 |  |  |  |  |  |  |  |  |  |
| |  |  | |||||||
 |
 |  |  |  |  |  |  |  |  |
| Ma3ali Tube | Be Happy | الجـوال | Ma3ali flickr | الغرفة الصوتية | البطاقات | الصـوتيـات | مركز التحميل | مجلة أجيال |
10-06-2007, 12:24 AM
| #1 |
 |  من واقع الخيال المثيييييييييييييييييييييير !! من واقع الخيال المثييييييييييير أبوسعم والعيال .. أنواع الرجة والهبال أتمنى أن يعجب موضوعي كل من يقرؤهـ الآن .. وهناك شيئا مثيرا في هذا الموضوع وأرجو ألا يستغرب ذلك أحد .. الجوال يرن (( تينوننتن تينوننتن تينوننتن تيييين )) ولا أحد يرد.. مرهـ ثانية .. نفس الشي ما أحد يرد .. أبوسعم ياخذ شور (( يتحمم )) يجيك واحد مجلعد باتجاهـ السرير وما مسكت الفرامل والله يرحم الجدار .. صوت انفجار يدوي في أرجاء المنزل إثر ارتطام 110 كيلو بجدارالغرفة .. ابو سعم ينط مثل المقروص ويلقط الجوال ويرد على ابوقمر / أبوسعم: هلا .. إه إه إه ... أبوقمر: هلا وين انت بسرعة ؟! أبوسعم: إه إه .. أنا تحت السرير !! أبوقمر: ورررراهـ نلعب مجانين حنا ؟!! أبوسعم: وش يدريك عن اللي صار ؟؟!!! أبوقمر: بعدين بعدين جوالي مابه رصيد بأمر أبوقاسم وأحتريك بشارع التخصصي ((اللي بالشفاء)) لا تتأخر .. أبوسعم: طيب خمس دقايق وانا عندك ان شاء الله .. (( توت .. توت .. فيمتو .. صوت القطار )) طراع طيع طوخ <<<< صوت تهشيم السرير عندما حاول أبوسعم التحرك .. أبوسعم طلع بعد عناء دام دقيقتين من تحت السرير اللي دخله بالغلط .. ويتنشف ويلبس ملابسه ويتكشخ .. ويروح يشغل الموتر .. نسى ابوسعم يسلم على امه .. ويحب راسها ويستأذن منها لأنه عارف انه اذا راح لأبوقمر مب راجع الا بعد الفجر.. أشوى هالمرهـ ذكر قبل لا يتحرك من البيت راح وقام بالواجب ورجع للموتر .. أبوقمر وابوقاسم تكسرت ظهورهم من الدوران بالتخصصي .. والخمس دقايق حقت أبوسعم معروفة .. جوال أبوسعم يرن (( تينوننتن تينوننتن تينوننتن تيييين )) أبوسعم بكل برودهـ : هلا بالغالي .. أبوقاسم : بأكمخك بنعالي ...!! أبوسعم : أفااااااااااا !!!! أبوقاسم : بسرعة لنا نص ساعة ندور بهالشارع تسننا مهابيل!! أبوسعم : عد لمين عشره بتلقان واقف جنبك .. (( كالعادة )) بعد عشر دقائق وصل أبوسعم للعيال .. وابوالشباب يبي ينصب موترهـ بالتخصصي .. ويقدم شوي ويرجع ويرقيه المطب بعدين يهون .. قم يا أبوقمر وأنزل من الربع والفعه بذيك اللفعه ونزله من الموتر وقدم الموتر شوي ((ينزله من المطب)) شوي وطفاه .. وركبو أبوسعم قدام لأنه دب .. وخذ أنواع الهواش والطقاق إلين وصلو الى كبري الحراج .. سكتتهم الريحة ولا ما عندهم نيه يخلصون .. يلتفت أبوسعم على أبوقاسم ويقول : أفا يا أبو قاسم .. هذا وقته!!! أبوقاسم يرفع يديه ويقول : قسم بالله مب أنا .. إلتفتو الثنين على أبوقمر .. أبوقمر قاااااااااافله معه : ان ما سكرتوالموضوع بيصير علم ثاني .. أبوسعم دزالشريط بالمسجل وبدا أبوحسيان / يازين هب النسيم .... والليل بأول ظلامه والعيال انبسطو وابوقمر بدا يردد مع ابو حسيان وأبوقاسم شغال قرار ورا .. وأبوسعم يستهبل ومسوي فيديو كليب وفلللللوها العيال .. شوي .. ما عاد تسمع ولا صوت بالسيارة !!!!! وش صار ياعالم ؟؟!!! التفت أبوسعم يمين .. ولا الشباب يسمعون صوت دوريه .. أبوقمر ما معه رخصة ويتلفت وهو خايف