[ صــوتــكـ مــسـمـــــوع ]

[ابن نجد]

المشاركة الأصلية كتبت بواسطة الرشيق الرد أعلاه وأنا مطفي النور راح اذكر ملاحظات عامة عندي ليس بالضرورة انها متواجدة في الإشراف الحالي أو السابق أو اللاحق أو السبيس توون ولكن شي ان جينرال 1- أنت مشرف = العين عليك يعني انت كل الأنظار مركزة عليك والمشرف لا طاح كثرت سكاكينه المشرف بشر بطبيعة الحال ويتلقى الكثير من الضغوط في العمل وفي الجامعة وفي البيت وفي الشارع وفي كل شي يمر به بحياته يجي المشرف مشحون ونفسيته زفت ويلقى موضوع سخيف للرشيق ويقشه للمحذوفات أو يرد عليه رد تهزيئ يجي الرشيق المسكين اللي موب داري وش السالفة وتوه مسجل ويشوف هالرد ويتحطم ويشب بلاب توبه ويترك النت ولا يرجع فكلامي هو عن مراعاة نفسية و احاسيس الأعضاء وعدم الحكم على صلاحية رد أو موضوع من وجهة نظر شخصية أو تحت ضغط شديد فأنت قد لا تعجب بردي لكن فيه غيرك بيعجبه والأعضاء الجدد يحتاجون مراعاة اكثر خصوصاًَ المنتقلين من البراعم للديوانية ركزوا عليهم 2- منكم وإليكم والسلام عليكم بعدما انحذف موضوع الرشيق المسكين وراح الرشيق المسكين منكم واليكم كما يقول النظام وفتح موضوع وسأل فيه عن سبب حذف الموضوع وانتظر بلهفة رد المشرف الرشيق المسكين اصبعه على F5 وكل شوي يضغطه لين انكسر الزر ولا جاء أحد راح الرشيق نام لين شبع نوم وقام وقبل ما يغسل وجهه فتح الموضوع الا محد رد مرت الأيام والليالي والشهور والسنين ولا رد أحد على الرشيق نبتت غابات في الموضوع واصبحت تسكنه بعض الذئاب الجارحة والنسور المتوحشة وللآن محد رد تغيرت الادارة والطاقم الاداري كله ولا رد احد على الرشيق ولا حول ولا قوة الا بالله خلص الانترنت من امريكا ولا رد احد ولا عاد فيه انترنت علشان يرد احد على الرشيق فكلي أمل ان يكون هناك مجال لسماع شكوى الأعضاء والرد عليها وتوضيح اللبس ولو كانت ملابس سباحة ما يخالف 3- الاعتراف بالخطأ افضل من الاستمرار بعدما راح الرشيق لمنكم واليكم وكتب موضوع وتفضلوا المشرفين وردوا عليه وطلع انه حصل خطأ من أحد المشرفين في الموضوع العادة ان المسألة تنتهي ولا كأنه صار شي الرشيق خوي مدرعم وليل هادئ ووو لكن العضو سلحوف عضو جديد ولا يعرفكم وطالب بخامس ابتدائي وتبي تجي بنفسه ثم تبي تصير عنده عقدة طول عمره ويبي يصير فاشل بالدراسة ومدمن مخدرات كل ذا لأنه اخطى مشرف عليه ولا اعتذر منه فحبذا لو تكون لدينا مساحة للاعتذار من العضو المخطأ عليه سواءاً فردياً أو علنياً حسب حجم الخطأ والاعتذار ليس خطأ ولا انقاصاً من قدر أحد بل الخطأ هو الاستمرار بالخطأ 4- ردود سخيفة سلحوف بعدما اعتذروا له المشرفين تحمس وكتب موضوع جديد ويوم جاء متحمس اول ما قام من النوم يفتح موضوعه ولقى الرشيق ورايق يسولفون بالموضوع المشكلة ان الرشيق ورايق من المخضرمين واخويا المشرفين ويستحي ذا توب يصكهم انذار وهم ما استحوا على وجيهم انهم يسولفون بموضوع سلحوف سلحوف تعقد وهو يقول لا تسولفون هنا وانحرف الولد وصار مهرب مخدرات ومات من جرعة زايدة من يتحمل ذنب سلحوف والردود السخيفة تراي ابنتحر بسبتها يعني يجي واحد يقول موضوعك طويل ياخي محدن قالك البسه 4 - قولوا للمحسن أحسنت وللمسيء أسأت فيه خاصيتين في المنتدى لا تستعمل الا نادراً او على أشخاص معينين سلحوف رحمه الله كتب موضوع مميز وخطير ورهيب ثم نام واحلامه كلها في الردود اللي تبي تجيه وانه يبي يصير كاتب الموسم و مدير المعالي وموب بعيد بكرة يصير مدير الانترنت صحى سلحوف لقى بموضوعه ردين من عنتور و نمور ولا احد عبره ولا دخله ولا مشرف بينما نزل الرشيق موضوع قبل 10 دقايق صك هالموضوع 3 صفحات وعليه 5 نجوم وسووا له بنر وله اعلانات في الراديو وفيه مقابلة بكرة للرشيق في برنامج اضواء مع تركي الدخيل والموضوع سواليف سخيفة بالنهاية بس لأن الرشيق خوي مدرعم وذا توب وليل هادي ووو فأتمنى هنا تنمية الأقلام الجديدة ولا اعني الناقلة بل الكاتبة والمتابعة من المشرفين والرد عليهم فرد المشرف بموضوع عضو كأنه مثل يوم تروح لطريق خريص وتلقاه فاضي وتقول بصوت عالي YEEEEEEEEEEES بالمقابل سلحوف كان زعلان ذاك اليوم ودخل موضوعه ولقى واحد يسولف سواليف بايخة فسلحوف ما تمالك نفسه وتكلم على ذاك جا ذا توب طيران شم ريحة حرش ويصك سلحوف انذار بينما الرشيق قبل سلحوف مهزئ واحد بموضوع بس لأن ذا توب صقيقي الصدوق ورحت انا وياه للقراند لاين سوا ما راح يبلغ عني لأني صديقه وأبو عمر خويي والمدير التنفيذي خويي واكيد انها زلة لسان ما تستاهل انذار فيرجى مراعاة هالنقطة ولا عمرك تصكوني انذارات ولو تشيلون الانذارين اللي علي تصيرون احسن ناس هذا اللي عندي حالياً ولا صار ببالي شي ابرجع اكتبه مع ملاحظة اني ما قريت ردود الشباب قبلي فالعذر لو كررت شي قاله احد قبلي مع العلم ان سلحوف وعنتور ونمور شخصيات خيالية وأي تشابه لها في الواقع فالرشيق غير مسؤول عن ذلك والله الموفق إلى سواء السبيل مراد بن الرشيق

