°☼قاعة الدراسات الإسلامية ^ بنات ^ ☼°

[رهـــا]

كوكـBlueـتيل

يبدو أن الأغلبيه هنا في مثل سني هل يمكنني الإنضمام إليكم؟؟ طالبة في قسم الدراسات الإسلاميه الفرقه الثانيه

بالطبع ، مرحبًا بك ياحبيبة ..


أضائت صفحتنا بوجودك ..


بما أن العديد منكن في نفس المستوى - كما ذكرت - مارأيكن بطرح مسائل تخريج هنا ..؟


فربما فتحنا معمل لتخريج الأحاديث ..


حياك الله ، وننتظر مشاركتك فيما طُرح من الأخوات.

[رهـــا]

الفاضلة : التواقة



أشكرك من أعماق قلبي ، المقال رائــــــــــــع وربما أستطيع أن اكتفي به ..ويكفي أن كاتبه الشيخ : محمد قطب ..


لكنك دفعتني بحماس للبحث والاستزادة ..


بالمناسبة : كثيرًا مانواجه مثل هذه الشبهات ممن حولنا ، فمادام أننا تعرّفنا على حيثياته ..

نستطيع -بإذن الله - أن نوضّح الأمور بشكل منطقي مؤصل يزيح الفهم الخاطئ للتشريع الربّاني ..

كتب الله أجرك - بقدر استفادتي وأكثر - إلى يوم القيامة ، ورفع قدرك في الدنيا والآخرة .

أرى أن تتكلمي عن الدين الإسلامي والكبت هل فعلاً الدين يكبت المشاعر والدوافع الفطرية !! ضعي آراء علماء النفس وحاولي إنك تفنديها

اقتراحك جميل ، لكني أحببت أن أوضح المفهوم الصحيح للكبت بحيث لاينفصل عن آراء علماء النفس ..

والدين الإسلامي منهج حياة للبشر جميعًا ، لذا بإمكاننا أن نجعله هو واضع المفهوم الصحيح وأمثلته وطرق علاجه ..


ونتمنى ألا يكون هناك علم نفس إسلامي وغير إسلامي بل علم النفس الإسلامي يصلح لكونه عالمي .. فما رأيك؟


أتمنى أن تصل الفكرة بوضوح ..



ننتظر إفادتك بشوق ..

شكر الله لكِ .

[الدبلوماسية]

ماشاء الله تفاعل مبهج..

متابعة للقاعة بشكل يومي ..
بس ع الصامت<< [حرية شخصية]



رهــا

طھطµظ†ظٹظپ:ط¹ظ„ظ… ط§ظ„ظ†ظپط³ - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط­ط±ط©
هذا رابط الموسوعة اللي قلت لك عنها [حوسي فيه بتلقين معلومات واجد]
وإن شاء الله تلقين اللي يفيدك


بالتوفيق للجميع

[روح البراءة]

رااائع القاعه .. بحق ..

تفاعلكم يثير الحماااااسهـ والهمه ..

طيب وش رايكم ودي اخذ رايكم في البتاع البحث تبع علم النفس ...

كنت بسوي عن الوراثه والبيئه بس سويت بحث ع السريع ماطلع معي شي


ماتحسونه صعب شويتين خخخخخخخ ..؟؟

[كوكـBlueـتيل]

مشكوره رها

سأحاول إفادتكم

بالنسبه للتخريج فأنا لاأدرس هذه الماده

يبدوا أنه يوجد اختلاف في المناهج لدينا

فبالنسبة لي درست النظام الجديد في سنه أولى ولكن عندما انتقلت إلى سنه ثانيه أعادوا لنا المناهج القديمه

أما أنتم فيبدوا أنكم استمريتم على النظام الجديد

[دموع خاشعه]

المشاركة الأصلية كتبت بواسطة التواقة أهلين بدموع خاشعة أخبارك مع الجامعة تأقلمت معها .. مستوى أول سهل ، بس لازم تشدين حيلك عشين تاخذين معدل عالي .. وأنصحك قبل ما تحولين على القسم اللي تبغيه إنك تصلين استخارة عشين نفسيتك ترتاح و تتقبلين الأمور بعين الرضا .. إذا أحتجت أي شيء نحن في الخدمة دوماً .. بالتوفيق للجميع ..

