يا اهل الشرقيه

[دلوعى362]

السلام عليكم جميعا

انا ضيفه على اهل الشرقيه وابغى خدمه منكم!!!!!!!!!!!!!!!!!!!!!!!!!!

ابغى افضل الاماكن في الشرقيه افضل الاسواق!!!! افضل اللاماكن الترفيهيه!!!!افضل اماكن التخفيض.<<<<<<بسبب

ارتفاع الااسعار>>>>>>يعني ابو اريالين


وافضل المطااااااااااعم .................هذا شي مهم من ناحيت الطعم طبعا~

ارجوالساعده............................. ...................ز

[ريفا]

انا مو من الشرقيه بس نروح لها في الصيف ..

وعن خبـرتي في الاسواق عندك الراشد مافيه كلام ..

بس محلات ابوريالين والله ماادري اكيييد بيخدمونك اللي ساكنين فيها ..

والمطاعم أخذنا من فن تايم يجنن لايفوتك و دارين اهلي يمدحونه بس انا مااحب المأكولات البحريه ..

وهذا اللي اعرف وان شاء الله يفيدونك البنـات ..

[*نور*]

ينقل للقسم المختــص ..

المعذره

[درة الأقصى]

موضوع حلو .. راح يفيدني لإجازة الصيف ..

متابعه ..

[سـارّة]

انا ضيفه على اهل الشرقيه وابغى خدمه منكم !

حيّاك ربي ..

ابغى افضل الاماكن في الشرقيه افضل الاسواق !

- مجمع الراشد في الخُبر ..
- مجمع الظهران أيضًا في الظهران .. قريب من جامعة البترول
- الشاطئ مول في الدمام .. ( متوسّط الجودة ، المحلات اللي فيه موجودة بالراشد والظهران )
- المحلات مقابل الواجهة البحرية ( التي بالخبر ) .. زارا وَ موسيمو دوتي وَ ميلانو تقريبًا وفي مجمع صغير اسمه التركي جمبهم ..

أفضل الأماكن الترفيهية

أعتقد أن أغلب الأماكن .. شاليهات وَ ما إلى ذلك .. ولكن هذه الفترة ( صقيع ) !!

افضل اماكن التخفيض.<<<<<<بسبب ارتفاع الااسعار>>>>>>يعني ابو اريالين

أعتقد أبو ريالين لا تختلف بضاعاته .. ؟
لا أعلم عن هذا حقيقةً .. ترين محلات كثيرة في الطُرق .. أممم أذكر اسم محل ( الأفكار الذهبيّة )

وافضل المطااااااااااعم

هل أنتم من النوع الذي يُجرّب أي شيء ؟
ياحبذا ذكر الأنواع المُفضّلة ... وهل تريدون إفطار ؟ غداء ؟ عشاء ؟


ونعتذر على القصور ..

[عاشق الابداع الصوتي]

المطاعم فيه كثير
للشاورما
شرنبي الكورنيش في الخبر
مزون في الدوحه
والصاج اللبناني

المطاعم فيه كثير
منها للمشويات عندك لؤلؤة الرافدين بالدمام له اربع فروع
وفيه التنور الصيني
وفيه ماضينا
وفقتي اختي الكريمة

[أسمى عبد الرحمن]

حياك ربي

- مجمع الراشد في الخُبر ..

لا ماأتمنى تروحين له وتاخذين أسوأ فكرة عن أهل الشرقيه :/

شوفي مثل الظهران وبن خلدون و الشاطيء ومارينا ممكن تكون حلوة وزينه ..

افضل اللاماكن الترفيهيه!!!!

شوفي عندنا شاليهات حلوة بس بقولك على واحد بس لأن الباقين مو ساترين {النادي البحري }هو أحلى شي

أما عن المطاعم

إذا تبين ساتر روحي جاوان

وكوبر شندي هذا مطعم هندي يمدحونه

ودارين هذا للأكلات البحريه بس حلو وساتر

وأماكن التخفيض والله مالي خبرة فيها بس أعرف واحد أسمه عالم الأحلام يمدحونه ،،

والله يحييك

[دلوعى362]

بسم الله

الف شكر لكل من رد على موضوعي .............



ريفا.......الف شكر عزيزتي على اهتمامك ومااااااااقصرتي.....تحياتي

hullabaloo............الله يحييكي ماقصرتي يا قلبي وكفيتي ووفيتي......... بنسبه لي ما احب التجربه لكن انا واثقه فيكم بالنسبه للنوع اهم شي العشاء............تحياتي

عاشق الابداع الصوتي............مشكور اخوي ما قصرت....... تحياتي


الخياله.............الله يحييكي والف شكر ما قصرتي


فديتكم جميعاااااااااا......

