روضة الملاحيس الأكاديمية !

[ليل هادئ]

بسم الله الرحمن الرحيم

ليعلم الجمع ممن ضم مجلسنا ,,, بأن عنوان الموضوع عارٍ من الصحة عريا معنويا لا حسيا

من بدايتها لحسة الله يستر

لكن وش أسوي كله من هالملاحيس اللي أقابلهم يوميا

وكما قيل من عاشر القوم أربعين يوم دخل فيهم

فاصل وأنا جالس أدور بالسمايلات لقيت هالسمايل الفلة



ههههههههههه والله أحس إنه ملحوس من جد

أيوه نعود

فأقول لكم هالملاحيس الله يستر كثروا هالأيام وهذا دليل خطر ومأساة وشؤم

بعضهم تصير له حالات لحسه وقتية وهذا أشوى يعني تقدر تقول لحظة وتروح

وبعضهم تصير له لهحسة على شان شي معين إما يكون جايع والا به نوم جايك مواصل أربعطعش مليون ساعة

وبعضهم يصير خلقة ملحوس وهذا البلوى الكبيرة

يعني مثلا مثلا مرة جالسين مجموعة نتقهوى بمواقف الكلية وما درينا إلا ذاك اللي خاطم جنبنا رجلية ويبحلق فينا , ثم مشى وأخذنا لنا حول عشر دقايق إلا هو جاي من بعييييييييييد ونفس الشي خطمة أخرى وبحلقة أخرى

صار الولد يدور بالمواقف مدري وش عنده , أحيان وانا بكليتنا أشوفه يدور على القاعات يطل فيها مرة رحت عندي مراجعة لكلية أصول الدين وأحصله بها نفس الشي يدور

يعني ما أدري هل هو ملحوس والا أنا ملحوس

طيب نروح لغيره

قدام قاعتنا صالة فاضية ما بها إلا كم كرسي ويجيك واحد ملحوس من بداية المستوى وأنا أشوفه نايم كل يوم ماخذ له كرسي وينام أحيان ساعة ساعتين ثلاث ويسحب على أم أم أم المحاضرات , ومرة من المرات جا ويحط الكرسي قبل المحاضرة الأولى وبدون مبالغة ما قام إلا قبل صلاة الظهر

اللي قهرني إنه كان يوم أربعاء والظاهر إنه كان آخر محاضرة عنده قبل الصلاة حتى يوم أذن شال دفتره اللي معه ومشى ما أدري ليه يجي ويتعب حاله ولا ينام ببيتهم

أيوه ناخذ فاصل أحس طولنا

دايم إذا أحد دعا لي أنبسط وأستانس إلا كم واحد أضحك على نفسي إذا رديت عليه وقلت له آآمين

إذا مثلا خلصت انا واياه من غرض يقول لي الله يحفظ عيالك طبعا انا ما أدري وش أقول له ما أبي أصدمه صدمة نفسية وأقول له ما عندي عيال ولا أبي أحرجه فأقول له آآمين

طبعا أنا أنقهر وودي أقول له خلها تجي أمهم بعدين الله يحفظهم إذا جو

أيوه نعود

وأنا أحيان أمشي على الدايري والا عند إشارة ألقى بعضهم يكبسون وراي بعدين يلفون والا يسقطون علي يسلمون وهم مبتسمين ويمشون

انا ما كنت ادري وش مقصدهم إلا بعديييييييين دريت إنهم ماخذين شنطة الجمس كــ (مراية ) :S

مرة وأنا طالع من الجامعة الظهر واحد كان توه مركب له زينون الظاهر ومولعه وحده من لمباته و الثانية طافية جلس يكبس وراي إلين اشتغلت الثانية ثم سقط علي وهو يبتسم :S

ونفس الشي واحد سوى هالحركة على طريق الخرج و أنا راجع بالليل لحالي راعي ددسن غمارة وحده راكبين فيه أربع أنفار :S

