قصة صديقي فارس

[جامع الرملة]

السلام عليكم ورحمة الله وبركاته


اول موضوع لي اكتب فيه بالمعالي

وحبيت يكون موضوعي من حق صديقي فارس

لا اريد ان احدثكم عنه اريد ان تستمعوا الى قصته بنفسه وباسلوبه

طلبت منه ان يكتب قصته لي في ملف وورد ووافق

فارس احبه رغم سكوته الدائم وانطوائه وان تكلم لا يتكلم الا بعصبيه

اليكم قصته

[جامع الرملة]

انا مب مثقف مثلكم وماراح اكتب القصة بالفصحى لا ...
بدايتي


انا عشت طفولتي مثل اي طفل ... براءة ... وحب .... والاهم .. في ظل حنان الوالدين


كنا نعيش بالدمام انا (( فارس )) كنت بصف سادس واختي الكبيرة وكانت ايامها مخلصة الثانوية ومخطوبة واختي اللي اصغر مني بسنتين واخواني التوأم ياسر وشهد ...


كان اكبر همي اللعب ودايما في الشارع العب مع ذاك واضرب هذا ويضربني ذاك

تعبت من اللعب وصار لازم ادخل البيت لكن استغربت لقيت اخواتي يبكن وخاصة اختي الكبيرة تبكي بكى مو طبيعي تبكي بقوة بصوت مسموع سألتها وليتها ماعلمتني


امي وابوي راحوا بحادث سيارة ... وكملت بكاها



امتلى بيتنا بالجيران وخاصة الحريم


جانا عمي يبي ياخذنا معه للقصيم بعد مايكمل زواج اختي ... اختي كانت رافضه لكن عمي كان شديد عليها وتزوجت غصبا عنها مع انها رافضه وقت الزواج


بقي انا واختي الي اصغر مني وياسر وشهد

ورحنا للقصيم ببيت عمي ... عمي باختصار كان لا مبالي بنا متنا او عشنا ما هو مهم عنده وزوجته كانت متسلطة

تسب وتضرب وتشتم .. واكثر الاحيان انام انا واخواني جوعانين

يتبع باذن الله

[الـيـانـع]

,,






عسى الإكمال بعد أسبوع بعد .. ؟!






,,

[لأنك تعلم !]

وعليكم السلام ورحمة الله وبركاته .



نرقبُ التكملة .







/
تَقْدِيْرِي ,

؛

[جامع الرملة]

اليانع

شفيك معصب ياخوي


لأنك تعلم


هههههه

عدلناها جزاك الله خير

[الأسـيـر]

ننتضر التكمله،،

[سواحل الماضي]

كمل ياخوي بس لا تقطعها خلها مره وحده

[أمة المجيد]

كمل الله يرضى عليك

[هِمَم]

أكمل ..

[جامع الرملة]

دخلت المتوسطة وخلصتها بظروف كله ضرب وشتم وطرد ... ايه تميزت عن اخواني صار عمي

يطردني وارجع بنفس اليوم لسببين الاول مادري وين اروح ووين انام

والسبب الثاني اخواني انا اكبرهم ولازم ماخليهم خاصة اختي اللي بعدي ..

يكفيها ماجاها هي اكثر واحد منا عانى من بيت عمي دايما يشغلونها في البيت تطبخ وتغسل وتكنس

ومرة عمي ماتخلي لها مجال للدراسة مع ان لها بنات ... مسكينة دايما ترسب في الدراسة وماتنجح

الا في الدور الثاني و دايما تنام وهي جالسة كله من التعب من شغل البيت

واذا طردني عمي اغصب نفسي على الرجعة بس عشان اختي ... ارجع للبيت احسن واخليهم ينشغلون عنها فيني

يعذبوني انا احسن من يعذبونها هي


ايام ماكنت في المتوسطة زارتنا اختي الكبيرة مع زوجها اول زيارة لها بعد زواجها وعمي ماكان

