°☼قاعة الدراسات الإسلامية ^ بنات ^ ☼°

[أُنْــس]

عندي سؤال: شلون تقتيسين المشاركه وتردين بدون ما يدخل ردك في الإقتبااس

بلو كوكتيل

قصدك كذا؟^^^

اسمعي يابعدهم
انسخي الكلام اللي ودك تقتبسينه
طيب؟
ثمن ظلليه وتلقين فيه هذي الأيقونة
واضغطي عليها وبس..
خِلصِت..



رهو.. كفيتك المؤونة..
>> مدلعتك بمناسبة عودة الدي اس إل.. باركيلي صرت كوشخة

انتظريني أنزل الواجب.. بتاع دكتورة إيناس..

[دموع خاشعه]

[COLOR="Plum"]

المشاركة الأصلية كتبت بواسطة التواقة أ / البندري العتيبي هذي طيبة بالحيل ، ومادتها كانت من أجمل المواد عندي أسألتهاموضوعية وحلوة ، وأغلب البنات أخذوا عندها أ+

ايه شكلها مره متجاوبه وعسوله.. وتقريبا هي افضل الدكتورات لحد الحين
امتحانا عندها الاربعاء بعد بكره

المشاركة الأصلية كتبت بواسطة التواقة النهج إذا كانت الأستاذة اسمها سميرة أسألتها موضوعية وكثيرة لكنها مهي صعبة وسط تحب البحوث كل شهر بحث ، حاولي يكون بحثك كامل عشين يرفع من معدلك امممم وش بعد أهم شي درجتك تاخذينها بجهدك وماتظلم أحد

( تقول( لي عشرين سنه ادرس هالماده) ..
صوتها هادي <<< تجيب النوم احيانا

ماطلبت منا بحوث للان الله يسترررررر

المشاركة الأصلية كتبت بواسطة التواقة باقي الأستاذات بحاول أسأل عنهم وبعطيكِ الخبر بإذن الله ..

ايه بالله تكفين
فاطمه السلمي خاصه والله احسها داهيه وبتورررطنا
ولا تهون امل القرني مابعد فهمتها مدري والله وش وراها
وعبير الطلحي شكلها حليله بس دايم تقول ترى اسئلتي مي سهله

[رهـــا]

كوكـBlueـتيل



إجابة واضحة ، أزاحت نقطة غامضة عندي

شكرًا جزيلًا


للفائدة - وحتى ما أنسى -

الفقرة كانت : من المرفوعات في صحيح البخاري مالا يوجد في موضع آخر من كتابه موصولًا ،

فإن كان بصيغة الجزم يستفاد منه الصحة إلى من علّق عنه لكن يبقى النظر في فيمن أبرز من رجال ذلك الحديث


فمنه مايلتحق بشرطه ومنه مالايلتحق ،

أمّا مايلتحق فالسبب في كونه لم يوصل إسناده قد يكون لم يحصل عنده مسموعًا ، أو سمعه وشك في سماعه له من شيخه ،

أو سمعه من شيخه مذاكرة ..


وبس

بس إنتو وين وصلتو في العقيده؟؟

وصلنا عند معنى القضاء والقدر ومنزلته من العقيدة الإسلامية ..

وجواب السؤال : متصوّفة الجبرية صح ؟



أُنْــس


الحمد لله على سلامة البتاع ، وش فيكم شكله يتضامن مع الشسمه حق الفجر الباسم


شكرًا لك لكن في إضافة أن الاقتباس يكون بين الأكواد مو بعدها ..

[QUOTE هنا [/QUOTE]



حيّاكم الله دائمًا .

[أُنْــس]

حل واجب مادة مهارات التفكير..

استخدامات غير مألوفة لكل من:

الورقة: نشعل بها النار, منشفة, تغليف هرايا, هواية وأشكال ورقية, نتحكم بظهور الصورة في عرض بروجكتر أو كاميرا.

