ζζ قاعة طالبات اللغة الإنجليزية ζζ

[أُنْــس]

HearT QueeN

احـم ، كلّكم باركوا لي يلااا حفظت الأفعال الشاذة وتصاريفها وأخيييييييييراً

مباااااااااااااارك مباااااااااااااارك يا خطيـــــرة

130 فعل إنجاز صراحة.. وإن شاء الله دايما يارب..

طيب بنات ليش أحس أنو الفصل خااامل ؟! أنا يومياً أزوره ، وأنتوا يابنات الانجليزي ما أشوفكم فيه :s

ممم أنا بعد أزوره كثير, وأحسه خامل..
إن شاء الله بزوره كل يوم واستبشر بشوفتك..

strawberry

أنا الحين أعطي الطالبات عندي كل اسبوع 10 كلمات يحفظون تصاريفها.. طبعاً الكلمات الشاذة مو الرقيولر

أذكر العام مسز القرمر سوتها لنا مره نايس وأسهل.. كل أسبوع 20 فعل..

أنا أسوي طريقة التجزئة حتى في مذاكرة المنهج كامل.. يعني ممكن المنهج أقسمه على أسبوع أو أربع أيام مثلا..
أحس أحلى.. وأسهل.. وكذا كل يوم أشعر بحلاوة الإنجاز.. وأتحمس للي بعده..
strawberry
آنستينا ونورتينا.. زورينا كل أبو دايم.. مانستغني يا أبله..

[HearT QueeN]

.
.

أرياف الخليج ،

الله يبارك فيكِ : )
بالنسبة للاختبارات حتّى أنا عندي اختبارات الدّنيا :/
و أنا مو بس انجليزي ، عندنا تسليم لوح كل سبت وثلاثاء !
و مع هذا أدخل أكثر من بنات الانجليزي أنفسهم :s

<-- للمعلومية : اكتشفت أن احنا ندرس الأربع المواد الانجلش اللي في تخصصكم ، لكنها محسوبة عندنا مادّة انجليزي وحدة

،

ستراوبري

آمين وياكِ ،
ياليت والله معلّمات الثانوي خلونا نحفظها :s
الحين كأننا ندرس انجليزي من أول وجديد ، طلع الثانوي كله خرابيط ث2

كثري من زياراتك مشرفتنا : )

،

أنس

الله يبارك فيكِ

ممم أنا بعد أزوره كثير, وأحسه خامل.. إن شاء الله بزوره كل يوم واستبشر بشوفتك..

قدّام
خلاص أنتِ معلّمتي و أنا طالبتك

.
.

[جوانا]

.


الحمد لله اختبرت فونتيكس اليوم ..
الدكتورة ماقصرت .. جابت أسهل شي في المنهج ..
لكن العيب مو فيها ولا في الاختبار
العيب في المادة نفسها ..
والبنات اللي بالسيكشن مررررة متذمرين ..
اسمعهم يقولون : الله يلعنها أززززفت اختبار

العيب الوحيد في الاختبار أسئلتها كانت مرررة قليلة ..
ومكتوبة بخط يدها .. تعذيب ومعاناة والله

غير كذا .. حست في الرموز حبتين
خصوصا الديفتونق والترايفتنق

بس الحمدلله ياااربـــ ..





أسووولة

ونصيحه مني لاتتفلسفييين تراني قعدت اسوي على بالي ذكيه ونقصتني درجتين على اشاء عارفتهم بسبب الفلسفه

كثييييير نصحوني بهالشيء
وياكثر ماتفلسفت ورحت فيها

وياربـ تجيبين درجة حلوة وترضيك في السنتاكس
>> وش هالمادة عن وشو تتكلم ؟!!