هلا توتو.. تأقلمت ؟؟
والله مدري حاسه إني مدري وش موقعي من الاعراااااااب

اللي اعرف اني اجلس قدام قدر الامكان واناقش الدكتوره باي حرف تقوله
على الله تعرفني

وش رايك باللي يقول تبين معدل احفري مكتب الدكتوره كل يوم رايحه جايه لها

يارب معدلي يصير فوووووووووق

[رهـــا]

الدبلوماسية

متابعة للقاعة بشكل يومي .. بس ع الصامت<< [حرية شخصية]

أبد خوذي راحتـــــــك ، لو تبين شسمه ترى عادي

هذا رابط الموسوعة اللي قلت لك عنها [حوسي فيه بتلقين معلومات واجد] وإن شاء الله تلقين اللي يفيدك

مــــــــرّة شكرًا ، المعلومات اللي احتاجها ، بس تدرين كيف مستواها ؟ أقصد في الصداقية ..؟

ولا رايك آخذ بس ..


رفع الله قدرك .





روح البراءة


أهليـن ، وين الناس ؟

طيب وش رايكم ودي اخذ رايكم في البتاع البحث تبع علم النفس ... كنت بسوي عن الوراثه والبيئه بس سويت بحث ع السريع ماطلع معي شي

أنتي شوفي الموضوعات اللي عندنا ، أي موضوع تكونين فاهمته وعندك "كلام " فيه أكتبي فيه ..

وتلقي إن شاء الله اللي يسرّك ..

الله يوفقك .

[رهـــا]

كوكـBlueـتيل


أهلًا بعودتك..

بالنسبه للتخريج فأنا لاأدرس هذه الماده يبدوا أنه يوجد اختلاف في المناهج لدينا

خســــــــارة

فبالنسبة لي درست النظام الجديد في سنه أولى ولكن عندما انتقلت إلى سنه ثانيه أعادوا لنا المناهج القديمه

غريبة


عالعموم ، لامشكلة غالب المواد نتشارك فيها ونحاول نتساعد في هضمها ..


ما بدأت اختباراتكم ؟


هيّا ورونا يامجتهدات ..


حيّاك الله مفيدة ومستفيدة .

[رهـــا]

حلّ واجب [ تنمية مهارات التفكير ] اللي طرحته الأخت :أُنْس

بعض الاستعمالات غير مألوفة لـ :


القلم : التنظيف ( بين الأشياء الصغيرة )، نقش في قطع الأخشاب ، يمكن استعمالها كـ مروحة يدوية بعد تركيب ورق عليها ، معرفة الوقت عن طريق الظل ، فتح الجوال ، مسك الشعر ..


الحقيبة : وسآآدة للنوم ، تسلق الجبال ، قبعة ،حوض زراعة ، مكتبة صغيرة متنقلة ، مدسّ للأطفال ..

دبوس : مسح شي مكتوب - بالحك - ، موصل للكهرباء ، إيقاف تشغيل المصباح عن طريق إيصال الهواء ، إفراغ البيض دون كسرها،تلقيح الأزهار ، ادخال نكهة في الدجاج عن طريق غرسها في الفلفل مثلًا ، << ما أدري واضح أو لا ؟؟

الورقة : يمكن استعمال طرفها للجرّاح بالقطع في جراحة الأعضاء ---> نسيت أفكر فيها ولاجاني إلا هذا والباقي عليكِ مافيّ أفكر ..

يالله دورك ،وريّنا حلّك ياشاطرة

[التواقة]

دموع خاشعة

وش رايك باللي يقول تبين معدل احفري مكتب الدكتوره كل يوم رايحه جايه لها

ما أتوقع ، أهم شيء توكلي على الله واخلصي النية وشاركي معها في القاعة وبيني لها إنك مهتمة..

