طلاب , طالبات لمن اختبروا (تحصيلي - قدرات )..

[c o l o r s]

{ السلام عليكم ورحمة الله وبركاته ..


في هذا الوقت الذي اعلنوا فيه امتحان القدرات وتحصيلي للطالبات بالتحديد قسم (علمي ) تاريخ 27/6
وخاصة الغاء مركزية الأختبارات كما كانت في السنوات السابقة ..


أود ان أعرف ما الكتب التي استعنتوا بها قبيل القدرات والتحصيلي ..وايضا ماهي وجهة نظركم خلالها هل استفدتم أم لا ؟؟

بخلاف هذه الكتب التي ذكره ساحر القرن في موضوعه السابق ..




دليل الطالب التجريبي لاختبار القدرات العامة
المؤلف : المركز الوطني لـ القياس

كتاب جيد .. خاصة إنه من نفس اللي يحطون لكم الامتحان
عادة يجي مع الكتاب CD
CD كويس .. يا ليت تحلون الأسئلة اللي فيه
و الكتاب بعد فيه امتحانات تجريبية هو و CD و يشرح لك وش هو القياس و على ايش يعتمد ..
.




كتاب رام 1
لـ المؤلف : بهاء فوزي أبو زيد

الأسئلـة اللي في هالكتاب أصعب من الأسئلـة الموجود في امتحان القدرات نفسه
يعني لو قدرت على هالكتاب بتحل القدرات و إنت مغمض
و فيه قوانين حلوة بعد تستفيدون منها ...




أساسيات الرياضيات
المؤلف : مركز رائز

كتاب يا زينه زيناهـ و الله إنه أطلق كتبا شفته في حياتي
عدد صفحاته 30 صفحة بس الله يجزا اللي سواه كل خير
تبونه .. خذوهـ من مركز رائز لـ القياس إذا كنتم مسجلين فيه
و إذا ما ودكم تسجلون فيهـ شف لك واحد سجل و خذ الكتيب منه و صورهـ ..


جزيتم خيرا مقدما .. على أمل الاستفادة منكم }

[SEAs]

حالتنا نفس حالتكـم : ( ,,

نتمنى نسمع تجاربـ الجميع,,
,,

أما على الكتب ::

1- كتاب ( الأمين ) لاختبار القدرات - لم أجربه لكن اخبرتني به الأخت صمت -

2- كتاب( رام 2 ) للاختبار التحصيلي _ رائع فيه 5 أقسام قسم رياضيات - قسم كيمياء - قسم أحياء -
قسم فيزياء - قسم انجليزي ) لمواد المرحلة الثانوية على شكل أسئلة اختياري وملخصات .


مرة قرأت موضوع بهذا الخصوص باذن الله سبأحث عنه ,,

[SEAs]