ريحووونة

بالتوفيق يااااربـــ في اختبار بكرى
شدي حيلك
روبي مايضيع تعبك


هارت كوين

ياهلاااا والله
مدري ليه أفرح لما أشوف ردودك
توسعين الصدر ياشيخة

ومبروووووووووك عليك حفظتي الأفعال الشاذة ماشالله
وعقبالي يارب
الاثنين الجاي اختبار القرامر في خمس شباتر وغصب راح أحفظها


بالنسبة للريدينق تذكرت شي ممكن يفيدك
جربي تشتركين اشتراك سنوي في صحيفة يومية انقليزية

ووشو بالضبط اللي ماتفهمينه بالريدينق ؟!!
قصدك ماتفهمين القطع اللي تاخذونها بالريدينق عن وشو تتكلم ؟!!

لأنو هالمادة أنا مطنشتها .. ومحاضرتها تجيب النوم .. بس الحين خفت من كلامك ...
حسيت انها شي
أنا بس شايلة هم الفوكابلري اللي فيها .. لازم نحفظ المينينق ..
المشكلة انه مررررررة كثييير .. وأنا مو دايما أكتب معاها



آح ..
ربما لي عودة بعد ما أشرب نسكافيه


.

[HearT QueeN]

.
.

جوانا ، شكلك عشتي جو مع النسكافيه ولا رجعتِ

ياهلاااا والله مدري ليه أفرح لما أشوف ردودك توسعين الصدر ياشيخة

يمكن لأني أفرح لما اشوف ردودك بعد

الاثنين الجاي اختبار القرامر في خمس شباتر وغصب راح أحفظها

آحح ، الله يعينك والله ،
حنّا كل شبتر كويز ث2
<-- يعني مسويّن لنا زحمة ع الفاضي :s

ووشو بالضبط اللي ماتفهمينه بالريدينق ؟!! قصدك ماتفهمين القطع اللي تاخذونها بالريدينق عن وشو تتكلم ؟!!

الله يسلمك كله ما أفهمه
مثال :
برقراف يوصل 6 صفحات ، ويتكلّم لك عن الحبر والتظليل والقلم والمدري إيش و يمسك لك كل بوينت من البوينتات و يستلمه تفصيل ، أو يمسك كل جزء من القلم ويشرحه و أشيااااء صراحة تجيب الضّغط والمرض !

<-- ملاحظة القلم المقصود هو قلمنا الرصاص ( القلم الميكانيكي ) مو قلم HB العادي
<-- أذكر مرّة جلسنا على برقراف 3 كلاسات وبالموت خلّصناه ، و يوم خلصنا قالت بنت تمّ تفصيص القلم بنجاح

في برقرافات تتكلّم عن الضوء وتأثيره النفسي والفسيولوجي
و شي عن الزخارف ، و شي عن الألوان و هلمّ جراً ..

بس ما أفهم إلا العنوان الرئيسي و بعض الكلمات البسيطة ، والباااقي زي الأطرش في الزفّة

و طبعاً لو أموت ماترجمت هالكميّات الكبيرة ذي !
كافي أني أترجم كلمات الفوكاب <-- كل يونيت فوق الـ 50 وحدة

أدري كثرت هذرتي
خلاص ماعد أطبّ القاعة إلا لسؤال ،
بس شسوّي كلّكم تسألون ايش سالفة الريدينق ووضّحتها لكم ث2

موفقيــن بنات

.
.

[HearT QueeN]

.
.

سؤال <-- اليوم هزأتني المس عليه


إيش الفرق بين الـ noun و الـ pronoun ؟!
و إيش الفرق بين الـ verb و الـ adverb ؟!


<-- أتوقع والله أعلم أني بلقى الجواب بعد 3 أيام ، إن شاء الله إن شاء الله
و ترى أسمح لكم تضحكون عادي

.
.

