 |
 |
 |
 |
 |
 |
 |
 |
 |
 |
||||||||||||
| الواجهة الرئيسة | رسائل SMS | أعلن معنا |
 |
 |
|||||||||||||||||||
|
|||||||||||||||||||||
09-09-2007, 09:22 PM
|
#1 |
|
يبحث عن باص سعودي أوجيه ذذ
 |
[ طرائف و مواقف السفر ]
بسم الله الرحمن الرحيم
x . x السلام عليكم ورحمة الله وبركاته x . x أهلا بكم من جديد في عالم السفر والسياحة واهلا بكم بالتحديد من أنشطة منتدى السفر والسياحة  اليوم جايـينكم بموضـوع غير , ومع منتدى السفر والسياحة يحلو التصفح والتجول في المواضيع  ** تخبرون خلصت الإجازة وخلصت معها الأيام الحلوة والشينة ، وأكيد طبعا معظمكم سافر في الصيف .. نبي الله يسلمكم في هذا الموضوع كل واحد يكتب لنا قصص ومواقف حصلت له في الإجازة أو موقف غريب وعجيب وطريف حصل لأحد من زملائه .. ** بالنسبة لي عندي قصص كثيرة مع الزبائن اللي سافروا بالصيف وعندي قصص صارت لنا في سفرتنا لهذا الصيف أبي من كل واحد يدخل الموضوع ينطل علينا كم سالفة علشان نتهيض ونكتب لكم السوالف اللي عندنا  لعلي أبداء في قصة الحرمة المشهورة اللي كتبوا عنها في الجرائد طبعا نبي نطول القصة شوي علشان نخششكم جو  ** هذي الله يسلمكم حرمة هي وبنته أو ولدة الصغير حاجزين ok على جدة وكان يبي يستقبلهم في جدة زوجها ، المهم راحت الحرمة هذي للمطار وعطت الموظف التذكرة والحجز قام عطاها البوردنق وقالها تفضلي البوابة رقم كذا المهم راحت الحرمة وهي بلشة بولدها وتسمع المذيع ينادي بس مهب لمه ركبت الطيارة وركبوا العالم واقلعت الرحلة وهي لاهية مع ولدها المهم يوم وصلت الطيارة وتفتح جوالها ودق زوجها على طول قال هالحين مقفلتن جوالتس إلى هالحزة ليه ؟ قالت تونا نوصل الأرض قال تعقبين مكتوب باللوحة انها وصلت يعني له شوي واصلة قالت طيب طيب وهي مهب لمه لم البزر اللي مشغله المهم نزلت مع الطيارة ودخلت الصالة مير يدق زوجها ويقول وينتس كل الركاب وصلوا إلا انتي  قالت قبل كل شي هالحين يوم انك تقول جده حر موت ليه تلعب علي ؟ تدري اني ما جبت لبس للولد قال وش برده يا مهبوله علشانتس جاية من الرياض تبي تسوين فيها يعنني ترانا متحملين الحر بسرعة انا عند بوابة رقم كذا قالت الحرمة دورت البوابة اللي انت تقول ما لقيت قال اقول لتس انا واقف عنده الحين لا تصيرين انتي عند الصالة الدولية وانا ما ادري ؟ قالت اصبر ابسأل الموظف ومير تروح وتسأل الموظف قالت له هذي الصالة الدولية او الداخلية ؟ قال الموظف وش دولية وش داخليته !! ما فيه إلا صالة داخلية !! قالت شلون طيب وين بوابة رقم كذا ؟ قال الموظف ما فيه رقم عندنا بالرقم هذا !! قالت اسمع خذ زوجي سلمك الله ووصف له مكاني انا منب متحركة من هنا !! اخذ الموظف الجوال وقال وينك يا شيخ قال انا عند البوابة الفلانية , قال الموظف مافيه بوابة بالرقم هذا !! ياخي انا شغال في مطار ابها لي عشر سنين ما عمري شفت هالرقم !! قال الزوج وش ابها ؟ انا الحين في جدة ! قال الموظف الأخت هذي موجودة في ابها الان !! المهم مير تخترش الزوجة ولا تدري وين هوبه وتخذ زوجة عاد هنا ما ادري هي انهبلت او قعدت تضحك عاد المطار كلموا مطار الرياض واستفسروا طلع الخطأ من الموظف ورجعوا الزوجة للرياض في نفس الطائرة همن قطعوا له تذكرة إلى جدة ووصلت إلى جدة على ما اظن في حوالي 13 ساعة إن ما خانتني الذاكرة  طبعا هذي القصة صدقية وحصلت في الصيف هذا على ما اضن  ** يالله عاد نبي سواليفكم وقصصكم سواء مع الخطوط أو على السيارة اهم شي نبي طرائف السفر وخلونا نستفيد من بعض وتقبلوا تحيات محدثينكم من مجـلس فريق السفر والسياحة |
|
التعديل الأخير تم بواسطة سلطان العبدالكريم ; 10-09-2007 الساعة 02:23 PM. السبب: وسام التميز .. |
|
|
|
|
10-09-2007, 02:11 PM
|
#2 |
|
مشرف الإعلام المسموع
 |
**** الله يعطيك الف عافية ياسوار .. ماقصرت يالغالي .. ابرجع لكم بأكثر من موقف بإذن الله مجمعها لكن الان مستعجل شوي .. تستاهل وسام الموضوع المتميز .. وخمس انجم ..   **** |
|
|
|
|
10-09-2007, 02:20 PM
|
#3 |
|
مشرفة السفر والسياحة والرحلات
|
موضوع مميز ماشاء الله
شكرًا للجهود التي اجتمعت وأثمرت بانتظار تفاعل الأعضاء ومواقفهم .. |
|
|
|
|
10-09-2007, 02:27 PM
|
#4 |
|
|
موضوع حلو
ويا كثر المواقف اللي صارت لنا مع السفر .. مشكور أخوي وبانتظار المواقف من الأعضاء . |
|
|
|
|
10-09-2007, 02:43 PM
|
#5 |
|
مشرف الإعلام المسموع
|
**** اول المواقف وعلى الطاير ابكتبه .. قبل اسبوع تقريباً كنا في ابها .. وفي احد الايام مُدح لنا وادي اسمه وادي لجب رحنا نشوف هالوادي وش هو .. يقولون لازم تغوص وتتعدا مراحل تقل انك ( موكلي ) .. ابجيب لكم صور عنه بإذن الله قريب .. المفيد يوم وصلنا له لقيناه شلالات ومويه وشغل عدل مدل .. المهم ان الشباب كلهم لابسين بدل وتكميلات ،، الا انا وجهي على الثوب ولا بعد بغيت انزل بشماغي بعد المفيد مع المناقز وصلنا عند منطقة لابد تتعداها بتسلق شجرة .. :S طلعوا بعض الشباب باقي انا وواحد .. كل واحد يقول لثاني يالله تروح لا انا اروح ( من الخوف طبعاً ) المفيد اني يوم جيت ابتسلق ذا الشجرة زلت رجلي وطحت داخل الماء ..  وانا راسي داخل الماء اسمع الشباب زعاق وضحك بدال مايسعفوني قاعدين يضحكون  المفيد طحت انا وكمرتي بعد لاني كنت معلق الكاميراه على رقبتي يقالي مصور محترف طلعت وانا مبلل بالمياه العذبة يوم طلعت واثر واحد من الشباب جنبي يقاله بيرقى قبلي وجيت ابرجع انا على شان اخليه يرقى وارقى بعده يوم جيت ارجع زلقت رجلي مره ثاني وتمسكت فيه .. وطحت انا وياه بالمويه للمره الثانيه .. ولا بعد ذا الموقف مصور بكاميرة فيديو .. كتبت الموقف على السريع احس ان كتابتي له موب مره لكن على شان نحرك الشباب ويعطونا مواقفهم .. واعتذر على عدم الكتابة باللغة العربية ..  وباقي اشياء واجده نبي نرجع لكم بإذن الله .. ننتظر مواقفكم .. **** |
|
التعديل الأخير تم بواسطة سلطان العبدالكريم ; 10-09-2007 الساعة 03:06 PM. |
|
|
|
|
|
10-09-2007, 02:50 PM
|
#6 |
|
|
ماشاء الله عيال السفر والسياحة شادين حيلهم . الله يوفقكم إن شاء الله .
