 |
 |
 |
 |
 |
 |
 |
 |
|
|
|
|
 |
 |
||||||||
 |
 |
 |
 |
 |
 |
 |
 |
| Be Happy | الجـوال | معارض الصور | الغرفة الصوتية | البطاقات | الصـوتيـات | مركز التحميل | مجلة أجيال |
30-05-2003, 02:32 PM
|
#1 |
     |
مليحه الرومانسية ... ومليح الهدر
على فكره يا جماعه القصه روعه و تحكي عن واقع بعض الشباب الدلوخ اللي ما يفهمونها و هي طايره يعني تراه ما ابعد عن الواقع اللي عايشينه بعض الناس... اتمنى تعجبكم .. ابطال القصه : الزوج مليح، الزوجه مليحه بالاشتراك مع فهد الذى قام بدور اخو مليحه اخراج الباسل ********************* 1 2 3 4 5 اكشششششششششششششن ,,,,,,,,,,,,,,,,,,,,,,,,,,المشهد الاول,,,,,,,,,,,,,,,,,,,,,,,,,,,,, مليحه : مليح ..... يا مليح..... مليح ......... مليح وينك مليح: هااااه مليحه: وينك مليح: هذاني في المبطخ ,,,,,,,,,,,,,,,,,,,,,,,,,,المشهد الثاني,,,,,,,,,,,,,,,,,,,,,,,,,,,, في المطبخ : مليحه : وش تسوي في المطبخ ?? مليح يناظرها وهو يقرض له خياره : زي منتي شايفه قاعد اغسل ثوبي وشماغي ;) مليحه : هههههههههههههههههههههههههههه مليح : اندري عنس يعني بالله الواحد وش يسوي في المطبخ اكيد يدور شي ياكله ميت جوع :hh: مليحه : طيب شف وش رايك بالفستان اللي علي ( مليحه خذت لفه حولين نفسها ) مليح : هههههههههههههههههههههههههههههههه ايه والله وش ذا الفستان وراس ماخذه ستارة الملحق ومفصلتها  مليحه : حرام عليك والله حلو  مليح : وين حلو معه الله يفشلس لا تروحين به للعزيمه تفشلينا مليحه : لمعلوماتك سعر هالفستان غالي !!!!!!! مليح : لعب عليس صاحب المحل شاف وحده مخفه زيس ..... بصراحه يا مليحه ذوقس في اختيار الملابس زفت مليحه : انت اصلا ما تفهم في الذوق وما فيه شي يعجبك كل شي تقعد تعيب عليه حتى بلوزتي اللي كنت لابستها الاثنين الماضي تقول كنها وزره عبدالمتوكل فراش المسجد وكل زميلاتي يسالوني من وين شريت هالبلوزه ذي :L مليح : يامليحه انا اقولس رايي بصراحه وبعدين ترى فيه بعض الحريم يزينون اللبس مليحه : قصدك اني انا اشين اللبس  مليح : لا مهوب القصد ...... مليحه ...... مليحه تعالي.......مليحه....... لاتزعلين تعالي........ لاحوووول زعلت يا كثر ما تزعل وش اسوي الحين .... مالي الا اتصل على اخوها فهد ,,,,,,,,,,,,,,,,,,,,,,,,,,المشهد الثالث,,,,,,,,,,,,,,,,,,,,,,,,,,,, مليح في سيارته ويكلم فهد مليح : الو ... هلا والله فهد كيف حالك ؟ فهد : يا هلا والله وسهلا بخير ولله الحمد بشرني عنك مليح : والله ابشرك تمام........اقول فهد ودي اشوفك اليوم ضروري ابيك بموضوع فهد : مشكله ثانيه؟؟؟؟ مليح : يا حبيلك نبيه تفهمها وهي طايره فهد : خلاص عند قهوه المساء الساعه 8 مساء مليح : خلاص تلقاني منطق هناك انتظرك :D فهد : على خير ان شاء الله مليح : لا تتاخر فهد : ان شاء الله مليح : لا تنسى تكفى فهد : ياخوي ازعجتنا وغثيتنا خلاص  مليح : طيب خلاص مع السلامه فهد : طوط طوط طوط طوط طوط طاط طاط طاط طاط طاط طاط طاط طاط طاط طاط مليح : اعوذ بالله ضو شابه الله من زين النفس كنه اخته:hh: ,,,,,,,,,,,,,,,,,,,,,,,,,,المشهد الرابع,,,,,,,,,,,,,,,,,,,,,,,,,,,, قهوه المساء ......... مليح : وينك فهد تاخرت فهد : حسبي الله على عدوك الساعه الحين 8 وخمس دقايق يعني تاخير بس خمس دقايق مليح : ولو لازم تتعلم الانضباط وتجي على مواعيدك فهد : الحين اللي يشوفك يقول اني متاخر عليك ساعتين ..اخلص بس قل لي وش السالفه مليح : السالفه يا طويل العمر باختصار اختك شرت فستان للعزيمه ولا عجبني وقلت كنه ستاره الملحق وزعلت فهد : بس كذا السالفه مليح : لا وقلت ذوقس مهوب زين ابد فهد : اسمعني اختي وانا اعرفها انسانه حساسه مره ورومنسيه مره وذوقها في الملابس ما فيه احسن منه بس حظها الردي اللي طاحت بواحد جلف ودلخ زيك  مليح : افااااا.... ايه افزع مع اختك دافع عنها فهد : لا مو مساله انها اختي وانا قاعد ادافع عنها لكن انا اقول شي الصحيح انت رجال جلف والا يوم شفتها لابسه هالفستان وما اعجبك كان جاملتها يعني جبها باسلوب يعني مثلا كان قلت والله حلو وازين ما فيه انس انتي اللي لابسته همن قل لها بعدين .... فيه محل في السوق الفلاني مدري انتي شفتيه والا لا عنده فساتين روعه تبي تقول لك لا قل لها وش رايتس نروح له بكره وخلاص رح بها للسوق دام فستانها ما اعجبك ..... مهوب تجي وتقول ذوقس شين ويفشل ومدري ايش اللي يسمعك عاد يقول هذا مره فرزاتشي منزين ذوقك عاد انت مليح : والله منتب سهل جبتها فهد : الحين نروح للبيت ورح وكلمها وقل لها كلمتين حلوين مليح : طيب ... ما ودك نطلب شاهي والا قهوه فهد : لا ابد ما له داعي ابتقهوي عندكم في البيت مليح : يالله اجل مشينا فهد : مشينا ,,,,,,,,,,,,,,,,,,,,,,,,,,المشهد الخامس,,,,,,,,,,,,,,,,,,,,,,,,,,,, صاله بيت مليح .......... فهد : يالله رح ارقى فوق وصالحها زي ما قلت لك وانا انتظرك هنا فهد : وشفيك متردد مليح : ياخي مدري احس انها مهيب معطيتني وجه :fie فهد : ياخوي رح بس ما عليك مليح : اسمع عندي فكره وشف وش ابي اسوي ..ابقولها ... مليحه..........مليحه............عجلي .....عجلي .....انزلي يا مليحه.....بسرعه مسلسل الحاج متولي بدا......عجلي انزلي  فهد : انت متخلف  مليح : وش فيها انا منول يومي صغير اذا زعلت على اهلي يجون يقولون لي عجل تعال بدت فلونه واجيك طاير مجلعد واطامر كذا كانت طريقتهم اذا بغو يطلعوني من غرفتي فهد : طيب نادها من السنترال وخلني اكلمها مليح : صح جبتها ..... الو مليحه تعالي انزلي عندنا اخوس دوس كلميه فهد : مساس الله بالخير يامليحه وين الناس ترى لي ساعه منطق هنا ورجلس ما جاب لي لا شاهي ولا قهوه انزلي خلينا نشوفس مليحه : هلا والله باخوي فهد دقيقه هذاني نازله لكم طلعت مليحه من غرفه النوم ونزلت وسلمت على اخوها مليحه : يا هلا والله زارتنا البركه كيف حالك فهد فهد : والله ابشرس الحمدلله فهد : وش لونس