القلم: نرفع به الشعر , نقص به الصق (الشطرطون), مضاربات (اللهم أنه أخوي مب أنا), شخمطة عالجدران (والله مالي شغل), فاصل في كتاب, صفيرة..

الحقيبة: بقالة متنقلة (بسطة), للرياضة يعني كأنها أثقال فوق الظهر, للتكفيخ..!

الدبوس: شحت الأفكار.. وطفشوا أخواني..

[رهـــا]

أُنْــس


ماشاء الله ، حلّكِ حلو


بس مرّة ثانية أسألي أخوانك وهم مروقين عشان تطلع الإبداعات










ما ذكرته الأخت : جنان ذكرني بنقطة دائمًا أستغرب منها


إذا تكلّمت عن قسم الدراسات الإسلامية قالوا لك : إيــــــــــــه سهـــــل ..


أي سهل وحنّا نكرف طول الليل والنهار ..

تصدّقون بعد الإختبارات إذا جيت أرتب كتبي أستغرب كيف قدرت أحفظ كلّ هذا

في ذاك الوقت أتذكّر أن الأزمة أزمة إرادات وليست قدرات


بالنسبة لطالبات الدراسات الإسلامية اللي تبغى النجاح بتنجح بـ أسئلة [ شختك بختك ] !

أما اللي تبغى العلم مو سهل عليها أبدًا ، لأنها ماتقدر تخرج من مادة إلا إذا كانت متقنة لها وعلى وجه الاستيعاب ..

شيء كثيـــــــــر يُقال عن هذا الموضوع وحسبي أنكم أحسستم به وتعرفونه جيدًا .

[كوكـBlueـتيل]

المشاركة الأصلية كتبت بواسطة رهـــا شكرًا جزيلًا وجواب السؤال : متصوّفة الجبرية صح ؟ .[/COLOR]

العفوو

صووووح عليك

وأضيف:

سموا بالجبريه لأنهم قالوا بأن العبد مجبور ومقهور ولا إرادة له

وقال ابن تيميه عنهم: الجبريه أكثر ضلالا من اليهود والنصاى.




أُنس:

مشكوره على الإجابه بس أنا ماأقصد كذا

أنا أقصد كيف أقتبس مشاركه أكثر من مره يعني مشاركتي هذي مثلا أقتبس الجزء الأول منها وأرد عليه

ثم أقتبس الجزء الأخير وأرد عليه يعني المشاركه الوحده أقطعها أكثر من قطعه <<<< من زين الشرح

[رهـــا]

كوكـBlueـتيل

عادي أنسخي الكلام اللي تبغين تقتبسينه ، بعدين اختاري الأيقونة اللي أشارت لها أنس ، وافصلي بين الأكواد وسوي لصق ..


وإذا تبغين مرة ثانية سوي نفس الشي ..


أتمنى يكون الشرح واضح ، وأي استفسار نحن في الخدمة .

[كوكـBlueـتيل]

مشكورة رها فهمت أخيرا

[اميرة نفسها]

هلا والله
توي اشوف قاعة الدراسات ورى ما اعلنتو عنه عشان اشوفه

اختكم بقسم دراسات اسلاميه -السنه الرابعه- كلية التربيه بالمجمعه
فيه احد كبري

موادنا
فقه: الروض المربع
اصول فقه:ماجانا مدرس الله يخلف علينا
اصول التخريج ودراسة الاسانيد: محمود الطحان
تفسير تحليلي: فتح القدير
ملل ونحل: دراسات في الاديان اليهوديه والنصرانيه
حديث: فتح الباري
هذه مواد التخصص
________________________
المواد العامه
سياسة التعليم في المملكه
مناهج دراسيه
تقويم تربوي
حاضر العالم الاسلامي

+تطبيق عملي(المرحلة الثانويه)
الله يعيننا

[^^عبير الورد^^]

سلام بنااات
انا درسات اسلامية الفرقة الاولى بجامعة طيبة
الله يسامح وحدة من البنات كتبت منهج اولى وخوفتني بكثرة المواد
وبسرعة رحت الجامعة طلعت اقل بمادتين ولافيه انجليزي
على العموم متابعة واتمنى احصل اي بنت من ينبع البحر سنة اولى حتى استفيد ونفيد بعض