وأول ماتدرسكم دكتورة أو أستاذة روحي اسألي عنها بنات المستويات الأخرى ، كيف منهجها ماذا تحب ومالا تحب ، كيف طريقتها عند التصحيح هل هي من النوع يحب كتابة الكلام الكثير أو الموجز أو بعضهم ينظرون إلى جمال الخط وخلوها من الأخطاء الإملائية ،وهكذا ..

يارب معدلي يصير فوووووووووق

آآآمين يا رب ..




رها

والدين الإسلامي منهج حياة للبشر جميعًا ، لذا بإمكاننا أن نجعله هو واضع المفهوم الصحيح وأمثلته وطرق علاجه .. ونتمنى ألا يكون هناك علم نفس إسلامي وغير إسلامي بل علم النفس الإسلامي يصلح لكونه عالمي .. فما رأيك؟ أتمنى أن تصل الفكرة بوضوح ..

واضحة جدًا

وكلامك عين الصواب ..

[كوكـBlueـتيل]

المشاركة الأصلية كتبت بواسطة رهـــا كوكـBlueـتيل ما بدأت اختباراتكم ؟[/COLOR] هيّا ورونا يامجتهدات .. حيّاك الله مفيدة ومستفيدة .

اختباراتي تبدأ الأسبوع القادم

الله يحييك يارها



لدي سؤال بسيط في العقيده في باب القضاء والقدر

من هي الفرقه القائلة بـ " إن خالفت أمر الله فقد وافقت قدره "

فهم يعملون المعاصي بحجة أنها قضاء وقدر وبأن الله هو من قدرها لهم ؟؟

خلونا نشوف مين صامه المنهج ومنتبهه للشرح

[دموع خاشعه]

توتو

ماادري مااعرف احد
بس على قولتك اسوي نفسي مهتمه--
وفعلا انا مهتمه بقووووه

يدرسونا
ترب : فاطمه السلمي <<< يقولون الشاطر مره ياخذ عندها سي موجب لاتحلمي بالأي والبي ماادري تعرفيها
عرب : عبير الطلحي
نحم: امل القرني
نهج : مدري شسمها
نفس :البندري العتيبي

شرايك بذولي تعرفين احد منهم

مااعرف احد بقاعات ثانيه
وربي شكلي بالجامعه مقطوعه من شجره

[دموع خاشعه]

الأعضاء الذين قرؤوا الموضوع منذ 30 يوم ( أيام ) : 62 .

||.||صمت||.||,


كح كح لمبه ولعت فوق راسي يوم قريت اسمك

انت وحده اعرفها بس الحين مااعرفها ا <<<< كنايه عن زود القطاعه يالقطوووووع
ماكنا درسنا بمدرسة وحده يالشينه وه منتس بس

[التواقة]

المشاركة الأصلية كتبت بواسطة دموع خاشعه يدرسونا ترب : فاطمه السلمي <<< يقولون الشاطر مره ياخذ عندها سي موجب لاتحلمي بالأي والبي ماادري تعرفيها عرب : عبير الطلحي نحم: امل القرني نهج : مدري شسمها نفس :البندري العتيبي شرايك بذولي تعرفين احد منهم

أ / البندري العتيبي

هذي طيبة بالحيل ، ومادتها كانت من أجمل المواد عندي

أسألتهاموضوعية وحلوة ، وأغلب البنات أخذوا عندها أ+


النهج :

إذا كانت الأستاذة اسمها سميرة

أسألتها موضوعية وكثيرة لكنها مهي صعبة وسط

تحب البحوث كل شهر بحث ، حاولي يكون بحثك كامل عشين يرفع من معدلك

امممم وش بعد أهم شي درجتك تاخذينها بجهدك وماتظلم أحد ..



باقي الأستاذات بحاول أسأل عنهم وبعطيكِ الخبر

بإذن الله ..

[*الفجرالباسم*]

.

فيه نفر هنا مرره مرره متفشل ..

آآآآسفة .. بس نتنا كان مريض ..


