{ .. مــ ض ــاربات من نوعٍ آخر .. ! }

[قودي]

نرجوا من المشرف أبو سلمان حذف الرد أعلاه لأنه لا يمت للموضوع بصلة وشقرن

طط ليش هذا أيو سلامااااااااااااااات


ماتشوفه على جمب


كفو أبو سلمان

[ذيب تميم]

المشاركة الأصلية كتبت بواسطة طود ذيب توب تميم أب : كلها تنبلع إلا اللي طب من فوق السوبر بالسكين على الثاني .. دبلت كلتش ولا جت معي أبو سلمان حاول ما تشغل مخك قوة يا مستر 2 2

تهقى سوار ماخذ يوزري يعني ؟

الله يذكره بالخير ! فاقدينه والله


طيب اسمع ياابو البراء

نخليها من الكبوت .. OK كذا ؟ هههههههههه

لأن كان قدام خصمه كومة ناس ولا يقدر يوصله الا بذي الطريقة << اقعددد خلاص صدّقه

[طود]

^
^

زيد النبي صلوات ..


لا تزال اللقمة ( تقطع الزرار )

[مهند]

.. , ..


على طاري البزران والمضاربات ..

يوم كنّا بزران -على عهد ماركس على ما اظن - كنّا أنا وولد عمي وعمي رايحين للبقالة .. وش ملحنا صغيرين ..
يمكن كنا بالابتدائي ..
وعاد أنا الكبير .. وهم أصغر مني بسنة يمكن ..

المهم ..
دخلوا علينا مجموعة من "الإخوان الانقليز" -مثل ما يقول شيخي خلوها غفر الله له - وبدوا يجدعون كلام .. المشكلة إنهم حول الثمانية .. وحنّا ثلاثة ..

وعاد أنا مسوي حكيم قلت خلونا نمشي بس .. مالها داعي ندخل بمضاربة وننجلد .. فنطلع بكرامتنا أحسن ..
مشينا .. شوي وذولا نشبوا .. يلحقوننا ..
لعل عمي الله يذكره بالخير ما عنده صبر ..
التفت والا أول واحد -اللي بالعادة يينفخ ومسوي فيها- جاي ويتكلم ..
ويصحكه ذاك الكف .. لولا إني شفت الولد بمكانه والا قلت يمكن طار لبيت الجيران .. ما شاء الله ..
وعمّي هذا معروف بـ كفوفه اللي ما تخطي ..
ولعل الإخوان الانقليز كعادتهم قمطوا .. وأنواع الهجة ..

وبعدها صرنا قوة لا يستهان بها في الحارة ..

.. ،

المشاركة الأصلية كتبت بواسطة أبوعزّام تعرفون حنا مانعترف بالمضاربة إلا إذا صار فيها نعال تشتغل وشد شعر .. وحصيان وبلك!!!!

قلتُ :
[ وقد أهمل رحمه الله ما ذكر في كتاب (المجازفة في أصول المضاربة) لأبي السبيع المفلوق ما ملخّصه :
أن العضّ والكفخ و"القبص" والقرص والضرب بالعصيّ و"العجاري" من أشكال المضاربة المألوفة والسائدة في عصر الثمانينيات ..
ولولا أن المقام لا يتسع لبسطنا القول وفصلناه في أنواع المضاربات وطرق التعامل معها ] ا.هـ. قـ

.. ،

المشاركة الأصلية كتبت بواسطة طود الظاهر الآن ماعاد تشوف طفل برئ .. كل هالصغار عفاريت ملوعين ..

اللهم إني الماوس ما أسرع لخانة التبليغ على مشاركة .. بس قريت من جديد ثم اكتشفت اني قاري خطأ ..
أما عليك وصف ..


.. , ..

[مطلق]

عكوز انت احمق

اخبر واحد كان معنا ايام الثانويه مسكين ما ابي اغتابه واقول سبيكه

الفصل كل يوم الدور على واحد يجون يضربونه ويمشون يعني الكل يستفرد عضلاته عليه وهو ضعيف ساكت ما يقول شي

جتني فاتمه وقلت بستفرد عضلاتي عليه

الضعيف اليوم ذا كان السير حق الاعصاب مقطوع يوم جيته قال مد يدك وشف وش بسوي فيك :s
قلت وش بتسوي يعني :s << مره ما احتري احد يجي يفرق عشان اهايط

بس الحمدلله كان واحد من الزكرت قريب تدارك الموقف وقال يا مطلق ارحمه مسكين خله قلت ارحموا من في الارض يرحمكم من في السماء


يعين ليه تجي تهايط ونت منت قد الهياط ؟

[أبـو صـالـح]

..





