فصل ثالث ثانوي أدبي ( فتيات )

[الهدية المغلفة]

النجمة..

لازم يكون فيه مسودّه..

لانها بتسلم البحث لمدري مين..

[النجمة المتألقة]

ههههههه

من قاله حبيبتي ان لازم مسوده

ولاجابت طاري المسوده استاذاتنا

[||.||صمت||.||]

النّجمة المتألّقة ..

ياهلا والله بالتألّق وأهله

اجل معلمتكم داجة اي والله داجة ومع مراتب شرف بعد مهب وحده

مو معقووول بحث جاهز , الصراحه حتى درجاتكم اللي تاخذونها كذا

احس مايصلح ماتعبت في البحث كيف تاخذين عليه 50درجة .؟؟!!

والا ياانجمة .؟؟

والله تبين نصيحتي خذي لك موضوع بحث مفيد وابحثي زي البنات اللي هنا

يعني والله حتى مهب علشان الدرجات بس انت المستفيدة الاولى من البحث

وخصوصا لوكان زي بحث "شاهي اخضر"و"الشوق"

مررة بتستفيدين مو علشان الاستاذه علشانك انت ..

اما لو بغيتي تاخذين بحث جاهز براحتك واعذرك يعني لان كل البنات

بيجيبون جاهز ونتي بتتعبين وفي النهاية ياخذون مثل درجتك بارده مبرّده .!!

بس مثل ماقلت لك انتي اللي راح تستفيدين .

اما النفسيه والله انك مثلي صايره اخلااقي سياحية ماعاد اتحمل احد مدري ليه .؟

ومشكلة انك تذاكرين وتغلطين والله انا معك وحاسة فيك ان هالشي مررة يقهر ويتعب مرة

بس ان شاء الله انه ابتلاء من الله ,انا مثلك بس مهب في كل المواد بس في الانجليزي والله

يانا اذاكر واذاكر ويمكن اللي تاخذ فل مارك اتعب اكثر منها ومع كذا انقص درجة ودرجتين واحيانا ثلاث .!!

مالنا الا الصبر والدعاء ادعي وادعي وادعي .. والجامعه لا تفكرين فيها الحين فكري

في النسبة بس والله اذا اراد انك تدخلين الجامعه بتدخلينها غصب

على اللي فيها كلهم لو نسبتك ايش ماكانت ..

لاتتشائمين وتضيقين صدرك بالعكس ارفعي من قيمة نفسك عند نفسك

[ والله ياحبيلي _ ماشاء الله علي_ و ياربيه على شطارتي] <_--ومن هالكلام ..

وصدقيني لها اثر مررة حلو صح في البداية بتحسين انك خبلا يوم انك تمدحين نفسك

بس بعدين بتطلعين ناابغه

/
\
/

حبي وودي يانجمة

:

[||.||صمت||.||]

النجمة المتألقة ..

اي صدق لازم مسودّة وتكتبين فيها بخط اليد وبعدين تحطونها بمبيضة

لاازم ولو جا التوجيه وشافه كذا بدون مسودة اتوقع بيجبرون البنات يعيدون

بحوثهم والا شوفي وش بيسوون ..

[مشاعل الخير]

ماشاء الله

موضوع رائع

تسمحون لي أنضم للفصل<<<قضت السنه وهي توه تسجل


يووووووه يالمكتبه

الله يعيننا عليه

أنا اخترت عن السيره

ولقيت مراجع ولله الحمد

1_ هذا الحبيب يا محب لأبو بكر جابر الجزائري

2_ الرحيق المختوم لصفي الرحمن المباركفوري

الله يسهل لنا

بالتوفيق للجميع

الله يعافيك صمت

أستفدت كثير من ردودك

في موازين حسناتك ان شاء الله

[النجمة المتألقة]