والحمدُلله شوفيا ..الله لايعيد علية شر ..



بالنسبة لسؤال جنان ..


داخلة القسم عن رغبة ؟

نعم وبقووووة ..



وعندي هدف .. سأبذل كل مابوسعي لأحققه بإذن الله ..



.......
هامش :

تخيلوا وحده بسنة ثاني قالت اذا جبتي كامل بالشهري خلاص النهائي خوذي الدرجه النص وتنجحين فيعني لا تحلين
باقي الإسئلة بالنهائي حلي النص وخلاص .. تضمنين

قلت لها : وشو انجح ؟ ابي ممتاز إن شاء الله

قالت ليه ثانوي حنا ؟

>> تحطيم ..


.

[كوكـBlueـتيل]

سأذكر لكم ماندرسه في جامعتي الموقره من مواد


عقيده
<<< ماده رائعه وتستهويني كثيييرا

فقه
حاشية الروض المربع للنجدي

حديث
كتاب فتح الباري

تلاوه وتجويد
من سورة النجم حفظا
وتلاوة سورة البقره

علوم حديث
<<< أو مصطلح حديث

انجليزي
ملااازم

تفسير
<< فتح القدير

تاريخ التشريع

حضارة اسلاميه
<< حاولت أبلع هذي الماده بس عجزت

نحو وصرف
شرح ابن عقيل
وشذى العرف

حصيلة ماندرسه 10 مواااد

يلا أي وحده عندها استفسار في أي من هذي المواد فأنا جاهزه

[رهـــا]

كوكـBlueـتيل

أهلًا وسهـــــــــلًا

لدي سؤال بسيط في العقيده في باب القضاء والقدر

ايش رايك ؟

مادة العقيدة جتنا أستاذة عطتنا محاضرتين وراحت تدرس .. الله يوفقها يارب


وأنا متفائلة بـ دكتور أو دكتورة مررررة زينين يآآرب .

عادي أغش من الكتاب؟

فقه حاشية الروض المربع للنجدي

ليـــه كل الناس تدرس هذا الكتاب إلاّ حنّا ؟

ماعندنا إلا منار السبيل ، حلو لونتعرّف على طريقة كتاب ثاني صح ؟

علوم حديث <<< أو مصطلح حديث

يلا أي وحده عندها استفسار في أي من هذي المواد فأنا جاهزه

أنتِ جبتي طاري الاستفسار ..؟ أبشري


شوفي ياستي ..

عندنا في مقدمة فتح الباري يتكلّم عن منهج البخاري أنه يور دالحديث المرفوع معلّق ، وذكر تفاصيل ....

ومنها أنه ربما ( سمعه من شيخه مذاكرة ) ماهي طريقة المذاكرة في مصطلح الحديث ؟

شكرًا لكم تفاعلكم .

[رهـــا]

*الفجرالباسم*



هلا والله نوّرتِ..

آآآآسفة .. بس نتنا كان مريض .. والحمدُلله شوفيا ..الله لايعيد علية شر ..

الحمدلله على سلامته ، مايشوف شرّ - إن شاء الله -

تخيلوا وحده بسنة ثاني قالت اذا جبتي كامل بالشهري خلاص النهائي خوذي الدرجه النص وتنجحين فيعني لا تحلين باقي الإسئلة بالنهائي حلي النص وخلاص .. تضمنين قلت لها : وشو انجح ؟ ابي ممتاز إن شاء الله قالت ليه ثانوي حنا ؟ >> تحطيم ..

اخصريكي منهم .. هالناس نظرتهم محدودة وقصيرة ..

نصيحـة : أول مايجيك كلام من الناس العاديين حطي بذهنك فورًا إلغاء الاستجابة لأنك تختلفين عنهم ، أنتِ غيـــــر ..

ما أنحرم من العلم عشان بــشر حنّا أكيد أقوى من كذا ..

حتى لو كانت الأستاذة أسئلتها سهلة ولا تحتاج ذيك المذاكرة ، أو أنها مستحيــــل تعطي ممتاز ..

