فصل ثالث ثانوي أدبي ( فتيات )

[رناصوه]

أدب اليوم اللي قبل الأخير

ماعليه تنبلع

فرائض اليوم اللي قبلله

مايخالف نشرب وراها مويه

بس وش نقول اذا في نص الأسبوع الأول تفسير وفقه أنوااااااع الجمال

المهم أنا مادخلت عشان هالشي

بس أني شفتكم تحكون عنه قلت خل أزيد الطين بله >>> تفكروا في هالمثل

بس كنت بقول أن اليوم حلو تسميع القرآن حقي

بس لو سمحتوا لا تسألون أي جزء سمعت !!

[.:قلـب أنــثى:.]

من الجاني ومن المتهم ؟ ومن يقف خلفهما ؟
كيف تراجع موادك الدراسية ؟
سؤالان يدعوكما إلى زيارة فعاليات موسم حصاد



# القَضِيّةُ الأُوْلَى #




# نتاج الفكر #

[||.||صمت||.||]

أتعذرُ لكم عن انقطاعي ياغاليات ..

حفل التخرج يوم الخميس .. ومع زحمة المذاكرة .. لاتعليق .!!

أححلى شيء بس اذا امك قاطتك بالدور الثالث بمكتبة أبوك

وحاطة فراشك تقول نومي الظهر فيه

وفاتحة الحمام اللي فوق اللي مسكر له سنة وتقول لاعاد نشوفك ذااكري

ياحبيلها امي متحمسة للجامعة اكثر مني


يارب تخليها لي ولاتحرمني منها ..

[أماصوه]

اااااااااااخ يا الاختبارات..

احس كل يوم عن يوم ازيييييد بروووود ....!!!!!
ما ادري ليييه ..!
فيه احد يبادلني نفس الشعور ؟ او أنا حالة خاصة ..!!!

[||.||صمت||.||]

أماصورة ..

لاتقولين كذا وخلييييك قوية ..

عطي نفسك دافع حطي ببالك نسبة شبه مستحيلة يعني مستبعده وحاوليييي

توصلينها بكل الطرق وخلي اهل البيت يساعدونك انا الحين اختي اللي باولى ثانوي

صايرة لي كانها بالجامعة ونا كاني بالمتوسط

يعني لاطولت الجلوس معهم او شافتني اكلم

والا لاسمح الله خزتني بنظرة وعطتني كم تهزيئة لين اتادب واسلك طريقي وارجع لكهفي ..

مايخالف قوليلهم يهاوشونك كلها شهر واحد بس

تحملي الاهانة في سبيل الجامعة <-- ياللا هناك ..

يعني يحسسونك بتانيب ضمير . نبهيهم انهم مايهونون عليك الشي بالعكس ..!!

وداائما اكتب بمُقدّمة كل كتاب ..

أنا أقدر أخلص الاجتماع بساعتين <--ادري مافيه امل بس علشان تزيدين المذاكرة وتضاعفين المجهود

أنا لهــــــــا <-- كفوو يالهمة

الجغرافيا أحسن مادة بالدووونيا

التاريخ أجمل من كل المواد (وخصوصا باب مجلس التعاون مترسب فيه الحلا كله )

أنا أقدر أجيب 99

أبي اجيب مية

وهكذا ..

الله يسهل علينا ويشرح صدورنا وأمورنا ويفرج لنا كل كربة ويفتح

نفسنا للمذاكرة ويحببنا في المذاكرة ويسهل لنا الاختبار ويعمي اعين الموجهات عنا ..

طبعا كل هذا قبله الدعــــــــــاء ..

ادعي وادعي واظهري الضعف لله وتوسلي له .. وماراح تلقين الا كل خير...

دعواتي لكِ ياغالية ولكل الجميلات "هنا"


جاري التمصلح والاستملاح عند الأدب <--الله يسخره لي ويسخرني له ..