[أرياف الخليج]

المشاركة الأصلية كتبت بواسطة HearT QueeN . . سؤال <-- اليوم هزأتني المس عليه إيش الفرق بين الـ noun و الـ pronoun ؟! و إيش الفرق بين الـ verb و الـ adverb ؟! noun>>هي لفظ يدل على اسماء سواء للاشخاص او الاماكن او الاشياء او الافكار اوغيره.. A noun is the name of a person, place, thing, or idea..مثلا الكلية.. house .. college البيت ..او أحمد وهند>>ايام الابتدائي على زماننا pronoun>>الضمائر وهي تستخدم نيابة عن الاسم سوا تلافيا لتكراره او غيره.. ..مثلا ..{He..we..She} verb>>الافعال..مثلا ..{go ..يذهب read ..يقرأ see ..يرى ..وهكذا..} adverb>>الاحوال ..مثلا .{quickly ..سريع ..وأكثر أشكال الاحوال هي التي تنتهي بـ ly مثلا easily .. slowly.. (الصراحة مافهمت وش تقصدين بسؤالك وانا بينت لك على فهمي لطلبك وعساه هاللي كتبت هو اللي تبين وتقصدين .. بس اذا كان قصدك شي ثاني وضحيه لي وابشري بسعدك..) <-- أتوقع والله أعلم أني بلقى الجواب بعد 3 أيام ، إن شاء الله إن شاء الله ههههههههههه وش دعوى عاد ترانا شذرات وسنعات . و ترى أسمح لكم تضحكون عادي ليش نضحك عليك ..حنا كنا قبلك كذا وسالنا وتعلمنا والحمدلله .. لايردك الا لسانك بس اسدحي كل اللي تبين هوونا وان شاء الله بنوتات قاعتي ما يقصرون واياك .. .

بالتووووفيق الدااايم يااااارب

[جوانا]

أدري كثرت هذرتي خلاص ماعد أطبّ القاعة إلا لسؤال ، بس شسوّي كلّكم تسألون ايش سالفة الريدينق ووضّحتها لكم ث2

ليش تقولين كذا
تعالي كل يوم

الله يسلمك كله ما أفهمه مثال : برقراف يوصل 6 صفحات ، ويتكلّم لك عن الحبر والتظليل والقلم والمدري إيش و يمسك لك كل بوينت من البوينتات و يستلمه تفصيل ، أو يمسك كل جزء من القلم ويشرحه و أشيااااء صراحة تجيب الضّغط والمرض ! <-- ملاحظة القلم المقصود هو قلمنا الرصاص ( القلم الميكانيكي ) مو قلم HB العادي <-- أذكر مرّة جلسنا على برقراف 3 كلاسات وبالموت خلّصناه ، و يوم خلصنا قالت بنت تمّ تفصيص القلم بنجاح في برقرافات تتكلّم عن الضوء وتأثيره النفسي والفسيولوجي و شي عن الزخارف ، و شي عن الألوان و هلمّ جراً .. بس ما أفهم إلا العنوان الرئيسي و بعض الكلمات البسيطة ، والباااقي زي الأطرش في الزفّة و طبعاً لو أموت ماترجمت هالكميّات الكبيرة ذي ! كافي أني أترجم كلمات الفوكاب <-- كل يونيت فوق الـ 50 وحدة

الله يعينكم
منهج الريدينق عندنا يهون من اللي عندكم
انتم عشان تخصصكم تاخذون هاذي المواضيع
احنا مواضيع الريدينق عامة وسهلة وكل شابتر موضوع معين
يعني مافي شي محدد

أعتقد هالصعوبة بتواجهينها دامك أول سنة
بعدين بتتكرر عندك مصطلحات التخصص وبيصير عليك سهل ان شالله

والله يوفقك يااااارب


.

[جوانا]

.


عندي كواسشن


شلون تجيكم أسئلة الستدي سكيلز ؟!!

أحس المفترض ندّخل الديكشنري معانا في الاختبار للأشياء اللي ماتنحفظ
مثل الاكسرسايزز اللي فيها مختصرات واشتقاقات ..
ولا تاريخ الكلمة ومن وين جات ....

المادة مرررة ممتعة وأحبها .. لكن استغرب من الرسوب الهائل اللي فيها


وشكرًا ،،


: )

[HearT QueeN]

.
.

