اسمعوا السالفة.......

[الباشا صويلح]

[[size="5"]السلام عليكم ورحمة الله وبركاتة....بعد انقطاع عن المنتدى حيث انني لم اتصفح المنتدى منذ فترة...
هاأنا قد اتيت
[color="Sienna"]قلت وش اكتب؟؟؟؟جلست افكر ثم افكر...قلت:خلني اكتب موضوع ادبي...
عادقلت وينك وين الادب شايف روحك امرئ القيس أو عنترة ولا تبي تصير العشماوي المهم...
وبعد طول تفكير ....وفرك للدماغ قلت خل اقول للشباب سالفة مفرفشة....
خل يستانسون شوي ....ومع ذلك اضيف مشاركة لرصيد المشاركات...

في أحد المرات وفي يوم من الايام...وفي زمن ((المراهقة المبكرة))من وين طلع القاموس التربوي ........
على وقت الهبال والطرطعة رحت أدور على بنشر..ابنفخ الكفر المبنشر((اقول فهمتو شي))؟؟؟؟؟
وقعدت ادور شوي بالديرة ..اضيع قليل من الوقت..والكفر مبنشر
في وقت الاختبارات...قلت خل ادور على بنشري قبل ماتشوفن الشرطة ..على وقتها كان ماعندي رخصة

المهم دخلت في احد الحارات اللي يقطنها غالبية من الاخوة المصرين....ورحت للبنشر اللى في الحارة....
ولفت نظري واثار دهشتي ..هوشة يعني دبغ اقصد معركة بين شباب من المقيمين المصرين...
ومن زودالبجاحة والشرافة...نسيت الكفر وجلست اتفرج على الهوشة
والهوشة كانت غريبة حيث انا الخصمين المتاهوشين كانا متناقضين...وش هاللغة ياصويلح

واحد منهم دب وقزم والاخر عصل وطويل
وهذا اللى خلاني اتباع الهوشة...واحتدم الصراع بين الطرفين..وحمي الوطيس
فالدب يقول انت اللي مش عارف يابن....فيرد عله المعصقل الطويل انا كدة ياللي ماتستحي طيب حنشوف...
فيزبد ويرعد الدربي السمن ويرد عليه بكلمة اقوى من الاولى...والمعصقل الطويل ماغير يقول انا كده ماشي...
والعالم متجمعين حولهم....وبعد برهة من الزمن تذكرت الكفرالمنسم وقلت خلني انفخ الاطار بالهواء واكمل متابعة المصارعة الجميلة
المهم لبقت السيارة قد اللي حق الهواء ووزنته على الكفر علشان اعبي((اقول فهمتو لهجتي القصيمية))..
يعني اوقفت السيارة بجانب الخرطوم بتاع الهواء....المهم عبيت الكفر وملأتة من الهواء...أشغلتنا بالكفر
المهم ودقيت ريوس يعني اريد ان ارجع للخلف ...وانا متابع للهوشة العالمية..وغير مبالي بمن خلفي من السيارات الواقفه..ومادريت الاواسمع الصوت بووووم...
والتفت للخلف فإذا بسيارتي ترتطم بأحد السيارات الواقفةخلفي..وفجأة نظرت من جهة المصرين فاذا هم قادمون الي زرافات ووحداناً...
وصرخون بأعلى صوتهم (((عربيتنا عربيتنا عربيتنا)))...واستغربت قلت في مظاهرات بالسعودية
المهم نزلت من السيارة ورحت اشوف السيارة اللي صدمتها فاذا هي سيارة احد الاخوة المصرين وهي كرسيدا يمكن موديلها55
وتجمهر كل من في الشارع من المصرين الذين كانوا يتابعون الهوشةتجمعوا حولي..قلت الله يستر الحين الدب يتدحرج فوقي انتقاماً لعربيتهم...
رحت اشوف الاضرار بحثت ماشفت ضرر قوي..الا اللهم النور الخلفي لعربيتهم انكسر...وتقدم احد الفتيان الى وقال لي باللهجة المصرية ((ده عربيتنا..))) قلت له هذا عربيتكم....فرد مجيباً: ااااه...
قلت وين ابوك ياولد...قال انا اتصلت علية وهو حيجي من الشركة....قلت بسم الله الرحمن الرحيم بها السرع اتصلت..
المهم قعدت انتظر ابوهم متى ياتي..عاد قلت والله البلشه ماعندي رخصة وش اسوي والسيارة لاخوي
وبدأت المفاوضات بيني وبين الفتى قلت له خل اعطيك خمسين ريال وعطه ابوك...فرد على قائلاً:وأنا مالي العربية بتاع بابا..
قلت ومتى يجي باباك...أنا رجال مشغول..وأنا ماعندي غير الدجة ماأبي اروح للشرطة
المهم وانا قاعد انتظر ابوهم الا واحد من الزقرت يمر من عندي قائلاً:اسحب السيفون ..يعني هج اوووووووووووف يعني
حط رجلك...
المهم وصل الاب وقال لي الف سلامه وهو ينظر لسيارته ..قالت لامافي شي..وجلس ينظر الاضرار ويفكر
قلت الله يستر الحين يطلب الشرطة..فنظر الي قائلاً:روح ربنا يستر عليك وأنا من غير شعور حطيت السيارة بالاول وماتسمع الاصوت زعيق الكفرات...وقلت بيني وبين نفسي احلق رمشي اذا وقفت عند هوشة مصريين

وانتهت الحكياة بالربع وعساة تحوز على اعجابكم
مع تحيات مراسلكم أفصد محدثكم: الباشا صويلح

[أشقراني]

لا عادي تتفرج على هوشة مصريين


بس المرّة الثانية لا تصير درج ولا تناظر ورى


أهنيك على اسلوبك عزيزي الباشا صويلح ,,


وأهلا بك بين اخوانك وأحبابكـ

[الباشا صويلح]

أشكرك اخي العزيز الدب الأشقرعلى المرور.......

والله بعدها حرمت اتفرج على هوشة مصريييييييييييييييين

[قـاهـرالـروس]

قبل كل شي ممكن تكبر الخط شوي

[الباشا صويلح]

أبشر أخوي أبواب الفلوجة....
في المقالات القادمة بإذن الله عزوجل...
وشكراًعلى مرورك