هذا الموضوع : ),,

اختبار الكليات الصحية سابقا هو نفس اختبار القدرات والتحصيلي اللي وضعوه الآن ,,

المشاركة الأصلية كتبت بواسطة Dr.Nefo ماهي طبيعة اختبار الكليات الصحيه ؟؟ هو عبارة عن اختبار يشمل المواد العلميه الخمسه" الانجليزي .. الكيماء .. الفيزياء .. الرياضيات .. الاحياء " تشمل جميع مراحل الثانوية الثلاثه . وكل الأسأله طبعا اختيارات " مثل طريقة اختبار القياس بالضبط " ماهي النسبة المكافئه ؟؟ وكيف يتم حسابها ؟؟ النسبة المكافئه عباره عن مجموع درجاتك " في الثانوية العامه + اختبارات القدرات + الاختبار التحصيلي " الاختبار التحصيلي 40% من النسبة المكافئه اختبار القدرات 30 % من النسبة المكافئه الثانوية العامه 30% من النسبة المكافئه " التوزيع هذا بالنسبة للطلاب ماعندي خلفية عن توزيع البنات للاسف " بعد ان ينتهي الطالبـ/ـه من اختبار الكليات الصحيه التحصيلي .. يتم حساب نسبته المكافئه وبناء عليها يتم ترشيح الطلاب للمقابله الشخصيه . ماهي الاستعدادات لاختبار الكليات الصحيه التحصيلي طبعا كثير من طلاب وطالبات الثانوية العامه يستصعبون مساله مراجعه جميع مناهج الثانوية الخمسه بجميع مراحلها الثلاث . لذلك هذه بعض النصائح أسـأل الله أن تكون مفيدة لكم ولو بشيء بسيط . * الدورات التأهيليه لاختبار الكليات الصحيه طبعا في دورات تقام بالصيف لتأهيل الطلاب لدخول اختبار الكليات الصحيه التحصيلي . كثير من الطلاب يتساءل .. الدورات مفيده ولا لا ؟؟ بالنسبة لي .. ماجربتها ولا اقدر افتي من عندي .. لكن بقول لكم كلام الطلاب اللي جربو هالدورات أغلب زملائي اللي دخلو الدورات مدحوها لكن بقولكم ملاحظة بسيط .. الدورات صحيح انها مفيده جدا لكن مالها اي فائده اذا طلعت من المعهد وكملت باقي يومك لعب وفله ماراح تستفيد . بقولكم قصة بسيطه يمكن تستفيدون منها ض1 << قلب الموضوع سواليف السنه اللي قبل الماضيه .. لما تخرجنا من الثانوية العامه كنا محتاسين وحالتنا حاله .. ولاندري وش نسوي ولا كان عندنا احد نستفسر منه خصوصا ان السنه التحضيريه كان جديد واول مره يطبقونه كان على دفعتنا . اغلب خوياي سجلو بمعهد " اذكر كان اسمه رائز " وكانو ياخذون منه ملخصات لكل مادة تشمل كل المواضيع من أول ثانوي الى ثالث ثانوي .. ركزو فيها على القواعد الاساسيه اللي ممكن تجي بالاختبار التحصيلي . اللي استفاد منهم .. هو اللي كان يطلع من المعهد منا .. ويرجع يراجع اللي اخذه بالمذكرات على شان تثبت المعلومه ولا يضيع تعبه .. واللي كان يطلع من المعهد على التحلية جاب العيد للاسف :D بالنسبة لي .. صورت المذكرات حقت خوياي وجلست بالبيت اطبعها طبع مو طبيعي لمدة خمس ايام متواصله من العناء والشقاء :D .. لكن الحمد لله ربي ماضيع تعبي وجبت درجة كويسه بالامتحان اللي ابي اوصله لكم بالسالفه الطويلة هذي كلها .. ترى ياجماعه كلها اسبوع واحد شدو حيلكم فيه وابصمو المذكرات بصم وان شاء الله تجيبون درجات عاليه بالامتحان . واللي مايبي يدخل دورات ترى عادي بس اهم شي ياخذ المذكرات حقتهم هذي وان شاء الله راح يجيب نتيجه زينه بالامتحان . وكثير سالوني عن اسماء معاهد بالرياض ودورت هالفتره وسالت طلاب السنوات الماضيه مالقيت الا هالمعهدين . المعهد الأول " مركز رائز للتطوير والتدريب " هذا المعهد هو اللي سجلو فيه خوياي السنه القبل الماضيه .. يمدحونه وعلى ماعتقد مدة التدريب فيه اسبوع واحد ... وقيمة الدورة على ماعتقد ألف ريال موقع المركز : شمال أسواق العويس _ العليا العام الثاني " المستشفى السعودي الالماني " ولد عمتي قبل ثلاث سنين قالي انه سجل بدورة عندهم لمدة يومين .. مامدح لي اياها بس ماعندي خلفية عنها بشكل كبير .. على ماعتقد قيمة الدورة 500 ريال وبها الموضوع .. راح استقبل استفساراتكم .. وأحاول كثر ماقدر إن شاء الله اني أجاوب باللي أقدر عليه إن شاء الله .. وأي أحد من طلاب السنوات الماضيه عنده نصيحه لايبخل فيها ياليت ينزلها هنا . موفقين جميعا . تحياتي أخـوكم نواف