انتي وش لون مليح معس مليحه : الحمدلله مليح : مليحه .. فهد يعرف لس محل فساتين روووووووووعه  مليحه : صدق مليح : ايه والله توه قايل لي قبل شوي مليحه : وش اسمه مليح : ايه صح وش اسمه فهد فهد : احم...... مليحه شكلكم ما ودكم تضيفون ضيوفكم وين الشاهي مليحه : ايه لحظه هذاني ابجيبه الحين ( مليحه راحت للمطبخ) فهد : مليح انت غبي ياخي توني اقول على سيبل المثال تجي وتوهقني وتقول لي وش اسم المحل ولا وتقوله عندها بعد مليح : وشو ====>  طايره بوهته فهد : يالله عموما انا ابمشي قبل ما تجي وتسالني واتوهق يالله فمان الله. طبعا انتهى الزعل اللي بين مليحه ومليح .............. مليح جاه انتداب من العمل وسافر واليوم موعد وصوله الساعه 9 مساء ,,,,,,,,,,,,,,,,,,,,,,,,,,المشهد السادس,,,,,,,,,,,,,,,,,,,,,,,,,,,, مليح في التاكسي ويكلم مليحه بالجوال ======> هدر ومعه جوال .. حلّوها عاد مليح : السلام عليكم مليحه : وعليكم السلام هااه بشر وصلت مليح : ابشرس مليحه : الحمدلله على السلامه مليح : الله يسلمس..... اقول جهزي العشاء تراي ميت جوع مليحه : ابشر من عيوني يابعد عمري مليح : فمان الله مليحه : فمان الكريم ,,,,,,,,,,,,,,,,,,,,,,,,,,المشهد السابع والأخير,,,,,,,,,,,,,,,,,,,,,,,,,,,, داخل صاله المنزل مليح : مليحه وراس حاطه شموع عسى الكهرب مهوب طافي  =====> هههههههههه والله ياهو دلخ مليحه : لا ابد مهوب طافي بس حبيت اسوي جلسه رومنسيه جو شاعري ===> والله ياهي مسكينه مليح : بلا جو شاعري بلا جو رومنسي انا منيب رايق للخرابيط ذي ولعي اللمبات تكفين خلينا نشوف طريقنا ونعرف نتعشى مليحه : ولعت اللمبات وطلعت فوق زعلانه  مليح : يا كثر زعل هالحرمه .....ابتصل الحين على اخوها مليح : الو.. هلا والله فهد عاش من سمع صوتك فهد : هلا والله ومسهلا كن صوتك قريب مليح : ايه والله توي واصل الحين هذي دخلتي للبيت فهد : الحمدلله على السلامه مليح : الله يسلمك اقول فهد ابيك بسالفه ضروريه فهد : يا كثر مشاكلكم مليح : ههههههههههههههههههههههههههههههه اقول بس تعال للبيت الحين فهد : طيب ثلث ساعه وانا عندك بعد نص ساعه جا فهد وضرب الجرس مليح : هلا والله تفضل فهد : الله يسلمك .... شف خذ هالورده واطلع فوق لها وعطها زوجتك وحاول انك تراضيها وعطها من هالكلام المعسول يالله رح ما يحتاج تقول لي وش السالفه مليح : طيب راح مليح وطلع فوق وطق الباب مليح : مليحه افتحي الباب خلينا نتفاهم مليحه فتحت الباب مليح : مليحه وراس زعلانه عليّ ؟؟ هذا استقبالس لي عموما قبل ما نتفاهم في الموضوع خذي هالورده  مليحه : (( وهي تبتسم لزوجها )) من وين جبتها  مليح : ما جبتها اخوس عطاني اياهاتحت وقال عطها هالورده قلت يمكنس انتي موصيته عليها  مليحه خذت هالوردة ونطلتها في وجهه وطلعته برى الغرفه وسكرت الباب نزل مليح وهو مستغرب  فهد : وش صار مليح : ابد قلت عطيتها الورده ورمتها في وجهي فهد : افاااا شكلها زعلانه بقوه وش قلت لها بالضبط مليح : ابد قلت انك انت اللي جبتها يمكنس موصيته عليها وبس فهد : الله لا يبارك فيك :fire.. ما الومها لو تزعل اسمع لا تتصل علي ولا تدخلني في مشاكلكم ما قد شفت غباء بالطريقه ذي .... مع السلامه مليح : فهد... تعال فهد.... لاحوووول والله انا مقرود بهالعايله الزعوله واستمرت معاناة مليحه الرومانسية مع مليح الهدر ...... وهي ما تعرف وش تسوي علشان يصير زيها ...... |
