طلعنا من الإشراف خرب الجهاز

[غريب_21]

بسم الله الرحمن الرحيم

السلام عليكم ورحمة الله وبركاته

صبحكم / مساكم الله بالخير

لي أسبوع أنا والنت في مشاكل...

بداية الأسبوع النت ما يشبك.. وبعد محاولات ومناورات تبين أن المشكلة من المقسم التابع للاتصالات << هذا ودي اس ال وذالين أهلنا عليه ولا يشتغل زي دول ثانية ما جاتهم الاتصالات إلا بعدنا بل أرخص وأطلق


ثم انتقلت المشكلة للمتصفح فلم يعد الاكسبلورر يعمل... فما أن أتجاوز نصف الدقيقة أو الدقيقة إلا وتخرج رسالة بأن هناك خطأ .. وحين أفتح الصفحة وأرد بسرعة تظهر صفحة ايرور حذفت ملفات الكوكيز والارتباط وبعض البرامج وحدثت الكاسبر وبحثت عن فيروسات وحذفت محفوظات وكثير من الملفات ونزلت التيون أب وطلع مشاكل في ملفات الريجيستري ...الخ من الأخطاء وصلحناها ولا فيه فايده .. نزلت برنامج خاص ببعض ملفات الفايروسات ويطلع ما فيه شيء.. وركبنا برامج حذف التروجان وملفات التجسس ولا فيه شيء .. سويت كل شيء وشارفت على الانهيار العصبي ،، ولم أستطع إلا أن أطلب من بعض أصحابي على الماسن أن يرسلوا لي رابط الفايرفوكس وعمل جيدًا وأيضًا أرسل لي الغالي عقد الآفانت..
زانت الأمور ولله الحمد..

للأسف كنت أعتقد إنها زانت.... أكتشف إن الماسن ما عاد يشتغل
وتعود المحاولات والبحث عن أي خلل ما وجدت وحذفت الماسن وحملته من جديد .. بس نفس المشكلة ما يفتح ويعلق
وش أسوي............................

الله لا يحرمكم الأجر ساعدوني وإلا تراي حكمت على جهازي بالإعدام بالكرسي الكهربائي أو الرمي من أعلى عمارة في حارتنا أو الدهس بالسياكل >> فيه رواية تقول إن المعالي يعاقبون اللي ينزل من الإشراف بتخريب جهازه

[غريب_21]

والبريد بعد نسيت ما أقول لك لكم أحيانًا أقدر أخش وأحيان كثيرة ما أقدر يطلع لي ايرور بيج

[ام البنات]

في البدايه الحمد لله على السلامه ...

ونسال الله العافيه ممابلاك ...
بعد كل هذي الحلول يبقى حل واحد وبسيط وسهل

اخذ جهازك واقراء عليه وانفث واذا جبت غسال ياسلام احسن علاج

ولكن بشئ يسير من الماء بدون ان يضر الجهاز


والصرحه احد الاخوات جهازها جدييييييييييييييييد وخرب بعد زيارة صديقاتها لها
فما كان منها لا اخذت غسال الفناجيل شئ يسير ورشته به ،،،
وبعده انطلق واشتغل احسن كانه فك من عقال

والتجربه خير برهان ،،،

والصراحه انا جربت القرائه فقط ممتازه جدا ...


وبشرنا...

[ريفــــــــــــــان]

. . .

أعتقد انه من الاتصال . .

هل جربتم وضع ملقم للاتصال سواء الماسنجر أو المتصفحات

ماهي الشركة المزودة للخدمة . .

ما نوع المودم .. وهل تم تحديثه

. . .

[محمد جبلي]

نعم الرأي والله

صراحتا أنا كنت اعتقد جهلاً مني أن الرقية فقط على الناس ولكن رأيت من يقرأ على الكمبيوترات وترجع تتصلح

لكن أهم شي النية خلي نيتك صادقة و أبشر بالخير

وانا والله جهازي ماله يومين جديد أمس جونا ضيوف وشافوه و بعد ماطلعوا وسويت اعادة تشغيل للجهاز قفل وموراضي يشتغل *_* مو راضي يبدأ الوندوز نهائيا .. فربنا ألهمني وقلت حسبي الله ونعم الوكيل لاحول ولا قوة الابالله
وحطيته في الشنطة وجبت السيدي اللي يجي معاه وحطيته في الشنطة على أساس اودية الصيانه
لكن جاني إلهام من الله اني أجرب أحط الاسطوانة اللي جيه مع الاب توب وأشغل الجهاز فشغلته و جلس كذا يمكن نص ساعة يحمل ورجع أشتغل الحمد لله

وأخيرا أقول كما قالت أختي أم البنات ...

