[ طرائف و مواقف السفر ]

[الصواعق المرسلة]

متااااااااااابع

[The Top]

والله مواقفكم حماااس !



خلوني أقول لكم موقف صار لي بالحج ..



بالحج كنت رايح أنا والوالد وثنتين من خواتي ..


المهم يوم جينا نركب الطيارة بالرجعة كان أبوي أول واحد ..

وبعدين خواتي ..


بعدين أنا ..


شفت أبوي راح قدام ثم لف يمين ..


وأقول لخواتي قدام قدام لا تلفون ..

ووحده من خواتي أشوفها سحبت علي ولفت يسار وتمسك أم الشسمه


وأقولها يا بنت وين رايحه ؟


كا ترد علي اختي الثانية قالت ترى ذيك موب أختي



طبعا أنا ما انحرجت أبد أبد أبد !



The Top

[سوار العسل]

جزاكم الله خير جميعا والله وسعتوا صدورنا مدري وش اقتبس ومدري من اعلق عليه كل قصه احسن من الثانيه

لعل لي عودة لكتابة بعض القصص

[عـواء]

ماشاء الله تبارك الله ,

والله متعه ذا المووضوع .



قبل حوالي 4 سنوات كنا رايحين مع الأهل لأبها ,

وكنا كل صبح نطلع ونفطر بالسودة , وطبعاً قبل أربع سنوات كان المطر أكثر ما يكون في أبها في الصيفية .

يعني أحلا وأحلا .

مره من المرات كنا طالعين نفطر في السودة طبعاً حنا وعيال عمي .

وصلنا قبل عيال عمي وجلسنا حوالي الساعة 7:30 كان الجو بصراحة خيالي وغيم ومطر على خفيف ,

حطينا الشراع فوق الشجر وجلسنا ننتظر عيال عمي .

أذكر كنت راكب في السيارة ومعي كاميرة الفيديو .

المهم بدأ المطر يزود شوي وكان أخوي الصغير حاط كيس على رأسه وفاتح في الكيس فتحات لعيونه وخشمة إيقالك

عن المطر <-- هدر .

المهم , كنت داخل بالسيارة وأصور أخوي وأضحك عليه وهو يأشر بيده ويقول مع السلامة .

طبعاً أخوي لعله راح يقضي حاجته فوق لأن المكان اللي حنا فيه نازل عن مستوى الأرض وتلطع للإزفلت على درج

مبنى من الحجر

المهم راح أخوي يقضي حاجته , وبعد ما طلع فوق <-- لاحظوا وين يقضي حاجته الله يهديه .

وبعد ما طلع فوق فجأة سبحان الله المطر نزل بقوه ومره وحده أنا الحمد لله كنت بالسيارة أبوي شال الأغراض ونادى أخواني وركبنا السيارة كلنا لكن باقي أخوي الصغير ماندري وينه . نزلت أبي أشوف وينه ما قدرت أتحرك ,

سبحان الله بلمح البصر الأرض تحولت إلى ثلج .! وصرت أمشي على البرد , حاولنا نحرك السيارة ما قدرنا الكفرات تتحرك في مكانها .!

لأنها فوق الثلج ,

طبعاً ما قدرنا نتحرك من مكاننا حتى أخوي ما ندري وينه ولا نقدر ندور عليه .. لأن الثلج كان ينزل علينا من السماء ومن الدرج , يعني محجورين ,

المهم بعد نص ساعة وقف المطر ووقف الثلج وحاولنا نحرك السيارة وبالطقاق تحركت وصرنا نمشي والسيارة تزلق وكم مره ضربنا في الشجر ما كان بإمكان الوالد إنه يمسك السيارة ,

حاولنا نطلع من المكان اللي حنا فيه ما قدرنا ,

المهم تركنا السيارة وطلعنا على رجلينا ولما وصلنا الإزفلت فجأة اتصل على أبوي رقم .!

أبوي رد وكانت المفاجأة إن اللي كان يتكلم كان أخوي الصغير ويبكي .


