الؤلؤ والمرجان فيما اتفق عليها الشيخان كم يبي يلقا !؟
طيب لوه لاقي قرآن بالمكتبه وفاتحه كم يبي يلقا .. !


طيب توقع لوه فاتح كتاب عن الحور العين وش توقعون يبي يلقا !؟

وانا جالس أسأله كل ماقلت حرف ( الثي) = السي أشوفه يغمض عينه ويعصب وأثرني مليته سعابيل ولا أنبتهت مع الحماس فالسؤال ويقوم ويقولي محروم من الماده ياحماط ... لين تحترم الدكاتره مهما كان انا مثابه أبوك مااشوف لك اي أحقيه انك تتفل علي ومن يوم هالسالفه وانا مارحت للجامعه من الفشيله

هههههههههههههههههههههههههههههههههههههههه هههههههههههههههههههههههههههههههههههههههه ههههه
واه يا بطني تخيلت الدكتور معصب ويمسح سعابيل خوينا هههههههههههههههههههههههههههههههههههههههه هههههههه عاد دكتور وكيميا لازم يصير نفسيه ويعصب على طول هههههههههههههه

جلس يناظر تحت الوساده مالقى الا عشرين ريال ؟؟؟؟؟ وين الباقي ياولد مايدري ؟؟؟

هههههههههههههههههههههه شغلنا يووم حنا مبزره .. طيب وراه ما غباها تحت السجاده حقت الغرفه <-- .. !




الله يقلع شيطانك يا خبل والله انك مبدع واصل عندك اسلوب حلو حاول تقرا مواضيع من هالنوعيه "طبعا بغير هالمنتدى" عشان يتطور اسلوبك .. واذا تقدر تجيب ذبات جديده وخل عنك النكت القديمه والباخه مثل كل الطرق تادي الا مدري وش و فجأه تراها نكت اكل الزمن عليها وشرب وخلوها من ايام جوال عنيد وجوال الكوبرا .. !


ملاحظه صغنونه / حاول انك تختار خط مناسب ولون مناسب يريح العين ويكون واضح وحاول انك ما تاخذ مسافات كثيره .. لاني تعتب وانا انزل بالماوس <-- معك لاب توب يا نصاب طول الوقت تضغط زر PgDn .. !



موفق يا ابني .. !

|||||| رايق ||||||

[[ .. ماضي .. ]]

المشاركة الأصلية كتبت بواسطة :: ماضي :: ؛ مشكور .. !!!!!!!!!!!!!!!!!!!!!!!

؛

حسيت ان توني جديد وقاعد اسلّك الوضع ..

رح ياشيخ الله يوفقك

[الحــتـف]

~~~

الله يهديك لزقت خشمي بالشاشه وعيوني راحت وطي

بس تراك فلة أنت وجهك

والموضوع طوويل

~~~

[معصوب تمر]

اخبر امي يوم انّا صغار تقول لا تكذبون على الجن (بسم الله العظم العظم )
ع شان ما يجونكم بالليل



وعاد رايق لحركاته ردة اطول من الموضوع

[NXT]

المشاركة الأصلية كتبت بواسطة معصوب تمر اخبر امي يوم انّا صغار تقول لا تكذبون على الجن (بسم الله العظم العظم ) ع شان ما يجونكم بالليل وعاد رايق لحركاته ردة اطول من الموضوع

واللـــه ...؟