المشاركة الأصلية كتبت بواسطة ||.||صمت||.|| النّجمة المتألّقة .. ياهلا والله بالتألّق وأهله اجل معلمتكم داجة اي والله داجة ومع مراتب شرف بعد مهب وحده مو معقووول بحث جاهز , الصراحه حتى درجاتكم اللي تاخذونها كذا احس مايصلح ماتعبت في البحث كيف تاخذين عليه 50درجة .؟؟!! والا ياانجمة .؟؟ والله تبين نصيحتي خذي لك موضوع بحث مفيد وابحثي زي البنات اللي هنا يعني والله حتى مهب علشان الدرجات بس انت المستفيدة الاولى من البحث وخصوصا لوكان زي بحث "شاهي اخضر"و"الشوق" مررة بتستفيدين مو علشان الاستاذه علشانك انت .. اما لو بغيتي تاخذين بحث جاهز براحتك واعذرك يعني لان كل البنات بيجيبون جاهز ونتي بتتعبين وفي النهاية ياخذون مثل درجتك بارده مبرّده .!! بس مثل ماقلت لك انتي اللي راح تستفيدين . اما النفسيه والله انك مثلي صايره اخلااقي سياحية ماعاد اتحمل احد مدري ليه .؟ ومشكلة انك تذاكرين وتغلطين والله انا معك وحاسة فيك ان هالشي مررة يقهر ويتعب مرة بس ان شاء الله انه ابتلاء من الله ,انا مثلك بس مهب في كل المواد بس في الانجليزي والله يانا اذاكر واذاكر ويمكن اللي تاخذ فل مارك اتعب اكثر منها ومع كذا انقص درجة ودرجتين واحيانا ثلاث .!! مالنا الا الصبر والدعاء ادعي وادعي وادعي .. والجامعه لا تفكرين فيها الحين فكري في النسبة بس والله اذا اراد انك تدخلين الجامعه بتدخلينها غصب على اللي فيها كلهم لو نسبتك ايش ماكانت .. لاتتشائمين وتضيقين صدرك بالعكس ارفعي من قيمة نفسك عند نفسك [ والله ياحبيلي _ ماشاء الله علي_ و ياربيه على شطارتي] <_--ومن هالكلام .. وصدقيني لها اثر مررة حلو صح في البداية بتحسين انك خبلا يوم انك تمدحين نفسك بس بعدين بتطلعين ناابغه / \ / حبي وودي يانجمة :

فدييتك ياصمت ..

الله يسعد قلبك ويحفظك ..

شوفي انا وربي كنت متحمسة للبحث حييل ..

بس شفت الناس تنسخ وتجيب قلت انا مثلهم ..

دامنا ماخذين نفس الدرجة ..

وانا لقيت بحث لوحدة من قريباتي متكامل

باطبعه وارتبه بطريقتي وباوديه للاستاذة ان قالت تمام اعتمدته

ان طلعت فيه عذاريب وتفلسفت هي ودجتها بغيره وببدأ معها خطوة بخطوة ..

والله ييسر كل خير ..

,., ( ) ,.,

صمت الله يسعدك ويوفقك وينولك ماتتمنين

من جد كنت محتاجة مثل هالكلمات اللي تحمس وتستعيد الهمة

والله يصبرني من جد متحمسة واذاكرة بس اللي يقهر يوم انقص على غلط تااااااااااافه

فعلا انا يمكن اللي شاغلني كله هالجامعة خل اخلص وبعدين افكر ان شاء الله ..

وبعدين شسمه من جد الواحد يرفع من نفسه بنفسه ..

الله يحفظك يالغلا ماااقصرتي ..

يابخت من كانت صديقة لك من جد وربي

حُبي ..( ) ..

[||.||صمت||.||]

مشاعل الخير ..

يامرحبا بالخير والله

ياحبيلك حتى لوكنت آخر من سجلت يمكن انت تصيرين احسن وحده بالفصل وتصيرين المثاليّة بعد ,

وقت التسجيل ابد مهب مقياس

وموضوعك روووعه اعجز ونا اقول حلو حلو حلو ليتني ماخذه

مثلكم بس اللقافه والطفاقه من يوم شفت على طول انا الحياااااااء ولحد ياااخذ مثلي

<--عاد اهجدي

الله يوفقك يارب ويسهل عليك ومبسوووطة مرة وبحجم الكوون لأنّك استفدت

ياحبيلك بس .!!

/
\
شكرًا لأنّك "هنا"

فصلك داائما ينتظرك ياغالية [ لاتخلينه ولا تخلينا]

[||.||صمت||.||]

النّجمة المتألّقة ..

حيّاك الله ياحبيبة

كنت حاسّة انّك متحمّسة للبحث بس مشكلة بعض الاستاذات _الله يهديهم_

يسوون أشياء على بالهم بيريّحون البنات وهو العكس يعني والله قاعدين يخربون صراحه ..

صمت الله يسعدك ويوفقك وينولك ماتتمنين من جد كنت محتاجة مثل هالكلمات اللي تحمس وتستعيد الهمة والله يصبرني من جد متحمسة واذاكرة بس اللي يقهر يوم انقص على غلط تااااااااااافه

يارب آمين ..ولك مثل هالدّعوات واكثر في ظهر الغيب ياغالية ..ياحبيلك

والنقص التافه عندنا وعندكم خيير اليوم وزعت درجات الانجليزي اللي اختبرناه الاربعاء والله جاني الصياح

هذا ثالث اختبار ومع كذا نفس الدرجتين اللي قبل يعني ثاابت ارتفع ربع وانزل ربع وقسمب شي يقهر

بس الشي اللي يصبرنا يانجمة انذا احسن من غيرنا بكثييييير الحمدلله ..