[رهـــا]

اميرة نفسها

أهليــن حيّاك الله

اختكم بقسم دراسات اسلاميه -السنه الرابعه- كلية التربيه بالمجمعه فيه احد كبري

إن شاء الله يكون في أحد كبرك ..
اختلاف السنين لن يكون عائقًا لأي شيء ، فالمحتوى أو المضمون قد يتواجد عند أيّ منّا فلا تترددي في طرح ما تريدين ..

اصول التخريج ودراسة الاسانيد: محمود الطحان

هذه المادة مشتركة بيننا ، لأننا على الخطة الجديدة ، بإمكاننا الإستفادة من بعض

وفقكِ الله .





^^عبير الورد^^

أهلًا وسهلًا

الله يسامح وحدة من البنات كتبت منهج اولى وخوفتني بكثرة المواد وبسرعة رحت الجامعة طلعت اقل بمادتين ولافيه انجليزي

هذه المواد فعلًا هي مواد طالبات كلية التربية في جامعة طيبة ، درستها العام الماضي ويدرسنها طالبات الفرقة الأولى الآن أيضًا ..

لكن قد تختلف كلية ( ينبع ) عن الكلية في المدينة ، أو قد تكوني من طالبات إعداد المعلمات ، فالخطة بالطبع تختلف ..

عمومًا ليس هناك اختلاف كبير ، اطرحي هنا كل ماترغبين به وستجدي الفائدة بإذن الله ..

حيّاك الله دائمًا .

[* بسمة النصر *]

هلااا والله بنات الفصل ! < لا تلومونه توه جاية من موضوع فصله

وش أخبااركم مع المذاكرة ؟!

الله يوفقكم و ييسر لكم كل عسير و يشرح صدوركم و يذكركم ما أنسيتم : )


بشاير و أسماء و الكل .. لن أنساكنّ من دعواتي .. بالتوفييييق يا حبيبات

[| يُـمن |]

المشاركة الأصلية كتبت بواسطة * بسمة النصر * بشاير و أسماء و الكل .. لن أنساكنّ من دعواتي .. بالتوفييييق يا حبيبات

الله يجزااااك خييير

واحنا ما راح ننسااك من دعواتناا يالغاليه
الله يوفقك وييسر لك ، من الأوااائل يااارب


بسووم أكثر شي ادعيلي بالنحوو < مسوي لي أزممه

[| يُـمن |]

على طاري النحو ..

بناات أبي طريقه أذاكر فيها النحو زي خلق الله !!
من جد لما يكون علي نحو .. طول الوقت متوتره ومو عارفه أذاكره

لين أروح للجامعه وأنا مدري شلون ذاكرته :/

<- الدكتور الله يهديه ، العام كان يحط سؤالين بس ( مقالي )
على السؤال الواحد 15 درجه .. مو متعوده كذااا

وأختكم الموقره ، لما أشوف سؤال بعدين باقي الصفحه فاااضي .. يعني لازم أعبّيه كلاام

أول شي / تجيني الصيحه وودي أنام وأقعد ألقاني حالّه الورقه
ثاني شي / أقوم أكتب سطر واحد عشان ما أقول ما جاوبت .. وأسكّر القلم وأقعد أفككررر <- ردة فعل من المنظر اللي شفته بالورقه


أحد يساعدني على هالمشكله :/ ؟

[الدبلوماسية]

8
8
بنات وش رأيكم أساعدها قصدي أخربها
<<مستهتره درجة أولى

نفس المشكلة بس ما توصل لدرجة كابوس..عقدة ربما..
العام أبوي ذاكر لي ونجحت ..عاد هالمره قلت له ترى أبيك تذاكر لي لعل وعسى
فحطت فيه لما قلت بس !