ننتظر البرامج الجاية .ولعلي أرجع لكم إن شاء الله بموقف طريف . |
|
|
|
|
10-09-2007, 03:16 PM
|
#7 |
|
|
متشكر أوي سواروووووووه
والله جاري جمع الموااااقف ...ذذ : :: |
|
|
|
|
10-09-2007, 03:21 PM
|
#8 |
|
عضوية الوسام
|
مواقف السفر
موضوع ثري جداً و ماتع أحمل الكثير من المواقف .. أرجو أن يسعفني الوقت و اعتدال المزاج لكتابتها منها سفرة لمنطقة ضعيفة من ناحية المواد الغذائية و ما حسبنا حسابنا ، ما كان معنا إلا جبن أبيض و حلاوة طحينية وهي فطورنا و غدانا و عشانا لمدة أكثر من أسبوعين حتى أصبح طعم الجبن الأبيض المالح و الحلاوة الطحينية الحالية متساوياً بدون مبالغة طبعاً فيه أكل محلي ما قدرنا نهضمه أبد أبد .. مرة سافرنا بين مدينة و قرية رجلي ( قريبة من بعضها ) تذكرنا فيها حال قرى قوم سبأ الذين لا يحملون معهم متاع أثناء السفر من كثرة الأنعام في الطريق .. كنا نقف و نأكل من أشجار التفاح البري طازجاً و نشرب من النهر العذب شديد البرودة بعز الصيف ( يجي من رؤوس الجبال ) و كانت من أجمل ما أتذكره في باب السفر كذلك مرة في إحدى الدول العربية القريبة ، يوجد عين مياه كبريتية حارة ، يقصدها الناس للعلاج و للنزهة كذلك جينا و كانت العين عبارة عن أحواض معده للغطس و ( التنقع ) وقفنا على الحوض و كان فيه ناس منهم شايب ما راحت صورته من بالي وحنا كل واحد يقول للثاني طب ، لا أنت طب لا أنت ... و لأن الما حار كان الناس ينزلون شوي شوي أول شي رجليك ثم ثم الين تنزل كلك المهم جيت أنا بسوي بطل ، و أطب من برا جميع .. يوم صاحوا اللي كانوا بالحوض و طلعوا و الشايب عجز يطلع و يصايح أثر الما حار ، و كلما تحرك يشعر به اللي داخل الما ، أنا جيت خضيته لهم خض .. و أظني شويتهم وقتها طبعا نسيت حرارته بجلدي من كثر هواش الناس و فشلتي أنا و أخوياي << الموقف ذا و أنا صغير شوي لا أحد يشره و مواقف أخرى كثيرة سأعود بها |
|
التعديل الأخير تم بواسطة طود ; 10-09-2007 الساعة 03:44 PM. |
|
|
|
|
|
10-09-2007, 03:25 PM
|
#9 |
|
|
أذكر مره من المرات يمكن قبل ثلاث سنوات كنا في أبها .
طبعاً كانوا معي عيال خالتي وعيال عمي لعلها مسكت غلط إلا نبي دبابات . المهم رحنا لأقرب مكان فيه دبابات . ووقفنا وتفاهمنا معه على السعر . كانت الساحة اللي فيها الدبابات كبيره يعني مستحيل تصدم بخويك من كبرها . بدأنا نلعب والشباب كل واحد يحد الثاني وخذ يا تشطيف وخذ يا ملاحق وتصديم بالكفرات والحالة حاله .  لعل واحد من عيال عمي هجت به . وقام يفحط وخذ يا تنطيل وخذ يا جلنطات . وليتها وقفت على إنها هجت به .! لا , حتى الدباب هج به . وفجأة شفنا الرجال يمشي ترليوووون ناوي يطلع من الساحة . طبعاً حنا قلنا أكيد يستهبل وبيسوي نفسه يبنحاش بالدباب . لكن والله الرجال دااعس وطلع من مكان الدبابات وطااااير المشكلة مب في الدباب المشكلة إنه وصل للخط .! والسيارات مسرعة تخيل يعني خط السودة وش بيكون .! أكيد السيارات تمشي ألف . لعل أخينا بالله , هجت به من جد وقام يصارخ ما يدري وش يسوي . طيب ياهدر انقز من الدباب والله الذكاء .لكن ماش ما هنا عقل الدباب وصل الخط والسيارات جايه مسرعه لعل الدباب دخل بوسط الخط وما أزين منه مقابله جمس ملكي هلاا بالعياااال وطرااااااخ . أخر شيء أذكره إني شفت طاقية ولد عمي تطير بالهواء . وقعدنا ندوره ماندري وينه فيه آخرتها لقينه عن الخط حوالي 100 متر ناشب في شجرة . طلع فيه كسر برجله ويده اليمنى وكم جرح بالوجه . |