وعلى قولة امي تقول [ انتِ يابنيتي درجاتك في الانجليزي مثل اسهم السعودية

ناازلة تحت ترتفع شوي وتنزل لكن لاتضيقين صدرك مصيرها

مرتفعه ان شاء الله ] *انتهت مقولتها _حفظها الله_ <-- صمت لايكثر

فعلا انا يمكن اللي شاغلني كله هالجامعة خل اخلص وبعدين افكر ان شاء الله .. وبعدين شسمه من جد الواحد يرفع من نفسه بنفسه .. الله يحفظك يالغلا ماااقصرتي ..

اي هين الجامعه انسيها بس فكري في يومك "يومك يومك" ,,

انا مرة قريت شي وأعجبني /

[ نحن نقنع انفسنا بان حياتنا ستصبح افضل بعد ان نتزوج، نستقبل طفلنا الاول،

او طفلا اخر بعده ومن ثم نصاب بالاحباط لان اطفالنا مازالوا صغارا، ونؤمن بان الامور ستكون

على مايرام بمجرد تقدم الاطفال بالسن ومن ثم نحبط مرة اخرى لان اطفالنا قد وصلوا فترة

المراهقة الان، ونبدأ بالاعتقاد باننا سوف نرتاح فور انتهاء هذه الفترة من حياتهم ومن ثم نخبر

انفسنا باننا سوف نكون في حال افضل عندما نحصل على سيارة جديدة، ورحلة سفر

واخيرا ان نتقاعد الحقيقة انه لايوجد وقت للعيش بسعادة افضل من الان ]

عرفتي ليش انا اقولكم داايم خل نستمتع بحياتنا اللي قاعدجين نعيشها حتى

لوكنا ثالث وضغط واختبارات وقرف مو مشكلة داائما بعد العسر يسر وبعد

الفرج شدّة واشدّ مرحل ظلام الليل متى .؟؟

في الوقت الذي يسبق الفجر

والله كثرت هرجي بس ودّي اخليكم تستفيدون من الشي اللي انا قاعده اتعلم منه ..

يابخت من كانت صديقة لك من جد وربي حُبي ..( ) ..

انا اللي يابختي فيكم والله

أحرجتيني ياغالية

/
\
فيضُ ودّ .!!

[||.||صمت||.||]

وِيْنْكُمْ يَاْ بَنَاْتْ .. !!

وَاللّهْ فِقَدْتِكُمْ ..

[أمـــواج]

بنات ::

أنــــــــــــــا الصراحه ما أدري وش جاني !!

الفصل هذا نزل مستواي مع إني الفصل الأول الأولى على فصلي ...!!!

دعواتكم يا حلوات //

[||.||صمت||.||]

أمواج ..

هلا والله فيك

ماشاء الله تبارك الله ..

بس وشلون تغير مستواك .؟!!

أنتِ راجعي نفسك وش اللي كنت تسوينه الترم الاول وماطبقتيه هالترم ليش انا الترم الاول

معدلي مرتفع وهالترم نزلت .؟!!

أكيد فيه شي اختل وأثر ..يمكن حتى لوكانت مسألة الوقت يمكن غيرتِ

وقت مذاكرتك ونتي متعودة تذاكرين في وقت معين ولاتقبلت نفسك هالتغيير ومن هالأشياء ,

لو ماكان لك نفس تذاكرين , لاتذاكرين وتغصبين نفسك كذا بس تضييع وقت ماراح تستوعبين

اللي تذاكرينه ولاشيء روحي " غيري جو شوي , ادخلي النت , كلمي أحد تحسينه بياثر فيك ويساعدك ,

اقري قرآن , ادعي ,استغفري " وعليك بالثلاث الاخيرة ..

ماعليك من الكلام الفاضي او احد يقوللك يؤ يؤ انتِ نزل مستواك اكيييد [ عين ]. !!

ماعليك منهم لان هالفكرة اذا زرعتيها في نفسك بتبدين تخلينها حجة لك

كل ماجيتي تذاكرين ونتِ مالك نفس اي والله انا معذورة انا فيني عين

ما اقدر اذاكر ..علشان كذا اقوللك لاتسمعين لهالكلام سدّي آذانك منه هذا قضاء وقدر ..

