خبراء الموترات فقط +++ آرائكم ++++؟؟؟؟

[** المتنبي **]

السلام عليكم ورحمة الله وبركاته

يا هلا بالنشامى ,,,, يا محلى طلتكم

استشـــــــــــــــــــــــــــــــــــا رة من المتنبي ؟؟؟؟

عايز سيارة تتتوفر فيه المواصفات التالية : ...

1- سيارة كرف تصبر

2- من الداخل مريحة ( تكييف - مقاعد ....... إلخ )

3- سعرها مو بغالي مررررررررة 50 لا تزود

[البراء الرشود]

تبي جديد يعني ؟


امممم فيه السيفيك هوندا بس بـ، 56 ألف الظاهر ..


وفيه الكورلا بس مدري الجديدة كم بيجي سعرها سمعت انهم رفعوه زود ..


السوناتا بس مدري عن تحملها عاد ..

شف الشباب بيفيدونك أكيد ..







The Top

[أبوالشباب]

ღ ღ ღ ღ ღ ღ ღ ღ ღ

تبي حجم كبير .. خذلك سوناتا ..

تبي صغير .. خذلك كورولا ..

ღ ღ ღ ღ ღ ღ ღ ღ ღ

[** المتنبي **]

الكورولا ما تتهربد بسرعة مقصاتها .......

الجيوب - الكوامري - الهايلكسات ؟؟؟؟


تراي من جنب السيارات ,,,,,,,,,,,,, أرجوا التفاعل

ابغى أكل بها مطبات

[[ أبو سلمان ]]

وعليكم السلام والرحمه ..


شف حبيب قلبي ، إذا أنت غشيم وما توادي المطبات [ مثلي يعني :D ]
لا تاخذ لك من هالقواطي كامري أو كورولا والي حوله ..!
خذ لك هايلوكس، تراه تصبر صبر الحمير ، وأسعاره منه و به
وقطع غياره رخيص بالحيل ، و مايطيح سعره إذا جيت تبيع ..

وإذا تبي الراحه والفخامه ، خذ لك هوندا أكورد
بس مشكلته غويليه شوي ..!


بالتوفيق يبو ..








ابو سلمان
بريدة
29/5/1429هـ

[** المتنبي **]

يا هلا بابو سلمان

ياخي أنت فــــــــــــــــــــــــــــــــــــــل ه

كلامك دخل قلبي على طول مدري ليه ؟؟ ما شاء الله

يعني آخذ سيارتين 1 - سيارة للبر 2- سيارة للبلد

بس أية مديل تفضل من الهايلكسات والأكورد وإيه رايك بدل الهايلكس دتدسن نيسان ؟؟؟؟؟

[سلطان بن محمد ..]

الددسن ضيقة من ورى

وغير كذا تتفكك بسرعه


خذ هلقس وركب مراتب فصل << قديم

الهلقس حلوة بقوة

موتر بر وعزم ومريح

خذ تماتيك رهيب ذذذ

[[ أبو سلمان ]]

أنا فله ? >> استانس واحد عطاه وجه :D

يعني آخذ سيارتين 1 - سيارة للبر 2- سيارة للبلد

والله إذا دراهمك كاثره خذ ثلاث مواتر ، الثالثه إذا تبي تسافر
لكن إذا أنت راعي بر خذ لك موتر بر ، ومواتر البر تراه تنفع بالديره ، أو ماتدري :D ?

بس أية مديل تفضل من الهايلكسات والأكورد

انت أبخص بروحك وذوقك وانت الي تبي تركبه ، إلا إذا انت تبي تعطين به دوره
لكن الهايلوكس مالك ألا البقر من 2006 لـ 2008 ، وإذا لقيت موديل 2005 نظيفه فـ كويس أوي
الأكورد ، لاتقرب الـ 2008 المعوقه ، غبي شكله وصايره تقل علبه منديل
لكن خلك حركه زيي وخذ 2007 ، عشان عندي تعليقه وودي اجدعه

وإيه رايك بدل الهايلكس دتدسن نيسان ؟؟؟؟؟

ههههههههه

ددسن ؟؟!
صاحي أنت ؟ إذا تبي تشيل بعارين وغنم أو تبي تشتغل كداد ما نقول شي









ابو سلمان
بريدة
29/5/1429هـ

[ô¤ سـمـو الأحـاسـيـسـ ¤ô]

زي ما قالوا الأخوان بس ما أتوقع الخمسين تجيب لك أكورد نظيفة وهايلكس نظيف

لكن ليه ما تفكر في الفورد أو القراند ماركيز تراها للسفر وللبلد :

[** المتنبي **]

أو ماتدري :D ?