[فروووحه]

هلاااا وغلاااا

اذا تقصدين الدمام والخبر والظهران

ماشاء الله اللي قبلي ماقصروا

ترى نقدر نفيدك اذا بتروحين الجبيل او راس تنوره

ونتمنى لك طيب الاقامه في ديرتك الثانيه

[سـارّة]

المشاركة الأصلية كتبت بواسطة الخيّاله لا ماأتمنى تروحين له وتاخذين أسوأ فكرة عن أهل الشرقيه :/ شوفي مثل الظهران وبن خلدون و الشاطيء ومارينا ممكن تكون حلوة وزينه ..

الفتن والسوء موجود في كل مكان = )
جزاك ربي خير ، أولًا وَ أخيرًا يكون الخيار لكِ ..

المشاركة الأصلية كتبت بواسطة الخيّاله شوفي عندنا شاليهات حلوة بس بقولك على واحد بس لأن الباقين مو ساترين {النادي البحري }هو أحلى شي

قصدك المنتجع البحري ؟ اللي بالحمرا ؟
مقفّل لمدة شهرين للأسف ..

دلوعة .. تبين ترفيه نسائي ولاّ مع أطفال يعني عايلة ؟

المشاركة الأصلية كتبت بواسطة الخيّاله أما عن المطاعم إذا تبين ساتر روحي جاوان وكوبر شندني هذا مطعم هندي يمدحونه ودارين هذا للأكلات البحريه بس حلو وساتر

عندك كوبر شندني فرعين .. بالخبر والدمام
اللي بالدمام بحي الحمرا ، قريب من الكورنيش .. هو مع دارين على نفس الشارع
وعندك بعد مطعم هندي اسمه شيزان ..
وفي المطعم الصيني وَ المشويات ، له فترة قريبة من فتح ... حلو جربته قبل أسبوع ..
( شيزان وَ كوبر شندني ودارين والصيني ) بشارع واحد
بعد دوار الصدفة = )
أممم مطعم لفانا بالدمام قريب من مجمع الشاطئ ... أجمل أطباقه المشويّات
وَ أوشيانا بالواجهة البحرية بالدمام .. وفي منه فرع بمارينا مول
<< تقريبًا أفضل مطاعم الدمام ، إذا مانسيت شي

ممكن نفيدك بالخبر ؟ مطاعمهم كويسة

[.*. فرح .*.]

أهـلاً وسهـلاً

المشاركة الأصلية كتبت بواسطة hullabaloo ممكن نفيدك بالخبر ؟ مطاعمهم كويسة

خبرررة

وتقريبًا كلهم بنفس المكـان ،

[سعد العبدالكريم]

المطاعم أنواع

بسرد لك من خمس نجوم إلى البوفية .

5 نجوم

السمبوك ( بحري )

جندولا ( إيطالي )

روما ( إيطالي )

كوبر شندني ( هندي )


تشيليز ( أمريكي )

فرايديز ( أمريكي )


في الخبر ( قبل التميمي على اليمين ) فيه صفة مطاعم وكفي شوبات واجد .. ومنها مطعم أبل بيز .

عندك الـ 4 نجوم .

موندوا ( كفي وفيه مطعم حلو بس مكان العوائل مب لهناك )

مغل ( هندي )

عاد أبو 3 نجمات ونجمتين ما يحضرني

لكن البوفيات والمطاعم الصغيرة

عندك أبو نواس ، بوفية البراحه ( عليها كباب أليييم ) ، بوفيه عمر ، الطيبات ، وأنت ماشي .. يفيدونك الشباب ..

[النورس]

اتوقع اختنا تدور ابو ريالين فقط وليس غيرها من الاسواق الفخمه

في الدمام :
ادلك على رامز وما ادراكي ما رامز
منطقه عامره بكل شئ وعلى امتداده يوجد محل في نهاية الشارع عند الاشاره لكن بالجهة المقابله محل اسمه الدنيا الصغيره <<< اتوقع لو دخلتي ماراح تطلعي منه
بالاضافه الى ان محلات ابو ريالين اصبحت تنتشر انتشار النار في الهشيم

اما نصيحتي لك اطلعي يوم الصباح وافطري في مرينا مول
ما يميز مرينا الواجهه الجميله المطله على البحر وانتي في مكان دافئ والمكان يعمه الهدوء النسبي صباحا مقارنة بالمساء بالاضافة ان اسعاره مقبوله مقارنة مع باقي الاسواق مثل الراشد وابن خلدون وغيرها
وهو كأي سوق اخر يحتوي على العديد من المطاعم وملاهي للاطفال جميله تنفع الى سن 13 سنه