طبعا باذاكره يوم السبت مهب اليوم بس لزوم نطول مدة التمصلح والتلصّق المفعول يصير اقوى

[أماصوه]

الله صمت ..
حلو كلامك ماشالله .. حسيت انك اكبر مني بكثييير ..

ابشرك خش مزاجي >>> والا عندها نيه بعد ..!!

بصير حرمه وبطبقه إن شالله ..

الله يجزاك خيير .. ابلشتك معي ..

[{ رَوْح ~]

{ شيسوي اللي له أربع أيام لازق بالفقه


ومو قادر ينجز شي


المشكلة الفقه مو من صعوبته بس شالحل مع اللي مالهم خلق يذاكرون ؟




صموته انتم حفلكم الخميس هذا؟؟

شيْ ماشاء الله

احنا الأحد الجاي ,, وحدّ دّ دّ دّ ي متحمسة له ~

[||.||صمت||.||]

روْح

أربع ايام بالفقه

مو معقووول

طيب اذا كذا اتركيه وابدي بشي ثاني خذيها مني شوفي التاريخ مثلا او علم الاجتماع

بس كذا تضيعين وقتك ياروْح ..

ولاتضيقين صدرك لانه طبيعي .. تصير هالحاله كثير

امس جلست على التاريخ من المغرب الى الساعه عشر

ماخلصت الا الثلاث صفحات الاولى من مجلس التعاون ضاقت بي الدنيا

ويوم دقيت على صديقاتي صاروا مثلي ..

أجل حفلكم الاحد ماشاء الله يارب يارب يطلع حللو..

وانا اجزم ان ما اشغلك وخلاك تجلسين اربع ايام بالفقه الا هو

احس كل ماذاكرتي كلمتين ضربتيها هواجيس بالتخرج .. <--تراه تخرج مهب عرسك

وحفلنا الخميس 1/6ان شاء الله بعد المغرب ..

ومتحمسة له مرّة <-- الله يستر من ذالتخرج بس نهذر به

[.. [ جَـــنَانْ ] ..]

أخبار المذاكرة (=
أقول بس؛
وسعوا صدوركم وَ لاتذاكرون إلا مادّة مادتين بالكثير !
الواحد يعيش حياته مرة وحدة بس
==> ياعيني ع الدّرر

ما أذكر عُمري ذاكرت بجدية قبل ليلة الامتحان ؛
حتى بامتحانات الوزارة !
إلا الحين يوم صرت بالجامعة


- ماكُتب أعلاه صحيح وواقعيّ
لكنْ نرجو عدم المؤاخذة بما كُتب وسأكتب نظراً لأني أمرّ بفترةٍ جميلة خفيفةٍ رشيقة ألا وهي الامتحانات

[||.||صمت||.||]

جنان

صدق عاد < -- ماصدقت خبر

والله اححلى نصيحة جتني

يختي والله صجوني ذاكري ذاكري ملييييت خلاص .!!

ياحبيلك ..

شكرن على الطلة الحلوة اللي تفتح النفس

[طيف نجد]

احنا الأحد الجاي ,, وحدّ دّ دّ دّ ي متحمسة له ~

لاتذكريني

الله يستر من هالأحد كلنا متحمسين وأجزم لك ان بنرجع متكسرين << من الصياح

[..نجد..]

مساء الخير يالربع

اخبارك صمت !!

علومكم كلكم /،، مع حومه هالكبد /،،


اقول يا بنْـــي

ممكن اسئل سؤال !!


من اللي بتروح تختبر القدرات يوم السبت 2/7 ،،

جامعه الملك سعود /عليشه !!

ابي اشوف احد معااي !!

،،،

ولا اوصيكم ذاكروا لانهم صراحه اتحفونا بالجدول //خصوصا الاسبوع الثاني ،،

فوصيكم من الحين باليوم اللي تذاكرون فيه علم اجتماع وادب


اشبعوووو نووم حدكم // لان بيروح كل الوقت عليه

وربــــــــــــــــي ما يكفي الوقت


ربي يعين ويسهل


اتركم في حفظ الرحمن ..,

[||.||صمت||.||]

نجد ..