طبعاً أخوي لما طلع فوق وقضى حاجته بدأ يتمشى على الزفلت ولما نزل المطر توهق ولا يدري وش يسوي وضيع مكاننا ,

فراح دخل تحت شجرة جمب الخط ومن حسن الحظ مرت عائلة زهرانية الله يجزاهم كل خير وشافوا أخوي وركبوه معهم بالسيارة ولما وقف المطر أعطو أخوي الصغير الجوال وخلوه يكلم أبوي ,

والحمد الله لقينا أخوي ولعله ذاك الوقت كان ينفض نفض الله لا يوريكم . تقل مشبوك على خط 330 . ههههههههه


إن حصل لي رجعت لكم بسالفة خبااال ,

إن شاء راح أرجع لكم بأقرب وقت ,

[برعم]

صارت لي قصة وانا راكب بالطيارة >>طبعا أول مرة أركب طياره

المهم وأنا ونسيبي رايحين عمره وحنا بالرجعه إلا جا ركب قدامنا أكاللي يطير العقل

وطبعا بدون غطا الدعوى متفتحه وضحك وقهقه حتى سون قلق المهم

كنت مشغل بلوتوثي إلا يجين واحد ويرسل لي رقمه يحسبن حدى هاللي قدامنا

وشوي وإلا نشم ريحة بوية ياولد منهو اللي قام يصبغ بوية هنا

يااولد الريحة فقعت خشومنا وندور مصدر الريحة

إلا شوي لمحنا اللي قدامنا طلعت مناكير وقامن يمركنن لبعض

قال إيش قال بوية

[الفضليه]

استمتعت بالقراءه

جزاكم الله خير

[الـيـانـع]

موضوع رائع ,

ومشاركاتكم زادت الموضوع روعة

لي عودة بإذن الله .

[قلب أنثى]

موضوع راااائع
ومشاركات أرووع


ذا سويت

ونحن في النماص جاء يركض للوالد وقد غطى عينه ويصيح .. خفنا عليه توقعنا ضرر من الجبال أو شي .. وش فيك ؟ قال : عيني دخل فيها ضب .. 3. الثالثة واضح الولد ان خياله مقلوب الله يصلحه .. ونحن في السيارة بين مدينتين خيم الهدوء وبدأعلى البعض بالنوم .. ويقطع علينا الجو يصارخ في إذن الوالد الله يحفظه : بابا لو دخل في إذنك فيل وش بتسوي

سلميني على اخوك سلامن واجد

وقسم ياهو خطيييير

الله يخليه لكم ويخليكم له


والحمدلله على سلامتكم




أنا من زمااان عن مكة غير حج العام
آخر عمرة قبل 5 سنين تقريبا
صار لنا موقف
كانت معنا خالتي.. الحالها مامعها أحد..
أمي كانت مع واحد من اخواني والباقين مدري وين
وانا مع خالتي .. متفقين انه إذا خلصنا من السعي نجتمع في مكان..
الزبدة.. خالتي ماشاء الله عليها حركه وسريعة..
وأنا كنت أمشي معها وطااايرييين تقل ملحوقين ..
في واحد من الأشواط كنا نازلين
التفت أدور خالتي مالقيتها
واناظر قدام يمكن سبقتني بس ماشفتها
والتفت ورا يمكن تحمست وسبقتها
وصارت وراي بمساااافة
وعندها رجال طويييل يكلمها
يوم جيت عندها لقيتها مرتاعة وتضحك
صارلها حادث
عشانها مسرعة وقابلها ذا الطوييل مسرع وصقع فيها ورجعها مترين الى الخلف
ووقف يعتذر لها
تخيلوا رجعت على فوق <<< مدري وشلون اوصف
بس هي كانت نازله وصقع فيها ورقاها مرة ثانية
أهم شي ماطاحت


صارت عمرة لاتنسى

الله يتقبل منا ومنكم

[مجهووله]

اذكر مره من زمااان كنا انا واخوي اول مره نركب في طياره
اخوي عمره يمكن اربع سنوات أول شي كان ناشب لنا يبي مويه وينادي المضيفه يادكتوره
ويوم جابت المويه وقبل لا يشرب المويه ويخلصها وتجيب الشاهي وهو يموت في الشاهي وشقوم يكب الشاهي على الأرض ويعطيها كاس المويه يقول صبي لي يادكتوره
اممممم اذا تذكرت رجعت اكتب..