ياحبييييييييي لك ...

بيض الله وجهك .. وعز الله انك ماقصرت .. قلت كل مازورت في نفس لأقوله ..


---- الديوانية إن استمرت على هذا المنهج لن تجد إلا بضعة اشخاص .. يتحادثون فيما بينهم بعدة أسماء !!!

العضو الجديد [ مثلي وأشكالي ] .. صعب جدا جدا علية الإندماج في مثل مجتمع الديوانية !!

لأن الأعضاء هنا لايردون الا على اللي يعرف فقط !! ويتجاهل رد الشخص المجهول بالنسبة له حتى وإن كان رده يسوى ردود الاعضاء كلهم !!


أنا لم يسبق لي كتابة موضوع لكن أجد بعض الردود على المجهولين تحز في الخاطر كلها استهزاء !! وتجريح بأنك ماتعرف تكتب ولاتتعود مرة ثانية تنكت !!


لذلك لاعجب ان تجد تجمع لأعضاء وردود وصفحات على موضوع سامج وعادي .. لاعجب فالكاتب فلان !!

وأصل المشاركات كلها تذكر يوم نروح للمقهى الفلاني !! والاستراحة العلانية !! وزيد يسلم عليك !! وعبيد يدعي عليك !!

والمشرفين لهم الحظ الاوفر من ذلك !! فنادرا ماتجد رد على موضوع صاحبه مجهول !!

بينما تجد تعامل مغاير تماما لبعض المعرفات !!

فمثلا أذكر قبل فتره ثبت موضوع .. وأعطي خمس نجوم مع أن مادة الموضوع كانت خادشة للحياء !!! ولو كتبها شخص آخر لحذف الموضوع برمته !!


لاأنكر وجود أعضاء أصحاب أخلاق رفيعة جدا مثل صاحب الإقتباس ( الرشيق ) الله يجزاه خير ( تراي والله مااعرفه )

هدى الله الجميع وانار بصائرهم وطهر قلوبهم ،،،

[و1حد]

كود PHP:

 صح يا ديموقراطيه :seko: 


[abu_anas_h]

اعدد من التساؤلات في ذهني تتواجد , وبعض من النقاط في خاطري تتجول

سأذكر الذي أرى بأنه مؤثر أقل من غيره فإن وصلت إلى مبتغاي فهذا ما أريد وسأكمل البقية بإذن الخالق , وإلا فتصفية الحسابات كافية