وأعتذر اذا كان فيه أي ازعاج ,,

لكن لأني استفدت من الموضوع تمنيت أفيدكمـ : ) ,,

[الـــرعيلة]

ايه


كتاب رام عندي

ومعه سي دي


الله يعين ويوفق






--------
الــ ح | ك ـــاسب

[c o l o r s]

{ .. من جد الوضع صعب خاصة ً مساعدتنا يوم جت توزع لنا منشورات (اختبار القبول للكليات العلمية ) ما أدري وصلت لمدرستكم ولا لأ ..
قالت انهم بياخذون 30% من الثانوي ( بعد كرف وتعب سنتين متتاليتين ) و 70% من هذا الاختبار في سبيل تحقيق العدل والمساواة .. وش ذنب طالبات الحكومي !! >> تفضفض

علشان كذا نزلت الموضوع علشان نكون على دراية بالكتب اللي تخص هذا الاختبار وناخذ خبرات اللي قد سبق لهم دخول الاختبار ..

وشكراً جزيلا اختي SEAs

الله يوفقني ويوفقك ويوفق كل طلاب وطالبات دفعة 1428-1429هـ يـــــــــــــــااارب }

[c o l o r s]

{ .. الرعيلة جُـزيتي خيراً

لكن اللي عندك رام 1 ولا 2 .. وهل كلهم نفس الكاتب .. لأني توني ادري انه معاه سي دي .. و من وين اشتريتيهم ..؟؟

ازعجتك بالاسئلة .. لكن جداً مهمة اجابتها بالنسبة لي ..

شكراً مرة أخرى .. }

[SEAs]

8

8

آميــــن واياكـ : ) ,,

لاتخافين تعبكـ وجهدكـ ماراح يروح لأن القدرات و التحصيلي تعتمد على دراستكـ في الثانوي ,,
رام 1 --------> لاختبار القدرات

رام 2---------> للاختبار التحصيلي >>> انا جربت هذا الكتاب معه سي دي فيه نموذج للاختبار التحصيلي .

[Lura]

ياليت احد ينزل لنا السي دي وله كل الشكر

[إشراقة الدنى]

,
,

يااارب وفق ..

والصرآآحهـ ماعندي ولا كتآب غير اللي عطوني إياااهـ المدرسهـ

والله اني خآآآيفهـ ,, اللـهـ يسهل إن شاء اللهـ



,
,

[أبوحــمــد]

الله يعين بس ..

قسسسسم بالله قوانين معقدة .. تقصم ظهر البعيـر ..

انا بثالث طبيعي .. ولا اختبر ولا اختبار من القدرات .. ويادوب لحقت على تسجيل الاختبار القادم ..

الله يعين بس ..


لكن الكلية التقنية لازم اختبار تحصيلي ؟

عشان بشوف انا أكمل درآسة ولا لا

[طموحة محطمة]

السلاآآآآآآآآآآآم عليكم ورحمة الله وبركاتة

آآآآآآآآآآه والله اني مهموووووومة حيييييييييل

وش هالنظام الجديد..؟؟.

هذا كله علشان ماحد يدخل الجامعة

لكن ان شاء الله اننا قدها

والله اكبر من الجميع....

