الاشهر الميلادية و..

[Nice Dream]

بسم الله الرحمن الرحيم
السلام عليكم ورحمة الله وبركاته
تحيه طيبه ..
وبعد ..
اتمنى احد يقدر يفيدني لو بالقليل عندي درس ابشرحه ان شاء الله الاحد الجاي عن الاشهر الميلادية والارقام>> ( طالبة ميداني)
الدرس..

محتارة كيف بااقدم لهم الدرس ؟!! الاشهر راح أقدر إن شاء الله عليها بس الارقام محتارة كيف أوصلها للطالبات منشان يفهمونها ..
بااختصار ..مشكلتي أفهم بس أحيانا ما عرف اوصل المعلومة بسهولة للمتلقي
اذا كنتم تقدرون تساعدوني تعطوني مقترحات كيف يمكن اوصلها بسهولة ويسر واخلي المعلومة تثبت بذهن الطالبات من خلال العرض اللي أبقدمه لهم ..
فكرت أسويه برزينتشين بالبروجكتر بس اخاف ينكبن مثل ما سوى لوحده من صديقاتي وهنق عليها

بانتظـار ما لـديكم ..
ولن أننساكم من الدعاء ..

[الريحان]

وعليكم السلام ورحمة الله وبركاته ..

أخيتي .. Nice Dream

درس الـ ordinal number يعتبر درس مراجعة .. لأنهم سبق و أخذوه في صف سادس ابتدائي ، بداية الفصل الدراسي الثاني .. أخذوا من الأول - العاشر .. فـ الأساس موجود .. أنت بتعملين refresh للمعلومات السابقة واستكمال للجديد .. يعني مافيه تأسيس ..

برجع لك ان شاء الله ..

[نجدية الحجاز]

السلام عليكم
أنت بتشرحين الدرس لبنات أول متوسط يعني توهم طالعين من الأبتدائي فحركه حلوه أنك تشاركينهم في الدرس علشان تضمنين هدؤهم وبصراحه عروض الكميوتر صارة مستهلكه فخوذي هذى الفكره وأدعيلي صابت أو خابت وأن شاء الله تصيبببببببببب(وعلي فكره جنبي بنت أول متوسط وعجبتها الفكره وقالت ياليت أبلتنا تطبقها)
خخخخخخخخخخخوذي الزبده:
لبسي 12 بنت بطاقات ملونه أو قبعات وكل وحده أسم شهر ويدخلون بالترتيب بشكل بسيط ومرتب بعد عرض الشهور تجلس كل بنت مكانه ماعد شهر واحد يكون معها بطاقات بالأرقام كتابة وتوزعها علي الطالبات بالترتيب وتخلين كل وحده تقرء بطاقتها وتساعديها أذا ماعرفة وبذلك تضمنين مشاركة الكل وتكملين الدرس
وسلامتتتتتتتتتتتتتتتتتتتتتتتتتتتك

[Nice Dream]

المشاركة الأصلية كتبت بواسطة الريحان وعليكم السلام ورحمة الله وبركاته .. أخيتي .. Nice Dream درس الـ ordinal number يعتبر درس مراجعة .. لأنهم سبق و أخذوه في صف سادس ابتدائي ، بداية الفصل الدراسي الثاني .. أخذوا من الأول - العاشر .. فـ الأساس موجود .. أنت بتعملين refresh للمعلومات السابقة واستكمال للجديد .. يعني مافيه تأسيس .. برجع لك ان شاء الله ..

حـــــلوو ..
بإنتظــار عــودتك بفـارغ الصبر..
لاحرمك ربي الاجــر ..