|
|
|
|
10-09-2007, 03:28 PM
|
#10 |
|
|
انا عني الحمد لله سليمه<<<<< ايه هين بس قصة خالي ارسل لمصر في انتداب كان يوم سفره رايح دورة مياه المسجد الله يكرمكم وكان يبي يبدل ملابسه ويلبس ثوب علشان بعد الصلاة يتوجه للمطار وضع البنطلون فوق السخان وتوضاء خلص من الوضوء البنطلون وينه ما لقاه وفي جيب البنطلون جواله بوكه وبطاقاته البنك وبطاقة العمل.... ...الخ يعني راح فيها .., بس يحمد ربه الجواز بجيب الثوب اللي لابسه والا كان ما رجع لنا بعد الصلاة قال لإمام السالفه وقال الحين رحلتي وان لقيت اي شي يخصني اتصل على هالرقم بعد 3 اسابيع من وصوله للرياض اتصل الامام وقال لقيت كل اغراضك وكامله فوق السخانه اثاري خالي السبيكه ما شاف البنطلون زين من الربكه من الفرح قال الجوال هدية لك <<< لو اني انا اللي لاقيته ما عطاني جواله وارسل كل اغراضه مع عائلة سعودية الحمد لله وتوته توته خلصت الحتوته ومشكورين على الموضوع |
|
التعديل الأخير تم بواسطة أفيــــاء ; 10-09-2007 الساعة 03:43 PM. السبب: التعليق فيه مضايقة الله يجزاكِ خير :) |
|
|
|
|
|
10-09-2007, 03:35 PM
|
#11 |
|
سماء زرقاء
|
ماشاء الله يا سوار لي عودة أخرى |
|
|
|
|
10-09-2007, 04:16 PM
|
#12 |
|
|
لي عوده بأذن الباري
|
|
التعديل الأخير تم بواسطة أفيــــاء ; 15-09-2007 الساعة 03:28 PM. السبب: انتي في قسم عام انتبهي الله يجزاك خير |
|
|
|
|
|
10-09-2007, 04:34 PM
|
#13 |
|
|
ايش المواضيع هذي يا سوار .. ! موقف على عجالة .. << تكفى لكن بالصيف الماضي .. لكن يستحق ينقال .. لكن اسمعوا .. كنا مسافرين مع الأهل لـ جدة .. بالطيارة طبعا .. وكان معنا شناط وااااجد .. أكثرهن حطيناهن مع العفش اللي بالأرقام ذاك.. ياخذونهن ويشحنونهن بالطيارة .. عطونا أرقام الشناط ، عشان مانغلط هناك .. وصلنا الحمدلله لجدة .. وعلطول رحنا لمكان شناطنا .. طبعا كنا محرمين وكنا مستعجلين شوي .. أخذنا كل الشناط عدا وحدة .. شوي وتجينا مع السير ذاك .. من بعيدة .. يوم جت وألقطه بسررررعة وأروح لم أهلي .. أخذنا عمرتنا .. وأحلينا إحراماتنا وجاء وقت فتح الشناط .. فتحت الشنطة إلي أخذته أنا آخر وحدة .. ويوم أفتحة .. ومير تطلع شنطة ثانية مب لنا !!  أنا إستغربت لقيت فاصوليا وماني عارف ايه بالشنطة .. وخذ يا هواش .. بالأخير ودينا الشنطة لمطار جدة وتم آخذ شنطتنا ذيك بسلام .. << أحد فهم شيء ؟ |
|
|
|
|
10-09-2007, 04:39 PM
|
#14 |
|
|
مواقف طريفة ماعندي بس مواقف خطيرة عندي وكثيرة بعد الله يرحمنا برحمته ويلطف بنا