اهلييييييين ..!!

حياك الله ياغالية ..

وشذا الغيبات ؟!!

تراك طولتِ علينا ومنتب رخيصة عندنا والله ...

اما جامعة سعود .. والله منب فيها وللعسف

اي والله اما المذاكرة ذاكرت نحو وثمن بدت الهمة تتبخر

بس الاسبوع الثاني من جد جمييل .!!

الله يعين التسهيل من الله جا الادب اول يوم والا اخر يوم

اذا الله كتب لنا التسهيل كل شي بيمشي ..

الله يسهل علينا .. ويفرج همومنا .. ويشرح صدورنا ..


ياحبيلك ..

بالتوفيدز يانجد ..

[طائرة،،بأحلامي]

هلا بنآت ...


سلآم عليم ورحمة الله وبركاته ~ و1


أخبآركم حبايب قلبي ..:") ؟


* ترى مالي نفس أبدأ أذاكر أي مادة غير اللي عليا مادتين في يوم ..


عشان لازم الواحد يحسّ بلذة ، وذكريآت الثانوية والكرف ..

ربي يعيييييييين ..

شكرًا صمووتتي ولا تفي !

[* بسمة النصر *]

هتاف القلب ينادي

أن جدوا يا رفاقي

واعقدوا العزم أماني

أن تهبوا للمعالي

مشتااااااااقة للفصل و بناته كثيييييير يا ناس , وه يا حبي لكم (L)

أخبااااااااار خواتي =)

الا صح ألف مبرووووك صموتة و روح قريت بالشريط أعلاه قرب تخرجكن

حنا حفل تخرجنا السبت الجاي والله يا انه بيطلع يفشّل ! ذذ

الله يستر بس ذذ

حبّيت أسلم عليكم و أشوف المعنويات , =)

دعواتكم بالتيسير لهالأسبوعين اللي مدري وشلون بيمرون


يارب وفق كل بنات الفصل , يارب إني أحببتهم فيك فيسّر لهم و وفقهم و اشرح صدورهم للمذاكرة ,

و ارزقهم الدّرجات العالية في الدنيا و الآخرة ..

: )

[البروفيسورة]

اهلين صبايا

أخباركون؟؟

احنا سوينا حفل التخرج الأحد الماضي وكان تحفة الحمد لله ارتبشنا واستانسنا وسمحنا بالدموع أن تهطل قليلا والحمد لله عدا على خير وللان ماني متصورة إنه خلص الله يجمعنا في الدنيا والآخرة

وبالنسبة للقياس أنا بجامعة الإمام اللي بالنفل .. فيه حدا معي؟؟

إلا بنات شو رايكون كل وحدة منا تكتب المادة اللي خلصتها حتى يكون بيننا تنافس

وبالنسبة لي ختمت نحو وأدب والحمد لله

تفاعلوا يالغوالي لأنو أنا بصراحة ما أتحمس إلا إذا كان فيه أحد ينافسني

وبالتوفيق حبيباتي


صمت أضأتي لقبي

[الفَاقِرَة]

ايه رناصوه بالله شفتي هالجدول الخايس

وفقه وتفسير < ما ادري شايفيننا هاردسكات ،، المشكلة عادي ندرسهن بس اذا طلعت من الفترة الأولى واراجع للفترة الثانية القااااه طااااااااااااااااااااير

والفرائض ذا عقدتي عقدتي وبالأخص درس المناسخات مدري وش يبي

والقرآن الحمدلله باقي لنا السبت ونسمع جزء عم مع نصف جزء تبارك << طبعا نهائي
مع اختبار قراءات شفوي < نهائي ، الله الله بقالون