[Nice Dream]

المشاركة الأصلية كتبت بواسطة نجدية الحجاز السلام عليكم أنت بتشرحين الدرس لبنات أول متوسط يعني توهم طالعين من الأبتدائي فحركه حلوه أنك تشاركينهم في الدرس علشان تضمنين هدؤهم وبصراحه عروض الكميوتر صارة مستهلكه فخوذي هذى الفكره وأدعيلي صابت أو خابت وأن شاء الله تصيبببببببببب(وعلي فكره جنبي بنت أول متوسط وعجبتها الفكره وقالت ياليت أبلتنا تطبقها) خخخخخخخخخخخوذي الزبده: لبسي 12 بنت بطاقات ملونه أو قبعات وكل وحده أسم شهر ويدخلون بالترتيب بشكل بسيط ومرتب بعد عرض الشهور تجلس كل بنت مكانه ماعد شهر واحد يكون معها بطاقات بالأرقام كتابة وتوزعها علي الطالبات بالترتيب وتخلين كل وحده تقرء بطاقتها وتساعديها أذا ماعرفة وبذلك تضمنين مشاركة الكل وتكملين الدرس وسلامتتتتتتتتتتتتتتتتتتتتتتتتتتتك

وعليكم السلام ورحمة الله ..
هلا أختي نجدية ..
حلوو يعطيك العافية ..
ان شاء الله باادعيلك أكيد ..
بس ما فهمت طريقة الارقام ممكن توضحينها أكثر ..؟
مشكوووورة لا حرمك ربي الاجر ..

[نجدية الحجاز]

أنا أقصد وحده من الطالبات التي يمثلن دور الشهور يكون معها 20 بطاقه كتب عليها الأرقام يعني رقم وأسمه بالأنجليزى وتقول : أنا أحضرت معي بطاقات حابه أوزعها عليكم لتتعرفوا علي ماكتب عليها.
أو أنتي وزعي البطاقات علي البنات كل وحده تأتي وتسحب بطاقه وتقرئها أمام البنات وسلامتك

[الريحان]

ممكن تستخدمين الأشهر - بعد الانتهاء من شرحها - كمدخل لمراجعة الأرقام ..

تبدأين أنتِ بأول جملة كمدخل :

January is the first

بعدين تسألين البنات :

Which month is the second ?l

وبعد ماتأخذين منهم الجواب .. ممكن تسألينهم :

March is the .............l

وتوضحين بعد كل رقم طريقة كتابة الأختصار الخاص فيه .. وإنه الاختلاف بس في الأول - الثاني - الثالث ..

أما البقية فكلها بعد كتابة الرقم ، نكتب بجانبه من الأعلى بخط صغير th


وبـ هالطريقة .. تستمر بقية الأرقام بإضافة th عند كتابتها .. + تعليمهم طريقة كتابة الاختصار ..



الآن وضحت لك الفكرة الرئيسية .. أما الوسائل والتقييم .. فطالبات التربية الميداني ماشاء الله عليهم مبدعات ..

شخصياً : أفضل وجود calendar حائطي أو كفّي .. تشرحين عليه الأشهر ..

وممكن في التقييم تبعثرين التقويم وتخلينهم يرتبونه ..


وممكن في تقييم الأرقام : تجهزين بطاقات على كل واحده بطاقة مكتوب عليها رقم ترتيبي ..

وتخلين طالبة تختار بطاقة وبعدين تقول اسم زميلتها اللي موجودة على الطاولة اللي تحمل نفس الرقم ..

طبعاً مو من واجبك ترقمين الطاولات ، بس عطي الطالبة فرصة إنها تلف على زميلاتها وتعد الطاولات لحد ماتوصل للطاولة الصحيحة .. علشان تحققين المهارة ..

بس دورك إنك تحددين الطاولة الأولى علشان مايخربطون البنات في العد ..




هذا على عجاله ، واعذرينا على التقصير ياغالية ..

عندك منتدى سعودي انجلش بينفعونك جدا ماشاء الله عليهم .. أرشيفهم غني ..




نصيحة من مشرفة على طالبات الميداني :


اتكلي على الله ، واخلصي النية ..

