وش أكشخ مطعم بلعت فيه !!

[أبوالشباب]

ღ ღ ღ ღ ღ ღ ღ ღ ღ



مساء الخيييييييييير يا شعبنا الأغر ..

مساء البلابل المغرده ..

مساء العصافير المزقزقه ..

مساء الأرانب المنحاشه ..

مساء الفلللللللللللللللللللل ..

مساء الـ ######## .. <<< ما درى وش يقول ..

مساء كل شي كويس .. وخلاص ..






الموضوع واضح من عنوانه ..

والسالفه ما يبيلها فهم وزحمه ..

1 + 1 = 2 ..








طيب خلوني أوضح لكم الغرض من الموضوع .. ثمن أقول لكم وش المطلوب بالزبط ..




1/ الغرض من الموضوع:

ويتجلى (متعوب عليها ذي) في عدة أمور:

- عشا ليلة الزواج .. للحين قاعد أفحط ما لقيت وش المطعم المناسب اللي بآخذ منه العشا ..

وطبعاً أبي شي يجهز بوفيات .. أأأأأأقصد بوفيهات .. وشي ثاني يجهز كبسات ..

وحبذا لو يكونون بالخبر أو الدمام ..


- فرارة ما عقب الزواج .. واحتمال ناخذ جولة سياحية على معالم المملكة الكويسة ..

فودي كل واحد من كل منطقه .. يدلي بـ دلوه (برضه متعوب عليها) ..




2/ المطلوب:

كل واحد من الأنفار الكويسين .. بعطينا لستة مطاعم مر عليها وجربها .. وينصح بزايارتها .. <<< صار مصنع ببسي ذا ..

أهم شي يعطينا:

( اسم المطعم - توصيفه - وش الأكل الزين فيه - كم تطلع فاتورتك تقريباً لو كنتوا نفرين ) ..












وعلى طاري الموضوع .. لقيت لكم صورة إنما ايه .. فكونوا وياها ..





أجل رواتبهم من ظهورنا !!










أحتري مشاركة الجميع .. مع مراعاة فارق الأوزان لمن تجيب قيمة الفاتوره .. <<< سمعت يـ الدب الأشقر !!


تكفون .. لا أحد يسحب علي .. ويخش الموضوع ولا يرد ..



ღ ღ ღ ღ ღ ღ ღ ღ ღ

[shanab]

والله لعيونك يابوالشباب

فيه في الرياض بأعطيك مطعمين

1- ماريز
2-أوشال

وفيه شارع التحلية فيه كل شي

اذا تبي وصف شارع التحلية كلمني على الماسنجر

شكرا لي

[raqi]

أبو الشباب /

إذا مريت الرياض بعد الزواج تتوقع يصير فيه اجتماع بالإستراحة وتجيب معك نايف..،!؟

[سوار العسل]

>

والله يا ابو الشباب ماعندكم في الخبر إلا تشيليز بس :$

او تدري لقيته شف عندك محل اسماك نسيت اسمه والله بس انه مهبول وانت تخبر المأكولات البحريه في يوم الزواج لها طعم خاص

محل الأسماك والله اني نسيت اسمه لكن مهب الدافواء ومهب الدلفين واحدن ثاني نسيت اسمه :$

يالله انك تجيب لي اسمه يا رب





--------
الـــ ح | ك ـــاسب

[كرااش]

[ذيب تميم]

النقانق السريعة ..
> والا لا يا ذا توب !

[أبوفهد]

زي وش مثلا .؟

[«عاشق الخيل»]

وأنا أقول وراه في كل موضوع يقول أحد تغدى


المهم يبو بما إنك إنسان كويس، ومحترم وبتتزوج فراح أقولك على مطعم بالرياض حلو:

أوشال، مثل ما قال أخونا شنب

صراحة مطعم فلللة، ونظيف وهادي، وآخر حلاوة

وإن رحت هناك لازم تجرب شمبانيا السعودية و الله ياهي فلللة، يبغون يتحضرون على بالهم مشروب روحي بس برضه ما عرفو


هذا الي في بالي الحين، وإن تبي وصف دق علي أوصف لك مشوار الحين ذذ

[آبو يآسر]

كم تطلع فاتورتك تقريباً لو كنتوا نفرين ) ..

طيب لو كنا واحد ؟

خابرلك مطعم يبيع الشاورما بريالين

اسمه ( عمو حمزه )

والله منب راعي مطاعم أنا

فلذلك نترك المجال لمن هم لهم خبره في وشسمه .. ذذ

[و1حد]

شباب لا تتعبون أنفسكم .. لأن نهايتها شواطي الخليج
عصبيه قبليه والعياذ بالله

[abu_anas_h]

جرب مطعم الشام

عندهم كبسة على كيفك

[M1M]

أخبر لك مطعم كويس في الرياض عندك زمزم أشهر من نار على علم

حبة دجاج مع رز بخاري وحمضيات أووووووووه بس

هذى غدى

فطور

فوال الطايف

فول طاوة أوكي

عشى

بوفية حسن

شاورما تآكل نفسك مهب أصابعك وراها




هذي أكشخ المطاعم ألي بلعت فيها


.

[ضرغام نجد]

عندك في الرياض فوال الأفراح ..

الشميسي - شارع العصارات ..

مطعم رومانسي ..

روائح زكية ..

وجيه سفره ..

ديكور أوروبي ..

وش خليت بس ..

والفاتورة لاثنين ..

15 ريال .. مع الدلع والفسقة !!





لا عاد .. تبي الصدز ..

أذكر مرة قريت موضوع في المسافرون العرب ، قسم السعودية ، لوحدة اسمها "فات قيرل" والله المستعان .. << تحس من الاسم إن الموضوع متميز ..الموضوع هذا تلقى فيه كل مطاعم الرياض تقريباً .. وشارك فيها أكثر من رأي وأذواق كثيرة .. بيني وبينك .. خل عنك نصايح المطاوعة اللي فوق كلهم .. ماريز وأوشال .. يا عمي هذا موظة العرسان قبل خمس طعش عشرين سنة .. الناس تغيرت والمطاعم تطورت .. لا تفشنا مع بنت الناس .. تقول هالمطوع قروي وقديم

عاد ابحث أنت عن الموضوع ، لأنه ممنوع وضع روابط ..

[«عاشق الخيل»]

^
^^
^^^

يا حبيبي إن ما جاز لك مطعم لا تقعد تعمم وتقول قديمة

إلا الظاهر رحت لواحد منهم وكنت مطفر وتعرضت لموقف مدري وشسمه

[الشاب الطموح]

يمدحون

((البيك))



بالمدينة

[abo adnan]

بالخبر عندك مطعم أسمه الملتقى..كويس وما حولك أحد بس غالي..يعني النفرين بـ150ريال تقريباً..!

[الغريب]

فيه مطعم إنما ايه ...


فوالة ومنتزة الدانة


والله يافول إنما ايه ..!




أو إذا ازمت شؤاطى الخليج

تعرف لك معارف هناك إذا ماخاب ظني ..

[فـارس الأمـه]

هههـ احلى مطعم . . القرمـوشي .. فوول ومعصووب ..


بصرآآحه انا عندي كذا مطعم ..

1-مطعم شيزان الهندي - خلف بناية التعاونية على طريق الملك فهد - مطعم هندي راقي واكلة لذيذ

2- مطعم تايلند اسمه ؟؟؟؟؟ وهو في حي الريان وفي الشارع المؤدي إلى مستشفى اليمامه

3-مطعم السرايا التركي شارع الثلاثين



وأي إستفسآآآر ع مطآعم الريآض ..

انا حآآضر ..