أنا ما أذكــر أني تطاقيت أنا وأحـــد


أنا مؤدب جــداً ولا أحــاول أتحـــرّش بــ أحــد ..!




..

[شعاع النصر]

’.’.’

*
’
.

إيـيـيـيـيـيـيـيـه

أذكر يوم إني بثاني ابتدائي .. واحد من الجوف .. قاعد يتقيوى " يهايط " على طلاب الفصل ..

وأنا ما أدري وش لقفني وخلّاني وأقوله : أنت منتب قوي .. ويلتفت علي .. ويجيني ذاك البقس .. وإلى الآن ماسك عيني ..

والبقس الثاني .. والبقس الثالث .. العيون اغرورقت بالدموع .. وأقوم وبالكرسي عليه ..

الصراحة إني انجلدت ..

انتهت المضاربة ..

بعد أسبوع .. ما نمشي إلا مع بعض .. ويباشر علي بعد ..

.
’
*

’.’.’

* . شعــاع . *

[الســكـب]

المشاركة الأصلية كتبت بواسطة ذيب تميم ههههههههههههههههه اخبر وانا بأول متوسط كانت هوشة كبيرة بالطلعة بين قبيلتين وكانت الدماء للركب .. وكانت زحمة شديدة .. واحد معه سكين ، رقى فوق سوبر قديييم لاحد اخوياه رقى حتى سقف السيارة .. ثم طب من فوق وهو ماسك السكينة بيدينه الثنتين على اللي تحت .. احس انه توه شايف ماوكلي يوم يذبح شريخان طبعا ً حاصل الهوشة اثنين مطعونين وكلهم انفصلوا .. عاد ماادري هم تصادقوا بالمستشفى ولا لا

الله يقلع بلسيك ..

أجل ما تدري تعرفوا على بعض ولا لا ..

والله يا أني فطست فطستاً أثمت النائم ونومت القائم وجلست الواقف ووقفت القاعد ..

[واحد منهم]

المشاركة الأصلية كتبت بواسطة شعاع النصر ’.’.’ * ’ . إيـيـيـيـيـيـيـيـه أذكر يوم إني بثاني ابتدائي .. واحد من الجوف .. قاعد يتقيوى " يهايط " على طلاب الفصل .. وأنا ما أدري وش لقفني وخلّاني وأقوله : أنت منتب قوي .. ويلتفت علي .. ويجيني ذاك البقس .. وإلى الآن ماسك عيني .. والبقس الثاني .. والبقس الثالث .. العيون اغرورقت بالدموع .. وأقوم وبالكرسي عليه .. الصراحة إني انجلدت .. انتهت المضاربة .. بعد أسبوع .. ما نمشي إلا مع بعض .. ويباشر علي بعد .. . ’ * ’.’.’ * . شعــاع . *

الظاهر

أنبه ضميره

وحس إنه أستاثم فيك

لذلك راح يباشر لك

[واحد منهم]

الذين يشاهدون محتوى الموضوع الآن : 5 ( الأعضاء 4 والزوار 1) ‏واحد منهم, ‏[.. هُـ م ـام ..], ‏فارس الاتقان, ‏الحنس العباسي

أعلم

[عـ بالإسلام ـزي]

يوم كنت بسادس إبتدائي .. كنت عريف الفصل والطالب المثالي ( وكعادتي ولله الحمد ) ..
وأي واحد تجتمع فيه مثل هالميزات .. يغارون منه وما يبونه عامّة الشعب .. خصوصًا إذا كان فيه أحد مسويّ هياط !

المهم ويوم انتهت الإختبارات وطلعت من المدرسة .. إلا والله وألقى مجموعة على سيّارة ددسن قديمة .. قلت أنت يا هوه يا ولد الـ #### ( وقال اسم العائلة ) ..

وأنا التفت .. إلا وألقى واحدن كبر أمس واليوم .. قال وش فيك مسوي فيها ومستقوي على خلق الله ؟!
أو علشانك عريف الفصل ؟ وأبوك يعرف المدير والمدرسين ؟!

قلت أنا : أنت ألحين وش تبي ؟!
اللي لهم حق يجون ياخذونه بيديهم ( بزعمي يوم أقول هالكلام يذلّون )

قال : يا فلان .. تعال تفاهم مع هذا ..

إلا ويجيني هذاك ومعه سكّين !
وأنا ما تعودت آخذ سكاكين أو أتضارب أصلاً .. لكنّي كما قال أبو ملوح ( أقشر عند اللزوم ) !