طبعا يا شباب أحيان تصير للواحد لحسة وقتية بسبب الاختبارات

وأكبر دليل شوفوا الديوانية يوم السبت وش بيصير لها يا بيطلعون ناس مالغين واجد

أيوه أقول لكم ما علينا منهم هذا واحد من الشباب مرة وإنا نذاكر بقاعة من القاعات ساحبين على محاضرة ونذاكر وهو يذاكر متحممممس يقول إن شاء الله بحل بسرعة وأرجع أكمل باقي المذاكرة

يا ضحكت عليه ضحك هو بعدين يوم انتبه لنفسه جلس يضحك ضحك موب طبيعي أجل برجع أذاكر مرة ثانية عقب ما يحل :S

طيب ناخذ لكم فاصل

كل ما جيت لموضوع وشفت هالحالة

الذين يشاهدون محتوى الموضوع الآن : 2 ( الأعضاء 1 والزوار 1) ‏ليل هادئ

أقول يا رب يصير الزاير سوار ويدخل للموضوع

ايه الله يرده لعقله بس

تتوقعون لو أحش فيه بقوة يتحمس ويدخل ؟

طيب نختم بقصة هالقروي اللي أول مرة يمسك له بطاقة صراف

طبعا في عمره الظاهر ماشاف إلا بطاقات سوا على شان يشحن جواله يوم عطوه الجامعة بطاقة صراف جلس يمسح الخط الأسود اللي من ورى البطاقة يدور الرقم السري

أم اللللللحسة والقراوة



http://forum.ma3ali.net/members/21.html



ادخل



جتني لحسة خلاص بختّم الموضوع

ايه أقول لكم

طبعا أي سالوفة خارج الموضوع سيتم حذفها مؤبدا أو رد نصه برى الموضوع ونصه داخل الموضوع بيحرر اللي برى الموضوع

وهالقانون خاص بموضوعي المواضيع الباقية ما علي منها يعني إذا كنت تبي تسولف اطلع لموضوع ثاني مثلا رح لمواضيع رايق سولف فيها والا موضوع توصيل أهم شي موضوعي لا

ونسلم عليكم ونسأل الله لنا و لكم العافية والسلامة

[عبدالمعين]

هذا مهوب ملحوس .. هذا حاذف فصل وما يببي اهله يدرون << مجرب

[حـزيـن بـدونـكـ]

ومن اللحسه ماقتل

[ذيب تميم]

يعني مثلا مثلا مرة جالسين مجموعة نتقهوى بمواقف الكلية وما درينا إلا ذاك اللي خاطم جنبنا رجلية ويبحلق فينا , ثم مشى وأخذنا لنا حول عشر دقايق إلا هو جاي من بعييييييييييد ونفس الشي خطمة أخرى وبحلقة أخرى صار الولد يدور بالمواقف مدري وش عنده , أحيان وانا بكليتنا أشوفه يدور على القاعات يطل فيها مرة رحت عندي مراجعة لكلية أصول الدين وأحصله بها نفس الشي يدور يعني ما أدري هل هو ملحوس والا أنا ملحوس

هذا الظاهر يحبك !


تصدق .. الاسبوع اللي فات كان عندنا فقه والمنهج طووويل .. حسيت اني انلحست من كثر المذاكرة !


بس الحمد لله اختبرت كويس .. وان شاء الله النتيجة كويسة !


دمتَ ملحوسًا ،

[الحــتـف]

الله لا يبلنا ؟؟

[استفزازي مؤدب]

الله لا يبلنا ؟؟

آآآآآآآآآآآآآآمين علشان ما تتوصخ ثيابنا

على طاري النوم بالجامعة

مرتن من المراريت ..

طلعت بدري من الجامعة قضيت لي شغل ثم دقيت على خالي .. قلت له رح الجامعة جب أخوك << لإنه كان جاي معي الجامعة

قال والله إني مشغول ومن هالكلام قلت يبن الحلال تراي ذابحني النوم والرجال بعد ساعتين يبي يخلص .. والساعة وقتها كانت 12 الظهر ..