ريّوف ..
أولاً : الله يجزاكِ خير : )

ثانياً : يعني البروناون هي الضمااائر ؟

واللهِ معلومة جديدة بالنسبة لي !
أول مرة أدري بهذا الشيء ..،

طيب بالنّسبة للـ adjective !

المس كانت تقول هو اللي يجي قبله verb أو يجي بعده noun ..
اممم يعني small ، big صفات < بتطبيق كلامها ..

طيب ، الـ adverb تقول ممكن يجي قبله أو بعده verb !

يعني ، إذا جاني verb .. كيف أعرف اللي بعده صفة ولا adverb ؟!!
خاصة إذا كانت كلمة جديدة مامرّت علي ..!

* ملاحظة : كلّ ماسبق شرحه ، من فهمي ، إذا كان في شيء خطأ علموني


،

جوانا

ليش تقولين كذا تعالي كل يوم

أقول كذا لأني لحالي هنا كل يوم
باقي شوي وتصير القاعة بإسمي <--

والله يوفقك يااااارب

آمين أجمعيـن : )

.
.

[جوانا]

^
^
^

لعلك سوف تتسائل ما الفرق اذن بين ADVERB و ADJECTIVE فكلاهما يتشابهان فى التعريف . الاجابه هى أن ADVERB تضاف للفعل لتعطيه معنا جديدا بينما ADJECTIVE تضاف للاسم وتكون سابقه له لاعطائه معنا جديدا .مع وجود اختلافات فى الاستعمال .

س10 : كيف يمكن التمييز بين الصفة والظرف في الجملة ؟ ج : الصفات تخبرنا عن اسم .. وتستخدم قبل الأسماء و بعد بعض الأفعال مثل : be - feel - look - sound Tom is a carful driver ( توم سائق حريص ) She speaks perfect English ( هي تتكلم إنجليزي ممتاز ) Please be quiet ( من فضلك كن هادئا ) Tom looked sad when I saw him ( توم كان يبدو حزينا عندما رأيته ) ** الظروف تخبرنا عن فعل .. الظرف يخبرنا كيف يفعل شخص شيئا ما أو كيف يحدث شيء ما . Tom drove carefully along the narrow road ( توم قاد السيارة بحرص طوال الطريق الضيق ) We didn't go out because it was raining heavily ( لم نخرج لأنها كانت تمطر بغزارة ) ** الظرف يأتي بعد الفعل أو بعد المفعول به . I was disappointed that I did so badly in the exam ( أنا كنت خائب الأمل أنني فعلت بسوء هكذا في الإختبار ) She speaks English perfectly ( هي تتكلم الإنجليزية بإتقان ) ** نستخدم الظروف كذلك قبل الصفات وظروف أخري . I'm terribly sorry أنا أسف بشدة ( ظرف + صفة ) She learns languages incredibly quickly هي تتعلم اللغات بسرعة لا تصدّق ( ظرف + ظرف )

رابعا : الصفة والظرف مثل بعضهما ولكن الفرق بينهم هو أن الصفة توصف الإسم أما الظرف يوصف الفعل ويكون الظرف مثل الصفة ولكن مع إضافة (( ly )) للظرف . الصفة تأتي قبل الموضوف في اللغة الإنجليزية وهناك أنواع من الصفات وهذه هي من مقطع واحد مثل Small من مقطعين أو أكثر مثل Expensive ملحوظة : هناك ظروف لاتضع لها (( ly )) مثل :- fast

[أُنْــس]

HearT QueeN

قدّام خلاص أنتِ معلّمتي و أنا طالبتك

الله يحييكِ ياختي.. وآي هاف أذر ستيودنت وذ يو.. أيام هابي تو جويند وذ أس

أدري كثرت هذرتي خلاص ماعد أطبّ القاعة إلا لسؤال ، بس شسوّي كلّكم تسألون ايش سالفة الريدينق ووضّحتها لكم ث2

لاتقولين كذا..
ترا بحسبك غياب.. ثمن حرمان

وبالنسبة للريدنق ماعندي زيادة على كلام جوانا..
جووني..