المهم انا بالنسبة لي اهم شي كتاب رام الجزأين

مرة عجبني يعني لو اننا نبدأ نحل فيه من الحين

وليلة الاختبار نراجع الاشياء اللي ماعرفناها

وان شاء الله ربي يسهل

بغيت أسال عن كتاب أساسيات الرياضيات لـــ(0رائز)

وين القاه..؟؟؟؟؟؟؟؟

الله يوفق الجميع ويسهل عليهم وندخل الجامعة كلنا يارب

والتخصص اللي نبغاه (((

تقبلوا تحياتي ودعواتي لكم بالتوفيق بالدارين

أختكمــ

طموووووحة

[ابو اشواق]

السلام عليكم

انا متخرج من الثانوي لي ثلاث سنوات يعني ماسح المواد كلها لا رياضيات ولاخواتها


وفيه الاختبار التحصيلي جاي وصراحة سألت قالوا لي دورة رائز ممتازة في التحصيلي

ولكن الدورة مكلفة جدا 1100 ريال فهل استطيع الحصول على كتبهم

هل تباع في المكتبات واذا الاجابة بنعم بأي مكتبة وبكم السعر اذا توفر

وابغى رأيكم هل راح تنفعني الكتب على افتراض اني لقيتها من دون الدورة ولا لابد من الدورة

بانتظار ردودكم

وشكرا

[المشرقه]

الله يعين
معقووولة ع القياااس 70%...!!!!!!!
لو كذا حلووو نشد حيلنآ بالقياااس...~
وكتااب رام جارري الاطلا ع عليه

[قرطبه]

انا من ضمن اللي يشجعون على كتاب رام 2
اذكر كان مكتوب عليه جامعة الملك فهد للبترول والمعادن
يوم امتحاني القبول جاني اسئله كثيره منه
والسنه اللي بعده اعطيته قريباتي ونفس الشي جاهم منه اسئله كثيره
اتمنى اكون افدتكم

[الحيسوني]

ياجماعة من يفزع لنا في الكتب :

أساسيات الرياضيات

رام 1

رام 2


تكفى ترى تكفى تهز أعضاء المنتدى

[x-ray]

الله يعينكم والله القدرات صارت أهم من الإختبار

في الثانويه العامة ..........." وفق الله الطلاب "

[!•_أخت حمودي_•!]

,’



هـــالحـــين .. الاختبار التحصيلي .. لبنات العلمي فقط .. ,’ ؟


لأني > أدبي < .. والكتيب اللي أخذته من المدرسة .. يتكلم عن اختبار قدرات /واختبار تحصيلي ..!!


والمديرة كمان قالت إن عندكم غير القدرات/ اختبار تحصيلي ..


كيف ممكن أعرف إنا بنختبر هالأختبار وإلا لأ ..؟


والله مدري أسأل مين .. اللي عارفـــــــه تئولي .. الله يسعدهــا ..!



,’

[عطر وردة]

^
^

أخت حمودي ..


بنات الأدبي يختبروا تحصيلي ..


في المواد الخمس ..


نحو ـ أدب ـ دين ـ تاريخ ـ جغرافيا ..


وإذا ما بعد سجلت فلحقي على التسجيل المتأخر ..

http://www.qeyas.com/Qiyas/Info/ESchedule.aspx


الله يكون بعونكم ..

[[ لَيتَنِي طِفْلَه ! ]]

أنــا بكـرى إمتحــاني ولا أدري وش الطبخــه

المشكلــه إني تخرجت السنه الي فاتت ويعني كــل المعلومــات طااااارت

دعــواتكم

[Mahabid]

.

.


الحمد لله حتى يرضى و الحمد لله عند الرضى و الحمد لله بعد الرضى ..


اليـــوم الحمدلله اختبرت القياس والقدرات وانتهيت ..

مرررة كااااان حلـــــو ..

وطبــعآ سهل ممتنع مو كله طبعآ ..

والله بس اللي يذاكر رام 1 ،، رام 2 يقدرا يحل معظمها إن شاء الله ..

من جد اللي تو ما اختبروا والله يصموا الكتابين ..

انا ولدت خالتي باقي يوم الخميس اختباره بخليه يصم الكتااابين ..


لانه نفس النمط حق الاسئلة ..

الله يوفقكم يااااااااااارب ..

ويكرمكم ياااااارب زي ما اكرمني ..



بــــإذن الله بقعد ادعي لكم ،، ربي يوفقكم ..



مـــــــايـ ــااا

.

.