ابحاول اتذكر مرة بالبحر بالشرقية غرقت وانا اسبح يوم انا صغيرة ولولا لطف الله لكنت في عداد الموتى وبمكة بالحج احترق المخيم كاملا والحمدلله على السلامة ومرة وحنا مسافرين لمكة انفقع الكفر علينا ولطف الله بمن كانوا بالسيارة من حريم وبزارين ومرة وحنا بمكة بعد عقب ماركبا بالاصنصير تعطل ووقف لا رقى ولا نزل ورحمنا الله سبحانه بعد ان عشنا لحظات من الخوف وبمرة بالشرقية طلعت وحدة تقرب لي تكب الزبالة الله يكرم القارئين وطلعت اوقف له بالباب وانصك الباب وقعدنا بالشارع وعشنا لحظات خوف من الشاليةاللي بجمبنا الى ان اتى الفرج من الله وقعدت اتذكر قصة كنت قد قريته بالنت وكذبته وقلت سبحان الله كذبته وصارت لي ومن الغريب ان الباب كانت تسكريته خفيفة جدا لكنه قفل عيا يفتح حتى يوم جابو له المفتاح ولا فتحوه الا الدفاع المدني والى الآن ادور للهذي الحادثة تفسيرلا وعجزت لدرجة اني احرج من اني اذكره احسه ماتنتصدق ومرة عقب ماطرنا بالطيارة طارت شوي ورجعت ( عطل ) وعموما السفر قطعة من عذاب مافيه متعة بالنسبة لي ابدا سبحانه ربي ماالطفه والله يكفينا الشر وجميع المسلمين |
|
التعديل الأخير تم بواسطة يقين الروح ; 10-09-2007 الساعة 05:31 PM. السبب: اضافة |
|
|
|
|
|
10-09-2007, 04:48 PM
|
#15 |
|
اعتقيني لوجه الله جامعتي
|
. فيه طريفة واجد ، بس عندي موقفين غطّن عليهن ، لو أقولهنّ فسّقوني عليها الشباب  ،بس يالله مهيب مشكلة ، الأول : طبعاً هذي أول مرة أسافر برى المملكة على كبر <<< لاعبين علينا أهلي منوّل بسفرات الخارج و يوم بلغنا صرّفونا بالشرقية  ،المهم إني رحت أنا و المزموزيل حقتي ، رحت لأندونيسيا و أوائل الأيام لاهي في جاكرتا و بمنطقة الجبل اللي يسمّونها بن تشاك ، ديرة مسلمين و تسمع الآذان و واجد اللي يحتسون عربي يعني ما تحسّ بغربة مرة ،المهم عقب كذا بغينا نغيّر الوجهة ، وين نروح يا مزموزيلتي  وين نروح يا مزموزيلتي <<< طبعاً يقالك ديمقراطي و إلا هي تفكر و أنا حاجز من قبل  ، المهم استقرّ راينا - اللي هو رايي لحالي - إننا نروح لديرة اسمها لومبك ، خذت التذاكر و حجزت الفنادق و دحدرنا لم جاكرتا رايحين المطار ،و لا لكم بالطويلة ، وصلنا ( لومبك ) و دوّرنا سوّاقنا و رحنا لم فندقنا ، وصلنا الليل و كانت الديرة هااااجدة ما تسمع حسّ أحد <<< و عشان ما تحسب عليّ كذبة نسمع بس حسّ مرقص بالفندق الثاني  ، المهم إن الجوع طاااااقني طقّ و أقول للمزموزيل دقي عليهم و اطلبي لي همبرقر لحم مشتهيه مرة <<< و عشان محد يجلدني يقول وراها دقت و أنت مسنتر  تراها دقت عشانها تعرف إنكليزي و رجلها كمختن فيه  ،شوي و يجي الطلب ، و أطبّ على همبرقرتي و خذ يا تضريس ، و اللحم بيني و بينكم طعمه مدري وش يبي بس الجوع كااااافر  ،و يوم جا من بكرة و جت فترة الغدا رحت أنا و مزموزيلتي لم المطعم الإيطالي اللي بالفندق ، هاه وش تبين قلبي وش أنتي مشتهية يا عمري <<< طبعاً ديمقراطيتي اللي أنتم خابرين و لو تميلحنا بالتدليع ، طلبنا لنا طلبين ثلاثة إلا و راعي المطعم يشوف العباة <<< طبعاً عباة المدام ياللي تفكيرهم غلط ، و يقول لنا ترى طلبكم مهوب حلال حاشين فيه لحم خنزير إلين قال بس تبون أجيبه و لو ؟! ، و عقبها قمت أهوجس بأكلي البارح ، و أبحث و أسأل ، و أستفسر و أتأكد ، صار الله ياخذهم معطيني همبرقر لحم خنزير و قطعتن وش كبرها بعد ،و الموقف الثاني بعد الفاصل <<< يعني احسب من شهرين لثلاثة محنب مطوّلين إن شا الله  ،. |
|
التعديل الأخير تم بواسطة روح جسد مجروح ; 10-09-2007 الساعة 05:06 PM. |
|
|
|
|
|
10-09-2007, 05:30 PM
|
#16 |
|
|