في شهر 12 ميلادي (رأس السنة) وين ممكن أروح ؟

[الإصلاحي]

السلام عليكم

عندي إجازة أو لنقل فضاوة في أواخر تاريخ 12 ميلادي تقريباً من تاريخ 22 إلى خامس يوم من السنة الجديدة 2008 الوقت سيتزامن مع رأس السنة الجديدة .
أحد يشير علي بأماكن معينة تمتاز بالطبيعة الخلابة ، والمناخ الجيد ، وما تكون فيها قلة حياء في مثل هذا الوقت ، ودي ألحق أحجز من بدري عشان أحصل أسعار حلوه للفنادق ====> رأس السنة سيكون نااار .
لا بأس باقتراح بعض الدول العربية

[الإصلاحي]

محد عنده اقتراحات ترى باقي أقل من 4 شهوور

[البراء الرشود]

والله يا حبيبي ..


لو بتروح لأوروبا أو أمريكا بيكون برد وزحمة ..


شف لك جنوب آسيا ..

شوقرن !




The Top

[strawberry]

"


وعليكم السلام ..

سويسرا والنمسا فيها الطبيعة جميلة جداً ..

برأيي تسألون مكاتب السفر والسياحة عندهم خبره بالموضوع ..

الاسعار والفنادق ...الخ

كذلك موقع العرب المسافرون



"

[أريج الفضيلة]

مشكورين يا بنات العالمين

[(( علاء ))]

لا بأس باقتراح بعض الدول العربية

أمر عجيب !!




المهم ما علينا ..





روح لإندونيسيا ..



حتنبسط وتغير جو .. في بيئة محافظة وجميلة جدا ..


كل إللي راحوها مدحوها .

[ياسر الاسمري]

اجلس في بيتكمـ !

[درة الأقصى]

حياك في الإمارات .. ..

الجو يكون حلو ومعتدل ..

لكن لو تأخر شوي يكون فترة مهرجانات وتخفيضات ..

[فخامة الرئيس]

جنوب آسيا لا تفكر فيها لأنها بمثل هالأوقات تكون مليانه من الغربيين

لأنه فيه عيدين بنفس الفتره للنصارى عيد الميلاد وعيد راس السنه فتكون الإجازه عندهم طويله ..

هذا اللي أقدر أساعدك فيه

[أبوعزّام]

رح أسبانيا !
وإن كنت تدور خوي عطنا خبر :S !

[يقظة الفكر]

عليك بالصمان إذا ربعت

وإذا ما ربعت فالدهناء

بالتوفيق

[كيندة]

برأيي الدول الأوروبية في تلك الفترة من السنة ستكون أشد برودة و ثلجاً !
و إن كنت من أهل السعودية فلن تجد أحسن من قضاء عمرة بالحجّ في فترة إجازتكم (:
و إلاّ فالإمارات الجارة أقرب منكم للزيارة و الاستجمام ..

[عايض]

المشاركة الأصلية كتبت بواسطة مسلم سلفي وسطي السلام عليكم عندي إجازة أو لنقل فضاوة في أواخر تاريخ 12 ميلادي تقريباً من تاريخ 22 إلى خامس يوم من السنة الجديدة 2008 الوقت سيتزامن مع رأس السنة الجديدة .

ياحبك للتحرش

تكفى لاتخلي ربع العاصمة يلاحقونك في بقية أقسام

على فكرة هل يجوز السفر في رأس السنة الميلادية

[أبو العز الاندونيسي]

^

^

على حسب نية الشخص، فراعي الموضوع وده يغير جو في اجازته

فاجازته جات بالصدفة


= = = = = =


روح سلطنة بروناي جنب ماليزيا وفوق اندونيسيا


ترى دولة ما شاء الله عليها حتى قبب المساجد كلها من ذهب الخالص

[أبو أنس]

تعال تكساس ،،،

أو روح فلوريدا ..

[عايض]

لو تبي نصيحتي رح لجزيرة

سيشيل

شئ خيالي

:D

[الإصلاحي]

غريبة ما وصلني تبليغ بالمشاركات
عموماً دخلت اليوم أرفع الموضوع لأنه ما صار مع شيء
جميع النصائح أو أغلبها كانت لحد جنوب شرق آسيا
في واحد كحيان اقترح علي أم الدنيا وتحديداً الاسكندرية يقول الجو يكون حلو ===> على كثرة الأصدقاء في مصر + كثرة الفرص لزيارتها إلا أني للآن لم أزر مصر ، نفسي تراودني أن أكسر حاجز التردد وأروح هناك وش رأيكم تستاهل مصر السفر خاصة لشخص لم يزرها من قبل
الإمارات كذلك اقتراح معقول ، لكن وش رأيكم مصر ولا الإمارات ===> طبعي أحب الهدوء وأكره الصخب فأرجو مراعاة هذا الشيء

سيشل هذي وين تصير ؟
سلطنة بروناي كيف أسعارها ؟ يعني كم ستكلف الأشياء الأساسية (تذاكر (بخطوط محترمة غير الطيران السعودي) وإقامة 5 ستار) خلال الفترة الموضحة أعلاه ، سعر تقريبي ===> الميزانية تدهورت ولله الحمد وما في شيء يبقى هالأيام كما تتوقع
ماليزيا مغبرة ودي شيء ثاني ، أندونيسيا يمدحونها لي بعض الزملاء بل يرون أنها أجمل من ماليزيا لمن عرف مناطقها ، ويوجد أكثر من شخص هناك ، لكن سمعت أنها للعوائل غير جيدة

* على فكرة لست عزابياً

[الإصلاحي]

المشاركة الأصلية كتبت بواسطة أبو أنس تعال تكساس ،،، أو روح فلوريدا ..

الله يبعدنا عن أمريكا ، يخوي ترى ودنا نروح سياحة مب بهدلة ووجع راس
أتوقع إجراءات السياحة لأمريكا تاخذ 6 شهور إلى سنة خخخخ

[سوار العسل]

ما انصحك تسافر إذا كنت محافظ

لأن أغلب اللي بيسافر في الوقت هذا علشان الكريسمس وازحم دولة في الحجوزات الفلبين تصدق من 9 شهور مقفله رحلاتها

على العموم مصر سبحان الله نفس الشعور اللي يراودك يراودني ... لكن نصيحة افضل شهرين في مصر فيبراير ومارس يكون الجو حلو لا حر ولا برد يعني انما ايه

بالنسبة للإمارات حلوه وعلى فكرة الإمارات طول السنة موسم يعني طول السنة زحمة وفنادقهم غالية

اممممممممم

على العموم ماليزيا وتايلند الشله هذي وما جاورها لا تقرب لها لأن اغلب الأوربيين ينزلون يتدفون عندهم وايضا بيكون عندهم عيد الكريسمس وايضا في نفس الوقت اهل الصين يجون لتايلند وماليزيا لأن عندهم عيد والله نسيت وش يسمونه

علشان كذا إذا تبي رأيي امستن عمرك ورح لأقرب حملة حج وعمرة واضبط أمورك وخذ لك بفئة [ ب ] لأن فئة الف تكون بجمب الجمرات وموقعة سيء خذ لك بفئة [ ب ] يكون مواصفاتها حلوه ومهب بعيدة ولا قريبة من الجمرة ... وصدقني راح تدعي لي دعوة من قلب بحياتك كلها ما دعيت لي

[CREATIVE-1]

.


يا ويل قلبك لمنك شفت سوار يألف حتسي على ماليزيا !
تسيف أنا أكره شغل نقل الحتسي .. قالت أم فلان و قالت أم علان !

<-- مبطي ما تحرش :seko
Creative-1

.