ما لكم بالطويلة .. وهو يقول : تذكر أكاليوم يوم تسوي وتفعل .. وجاب سوالف من النصف الأول .. وبداية النصف الثاني .. الرجال يعني حاااااااااااااااقد وبقوّة وكأنه ينتظر هاليوم !

قلت أنا .. طيّب وبعدين ؟ وش المطلوب ؟!

قال آبخذ حقّي .. قلت تبي تآخذ حقك وبيديك سكاكين وجايبن اخوانك وعيال عمّك ؟!

ليش أنت بزر ما تآخذ حقك بيدك ؟ أنت حرمة تستفزع ؟ هاه ؟

بهاللحظة وأنا أتكلم .. وكنت واثق أنهم بيمسكوني حيّ ويطلقوني ميت .. صار شيء ما توقعته ..

أكمّل بكرى إن شاء الله .. تعبت وودي أنام قبل الصلاة !

مع السلامة . ويُتبع غدًا إن شاء الله

[الســكـب]

المشاركة الأصلية كتبت بواسطة عـ بالإسلام ـزي يوم كنت بسادس إبتدائي .. كنت عريف الفصل والطالب المثالي ( وكعادتي ولله الحمد ) .. وأي واحد تجتمع فيه مثل هالميزات .. يغارون منه وما يبونه عامّة الشعب .. خصوصًا إذا كان فيه أحد مسويّ هياط ! المهم ويوم انتهت الإختبارات وطلعت من المدرسة .. إلا والله وألقى مجموعة على سيّارة ددسن قديمة .. قلت أنت يا هوه يا ولد الـ #### ( وقال اسم العائلة ) .. وأنا التفت .. إلا وألقى واحدن كبر أمس واليوم .. قال وش فيك مسوي فيها ومستقوي على خلق الله ؟! أو علشانك عريف الفصل ؟ وأبوك يعرف المدير والمدرسين ؟! قلت أنا : أنت ألحين وش تبي ؟! اللي لهم حق يجون ياخذونه بيديهم ( بزعمي يوم أقول هالكلام يذلّون ) قال : يا فلان .. تعال تفاهم مع هذا .. إلا ويجيني هذاك ومعه سكّين ! وأنا ما تعودت آخذ سكاكين أو أتضارب أصلاً .. لكنّي كما قال أبو ملوح ( أقشر عند اللزوم ) ! ما لكم بالطويلة .. وهو يقول : تذكر أكاليوم يوم تسوي وتفعل .. وجاب سوالف من النصف الأول .. وبداية النصف الثاني .. الرجال يعني حاااااااااااااااقد وبقوّة وكأنه ينتظر هاليوم ! قلت أنا .. طيّب وبعدين ؟ وش المطلوب ؟! قال آبخذ حقّي .. قلت تبي تآخذ حقك وبيديك سكاكين وجايبن اخوانك وعيال عمّك ؟! ليش أنت بزر ما تآخذ حقك بيدك ؟ أنت حرمة تستفزع ؟ هاه ؟ بهاللحظة وأنا أتكلم .. وكنت واثق أنهم بيمسكوني حيّ ويطلقوني ميت .. صار شيء ما توقعته .. أكمّل بكرى إن شاء الله .. تعبت وودي أنام قبل الصلاة ! مع السلامة . ويُتبع غدًا إن شاء الله

والله من التلفيع اللي جاك مب فيك نوم ..

[الســكـب]

الذين يشاهدون محتوى الموضوع الآن : 5 ( الأعضاء 2 والزوار 3)
‏الســكـب+, ‏الحنس العباسي

كح كح كح .. شفت الغبار يا العبس الحناسي ولا ما شفته..

[شعاع النصر]

المشاركة الأصلية كتبت بواسطة واحد منهم الظاهر أنبه ضميره وحس إنه أستاثم فيك لذلك راح يباشر لك

’.’.’

*
’
.

ما فيه أمل يحس .. والله ياهو عفريت ..

أذكر الوكيل قال له : خلك بالفصل ذا ..

وما يجي بكرا إلا هو راجع لفصله كذا من عنده .. وواحد طش مع الوكيل .. لمدة أسبوعين ..

.
’
*

’.’.’

* . شعــاع . *

[أبـ البراء ــو]

من جد يا زين مطاقات أول

اما ها الايام اذا تضاربوا ثنين وكل واحد منهم وراه جحوش الله لا يبلانا أشكالهم

والمشكله اذا سمعوا عيال الحاره

يفتنون ويشجعون

وفي النهايه

وبعد فتره

يتسامحون

the end

أبـ البراء ــو