لاترتبكين .. وخلي صوتك واضح ونبراتك منوعة على حسب الوضع ..


وبالتوفيق ..

[strawberry]

"


ماازيد على كلام الريحان جزاها الله خير..



اهم شي صوتك لازم يكون واضح .. استخدمي الفلاش كاردز ..
احرصي تقومين البنات بشكل عشوائي .. يعني لاتركزين على الممتازات بس ..
لو جربتي تستخدمين مشهد بسيط ببداية الدرس بيكون حلو طبعا البنات يطبقونه ماياخذ خمس دقايق


موفقة ;



"

[Nice Dream]

ردي وين طــاره لــه ..؟ >مشكلة العجلة ..
..
نجدية ..
فهمت عليك ربي يسعدك والله يسلمك ..
مشكورة ياالغلا ..
ونخدمك بالافرااح ان شاء الله ..

..
strawberry
عـٌلـم وتم العمـل به ..
لاحرمك ربي الاجـــر ..
جزاك الله الجنة ..
ونخدمك بالافراااح والمسراات ..

[Nice Dream]

المشاركة الأصلية كتبت بواسطة الريحان ممكن تستخدمين الأشهر - بعد الانتهاء من شرحها - كمدخل لمراجعة الأرقام .. تبدأين أنتِ بأول جملة كمدخل : January is the first بعدين تسألين البنات : Which month is the second ?l وبعد ماتأخذين منهم الجواب .. ممكن تسألينهم : March is the .............l وتوضحين بعد كل رقم طريقة كتابة الأختصار الخاص فيه .. وإنه الاختلاف بس في الأول - الثاني - الثالث .. أما البقية فكلها بعد كتابة الرقم ، نكتب بجانبه من الأعلى بخط صغير th وبـ هالطريقة .. تستمر بقية الأرقام بإضافة th عند كتابتها .. + تعليمهم طريقة كتابة الاختصار .. الآن وضحت لك الفكرة الرئيسية .. أما الوسائل والتقييم .. فطالبات التربية الميداني ماشاء الله عليهم مبدعات .. شخصياً : أفضل وجود calendar حائطي أو كفّي .. تشرحين عليه الأشهر .. وممكن في التقييم تبعثرين التقويم وتخلينهم يرتبونه .. وممكن في تقييم الأرقام : تجهزين بطاقات على كل واحده بطاقة مكتوب عليها رقم ترتيبي .. وتخلين طالبة تختار بطاقة وبعدين تقول اسم زميلتها اللي موجودة على الطاولة اللي تحمل نفس الرقم .. طبعاً مو من واجبك ترقمين الطاولات ، بس عطي الطالبة فرصة إنها تلف على زميلاتها وتعد الطاولات لحد ماتوصل للطاولة الصحيحة .. علشان تحققين المهارة .. بس دورك إنك تحددين الطاولة الأولى علشان مايخربطون البنات في العد .. هذا على عجاله ، واعذرينا على التقصير ياغالية .. عندك منتدى سعودي انجلش بينفعونك جدا ماشاء الله عليهم .. أرشيفهم غني .. نصيحة من مشرفة على طالبات الميداني : اتكلي على الله ، واخلصي النية .. لاترتبكين .. وخلي صوتك واضح ونبراتك منوعة على حسب الوضع .. وبالتوفيق ..

طبعت الكلام وصميته صم والحمدلله حمدا كثيرا مشت الصحة بأحسن ما يكون ..
لاحرمك ربي الاجر وجعل ما دعيت به لك مقبولا ورزقك أعلى مما تتمنين...
كفيتي ووفيتي .. ما ياصلكم قصور ..
الله يسعدك ..
نخدمك بالافراح ان شاء الله ..
شاكرة لك ..

[الريحان]

ماسوينا شيء .. : )

ليتي أقدر أقدم أكثر ..

الله يوفقك .. وتاخذين الدرجة النهائية في التقييم ..