موجود وطردتها مرة عمي بكل وقاحة

بعدها صارت اختي وزوجها الطيب اذا بغوا يزوروننا يوقفون عند الشارع ويطق الجرس زوجها

طبعا مافيه ببيت عمي يفتح الباب الا انا لأن عمي اكبر عياله بنات والبقية صغار

يطق الجرس زوجها واطلع له انا وبصعوبة اطلع اخواتي من البيت عشان يسلمون على اختهم


دخلت الثانوية كاره عمري بديت احس بالنقص بديت اسأل ابوي ماخلى لنا شي؟؟ .. ابوي ماله بيت ملك ؟؟ اجل وينه.. ماله راتب؟؟ اجل من ياخذه .. بديت اتسأل بس صعب اسأل عمي بيجلدني ان سألته

صرت احس نفسي ناقص احس نفسي محروم ... مقهور

اصحابي بالثانوي اشوف كل واحد منهم يتفنن بجوالاتهم وكلهم لهم سيارات الا انا ... ليش

انا مالي شي لا جوال ولا سيارة ... ولا أب


كانت مدرستي بعيدة شوي عن بيتنا اقصد بيت عمي تقريبا ساعة كاملة مشي

دايما انحرج من صديقي وولد جارنا فيصل هو طيب ومايقصر معي لكن انحرج منه دايما لاصق فيه

عشان الروحة والطلعة من المدرسة

طلبت مرة من عمي جوال بعد مابدوا يعايروني زملاء المدرسة

طلبت من عمي يشتري لي الجهاز لكن عمي لوى يدي بعد ماشيشته مرة عمي .. مدري ليه التعذيب

يقول لا وخلاص يعني لازم الضرب

والحين ماقدر اطلب منه سيارة مرة وحدة ... بيذبحني وماتجرأت اطلب الصراحة ... خفت

خلصت اولى ثانوي محروم وناقص ومقهور .. وووووو ... مشتاق لامي وابوي مشتاق لهم بقوة من

زمان ماشفتهم من يوم ماكنت بسادس


عطلوا الطلاب اختي كالعادة لها دور ثاني والبقية نجح حتى بنات عمي .. بنات عمي اكبرهم اكبر مني
بسنة


التسأولات مازالت تلح براسي ابوي ماخلى لنا شي ؟؟ طلبت المساعدة من صديقي فيصل

طلبت منه يسأل ابوه بشكل غير مباشر ... الموظف الحكومي يصرف لأبنائه راتب او ينقطع

وكان الجواب ايه يصرف لهم


هنا طفح الكيل وانقهرت وذات اليوم مارجعت للبيت بسرعة افور واغلي من القهر

لكن وين اروح لازم ارجع والا وين انام

وقررت اسأل عمي راتب ابوي وينه ؟؟ مع اني خايف منه

رجعت الساعة 2 في الليل والحمد الله كان الكل نايم ... ونمت وانا منقهر

يتبع بأذن الله

[بنت الحريق]

،
،
أكمل
،
،

[مسطويسي]

وبس

[البرق الخاطف]

أخي الفاضل..

إما أن تسرد القصة كاملة بدون تقطيع أو لاتسردها..


ملينا بصراحة من تقطيع وتجزئة المواضيع ولا فائدة منها الا جعل القارئ يمل من الموضوع ولا يقرأه..



أرجو أن تتقبل نقدي بصدر رحب ..


محبك..

[ثمة ثرثرة..!]

أكمل !

[مسطويسي]

للمرة الثانية



ترا العالم وراها اختبارات

[د.شباب]

ياااااا عزتي لك ...!




::

..

[الباش مهندس]

أكمل يا شييييييييييييييييييييييييخ

ترى ضيعنا اللي فوق من كثر الإنتظاااااااااااار

..

[بصمة أمل]

كمل ننتظر

[الراجية عفو ربها]

في الإنتظار

[الإباء]

ننتظر اكمل وفقك الله