|
|
|
|
|
 |
||||
| الواحة كوم | مركز رفع و تحميل الملفات | رسيفر الأسرة | وسيط SMS | شبكة الأسيف |
|
30-05-2003, 03:17 PM
|
#2 |
|
|
مشاهد طريفة وفيها شئ من الواقع
هناك من على شاكلة مليح بيننا اذكر ان احدى صديقاتي كانت على خلاف مع زوجها بسبب الخادمة !! المهم جاءت لنا صباحا و بالها مشغول كيف ترضي زوجها فنصحتها صديقتها ان تجهز له الليلة عشاء في جو رومانسي و سمعت - المسكينة - نصيحة صديقتها وما ان اقبل ابو الشباب و رأى النور الخافت المنبعث من الشموع الا ان نهرها وقال .. يابنت طفي الشمع .. ناوية تحرقينا .!!! مسكينة كأنها مليحة !!! الله يصلح احوال الرجال والحريم ايضا 
|
|
|
|
|
30-05-2003, 03:31 PM
|
#3 | |
|
|
يعنى لا تحسبوني انا بالبيت كذا :D انا مسكين وضعيف ومغلوب على امري :oجزاك الله خير على المشاركة وبارك فيس |
|
|
|
|
|
30-05-2003, 04:57 PM
|
#4 |
|
|
صراحة .. مسلسل رهيب .. :D والسيناريو .. يتكرر كثيرا .. في مجتمعنا .. لكن قد نجد العكس ( مليح الرومنسي .. ومليحه الهدره ) مليح السجايا .. اثابك الله .. ووفقك لك خير ،، |
|
|
|
|
30-05-2003, 05:38 PM
|
#5 | |
|
|
:D ياالله وناااااسة:D |
|
|
|
|
|
30-05-2003, 05:43 PM
|
#6 |
|
|
مليح انا ما تابعت القصه..
ولا المشاهد.. وراك خطه نوعه اختلف.. وين الخط التهامي؟ اجل التهامي هاه؟؟ الله يصلح حالك.. يا ملـــــــــــــــــــــيح.. 
|
|
|
|
|
30-05-2003, 05:45 PM
|
#7 |
|
|
رائعة جدا
:Dودي اسألك سؤال -ممكن اخوي -. 00000000000000طيب 00000000 السؤال : ماتوافقني اخ مليح ان كثير من الرجاجيل يجهلون بان المراة انسانة عاطفية وهم يعاملونها على النقيض,,,,, همن المراة تحاول تبحث على من يملا لها هذا الفراغ العاطفي بالذهاب للاسواق والعروس وغيرها ,,, ولو نا المراة احست بالجو العاطفي اللي يتناسب مع تركيبتها كان اكثر شي يملا عليها فراغها رجلها ,,, وكان مايصير همها الابرجلها(زوجها),,,, مهب ببلوزتها وشنطتها وبيجرها وجوالها والمظاهر اللي مالها من السنع عينه,,,, صح ان هذه مطلوبة,,,, لكن محاول تكميل المودة والرحمة اللي بين الزوجين مهمة ,,, الا توافقني اخ مليح على هذه النقطة ؟ ارجو تعليق شخصكم الكريم على هذه الظارة المنتشرة ,, |
|
|
|
|
30-05-2003, 05:59 PM
|
#8 |
|
|
احم احم
