للعزوبية ... اللي يسافرون للخارج (دعوة للمشاركة)

[محب البيت]

أحبيتي .. هذه الاجازة الصيفية .. جاءت تجرجر أذيالها ..
وكل قد أعد عدته لهذه الأجازة .
فمنهم من سيقضي إجازته في ربوع مملكته .. ومنهم من سيقضيها في الخارج .


سؤالي لمن سيقضي الاجازة الداخل ؟؟

هل تؤيد السفر للسياحة (العزوبية ) خارج المملكة ؟؟
وما هي نظرتك للشخص الذي يقضي اجازته السنوية في الخارج؟؟

وسؤالي لمن سيقضي اجازته في الخارج ؟؟

ما أهم سبب يجعلك تقضي اجازتك في الخارج ؟؟
وهل أنت مقتنع بذلك ؟؟



موضوع تفاعلي وننتظر مشاركاتكم .
سيظهر ما لم يكن في الحسبان ...

[منثول]

أحبيتي .. هذه الاجازة الصيفية .. جاءت تجرجر أذيالها .. وكل قد أعد عدته لهذه الأجازة . فمنهم من سيقضي إجازته في ربوع مملكته .. ومنهم من سيقضيها في الخارج . سؤالي لمن سيقضي الاجازة الداخل ؟؟ هل تؤيد السفر للسياحة (العزوبية ) خارج المملكة ؟؟

لا , والسّبب معروف وواضح

ــــــ منثول ــــــ

وما هي نظرتك للشخص الذي يقضي اجازته السنوية في الخارج؟؟

لو يجي واحد يبي يخطب بنتك وهو كل صيفيّة برّا المملكة وش يكون ردّك ؟؟





<< ياعيال تهيّضت أحس انّي عصماوي << على وزن عشماوي

ــــــ منثول ــــــ

[غـــلـــيـــص]

ياحبيبي وش عندك هنا في ربوع بلادك ......الشرقيه حر ورطوبه .....الغربيه نفس الكلام .....الشمال الجو مثل الوسطى

ماعندك الا الجنوب جوهم كويس ...بس تعال شف الزحمة وغلاء الاسعار

ياحبيبي يمدحون اندنوسيا والا ماليزيا

.....................
والرجال اللي يقول لوجا احد يخطب بنتك وهو كل اجازه برا .......ياحبيبي راعين الخربطه معروفه اماكنهم .....مصر ...البحرين .....الشام ....


لكن رجال رايح لماليزيا والا اندنوسيا ليش اشك فيه ........وهو لو بغى الخربطه يلقاها قريبه



مع العلم اني ماقد طلعت من ربوع بلادك ....الا لصلاله بعمان

[و1حد]

الصورة موب واضحه .. يسافر برى .. وش يسوي بالضبط ؟
يمكن رايح دعوه في افريقيا !!

[و1حد]

<-- وربي ما قد حطه رجله برى ربوع بلادك !!

وأخوانه كل أسبوع يروحون البحرين مرتين .. وفي العيد ... مصر أو ماليزيا أو كوريا

والله قد راح أخوي كوريا .. أما المزااااج !

[عصويد]

قبل يومين من قراءة هذا الموضوع استشارني إبن خالتي في أخيه المدرس العزوبي الذي يخرج لمصر و اليمن و الخليج مع زملائه
فقلت له رأيي المتواضع في عددٍ من النقاط المهمة :

الأصل في الشخص البراءة مالم تثبت ادانته كما هو معروف .
مادام الشخص لم يٌمسك عليه قرينة أو قرائن مجتمعة تتقوى ببعضها فلا داعي للقلق ,
وإذا وجدت القرينة فالمطلوب التحري والبحث والترصد بشدة كبداية لمعلجة الحالة .

للأسف أن بعض الناس لازال أسيراً لبعض نظرة مجتمعه المغلقة لمثل هذه الحالات التي لا تزيدنا الا رجعية
باعتبارهم أنه [لايوجد مسلمين خارج السعودية وإذا وجد فهم منحرفون]
قياساً على مقولة اليهود [نحن شعب الله المختار] من قال هذا ولماذا . . . .

ياجماعة يجب أن ننزل الشعوب منازلهم . واتوقع أن لسان حالهم يقول [اللهم اجعلنا خيراً مما يظنون واغفر لقومنا فإنهم لايعلمون ]

ليس كل من ودع السعودية "بدون سبب" هوكاشف سوأته بعد الحدود مباشرة وناصيٍ أقرب حانة . والبينة على مدعي ذلك

وإن كنت أتوقع أن نسبة هؤلاء ليست بالقليلة لكن لها أسباب لابد أن تذيل وتحل حل نهائي واتمنى من لإخوة اثراء النقاش .

