سلسلة وش أكشخ [ وش أكشخ عطر شفته قصدي شميته ] ..

[’’أصيل‘‘]

المشاركة الأصلية كتبت بواسطة من أنت ؟! رح لسوق المعيقلية عند الجامع الكبير .. عند الإمارة .. محلات العطورات والملابس هناك .. رخيصة وكل شيء موجود .. واحذر من التقليد في العطورات .. يعني إذا اعجبك الطيب .. حاول تشتريه من المحلات الكبيرة .. وعندك أيضا شارع السويلم .. من مراكز العطورات بالرياض .. قريب من المعيقلية .. ومعروف .. بس خلك حذر مثل ما قلت لك .. ترى الدعوى نهايب !!! عندك شارع الثميري أيضا نفس المنطقة .. محلات الساعات والتكشيخ الرجالي .. ميزة هذه الأسواق وجود الموردين وكبار تجار الجملة خصوصا العود والعطورات الشرقية في المعيقلية .. لن تجد مثله (وبدون مبالغة) في كل أنحاء المملكة .. !! إذا شفت وفرة وأنواع العود هناك .. بتقول شكله يوزع ببلاش بالمناسبة شارع الثميري فيه محلات السباح أو المساح كانك من هواتها .. من أم ريالين إلا أم الآلاااااااف !! هذا ما يحضرني .. والله أعلم ..

جزاااااك الله ألف خير

طيب أبسألك عن محل "باريس جالري"
وين مواقعه هذا أولا
ثانيا ممكن ألقى نفس عطوراتهم بس بمحلات ثانية تكون أرخص(لأن مسألة المواقع والإيجارات تلعب دور بالسعر)والتوفير لا بد منه<غلا+طالب=دجة>

[الليل الطويل]

طبعاً لا يمكن الإستغناء عن دهن العود

المطاوعة مايمكن يستغنون عن دهن العود>>وش عنده الزاحف

[من أنت ؟!]

خوي أصيل


أنا ما ني راعي دوجي في الأسواق


وأسواق الرياض كثيرة جداً .. ومحلات العطورات المتخصصة معروفة ومشهورة ..


لكن ذكرت لك اللي ذكرت لكثرتها ورخصها ..

مثلا عطر (212 مان) وجدته في محل في أحد الأسواق الحديثة 180 ريال ووجدته في آخر 200 ريال (حرامي درجة أولى )

وأخذته من المعيقلية 145 ريال !!!

مع إنك ممكن تلقى مغشوش أو (مضروب) كما يقولون بأقل من 100 ريال في شارع السويلم !!

وفقك الله

[’’أصيل‘‘]

شوكريات من أنت
تعبناك معنا