ولاقلت هالكلام الا لان اختي كانت مثلك وتغير مستواها قاموا عليها خلق الله كلهم

جاتك عين وهاات ياكلام , حطت ببالها هالفكرة .

وبعد ايش اقتنعت ان هالشي نتج من زيادة ضغط او شوي اهمال ..

والله يسهل لك ويعينك حبيبتي ..

الله يفتح نفسك للمذاكرة ويشرح صدرك ويريح بالك ويفرحك بأحححلى نسبة وبأعلى مستوى ..

دعو11اتنا لكِ أمواج ..

ننتظرك .

[نسيبه المازنيه]

بنااااااااااااااات...اليوم في المدرسة وزعوا علينا كتاب ::اختبار القبول للتخصصات النظرية::

وبتبداء الاختبارات القدرات في الفترة24/6 إلى 29/6/1429هــ............


وبنوتات اللي عندها خبرة بذا الشي تقولنا او اي معلمه شرحتلكم سالفه ذا الموضوووع تقولنا الله لايحرمكم الاجر.........

[||.||صمت||.||]

نسيبة المازنية ..

حياك الله ياغالية

فيه كتاب اسمه [الأمين لتنمية المهارات في اختبار القدرات لدخول الجامعات للبنين والبنات]

مررة حلو أنصحك فيه

اليوم قالولنا جيبوه بكرا اكيد بيوضحوا لنا الطريقة ..

/
\
ودّي ..

[أم عزيّر]

بلييييييييز الله يوفقكم أبغى شروح أو أي شيء لدرس المشكلات الاجتماعية


اللي ببداية قسم المشكلات بعلم الاجتماع


الدرس الأساااسي..

ضرووووري اليوووم.. :/

[هنودية]

السلام عليكم..

مرررحباً بنات,,

كيفكم ؟؟أخباركم؟؟

من زمان عنكم عشاني من زمان مادخلت.. وتحية لصمت العسولة خاصة..

المهم,

بداية:البحث >>شايله همه.
اخترت موضوع دور الأسرة في تربية الأبناء .. وقالت أستاذتي الغالية حلو أوبمعنى أصح زين..

قسمت الخطة إلى ثلاث فصول وكل فصل مبحثين..

وخلصت الفصلين ولله الحمد..

وأوراق البحث الأستاذة تقول كلها مع المقدمة والخاتمة والخرابيط>>ماأتذكرها.. عشرون ورقةً>>متأثرة بالنحو..

طيب:

أخذتوا موضوع المقال النقدي في التعبير >>شوي صعب ويبيله حوسة..

وبديت فيه.. الأستاذة مخليتنا تقول شهرين إلا أسبوعين..

وإن شاء الله أتواصل معكم دائماً...


][هنودية][

[هاموره]

صمت ياهلا فيك
اسعدني ترحيبك يابعدي

برايفت هامورة / ان شاء الله يكون غلط سرعة تسجيلك للجنس [ذكر]

هههههههههه
شفتي كيف؟
توني انتبه والله
اتوقع من السرعه وفرحتي بموضوعكم هذا معاد ادري شحطيت


ابشرك غيرت موضوع بحثي
حطييت عن فن التداوي بالاعشاب
مره مره ممتع لي ماكأنه شي اجباري
استخدمت 7 كتب مراجع
وموقع من النت

..

والله اليوم يابنات قالو لي بنات المدرسه ان اختبار القدات باقي يومين ويقفل التسجيل؟
احنا طااارت عيوننا
ماحد قال لنا ابببببببببببد
تخيلو رحنا للإداره وفينا الصيحه قلنا وش السالللفه
المديره كلمت مدري مين حقين التعاميم وكذا
قالو للحين ماصار شي ولا بعد بدا ؟


والله ضايق صدري ودي اتطمن
يعني من جد مابقى الا يومين عالتسجيل؟
طيب وش السالفه

البنت اللي قالت لنا جايبه قصاصه من الجريده
مكتووب فيها ان التسجيل الى 26 / 3
والله لو يفوتنا ياويلنا


اللي عندها اي خبر او شي تفيدنا الله يجزاها خير

[..نجد..]

صباحكم // طاعه بنات فصلي


وش هالخبر اللي سمعنااه !!!


بدأت اختباارت القدرات !!

مو يقولون بنهايه الترم .. وش جابها الحين

!!!!





>> وش يحسون به

والله احس انى مسااكين كل التجارب فيني


يااااااااااا ويحً قلبي