متى أتعلم الإنجليزي وأرتاااااااح ؟؟؟

[@همس الحنايا@]

السلام عليكم

شوفوا من البداية أقولكم إن كلامي مو مرتب لأني أبي أقولكم اللي بقلبي واللي بقلبي ملخبط

ياناس والله إني أحب الإنجليزي من زماااااان لكن للأسف وقعت في أستاذات الله

يسامحهم بس >>> تخيلوا إنه في ثالث ثانوي كانت الأستاذة تعطينا ملزمة مكتوبة فيها القواعد باللغة العربية يعني مثلا نضيف s للفعل المضارع


المهم أنا الآن خلصت أول سنة في قسم الآداب وطلبت تخصص إنجليزي ووافقوا على طلبي لأنه المعدل عالي ولله الحمد وتورطت أنا الحين بهذا القسم

أنا عارفه إني غلطت لما دخلت القسم وأنا ماأعرف فيه إلا اللي يمشي الحال والمفروض إن درجتي في المستوى الثاني تكون تنبيه من الله لي لأنها بصرااااحة تفشل والحمد لله على كل حال لكن والله أحب الإنجليزي ونفسي أكون داعية بهذي اللغة لأني أحس الأجانب يتقبلون أكثر

المشكلة إني في كل صيفية أحاول أدرس إنجليزي وأدخل مواقع ياكثرها بس ماتفيدني بشي >>>> من زود الفلاحة

أنا نفسي تشورون علي وتحلوا مشكلتي لأني تورطت السنة الجاية راح أكون قسم إنجليزي

نفسي ألقى مدرسة خصوصية بس تجي لبيتنا أو معهد حلو ويفيدني أكيد لأنه مابقي وقت أضيعه وزي ماانتوا شايفين في التوقيع أنا من جدة وماألقى عندكم إلا معاهد في الرياض


عارفه إني طولت وحكيت قصة حياتي لكن والله كل يوم أفتح القسم ذا وأتردد في طرح الموضوع واليوم قررت أنزله وأبي المساااااااعدة منكم ومن مرهف الإحساس بما إنه المشرف وأكيد واجه مثل حالتي


الله يوفق حتى اللي يواسيني

[@ ام مصعب@]

حياك الله اختي

اسمعي مني انا مجربة الجامعة تخصص لغة انجليزية

ومن اول يوم ما تدخل علينا استاذة الا و تقول لنا اللغة وتعلمها على حسب مجهودك انتي مو على المناهج


يعني الجامعة تعطيك مفاتيح و انتي دوري الابواب


تخرجوا ناس والى الان ما اتقنوا اللغة منهم محدثتك

وهذي الورطة الحقيقة

بالنسبة للمواقع انا احسها تدعم لكن ابد لا تعتمدين عليها 100%

سجلي في معهد , او ع الاقل اشتري الكتب و اقرئي منها مباشرة

لاتخجلي من الخطأ مرة واثنين و ثلاث بعد

لا تطلبين من زميلتك تتكلم بدلك مع لاستاذة الاجنبية"لو بكليتكم اجانب"

الممارسة اهم من التعلم و الا كان ما صار للدراسة في الخارج ميزة


وفي الختام هذي مجموعة مواقع اتمنى انها تفيد ولا تنسين انتي لسى باول الطريق


http://www.english-at-home.com/index2.php

http://www.edufind.com/english/grammar/

http://www.better-english.com/exerciselist.html







هذه مواقع تستطيع من خلالها إجراء امتحانات تجريبية للغة الانجليزية

http://www.4tests.com/exams/examdetail.asp?eid=57

http://www.english-online.org.uk/toefl/toeflhome.htm

http://www.englishjet.com/english_co...test_level.asp

[pure soul]

الله يكون في عونك .. أستاذتي الله يذكرها بالخير دايم تكرر لنا
>>> الانجليزي ماهو إختراع ذرّه<<< ..
انا مثل معاناتك دخلت قسم الانجليزي وورطت .. وهذاي بالحسره ادف نفسي ..
في موضوع للأخ راحة بال فيه رابط لكتاب Express English .. من جد رووعه أمشي معه خطوه خطوه وبإذن الله راح تستفيدين وتدعين له مثل مادعيت له .. ..