نسال الله العافيه ممابلاك ...

تحياتي ..

[غريب_21]

جزى الله خيرًا جميع من رد .. وشكلي بقرأ عليه من جد

المشاركة الأصلية كتبت بواسطة ريفــــــــــــــان . . . أعتقد انه من الاتصال . . هل جربتم وضع ملقم للاتصال سواء الماسنجر أو المتصفحات ماهي الشركة المزودة للخدمة . . ما نوع المودم .. وهل تم تحديثه . . .

المودم سبيد توتش510v6/530v6 كنت سأحدثه بعد قليل..

والشركة هي icc توي اشتركت معهم

الملقم جربت وحذفته لأنه نفس المشكلة

الاكسبلورر مشكلة في ملفات السيستم بحسب الرسالة اللي تظهر لي وركبت الآفنت والفايرفوكس ويشتغلون زين

بالنسبة للماسنجر كان يشتغل مضبوط أمس بعد ما ركبت الآفنت كان ما فيه شيء جيت اليوم أشغله ما اشتغل

حاولت حاولت ما اشتغل .. ولا يطلع لي رسالة ،، لأنه يعلق ولازم أسوي إنهاء له.. يعني خير شر ما يشتغل

الله لا يحرمك الأجر

[محمد جبلي]

وش رايك تفرمته ^_^

طبعا أقرأ عليه وبإذن الله بتصلح لو لو لو ما أتصلح فرمت وريح نفسك

لأنك ماشاء الله مابقيت طريقة

[غريب_21]

الفرمته أبيها آخر حل مشكور يبو ساره

الأخت ريفان رفض التحديث إذا بغيت أحدث المودم يطلع لي أمر إني أبحث عن ملف السيستم تبع التحديث ولا ألقى شيء


ولا يزال الماسنجر يعلق ولا يشتغل لازم أسوي له انهاء والبريد يا الله يفتح

أدري تعبتكم معاي بس شسوي

[ريفــــــــــــــان]

. . .

جربوا التحديث . . هنا . . إذا كان نفس المودم

http://forum.ma3ali.net/t315577.html

. . .

[غريب_21]

سويت التحديث ،، بس ما حدث ،،

حط لي كلمة سر على المودم وأنا ما حطيت شيء الحين ما أقدر أفتح صفحة السبيد توتش

[قرّة عين أبوها]

قد يكون الحل في القيام بخطوات عملية إصلاح الويندوز
جربها أخي ربما تكون هي الحل ... لأنها حلت لي الكثير من مشاكل الرسائل التي تظهر عادةً مع برامج معينة و في الإتصال أيضاً .....

موفق ...

[ريفــــــــــــــان]

. . .

بتوصيل السلك . . بالمودم

أي اتصال سلكي .. يمكنكم الدخول على صفحة المودم

وتغيير .. كلمة المرور أو إزالتها

. .

[غريب_21]

أيتها الكريمة أعلم هذا وهذا ما توقعته..

بعد أن بدأ التثبيت .. ظهرت لي رسالة تطلب كلمة السر ولم أكن قد وضعت شيئًا.. ضغطت موافق لكنه لم يكمل التحميل ،، رفض الكلمة.. دخلت لصفحة السبيد توتش ، طالبني بكلمة السر.. فإن ضغطت موافق قبل أن اضع كلمة السر ( اللي مدري من وين اطلعت ) يعطيني أن الجيت واي خطأ... يعني ما تفتح الصفحة وإن خمنت كلمات سر تطلع نفس الرسالة فلا بهذه ولا بتلك استطعت دخول صفحة السبيد توتش ولا استطعت تحديث المودم.. وقبل أن تقفل صفحة السبيد توتش كنت استخدمت زر الريست خلف المودم لكنه لم يجد نفعًا .. :/

[قرّة عين أبوها]

أخي الكريم

هل جربت إدخال إبرة في الفتحة الصغيرة الموجودة في المودم من الخلف
لعلها تعيد تشغيل المودم من جديد ..

هذه أيضاً من الممكن أن تجعل صفحة المودم تظهر .... أي أنها مجربة ..

[غريب_21]

جربت بس ما نفع

[غريب_21]

فرمت الجهاز وآخر العلاج الكي

ضبط كل شيء لكن

جزاكم الله كل الخير ونفع بكم وأجزل لكم المثوبة