عطونا طريقة خنفشاريه..تصلح للعنيدين أمثالي

[أُنْــس]

^

^

^

طب أدرسوا عند الشيخ الدكتور السبيهين بالأكاديمية المفتوحة..

ماينفع؟؟

يعني يمكن فجأة تبدعون بالنحو.. وتصيرون سيبويهات..
جربوا,, والله مره حلو..

بالتوفيق..

دمبس

والله أني أكتب الرد وقول ياساتر ما تقول دلوعة>تعقدت!!

[الدبلوماسية]

8
8

نصحتني إحدى القريبات بمتابعته
شاهدت إحدى الحلقات وكانت على نهايته للأسف
عندي أخت إدمان [شدا] خطر علي لو قلبت القناة..بحاول ما أنسى موعده

يعني يمكن فجأة تبدعون بالنحو.. وتصيرون سيبويهات..

يختي مبدعين قبل لايطلع سيبويه هذا ..ياخي حتى اسمه لا يمت للعربية بأي صلة
بالنسبة لي المشكلة عندي مو مسألة عدم فهم أو فهاوة
مجرد إني حاقرته ..إلى الآن عقلي الباطن ما يعترف بـ [النحو]كعلم وأدرسه إجباري بعد
أحس كل المعلومات اللي فيه تجي بالعقل ماتحتاج دراسة
ما نقول صعب بالعكس سهل إلا تافهه وسخيف بعد..فيه بعض الدروس مثل الأفعال و علامات الإعراب والصرف هذي يحق لنا نعرفها
بس المفعول المطلق ومنه وفيه ومعه، وعايلة [أخواتها ] <عسى ما شر




يُمن ماهي عارفه تذاكره وبتلقى لها أكثر من طريقة تقدر عليها ..
لكن حضرتي ما أعرف أجاوب ع الأسئلة
الخطأ مو من طريقة وضع الأسئلة المشكلة إني أحتاج لتدريب ذهني
ما أعرف أجاوب على أسئلة نحو <<تعرفين علم جديد علي وأول مره أدرسه هق هق
إذا شفت الأسئلة ما أجيب ولا إجابة من المخزون الذهني اللي من فترة وأنا أعبي فيه <<شيء يقهر قسم
ودي أحد يجلس عندي وأنا أجاوب ويذكرني بكل فقرة في الأسئلة ويربط بينها وبين اللي مخزن عندي
وقتها ما أرضى إلا بالإمتياز






الحين بعض الناس بيكفخونن ويا كثرهم هنا
وش هالحظ اللي حطن بين عاشقات للنحو


بيني وبينك أحس إن فيه خلايا نحوييه بمخي مقفله لو تنفتح اتوقع إني بعشقه بعدها
أجرب الدريل ينفع

[رهـــا]

يآآآآآه النحو ، طالبات الدراسات الإسلامية مايرسبون إلا فيه ..


حسيّت بمعاناتكم قسم ،

العام كنّا نكلم رئيسة القسم عن هذا الموضوع ،

قالت : أنتم حاطين النحو فوق روسكم ما تقدرون تمشون فيه ، طبعًا الأمورة أزاهيرو نطت لها قالت : لا مو النحو الإنجليزي



طيب في عدّة اقتراحات :

1 - تابعوا دروس الأكاديمية زي ماقالت : أُنـس ، مررة مبسّط وسهل ،

في أول حلقة قال أنه بيخليه سهل حتى على اللي ماعمره درس نحو ولا في المدارس ، وطريقته تخلي اللي يحملون النحو يحبونه ---> من الواقع


2- طريقة شرح ابن عقيل يمكن بالبداية صعبة علينا شوي لأننا تعودنا على كلام مرتب ،

فنحاول نرتبه على شكل رسم شجري مثلًا أو نستعين بكتب المتوسط والثانوية لأنها نفس المواضيع مع الانتباه للزيادات طبعًا .