[@همس الحنايا@]

الله يسعدكم ويحقق لكم اللي في بالكم

والله إنكم ريحتوني يوم رديتوا علي

أم مصعب
هذا اللي ما أبغاه يعني أتخرج وما أعرف شي وأنا عندي مشكلة في الدراسة يعني ما أحب أجاوب إلا صح ولازم أكون واثقة من إجابتي 100% وهذا اللي أعاني منه فكيف راح أقدر أتكلم مع الأستاذة و أنا مع زميلتي ما أقدر أتكلم انجليزي أصلا

وأنا أبغى معهد مضمون في جدة ومجرب مع إن المواصلات صعبه لأنه كل أهلي مشغولين في الصيف بالسفر وغيره لكن الله يسخرهم لي

الله ييسر ويرزقني الجرأة

pure soul
الله يسعدك وبالنسبة لموضوع راحة البال أنا حملته لكن ما اشتغل بس راح أحاول مرة ثانية


الله يسعدكم

[مرهف الإحسـاس]

وعليكم السلام ورحمة الله وبركاته

هلا وسهلا فيك أختي ..

معاناتك ما تختلف كثير عن ناس أعرفهمـ ..

أول شي:

- تفائلي ولا يقرب منك الإحباط

- لا تكونين 1+1= 2 >>> يعني لا تصيرين دقيقة مرة تحرصين على إجاباتك إنها تكون

صحيحة 100% ... هذا أنا تخرجت من الأدب الإنجليزي بمعدل 4 من 5 ولو ترجعين

لأوراق إجابتي بتلقين الشق والبعج لكن الحمد لله على السلامة ..


- بالنسبة لك انتي في جدة .. في معهدين صراحة ما جربتهم لكني سمعت من ناس إنها

ممتازة >> ( دايركت إنجلش ) ... و ( وول ستريت ) ...

- الإنجليزية تقوم على أمرين رئيسيين ( القواعد + حصيلة كلمات ) .. لأنك اذا كان عندك

حصيلة كلمات وأتقنتي القواعد راح تقدرين تتواصلين مع الآخرين وتتكلمين معهم بكل

ثقة ..

- يوجد كتاب باللون الأزرق مهم جداً للقواعد اسمه ( Studying English Grammar )

- ما يمنع أبدا إنك تتعاقدين أو تتفقين مع مدرسة خصوصية تجيك كل يوم ساعة أو

ساعتين وتشرح لك القواعد بكل وضوح وتعطيك تمارين عليهم .. وصدقيني ترى

ما فيها صعوبة .. تطيحين مرة وتطيحين ثانية لكن تثبتين في الثالثة .. وأهم شي

انك تمارسين اللي تتعلمينه ..


وإذا فيه شي أقدر أخدمك فيه .. قوليه وإن شاء الله أكون عند حسن ظنك ..

بالتوفيق ..

[@همس الحنايا@]

جزاك الله خير يامرهف الإحساس


نصائحكم راح أطبقها كلها بإذن الله لأنكم مجربين


نصحتوني وكفيتوا و وفيتوا بقي إني أطلب منكم الدعاء لي بالتوفيق إذا قريتوا كلامي هذا >>> دعوة واحدة في أنفسكم

[نبض المعالي]

الله يوفقك ان شاء الله باللي تبينه دام نيتك كذا

لكن أول شي لازم تسوينه اذا كنتي قوية بالاساس يعني بالتعبير وكيف تركبين جمل (جملة)

المرادفات لازم لازم الكلمات تعرفينها زين زين

القواعد العميقة خليها بالكلية تتعلمينها من الدكتورة أفضل لك وغيرها انتي تزودي بها من الكتب السهلة
ومن معهد نيو هورايزن هذا المعهد ما ابي اسوي له داعية بس معهد على اصوله يعلمك الانجليزية مثل ما تعلمتي العربية وانت صغيرة

وكذا وكذا راح تكون لغتك الانجليزية سهلة على لسانك

وسلسة لانها بالفعل اسهل من العربية في تعلمها لكن اللي بيحوسك تععد معاني الجمل تحمليها شوي وراح تفلحين بالمرة

--------------------------------------------------------------------------------
Yovck God, God lei fathomed long you intend well but first needed Shi Tsuwenh if Knin strong mainly meant to express how Trkpin phrases (inter) synonyms necessary for the required words Taravenha Zine Zine Rules deep Khaliha faculty Ttalminha Dr. better than you and other Ante 1.500 from the books is easy Institute New Horizons this Institute Abe ASUE him farewell, but the Institute of assets such as English notify you Talimuti Arab and you are small and such and such has to be your language English easy and smooth tongue they already easier than learning in the Arab But what Behausk Taad meanings Jamal patches Shwe and his Ttovkin God

[@همس الحنايا@]

جزاك الله خير على الإفادة القيمة والله يسمع منك و أتعلمها زين زين لأني و الله حامله هم الرسوب من الحين


و نصائحك راح أطبقها بإذن الله و آسفة إني تأخرت في الرد