وش سالفة الدي تراي بدوي بالنسبة للرموز هذي

هايلكس البقر تقصد به النيسان أم تويوتا ؟؟

خلالالالالالالالالالالالالالالالالالالال الالالالاص

أقول لك يا أبو سلمان خذ لي سيارة على ذوقك وانا أحاسبك


مدري فورد أكوورد هايلكس ,,,,,,

[abu_anas_h]

وش رايك تجرب الآكسنت تراه موتر

[** المتنبي **]

الآكسنت

أول مرررة أسمع به ماني بشريطي ,,,,,,, بدوي قح ,,,,,,,,,


ما أعرف غير الدداسن


ياليت تصفه لي

[abu_anas_h]

شكلك منتب جاد لو انك جاد كان ما رديت الرد أعلاه

هذي مركبة العلماء ولا أزكي نفسي

[** المتنبي **]

المشاركة الأصلية كتبت بواسطة abu_anas_h شكلك منتب جاد لو انك جاد كان ما رديت الرد أعلاه هذي مركبة العلماء ولا أزكي نفسي

أخوي ظن حسنا ً يا صاحب المقاصد الحسنة !!!!!!

وبعدين وش تقصد بـــــــــــــ
مركبة العلماء


لم أفهم قصدك



الله يوفق الجميع لمرضاته

[abu_anas_h]

كنت أمزح معك بس شكلك فهمت غلط وأنا أخوك

أما عن السيارة فما أدري عن استخدامك , الهونداي جيدة للي رجله خفيفة على الموتر ومحافظ

أما الكوكو أو الكورلا فهي موتر كرف إلا قليلا , والسفك ما خشت مزاجي شكله مش كويس

باقي السيارات غالية بالنسبة لك , فيه الإيكو بس مش حلوة


يعني ترى الدعوى صفت على ( كورلا , النترا , سوناتا )

[كن عالي الهمة]

طيب أنا من رأيي إن الخمسين ما تجيب شي نظيف وخاصة أن الأسعار مرتفعة و نار
فمن رأيي إنك تروح للراجحي عند تمويل السيارات وتقسط عندهم وتاخذ السيارة اللي براسك وخاصة إن نسبة الأرباح الفائدة قليلة عندهم 4,85 % وعلى خمس سنين على ما أضن
مجرد رأيي,,,,,,,,,,,

[أبوالشباب]

ღ ღ ღ ღ ღ ღ ღ ღ ღ

بشر .. شريت موتر ؟؟

ღ ღ ღ ღ ღ ღ ღ ღ ღ

[** المتنبي **]

المشاركة الأصلية كتبت بواسطة كن عالي الهمة طيب أنا من رأيي إن الخمسين ما تجيب شي نظيف وخاصة أن الأسعار مرتفعة و نار فمن رأيي إنك تروح للراجحي عند تمويل السيارات وتقسط عندهم وتاخذ السيارة اللي براسك وخاصة إن نسبة الأرباح الفائدة قليلة عندهم 4,85 % وعلى خمس سنين على ما أضن مجرد رأيي,,,,,,,,,,,

كلامك صح ,,,,,,, لكن هل هذا التقسيط جائز وهل له شروط


أبو الشباب ,,,,,,,, نفسي في هوندا 2007 لكن غالية


أحد سامها هاليومين ,,,,, أبغى وحدة مستعملة ,, لكن نظيفة

[Z.A.M]

(( كوريلا ))

والله ممتازة

(( آكسنت ))

أيضا ممتازة



** أختر اللي يعجبك **

[الليل الطويل]

انا من رايي تاخذ لك فكتوريا اوماركيز


موتر مكدة



ان كانك تبيه خط قمة الراحة


ان كانك تبيه تحميل قمة الفلة


فمثلا شنطته

بغيت اروح المدينة المنورة وواحد من العيال معه ددسن وصندوقه مليان


فضيت كل صندوقه بشنطة الفورد وكفى براحة ولله الحمد

بالإضافة الى ان اللي راكبين ثلاثة قدام واربعة ورى >>قرادة


لاوبعد م2000


وخذ ياكرف وماشي الطبلون وارصفة وبران والصمان لابأس به

مارحت له الامرة



والحمد لله ماعمره طلبت ابد


له معي سنتين


زيت - فحمات


فقط




وان بغيت مستعمل - جديد - نظيف - مكروف تراي خابر لك

وترى موجود عندي هلي 2003غمارتين ماشي حول الـ200
بعد الاختبارات ببيعه؟