[آبــوٍ تــرٍكـي]

آنآ من نآحيتي عآدي آلوآحد آنه يسآفر بآلخآرج بشرط آنه يضبط نفسه ..

بعضهم يسآفرون لزيآرة آلأقآرب وبعضهم لسيآحه وآلبحث عن آلطبيعه وبعضهم للعلآج ..

بس آهم شي آن آلوآحد يضبط نفسه ..

[محب البيت]

يا سلام .. االبصراحــــــــــة اجابات اكثر من رائعة ؟؟

لكن .. محتاجين نسمع أكثر ...

[نحس]

مشكور

[محب البيت]

يهلا بكـــ

[(المهند)]

أسألو مجرب

أنا كنت مع الأهل في أستراليا لغرض الدراسة " دراسة الوالد طبعا "

بصراحه يجينا بعض الشباب الملتزم و بعدين يخفف اللحيه على خفيف و بعدها أهااااااااااااااااه معد عندك أحد

في المقابل جانا بعض الشباب الغير ملتزم طبعا متزوج يدلك بعد على ان حرمته كانت فاتشه و البنطلون " كذا التطور ولا بلاش "
و الوالد الله يحفظه من كل شر رايح يجيبهم من المطار كانو توهم متزوجين و أهلها مبسوطين ان بنتهم مسافره و هي متحجبه .

طبعا أول ما شافت الوالد راحت و تلثمت
يوم جابهم أبوي للبيت شافتها أمي و باركتلها على الزواج و أستلمتها . لا تروحون بعيد قعدت تعلمها عن أستراليا بس و تعلمها عن الحريم السعوديات و الكوتيات في ذاك الوقت < الله المستعان > عن غطائهم

هههههههههههه طلعت من البيت و شافتها الوالده من بكره بالعبايه السوداء طبعا السعوديات ما يلبتون هناك أسود يلبسون لون غير الأسود طبعا مايكون مزكرش . لا . لون واحد .

طيب وش دخلنا في الحريم .

الشباب و الله أن فيه كثير منهم يطلعون من هنا مطاوعه و بعدين يرجعون ويحاربونا .

و فيه ناس يطلعون من هنا محاربين لأهل الدين و محاربين للهيئه و اذا غلطو عليهم الناس هناك جو لمنا هنا يحمدون ربهم ان فيه هيئه و فيه ناس يدافعون عن الدين .

و فيه ناس يقولون أنتم ماشفتو الحلاوه برا الحريم وساعة الصدر والله أسألو مجرب الكلام هذا كذب .

أنا رحت أمريكا و أستراليا ولا أبي أطلع للسياحه برا أبد
فيه احتمال أني أطلع لشئ واحد و بعد سنتين و هو عشان تكملة الدراسة طبعا بعد ما أتزوج

ياخي تزوج و اطلع برا و جب شئ نستفيد منه مهوب تقولي فيه مناظر و فيه ملاهي و تسوي لنا صجه .

المهند

[>السفاح<]

أقولك شي أنت شكلك ماسافرت برا ....

أذا سافرت برا والله ماتلوومهم على سفرهم كل صيفيه والله فله ماحد حولك ..


أنت سافر وشوف ........ أما هنا أسمحلي وش تفلها فيه ماتروح ديره ألأأ قدامك واحد تعرفه ولا نشبه

بعدين ياخي والله وجيه تفتح النفس وش فيك

أنت سسافر برا وتعال صدقني أنت بترد على كلامك هنا وتنقده

[شعاع النصر]

المشاركة الأصلية كتبت بواسطة >السفاح< أقولك شي أنت شكلك ماسافرت برا .... أذا سافرت برا والله ماتلوومهم على سفرهم كل صيفيه والله فله ماحد حولك .. أنت سافر وشوف ........ أما هنا أسمحلي وش تفلها فيه ماتروح ديره ألأأ قدامك واحد تعرفه ولا نشبه بعدين ياخي والله وجيه تفتح النفس وش فيك أنت سسافر برا وتعال صدقني أنت بترد على كلامك هنا وتنقده

’.’.’

*
’
.

..
وش قصدك . .
تنكت ولا جاد . .

.
’
*

’.’.’

* . شعــاع . *

[ساحر القرن الأخير]

أكيـــــد برا أحلـــــى
يكفيكـ المناظر الطبيعية اللي تشوفها برا

خاصـة في إسبانيـا

.