شلون تجيكم أسئلة الستدي سكيلز ؟!! أحس المفترض ندّخل الديكشنري معانا في الاختبار للأشياء اللي ماتنحفظ مثل الاكسرسايزز اللي فيها مختصرات واشتقاقات .. ولا تاريخ الكلمة ومن وين جات ....

أمم إختبار الستدي سكلز أكيد يعتمد على الدكتورة..
بس الوحدة اللي عن How to use dictionary واللي تعتمد على البراكتس
اختبرنا فيها ومعانا إنجلش إنجلش دكشنري.. جابت لنا مثلا كلمة play في ست جمل وكل جملة لها دفرنت مييننق وحنا نطلع من الدكشنري معنى play في هذي الجملة..

وممكن تصور لكم مثلا ثلاث صفحات من الدكشنري وتوزعها لكم في الإختبار..
اسألوها..

مساؤكم مسـك..:aq5:

[أُنْــس]

يابنات..

وش أخباركم مع البرزنتيشن..؟
مين عمره قدم برزنتيشن مميز وإبداع.. أو أحد من قاعتهم..؟

حنا عندنا برزنتيشن في مادة السبيكنق.. وأبغى أسوي شي جديد.. أنا وذ قروب أوف ستيودينتس..

تقريبا الموضوع مفتوح.. بس أبغى طريقة عرض نيو..

أستناكم..

[لجيــن]

::

مرحبا بنوتات

أنس ..

أنا يوم الأحد الجاي عندي تقديم بريزنتشين للـ لسينينق ..
ونفس العرض سبق وقدّمته في مادة الريدينق < فاضية لهم أسوي لكل مادة بريزنتيشن

ممم الكلام مو كثير مرا ..
لأنو تكلّمنا عن الإعاقة ، ثم قسمناها لإعاقة سمعية وبصرية و حركية
و تكلمنا نبذة بسيطة عن كل وحده منها "بس المصطلحات الطبية عذّبتنا" :/
وبالأخير حطينا فلاش "فورقيف مي" لأحمد بو خاطر يتكلم عن نفس الموضوع ، وهذا المميّز بالبريزنتيشن

طبعاً تبهذلت وأنا أدور بريزنتشينات موضوعاته زينة ، بالأخير جمعت لي اللي أبغاه بالعربي ثم ترجمته :s




لكن المشكلة مو هنا ، المشكلة إنو ماعندي كلام البنات

حافظة حقي وبس
< أنا المقدّمة وحاذفة تسع سطور من كلامي ، مابقيت شي الله يجزاني خير




بالتوفيق لكِ : )

::

[HearT QueeN]

.
.

جوانا

شكراً لكِ ، مرررة شكراً
الحمدلله فهمت ،
و بحثت بعد في مراجع ثانية ووضحت لي الصّورة

أُنـس ،

وآي هاف أذر ستيودنت وذ يو.. أيام هابي تو جويند وذ أس

Who and where ؟

.
.

[هايبرا_آي]

[سُحُب]

السلام عليكم ورحمة الله وبركاته


وأنا أقول ليه قسم الانجليزي فاضي .. كل البنات مرتزين هوووووووون ..


عالعموم أعجبني الكلاس بتاعكو .. وسجلوني معكم ..

بس تراي ماراح أداوم الا بعد ثلاث أسابيع >>> من أولها


اووووووووه نسيت اقول اني كلية تربية ..


وشكرا وعفوا ومع السلامة ..