النقطة الأولى :-
حينما يطالب الأعضاء - وأقول هذا الكلام بحكم أني عضو وجربت - بنشاط أو فعالية يكون الجواب : ليه منكم وإليكم حاطينه الا لاقتراحاتكم
يعني هل المشرف ينتظر من العضو أن يتقدم ببرنامج ؟ المفترض أن يكون العكس , ولا ننكر وجوب التعاون , ولكن أتحدث عن الأصل , فالأصل في البرامج أن تقدم من المشرفين

النقطة الثانية :-
قبل دوري ربيع المعالي سمعنا مواعيد بفعاليات وأنشطة لن نتوقعها ونتفاجأ بأن ما يطرح على أحد نوعين
- إما خارج تخصص القسم
- أو أقل من المتوقع , إذ أن توقعاتنا أتت من دعاياتكم وأخص بالذكر الأخ ( عليان , مدرعم )

النقطة الثالثة :-
إما كل المشرفين منزلين مواضيع أو ما فيه أحد

أذكر قبل شهرين ( لمعان البرق + ليل هادئ + ذيب تميم ) كلهم نزلوا مواضيع في اسبوع واحد
وفي هذا الاسبوع ( ذا توب + ليل هادئ + مدرعم ) يكتبون مواضيع

السؤال : هل مواضيع المشرفين لها وقت ؟ أم أن الأمر مجرد مصادفة ؟ أم أن هذا خارج عن السيطرة ؟

طبعا مواضيع المشرفين لها رونق خاص يختلف تماما عن مواضيع بقية الأعضاء إلا في حالات شاذة واستثنائية


النقطة الرابعة :-
إما ثلاثة من المشرفين متواجدين , أو ما فيه أحد
هذه النقطة أستطيع أن أقول اختفت مع ربيع المعالي ولكن قبله كانت متواجدة ووقعت فيها في أحد مواضيعي في منكم وإليكم
يرد علي ثلاثة خلال نصف ساعة وأجلس خمس ساعات ما دخل الموضوع أحد مع أن آخر رد لي ؟
بت قول لي ما فيه الا أنت فيه غيرك كثير ؟ أجيبك وأقول : أنا أتابع القسم ما يدخله مشرفين وإن دخلوا دخل اثنين ثلاثة جميع


النقطة الخامسة :-
وهذه النقطة قد تكون من أكثر النقاط حساسية ألا وهي نسب الفضل إلى غير أهله , فحينما يطرح أحدهم فكرة على بعض المشرفين فإن المشرف يطرح هذه الفكرة وكأنه هو الذي اخترعها , أو أنه هو الذي فكر بها , دون أن ينسب الحق لأصحابه .... , علما بأني لا أراها كثيرة ولكني رأيتها , وحدثني غير واحد بأنه رأها , ومن الطريف بالأمس أخبرني بهذا الأمر أحد من كتب في هذا الموضوع وتناقشت معه حول هذه النقطة ..

[ليل هادئ]

شكرا لكل من أسدى لنا نصيحة

شكرا لمن كان في قلبه شيء وأخرجه لنا هنا

شكرا لكل من أبدى لنا اقتراحا أو رأيا

ولكن هذا غير كافٍ والموضوع أخذ وقتا طويلا غير ما خططنا له

نود من الجميع ممن كان عنده اقتراح أو رأي أن يضيفه في هذا الموضع قبل إغلاقه , علما بأننا سنغلقه عند الساعة الثانية عشر من منتصف الليل

وشكرا لكم جميعكم

[المستشار الخاص]

أنا ما عجبني إلا كلمة دمقراطية وه بس وه

[سلطان بن محمد ..]

النقطة الرابعة :- إما ثلاثة من المشرفين متواجدين , أو ما فيه أحد هذه النقطة أستطيع أن أقول اختفت مع ربيع المعالي ولكن قبله كانت متواجدة ووقعت فيها في أحد مواضيعي في منكم وإليكم يرد علي ثلاثة خلال نصف ساعة وأجلس خمس ساعات ما دخل الموضوع أحد مع أن آخر رد لي ؟ بت قول لي ما فيه الا أنت فيه غيرك كثير ؟ أجيبك وأقول : أنا أتابع القسم ما يدخله مشرفين وإن دخلوا دخل اثنين ثلاثة جميع

ع شان يعززون لبعض ذذ

فية شين يلجلج بخافقي الا وهو
ان المشرفين ما يعطونك جوابن كافي ويصرفونك

مثلا انا كتبت رد وحرر بحجة لازم احترم وللمعلومية ما كتبته الا لما شفت احد الكتاب القدامى كاتبة وما حُرر
رحت كتبت لهم بالمنكم واليكم

قالو لي خلك اطلق رد وحسن اسلوبك وما عدلو رد ذاك وبس

<<-=-=-= مشكلة الي يتصنون المثالية وهم ادج خلق ربي ذذ