قال رح نم بالمواقف .. قلت والله ماهيب شينة .. وأروح المواقف وأصك أم أمها نومة .. المهم جاء خالي للسيارة عالساعة ثلاث إلا ربع تقريباً .. قال ياخي تعبان اليوم ضغط الجدول ومدري ايش .. قلت لايكثر ونم

ونكمل النومة ولا صحينا إلا الساعة خمس تقريباً

[استفزازي مؤدب]

اييه تذكرت

تذكر مواقف البحرين قبل لايزفلتونها ؟

كنا نوقف فيها أقرب للكلية ..

المهم كان عندنا محاضرة الساعة ثنتين .. و المحاضرتين الي قبلها اوف ..

كان الجو حار ومشغلين المكيف .. قال لي خويي خلنا ننام ساعة قبل المحاضرة علشان نصحصح ..

قلت طيب واسحبها نومه ولاصحينا الا الساعة اربع

المصيبة واحد من العيال مر علينا قبل المحاضرة ولا صحانا يقول ماحبيت اخرب عليكم

[ذيب تميم]

المشاركة الأصلية كتبت بواسطة إستفزازي مؤدب المصيبة واحد من العيال مر علينا قبل المحاضرة ولا صحانا يقول ماحبيت اخرب عليكم

خخخخخخخخخخ

يعجبك .. والله انه كفو

[فـقـيد]

امممممممممممممممم
جيد مما سبق نستنتج أنك تمر بمواقف ملحوسية كثيرة مما أدت بك إلى هذا
عطنا الفوائد مما سبق
بس فيه مليحيظة موضوعك مهوب منسق زين زي أبو الشباب
يازين تنسيقك يابو الشباب
يعيش أبو الشباب

[انا مين]

ياشين اللحسة !!والملحوسين!!!!!!!!!!!!!!!!!!!!!!!!!!!!!! !!!

[لمعان البرق]

الله يكفينا شر الملاحيس ..

ولله الحمد لابغت تجيني هالحالة .. افصل اي شي واقعد بلحالي حتى لا يتعدى الضرر >>تحشيش ذا

[لمعان البرق]

الذين يشاهدون محتوى الموضوع الآن : 3 ( الأعضاء 2 والزوار 1)
‏لمعان البرق, ‏إستفزازي مؤدب

يالحبيب فيه موضوع لك مضيعة بالسفر .. ينتظرونك

[استفزازي مؤدب]

المشاركة الأصلية كتبت بواسطة لمعان البرق الذين يشاهدون محتوى الموضوع الآن : 3 ( الأعضاء 2 والزوار 1) ‏لمعان البرق, ‏إستفزازي مؤدب يالحبيب فيه موضوع لك مضيعة بالسفر .. ينتظرونك

ايه انا قايل لهم بعد شوي بكمله

[الهبوب]

إستفزازي مؤدب رجــاءا لا تسطوا على تنسيقي

[الحياة مبدأ^-^]

هههههههههههههه

[استفزازي مؤدب]

المشاركة الأصلية كتبت بواسطة الهبوب إستفزازي مؤدب رجــاءا لا تسطوا على تنسيقي

أها بس

[آبــوٍ تــرٍكـي]

فلله آلملآحيس يحسسونك آن فيه نآس آنزل منك شوي ..
بس ترا يفرق ملحوس عن ملحوس يعني فيه ملحوس مؤدب واخلاق وفيه ملحوس حدبدا شلخ ملخ دريلالي<<لاتواخذون مرت على لسآني وكتبتها مدري هي تنفع ولآ لآ.. <(-آلله آعلم من الملحوس

آقول لو آني منك كآن آحط في شنطة الجمس عاكس على شان اذا كبس يعكس عليه ويعميه <<-احس شعور وآحد منهم جآني في هذه الحظه