[جوانا]

المشاركة الأصلية كتبت بواسطة أُنْــس أمم إختبار الستدي سكلز أكيد يعتمد على الدكتورة.. بس الوحدة اللي عن How to use dictionary واللي تعتمد على البراكتس اختبرنا فيها ومعانا إنجلش إنجلش دكشنري.. جابت لنا مثلا كلمة play في ست جمل وكل جملة لها دفرنت مييننق وحنا نطلع من الدكشنري معنى play في هذي الجملة.. وممكن تصور لكم مثلا ثلاث صفحات من الدكشنري وتوزعها لكم في الإختبار.. اسألوها.. مساؤكم مسـك..:aq5:

ماشالله حلو
حنا اختبرنا اليوم بنفس الوحدة

ومررة كنت أتمنى أنو في الاختبار يكون معانا الديكشنري ولو كانت الأسئلة من برا الكتاب
لأن الدكتورة شلون راح تعرف إن البنت أتقنت المهارة أو لا !!

لكن للأسف الاختبار كان حفظ في حفظ .. احفظي كل التمارين وأجوبتها .. وتعالي حطيها في الورقة
ومرررة صعب الحفظ كذا ..



.

يابنات.. وش أخباركم مع البرزنتيشن..؟ مين عمره قدم برزنتيشن مميز وإبداع.. أو أحد من قاعتهم..؟ حنا عندنا برزنتيشن في مادة السبيكنق.. وأبغى أسوي شي جديد.. أنا وذ قروب أوف ستيودينتس.. تقريبا الموضوع مفتوح.. بس أبغى طريقة عرض نيو.. أستناكم..

حنا تقريبًا بعد كل أسبوعين لازم نقدم في مادة الفوكابلري برزنتيشن

وبشكل عام كل اللي قدموها البنات واللي حنا قدمناها كانت تقليدية جدًا ..

وحاليًا دكتورة السبيكينق طلبت يكون الاختبار عبارة عن برزنتيشن والموضوع مفتوح ولازم كل بنت في القروب تقدم شي

وقبل يومين قرأت موضوع لاروما عن " شخصيتك من لونك " وأعجبني الموضوع حلو وخفيف ..

بس للحين ماتم استشارة بنات القروب

وأيضًا جاري التفكير في طريقة نيو وموضوع بيرفكت

منشان هيك

هلب مي آند آي هلب يو

شكرًا ،،

.


لجين

ياهلا والله

موضوعكم حلو بس مثل ماقلتي مصطلحاته شوي صعبة

وأعجبتني مررا فكرة الفلاش

شكرًا ،،



.

[aroma]

السلام عليكم و رحمة الله و بركاته

من زمااااااااااااااااااااااااان عن القاعة

>>قاتل الله الاشغال
كيفكم ..شخباركم ؟؟

لي عودة بحول الله لبعض الردود

[™ Тσσţά]

مراحب ماي ستترز

شسمه مبطين عنكم

قاتل الله الأبحاث والمشاريع

ياويلهم من ربي يبوني أترجم 155 صفحة

أيعقل هذا

ياليت عندنا تطبيق أرحم

على الأقل أحد يقولنا تيتشر

راجعون إن ربي يسر

[strawberry]

"


شوفي موضوع عن الشوكولاته وانواعها
وكل نوع له شخصية معينة ..
وسوي استبيان بسيط وزعيه على البنات عشان يعرفون هم اي نوع ..
ولو جبتي شوكولاته معك مايمنع

اذا كنتم قروب افضل شي تسوون مشهد وتمثلون ..
اذكر كورس من الكورسات سوينا برزنتيشن عن العادات البريطانية ..
جبنا شاهي وبسكوت .. يعني كان البرزنتيشن سواليف..
بعده دخلت علينا وحده تتكلم اكسنت بريطاني ومنها نسولف بشكل عام عن عاداتهم وعاداتنا
مثلا بالسلام والاكل وتقديم الشاهي ...الخ

كله يكون بالتمثيل ومايكون فيه ورق ولا صور .. الا صور حطيناها على البورد : )

البنات كانوا منتبهين معنا طول الوقت والاستاذه عجبها مره ..
خاصه انها كانت بريطانية .. الله يرحمها


موفقات ..,




"


"