3- أحيانًا بعض الاستاذات تشرح الكلام بطريقة مبسطة ومرتبة ثم تقرأ من الكتاب ، نلاحظ الفرق .. طيب شرايكم لو نكتب معها تلخيص على جنب مثلًا أتوقع بيساعدنا كثيـــر .


4- أنا أقترح أننا نذاكر النحو مع بعض ، أي درس مافهمناه نشرحه أو حتى لو كانت نقطة معيّنة ، ماعندي مانع أفتح مدرسة خصوصية




العام الماضي درستنا النحو أستاذة أجادت تحويل النحو إلى معاني !


أقول معاني لأننا تعودنا على مذاكرة النحو كـ ألفاظ جامدة لاتمت للسببية بأي صلة للأسف !

في اختبار أعمال السنة أول ماوزعت الأوراق تفاجئت بأن البنات مبلّميــن على الآخر ،

- ليه يابنات في شي مو واضح ..؟

- ..........................

- وش فيكم ليه ماتحلّون ؟ الأسئلة من منهجكم في شي مافهمتو؟


- أستاذة ، معليش بس مافهمنا إيش المطلوب من السؤال ..

أخذت الورقة وفهمتنا المطلوب استخراج تافه لكن كانت صيغة السؤال والأمثلة جديدة


بعدين قلت للبنات : أن مشكلتنا في النحو حفظ كلام وأمثلة بس ، لكن جيبي لنا مثال ثاني ..فترة عشان نستوعب أنه لهذا الدرس ، مثلًا في درس أفعال المقاربة درسته في أوضح المسالك المثال لـ اخلولق " اخلولقت السماء أن تمطر "

فتحت ابن عقيل نفس المثال ..، سمعت درس نحو في إذاعة القران نفس المثال ..


لكن حلو لو نطور أنفسنا خلونا بعد المذاكرة نمسك أي كتـــــاب في الحياة ونعرب أي صفحة منه ،

خلونا نعرب كلامنا ، نعرب الكلام اللي مكتوب في علب الطعام أي شي في الدنيا ، ويسير النحو أسهل من شرب الماء ...



الله يعينكم ويسهل لكم يارب .

[بُحـور]

^
^

شرايكم بالي تحفظ الشاهد ووجه الإستشهاد وبس
والمصيبة بالإختبار أتذكر الشاهد بس مدري وشو وجه الإستشهاد <- خسارةحفظي له

وأنواع الإبداع والتفلسف .. والحمد لله بالأخير أنجح

يوم كنت بأولى كان يدرسنا دكتور خيال .. يعطينا الأسئلة يقول هذي للمراجعة فقط .. وإذا جاء الإمتحان نلقاها نفسها اسئلة المراجعة ..

وأذكر تابعت شرح الدكتور السبيهين بالأكاديمية وحبيت النحو معه الصراحة .. شرحه لا قوة إلا بالله يجنن ..
بالرغم إن الي يشرحه ماكان نفسه منهجنا لكنه كان ممتع .. ويشد الإنتباه ..

[| يُـمن |]

المشاركة الأصلية كتبت بواسطة الدبلوماسية 8 يُمن ماهي عارفه تذاكره وبتلقى لها أكثر من طريقة تقدر عليها .. لكن حضرتي ما أعرف أجاوب ع الأسئلة الخطأ مو من طريقة وضع الأسئلة المشكلة إني أحتاج لتدريب ذهني ما أعرف أجاوب على أسئلة نحو <<تعرفين علم جديد علي وأول مره أدرسه هق هق إذا شفت الأسئلة ما أجيب ولا إجابة من المخزون الذهني اللي من فترة وأنا أعبي فيه <<شيء يقهر قسم ودي أحد يجلس عندي وأنا أجاوب ويذكرني بكل فقرة في الأسئلة ويربط بينها وبين اللي مخزن عندي وقتها ما أرضى إلا بالإمتياز [/COLOR]

تقريباً زيك
هو لأني ما أعرف أذاكره ، ما أعرف أحلّ الاسئله :/

الله يعنا وإيـااك يارب


متى وقت دروس الأكاديميه ؟