ويقول الله يستر !!! ويدورون الشباب الدورية وينها وينها !! ما فيه شي ..! وفجأة ينقطع الصوت ..! العيال يناظرون بعض ...! وش ذا ؟؟؟؟!! شوي ويرجع الصوت مرهـ ثانيه ....! أبوسعم : يوووووووهـ تذكرت... انا حاطها نغمة الوالد ...!! تتحرك يد أبوقمر بشكل نصف دائري وبسرعة هاااااائلة إلى رقبة أبوسعم .. طرررررراع (( كف حلاقة )) وهو يقول : يا اخي انت ما تتوب من هالمقالب ..! أبوسعم : خل أرد على أبوي ويصير خير .. الوالد : وينك يادب ؟ ابوسعم : عند الصناعية القديمة يارشيق!! الوالد : زيييييين بيوظبون عقلك ؟؟! أبوسعم بكل غباء : يقولون ما يحتاج له توضيب بس يبي له شمبر ..! الوالد : (( توت .. توت .. حمضيات )) <<<< قفل الخط ابوسعم يصررررف : خلاص زين بأجيبه وانا راجع ..! ابوقاسم : وش رايكم نروح للحديقة اللي بالروابي به جلسات يحبه قلبك ؟ أبوقمر : قدااااااااااااااااااااااااااااااااام أبوسعم : تراي أخاف من الأسد ...! وصلو العيال للحديقة بعد 10 دقايق وكانو مواعدين العيال (( أبوفالح وابورعود وابوجهاد والباقين ))... العيال شافو موتر اللي مواعدينهم .. قام ابو سعم وهيض أبوقمر .. كبببببس عليهم كفوووووووو .. حدًهم .. استهبل عليهم .. والله انك بطل .. كفو يا ابوقمر .. يوم وقفو .. وينزل ابوسعم وكل وجهه ابتسامه .. وينزلون العيال .. شوي !! ويشوفون ناس ثانين غير اللي واعدوهم .. ياولد عزالله انكبنا .. (( اللي حدحدوهم صارو ناس ثانييييين )) أبوسعم وهو يناظر ابوقمر : ما هو رأي فضيلتكم بما يسمونة بالهجة (( النحشه )) أبوقمر : لا بأس بها عند الضرورة أثناء النقاش طبو عليهم الشللة وما تشوف الا غبرة وأصوات تكميخ .. عجعجت الدنيا .. أبوقمر متسند على السيارة .. والبقوس من كل جهة ومكان .. وأبوسعم منسدح ومستلمينه تشويت وترفيس .. وابوقاسم ينحاش ويمسكونه .. شوي ويدق جوال أبوسعم .. وييييييييييييييو وييييييييييييييييييييو ويييييييييييييييييو كلها ثواني ولا عاد تشوف الا غبرة واصوات نعالات تشخخخخخط بالأرض .. ودب منجطل .. وواحد يسحب عمره .. وواحد طااايرتن شوشته(( أبوقمر )) .. المهم لملمو أعمارهم العيال وقفلو الموتر وركبو ليموزين .. من قوة الجلد دااااخو ... أبوقاسم : صديق انت معلوم حي شفاء؟؟ الباكستاني : ايوه معلوم !! أبوقاسم : طيب ودنا للبيت..! <<<< متأثر من الجلد ..! وفي أثناء الطريق / أبوسعم : شفتو ان جوالي ينفع أحيانا .. لو اني مانيب معكم تسان انتو تحت الأنقاض ...! العيال كانو شبه مغمى عليهم .. وأول ما قال ابوسعم هالكلام ومير تكمل الإغمائة ..! THE END بإنتظاااار الردود |
 |
 | |||
| منتديات مسلمة النسائية | مساحة إعلانيه | ||
|
10-06-2007, 12:30 AM
| #2 | |
| |
 وبالشفا بعد .! .. | |
| |
|
11-06-2007, 06:38 PM
| #3 |
 | مستشفى العيون للولاده  |
| |
|
30-08-2008, 12:17 AM
| #4 |
   | الحمدلله على سلامتك اهم شي وش صار على السرير  الضحية |
| |
|
30-08-2008, 12:47 AM
| #5 |
| | هاوي المقناص عزيزي يمنع رفع المواضيع القديمة ..  |
| |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
الأعضاء الذين قرؤوا الموضوع منذ 30 يوم ( أيام ) : 0 .
| |
| الموضوع لم يُقرأ بعد |
| أدوات الموضوع | |
| انواع عرض الموضوع | |
العرض العادي
| |
الساعة الآن 10:51 AM.
