[[ Canon PowerShot S3 IS ]]

[أبو ناصر]

السلام عليكم ورحمة الله وبركاته ..


أهلا بكم يا أحبة ..

؛


ذهبت اليوم إلى وكيل كانون " القريشي" بالخبر لأشتري الـ S3 ..

وللأسف عندما طلبتها أخبرني أن جميع الكميات انتهت ..


سألته إذا كان ممكن ألقاها في محل ثاني .. فقال لي " لا تتعب نفسك بالبحث .. الشرقية كلها مافيها " ..


؛

اقترح علي الانتظار حتى تنزل الـ S5 .. لكن ما راح ألجأ لهذا الاقتراح إلى إذا استنفدت جميع المحاولات في الحصول على الـ S3 ..


فهل خبرتم لنا مكان يبيع الكاميرا في المنطقة الشرقية بالضمان أو حتى بدون ضمان .. ؟

بانتظار ردودكم التي ترفع المعنويات ..

[الـيـانـع]

المشاركة الأصلية كتبت بواسطة أبو ناصر بانتظار ردودكم التي ترفع المعنويات ..

لاحياة مع اليأس ..!

<< تراه يرفع المعنويات

[أبو ناصر]

هههههههههههه ..

حياك الله ياليانع ..

[ذيب تميم]

أبو ناصر عطن الدراهم واجيبها لك !

[طايف]

إسألنا عن اللي بالرياض




<< يقاله فاهم فيها الحين :s

[الــلـيــث]

.



في الشرقية ما أعرف ... لكن في الرياض في محل في البطحاء أسمه الحارثي للكاميرات عنده الكاميرا بـ 1700 ريال مع الضمان ...


إذا ماحصلتها عندكم في الشرقية , ترى فيه كاميرات تعتبر منافس قوي للـ S3 مثل :



Sony H9






أو أختها Sony H7 :








أو Panasonic-FZ50:











.

[محمد الحربي]

وكل واحد يشتريها لك بالرياض ويجيبها لك !!

أو رح للرياض كلها 400 كيلو !!

[أبو ناصر]

المشاركة الأصلية كتبت بواسطة ذيب تميم أبو ناصر عطن الدراهم واجيبها لك !

اعتمد ؟

<< وهقتك ..

[أبو ناصر]

المشاركة الأصلية كتبت بواسطة طايف إسألنا عن اللي بالرياض << يقاله فاهم فيها الحين :s

هلا بك طايف ..

طيب تقدر تدبر لي وحدة من الرياض .. ؟

<< وهقت الثاني ..

[أبو ناصر]

المشاركة الأصلية كتبت بواسطة الــلـيــث . في الشرقية ما أعرف ... لكن في الرياض في محل في البطحاء أسمه الحارثي للكاميرات عنده الكاميرا بـ 1700 ريال مع الضمان ...

الله يجزاك خير يالليث ..

إذا ممكن وصف المحل ورقمهم إذا كان عندك ..

المشاركة الأصلية كتبت بواسطة الــلـيــث . إذا ماحصلتها عندكم في الشرقية , ترى فيه كاميرات تعتبر منافس قوي للـ S3 مثل : Sony H9 أو أختها Sony H7 : أو Panasonic-FZ50: .

يتم النظر فيها إذا استعصت الأمور لا قدر الله ..

[أبو ناصر]

حيّاك الله يبو علي ..

هذا الراجح حتى الآن ..


وإذا كان فيه شركات شحن تجيب الغرض اللي أبيه إلى الدمام بسعر مناسب ياليت تعطوني خبر عنهم ..

[الــلـيــث]

.



^
^
على فكرة محل الحارثي ممكن يشحنها لك , أذكر كنت عندهم قبل فترة وكان يجهز عدسة Canon 70-200 IS USM F2.8 ( سعر هالعدسة بالحالها 6000ريال )عشان يشحنا للأحساء على ما أظن ...

رقمهم : رقم صاحب المحل : 0508999754 (( سلمان أو سليمان ))

عند عماير الراحجي ... وبالإمكان الإتصال عليهم وأخذ الوصف بشكل أدق ...






وإذا صرفت نظر في الـ S3 , وحبيت تعرف مميزات الكاميرات إلي ذكرتها لك لايردك إلا لسانك



.

[عبدالله العتيبي]

أبو ناصر..

أنا ما خذ هالكمره من الحارثي..

قبل كم شهر..


وأكيد بتحصلها عنده..

وفيه نيكون دي 400 أتوقع أنها ممتازة << والا وش رايك أخوي الليث..؟؟



تحيتي

أخوكم

[أبو ناصر]

الله يكتب أجرك يالليث ..

تم الاتصال على الأخ والاتفاق معه ..


سعر الكاميرا 1700 والشحن بـ 30 أو 40 ريال تقريباً ..

الله لا يحرمني من إخوة أمثالكم ..

[أبو ناصر]

المشاركة الأصلية كتبت بواسطة عبدالله العتيبي أبو ناصر.. أنا ما خذ هالكمره من الحارثي.. قبل كم شهر.. وأكيد بتحصلها عنده.. وفيه نيكون دي 400 أتوقع أنها ممتازة << والا وش رايك أخوي الليث..؟؟ تحيتي أخوكم

حيّاك الله ..

تم العثور على الكاميرا ..


جزاك الله خير ..

[الــلـيــث]

.



الحمد لله

ألف مبروك الكاميرا مقدماً ..


وحبذا لو أطلعت على هالكتيّب الإلكتروني :





راح يفيدك كثير في مسألة فهم معنى : سرعة الغالق , فتحة العدسة , حساسية الضوء الـ ISO , العمق الميداني ..إلخ

للتحميل





.

[الــلـيــث]

.

المشاركة الأصلية كتبت بواسطة عبدالله العتيبي وفيه نيكون دي 400 أتوقع أنها ممتازة << والا وش رايك أخوي الليث..؟؟

إيه نعم تعتبر حلوة وسعرها مناسب وممكن هي أرخص كاميرا من نوع SLR



.

[أبو ناصر]

أبشرك يالليث قريت الكتيب من مبطي ..


س : عرض علي الأخ ميموري 2 جيجا بـ 130 ريال .. هل السعر مناسب ؟

س2 : وش من ملحقات ممكن أستفيد منها مع الكاميرا ؟

[الــلـيــث]

.

المشاركة الأصلية كتبت بواسطة أبو ناصر أبشرك يالليث قريت الكتيب من مبطي .. س : عرض علي الأخ ميموري 2 جيجا بـ 130 ريال .. هل السعر مناسب ؟ س2 : وش من ملحقات ممكن أستفيد منها مع الكاميرا ؟

بالنسبة للميموري تتفاوت أسعاره حسب نوعية الشركة ...



بالنسبة للملحقات :

* من أهم الأشياء إلي لابد تشتريها مع الكاميرا : شاحن بطاريات مع بطاريات قابلة للشحن ... وسعر الشاحن مع البطاريات يوصل إلى 200 إلى 300 ريال على ما أذكر ..


* أيضاً شنطة للكاميرا - إذا كان ما راح يجي معاها -



* أيضاً كذلك ممكن تحتاج إلى مثبت ثلاثي للكاميرا إذا ودك تصور بانوراما , أو تصور بسرعة غالق بطيئة ومثل ماذكرت لك حسب إحتياجك ....



تقريباً هذي أهم الأشياء إلي ممكن تفيدك : )




.

[أبو ناصر]

الله يكتب أجرك يالليث ..