أنا أدرس علم بيفيدني بحياتي - إن شاء الله - وخسارة تمّر علي هذي المعلومات ولا أذاكرها زيـــــن



وفقكِ الله وبلغكِ ماتطمحين وزيــــادة يارب .

[كوكـBlueـتيل]

المشاركة الأصلية كتبت بواسطة رهـــا كوكـBlueـتيل [COLOR="Gray"] أنتِ جبتي طاري الاستفسار ..؟ أبشري شوفي ياستي .. عندنا في مقدمة فتح الباري يتكلّم عن منهج البخاري أنه يور دالحديث المرفوع معلّق ، وذكر تفاصيل .... ومنها أنه ربما ( سمعه من شيخه مذاكرة ) ماهي طريقة المذاكرة في مصطلح الحديث ؟ شكرًا لكم تفاعلكم .

ما هي المذاكرة؟
الاستذكار. المحدثون -رحمهم الله تعالى- يستعينون على ضبط حفظهم وعلى الاستزادة من الحفظ بالمذاكرة

يعني لهم غرضان من المذاكرة،
الغرض الأول : تذكر المحفوظ واستعادته،
والغرض الثاني الاستزادة من المحفوظ
يعني ربما وجد عند صاحبه شيئا ليس عنده، فيضيفه إلى ما عنده

وجرت عادة العلماء -رحمهم الله تعالى- لما كان هذا هو الغرض أنهم لا يشددون، يتسامحون في المذاكرة، فربما روى الحديث بالمعنى، وربما حمل رواية على رواية، وربما يعني يتسامحون

يعني أن المحدثين في حال المذاكرة يتسامحون، وربما أرسل الحديث، وربما دلسه، يتسامحون في حال المذاكرة، فالمقصود من هذا الكلام أننا نستفيد منه أنه لو جاءتنا رواية يقول فيها الراوي: حدثني فلان مذاكرة، نستفيد منه ماذا؟

نستفيد أن الراوي لم يعتن بهذه الراوية،
لو خالفه غيره أيهما الذي يقدم؟ يقدم الآخرعليه لماذا؟
؛ لأن ذاك حدث في حال مذاكرة

نستفيد منه -أيضا- أن بعض العلماء يقول: هذا الحديث أخطأ فيه فلان، أو غريب من حديث فلان، ونرى أنه أخذه من فلان بحال المذاكرة.
من لم يستوعب هذا من الباحثين يأبى أو قد يرد التعليل بهذا، قد يرد على المحدث أنه علل بهذا، يقول: ثم ماذا؟ ما دام رواه يعني ما ينتبهون لقضية التسامح في حال المذاكرة .



أتمنى إني قدرت أفيدك يارها

[كوكـBlueـتيل]

أهلا بك رها

المشاركة الأصلية كتبت بواسطة رهـــا كوكـBlueـتيل أهلًا وسهـــــــــلًا ايش رايك ؟ مادة العقيدة جتنا أستاذة عطتنا محاضرتين وراحت تدرس .. الله يوفقها يارب وأنا متفائلة بـ دكتور أو دكتورة مررررة زينين يآآرب . عادي أغش من الكتاب؟ ليـــه كل الناس تدرس هذا الكتاب إلاّ حنّا ؟ ماعندنا إلا منار السبيل ، حلو لونتعرّف على طريقة كتاب ثاني صح ؟ . [/COLOR]

أتمنى تجيكم دكتوره ممتازه بالعقيده لأنها صراهح ماده راائعه ومفيده

وبالنسبه للسؤال عادي غشي من كتابك

بس إنتو وين وصلتو في العقيده؟؟


وتراني درست العام كتاب منار السيل مرره حلوو وواضح

وبعد درست كتاب الروض المربع بس حاسني شوي لأنه يجيب أحكام للمذاهب الأخرى

أما حاشية الروض فهو رائع كذلك



عندي سؤال:

شلون تقتيسين المشاركه وتردين بدون ما يدخل ردك في الإقتبااس