وهناك مركز الشاطئ مول جميل واسعاره ايضا مناسبه وفيه مساحة مطاعم وملاهي للاطفال

اجمل شئ عندنا هو البحر .. جميل بهدوئه وصخبه لكن البرد يمنع الجلوس عليه

هناك مناطق مقفله للاطفال مثل Toy Land
وهي ايضا بالواجهه البحريه بالدمام

الخبر :
فيه الراشد لكن مركز كبير وغالي وجميل بالنهار او ساعة الغداء فقط لكن يعج بالناس وفيه دور كامل لالعاب الاطفال وطبعا العديد من المطاعم
الواجهة البحريه فيها العديد من المطاعم والمقاهي المشهوره والمتنوعه
هناك سايتك للعلوم والتكنولوجيا بامتداد الواجهة البحريه << على ما اذكر
وبالتأكيد نسيت الكثير من المعالم

الظهران :

انصحك بزيادة معرض ارامكو .. معرض جميل يشبه سايتك لكن هو معرض عن البترول ومنتجاته

انصحك بزيارة الجبيل نهارا ,, منطقه جميله ومنظمه ونظيفه حد علمي بها قبل سنوات

اتمنى ان اكون قد افدتك
ومرحبا بك في ربوع بلادنا
توصلي بالسلامه وادعو لك بالسعاده في الرجله

[~لحن الحياة~]

المشاركة الأصلية كتبت بواسطة سعد العبدالكريم المطاعم أنواع بسرد لك من خمس نجوم إلى البوفية . 5 نجوم السمبوك ( بحري ) جندولا ( إيطالي ) روما ( إيطالي ) كوبر شندني ( هندي ) تشيليز ( أمريكي ) فرايديز ( أمريكي ) في الخبر ( قبل التميمي على اليمين ) فيه صفة مطاعم وكفي شوبات واجد .. ومنها مطعم أبل بيز . عندك الـ 4 نجوم . موندوا ( كفي وفيه مطعم حلو بس مكان العوائل مب لهناك ) مغل ( هندي ) عاد أبو 3 نجمات ونجمتين ما يحضرني لكن البوفيات والمطاعم الصغيرة عندك أبو نواس ، بوفية البراحه ( عليها كباب أليييم ) ، بوفيه عمر ، الطيبات ، وأنت ماشي .. يفيدونك الشباب ..

××



جميع هذد المطاعم جميله جداً وراقيه وبالاخص مطعم تشيليز وفرايديز ومغل وكوبر شندي ..


- - -


ايضاُ عندك مجمع الظهران مجمع متكامل من جميع النواحي فيه مطاعم منتوعه، ملاهي ، تسوق ، سوبر ماركت

وكذلك مركز الامير سلطان (سايتك) جميل ورائع وممتع ومفيد : )

واذا كنتِ ناويه تزورين الكونيش او الواجهه فأنصحك بالواجهه البحريه اللي بالخبر افضل
بكثير واحلى من الواجهه اللي بالدمام





××

[مِخْمليّـة ‘]

يا هلا فيك بالشرقية
: )

آمممم تقريباً أفادوك الأعضاء / العضوات ..
أي خدمة حنا جاهزين ..

بالنسبة للأماكن أنصحك ببحر رأس تنورة حلو ونظيف وهادي والنادي البحري والشاليهات طبعاً لا أوصيك على هالأماكن ..!
المطاعم أهم شيء روحي لكوبر شندني / شيزان , طبخهم ذووووق ! هذولا بالدمام
أما الخبر , فيه تشيلز حلو بعد ! وفيه [ أبل بيز يمدحونه بس ما بعد نروح له : ( ]
والتنور الصيني بعد حلو !
وإذا كنتِ تبين مطاعم ساترة .. عندك جاوان هذا الي يحضرني ولا فيه كثييييير ..
والأسواق ماقصروا البنات .. الراشد ومارينا مول والشاطئ وابن خلدون ومجمع الظهران ..
مارينا والشاطئ قريبين من بعض مرة !
أبو ريالين فيه بسوق الدمام هناك بس تراه يجيب المرض يعني :/
ورامز على طريقه في مجمعات رخيصة إذا تبين زوريها .. بس ما أحس بتلقين فيها شيء
وأنتِ وذوقك عاد : )



وُدِّيْ