[(.:أبو المثنى:.)]

متابع وبقوة

[سواحــل]

المشاركة الأصلية كتبت بواسطة سوار العسل شوفوا المقطع وشوفوا الطيارة اللي كان بيركب فيها !! http://up5.arabsh.com/d.php?filename=70dc7e.mpg

ما أشتغل للأسف ..

ممكن تقولون وش فيه ..؟

المشاركة الأصلية كتبت بواسطة سوبر مشاعر انا رحت اندونيسيا هذي العطله مع الاهل طبعا واول سفره لي انا وخواتي يعني الوالد الله يحفظه هو والوالده دوم يسافرون برا وحنا حدنا سفرات داخليه وان كشخنا قلنا ابها المهم اول موقف..انا وخواتي طبعا ولله الحمد ماغيرنا عباياتنا وهذا الامر الطبيعي عبايات ع الراس والنقابات المسكره يعني بالعربي محتشمين الديره مليانه ملي شباب سعوديين الله يهديهم وكل واحد اخذ له اندونيسيه حومو كبودنا الى درجة ان اختي الي ع مايقولون بعين الزبون قالت والله ماتزوج اثر الشباب كذا راعين بلاوي قبل الزواج المهم تعودنا عهالمناظر اثرنا ذاك الليله رحنا لمركز تجاري خطير عندهم اسمه انجريك وانا ووحده من خواتي وولدها وعربيته رحنا دورات المياه وبقية الشله الكريمه بالمحل خلصت من الحمام قالت لي اختي خوذي ولدي وروحي للبنات لاتنتظريني وانا طلعت والا ماطلعت مادري الا بذاك الي يلاحقني بنت ديرتي وبنت السعوديه وياهوووووه وعطينا وجه ومن هالكلام الماصخ الي يفشل وانا من النوع الي يبان علي الروعه لكن كنت ماسكه نفسي وادعي عليه بقلبي الرجال طولها طيب خوذي الرقم اوعدك بتنبسطين معاي المهم وصلت المحل مالقيت خواتي ولا معاي جوال ولا شي ياذا الورطه وش اسوي والرجال بساقتي وين مالف يلف المهم ..لبقت عند الكاشير الي في المحل وهو يقول اذا تبيني اروح قولي رح واروح والله والتفت واصرخ انقلع باللي مايردك ان شالله وااااااااء وااااااااء وهات ياصياح باعلى صوت الرجال ارتاع والله ماتشوفون غير غباره والعاملات طايره عيونهم وش السالفه؟؟ المهم صدفه لقيت اختي واطب عليها واصيح وانقلب بزر ليش تخلوني بروحي ولد الحرام مايخاف من الله يمه حرام يلاحقني وكلمات متقاطعه عجزت تحله وحمد الله ع سلامتي

:/

قليل أدب .. زين اللي شالتك رجلينك

والحمدلله على سلامتكم .. سفرتكم كلها رعب

[May]

مواقف ممتعه...أغرب رحله في حياتي يوم رحنا المدينه المنوره...

أنا رحت المدينه كذا مره لكن كل مارحت لها يصيبني سبات فضيع يعني من يوم أدخلها وأن نايمه

يعني بس أقوم أروح المسجد أصلي ورجع أنام

طبعن الناس الي معي ملو مني فاكنت أشرب نسكافه مركزه وارجع أنام

وها الحاله معي ألين أطلع من المدينه

[The Top]

المدينة صراحة فيها هدوء وسكينة عجيبة ..


تحس فيها من أول ما تدخلها ..