 انا اقول انه احيانا يجب ان لا نلوم الرجال على الجلافة فطبيع تكوين الرجل القوية غير طبيعة تكوين المرأة العاطفية ... وكثير من النساء تريد الجو الرومانسي على طول الطرق وهذا مهما كان ممل ويطفش الرجل والعكس صحيح بالنسبة للرجل اذا كان كل الجو الذي هو عايش فيه شغل وروحات وجيات وسفريات وقعديات اما بالنسبة لجهل الرجال بعاطفية المرأة فاعتقد ان القليل القليل يجهل ذلك ولكن بعضهم تأخذه العزة بالاثم ويعتبر ان الكلام المعسول بينه وبين زوجته في اهانه له وهذا كثير عند اهل البادية . لكن البعض من الرجال وانا منهم احيانا لا استطيع ان اعبر لزوجتى عما في داخلي اما لرداءة الاسلوب وسوء التعبير او لعدم الشجاعة الكافية او اعتقد احيانا ان المرأة قد تحس بان هذا مجاملة لها مع انه من داخل القلب ولكن كما ذكرت لك سوء التعبير يخذلني وهذا ما جعلني اعيد في اولى متوسط سنتين هذا رايي ويمكن اكون غلطان ويمكن ان صحان على وزن غلطان |
|
التعديل الأخير تم بواسطة مليح السجايا ; 31-05-2003 الساعة 12:50 AM. |
|
|
|
|
|
30-05-2003, 06:23 PM
|
#9 |
|
|
 الصراحة .. أشعر بأنك رومانسي يا مليح .. :fie  |
|
|
|
|
30-05-2003, 06:25 PM
|
#10 | |
|
|
 اخاف انك مشبه يالاخو |
|
|
|
|
|
30-05-2003, 06:32 PM
|
#11 |
|
|
ترى ما أقصد بالقصة |
|
|
|
|
31-05-2003, 01:27 PM
|
#12 |
|
|
اقول اخوك ما هو محرم لزوجتك
اقصد ( فهد ) ;)
|
|
|
|
|
31-05-2003, 01:33 PM
|
#13 |
|
|
|
|
|
|
|
31-05-2003, 01:49 PM
|
#14 |
|
|
ابداع متجدد اخي مليح
وفقك الله لكل مايحبه ويرضاه |
|
|
|
|
31-05-2003, 02:59 PM
|
#15 |
|
زائــر
|
ماشاء الله تبارك الله ..
منهو ؟ مليحووووه  يالله حيوه على قل كلافة رائع انت خصوصا أنا بديت أربط بين أشياء وأشياء ;) ننتظر ابداعاتك .. ودي أعقب بس الحريم هنا ملو من خماكيري :h1h: |
|
|
|
|
31-05-2003, 03:18 PM
|
#16 | |
|
|
الله يستر بس :fie |
|
|
|
|
|
31-05-2003, 08:54 PM
|
#17 |
|
|
السلام عليكم ورحمة الله وبركاته
اخى مليح السجايا قصه جميله جدا كأنى فى مسلسل لكن هذا الواقع اعرف بنات متزوجات يزعلون من كل شىء مثل /راح مع امه والا ابوه / اخذ خواته فى كشته / او الذى يضايقنى جدا اذا عطاهم فلوس / او جايب من الجمعيه اغراض حدث ولا حرج يصبح فى البيت انفجار وانا عندى مقوله دائما اضعها امامى وهى (( اذا فيه خير بأهله لازم يكون فيه خير بزوجته )) |
|
|
|
|
31-05-2003, 11:45 PM
|
#18 |
|
|
الله يجزاكم خير على حسن مصطفى :D اقصد حسن تفاعلكم
|
|
|
|
|
01-06-2003, 12:38 AM
|
#19 |
|
|
والله فعلا القصة روعة ... عاد يكفي انها منك ...
وانا والله من زمان اقول شكل مليح رومانسي خاصة يوم قلت نفسي افهم زوجتي ... (( يا حليلكم شكلكم كلكم هدر )) :D والله ما قصرت ضحكتنا ...:D :D :D |
|
|
|
|
01-06-2003, 06:23 PM
|
#20 |
|
|
|
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
الأعضاء الذين قرؤوا الموضوع منذ 30 يوم ( أيام ) : 0 .
|
|
| الموضوع لم يُقرأ بعد |
| أدوات الموضوع | |
| انواع عرض الموضوع | |
العرض العادي
|
|
الساعة الآن 12:10 AM.