بس ما توصل لمرحلة النوم ..





The Top

[أميـرة الإحسـاس]

::

مآشــاء الله
جزاكم الله خير
موضوع مُمتع ،

*

سواحل /
الرابط يشتغل معي ،




::

[رحــّـال]

بالنسبة للمقطع تراى عادي جدا... ولا ترتاعون ، يلجأ الطيار ، لهذا الموقف إذا طفى المحرك.. يبدأ يعتمد على المراوح . وتقل الخساير ..

خالتي من بعيد مرة ، تقول كنا رايحين للباحة - على ما أذكر - متوجهين لجدة - على ما أذكر - الشاهد ، إن المحرك طفى ، فكانت من الحلول أن يهبط في البحر الأحمر ،

وأكرر هنا تقل الخساير البشرية بإذن الله تعالى ،

من الموافق المؤثرة التي يذكرها الشيخ عائض القرني ، أنه وهو في الجو ، طفى محرك الطائرة ، يقول الشيخ أصابنا الهلع ، وإذا بالمحرك يعود من جديد .. بعد أن استعرضنا شريط الحياة ،

أكملكم ، قصة خالتي ، رجع المحرك واشتغل من جديد ، موقف عصيب ،


كنت أتفكر في هذه الآية قال : كم لبثتم في الأض عدد سنين ؟ قالوا لبثنا يوما أو بعض يوم فاسأل العادين .. قال: إن لبثتم إلا قليلا لو أنكم كنتم تعلمون .

هذه حقيقة واقعة لا محال ، بأنك ترى الدنيا يومئذ قصيرة جدا ، الموت قريب ، فاستعدوا واتقو اليوم الذي ترجعون فيه إلى الله .. إنه يوم غضب الرب جل وعلا..

[سعد المعالي]

حلو

[قوافل]

متابع

[طيف نجد]

صار لي موقف ماراح انسااه ..

اول يووم لنا في ماليزيا رحنا للملاهي اهلي كانوا يتغدون وانا خلصت متغديه قلت لهم بروح لراعي الجولاات كان قريب من المطعم المهم ..

قعدت اتفرج وشفت جوال سوني اريكسون دورت عنه بالسعوديه قالوا لي انه مقطوع عن السوق ..
انصدمت لما شفته في ماليزيا ..

فقلت للماليزي لو سمحت عطني هالجوال ..
لما عطاني اياه ماكان لمي كان عند زبون ثاني فطاح الجوال مني وماجاه الا العافيه بس خدوش بسيطه

راح وسوا لي سالفه ..

المشكله ماكان معي احد

قال لي ياانك تشترينه ياانك تعطيني فلوس :/

تفاهمت معه ومافيه فايده قعدت افكر قلت خلااص بقول له مامعي فلوس وبورطه اثري ورطت عمري ماورطته

قلت له مامعي فلوس قال انا شايف تو البوك معك وانتم يالسعوديين فلوسكم واااجد مايضر لو دفعتي

تفشلت وقلت ياربي وش اقول قلت له البوك فاضي

قال طيب كلمي احد من اهلك خليه يدفع

قلت مامعي احد

قال دقي عليهم جوال وخليهم يجون
قلت له مامعي جوال
قال انا شايفه تو

واقول في قلبي هو ماغير يراقب وش معي ووش مب معي :/

المهم قلت خلااص بروح اناديهم

المهم يمشون وراي ثنين عشان ماانحاش

ويقابلهم الوالد الله يحفظه وعطاهم كم كلمه المشكله الجوال ماجاه شئ هذا اللي يقهر

قالوا لابوي ان مادفعت بنكلم الشرطه

انا انهبللللللللللللللللت وقعدت اصيح ماتوقعت المسأله تكبر

قال ابوي هاذولي يستغلون الواحد يقولون فلوسكم واجد ومايضر لو تعطوننا :/

المهم ابوي قال خلااص نروح للشرطه لان ابوي يعرف ماعندهم الا الدجه ..
قال خلااص بس لازم البنت معناا