ليت معي فياقرا والا بي إم زز

[ليل هادئ]

أما عاد

السلام عليكم ورحمة الله وبركاته

شكرا لكم جميعا على الطلات الحلوة

وهي طلات أفتخر بها


لكن لازم تدخلون ذذ

أيوه نعود لمحور حديثنا الذي سنتمحور حوله بشكل دائري

تطلعون برا الموضوع صعبة شوي ما نبي أحد يطلع برا الموضوع الموضوع

الموضوع يا أخوان صعب علي ومدري شلون أكتبه مدري أكتبه بدم القلب

والا زي ما يقولون أكتبه ودمعي يمسح اللي كتبته

شي يقهر صراحة وتوني أفطن له اليوم

يعني تخيلوا ثلاث كفرات من سيارتي منسمات ولا أحد قال لي بتقولون شي عادي بس اللي قهرني شي ثاني

لو معي فياقرا والا بي ام كان تلقى العالم تحجر لي ولو إني على الدايري يقولون الكفر منسم يالطيب

يعني لو يتفل راعي الفياقرا في منديل ويرميه كان تلقى العالم لا حقينه يقولون المنديل طاح هذا إن ما تهاوشوا أيهم يشيله ويعطيه إياه

لكن لأن معي جمس ما أحد يعبرني

لا صالون قديم بعد

يعني تخيلوا خويي اللي هو خويي ما قال لي إن كفراتك منسمة

وذاك اليوم وأنا وإياه على التحلية شاف فياقرا عند الإشارة كفرها منسم قال بلحقه بقول له وأنا أقول له لا يارجال عادي خله أكيد يدري لأني أدري وش راعي الفياقرا بيقوله

بيقول له داري وهذا اللي صار ذذ

المهم بعد شوي عند الإشارة الثانية واحد ثاني يكلمه بعد

كل ذا على شان معه فياقرا

طيب أنا بعد كفراتي منسمه لا بعد أأشر لهم شوفوا الكفرات منسمه ولا أحد يعطيك وجه

وهذا خويي ما قال لي على إني دايم أقابله ويقول أنت أحسن إنسان عرفته وآخرتها هذا الكلام

خلاص أنا نويت أشتري فياقرا وأمشي بها على الجنوط وأدور بها في التحلية وياويل اللي ما يقول لي تمشي بدون جنوط

[ذيب تميم]

تهي تهو !

[ابوالمقداد]

فهمت الفياقرا شي ثاني ،،


موضوع كويس ،،

[ذيب تميم]

المشاركة الأصلية كتبت بواسطة ليل هادئ والا زي ما يقولون أكتبه ودمعي يمسح اللي كتبته

الله الله

[سلطان العبدالكريم]

****





تصدق عاد اشتقك للبنوراما حقتي السوداء .. تهي تهي .. !






****

[[ أحمد ]]

مأساة ..!!




.

[طايف]

إيه وش حيثك تقول



ونا امس بالمعارض كلها جيوب لكزس


اللهم لا عيش إلا عيش الاخره

[أبو ناصر]

وش يقول اللي يمشي بأفيو الوجهية تدودل ..

[[ أحمد ]]

توكـ على الفياقرا خذ سنافي أطلق ..


سنافي هذي اسم سيارهـ

[ذيب تميم]

المشاركة الأصلية كتبت بواسطة أبو ناصر وش يقول اللي يمشي بأفيو الوجهية تدودل ..

ههههههههههههههههههههه

هاجتن بك اليوم

[طايف]

المشاركة الأصلية كتبت بواسطة أبو ناصر وش يقول اللي يمشي بأفيو الوجهية تدودل ..

إقلاع ابو ناصر

[ليل هادئ]

المشاركة الأصلية كتبت بواسطة ذيب تميم تهي تهو !

المشاركة الأصلية كتبت بواسطة ذيب تميم الله الله

شف سبب التعديل

[ليل هادئ]

المشاركة الأصلية كتبت بواسطة ابوالمقداد فهمت الفياقرا شي ثاني ،، موضوع كويس ،،

أكيد خصوصا لون الخط اللي أنت كاتبه يبين وش كنت تفكر به

[ليل هادئ]

المشاركة الأصلية كتبت بواسطة أبو عــمّــار **** تصدق عاد اشتقك للبنوراما حقتي السوداء .. تهي تهي .. ! ****

المشكلة إنك ما عاد تقدر تشوفها

[ليل هادئ]

المشاركة الأصلية كتبت بواسطة إيضاح مأساة ..!! .

من جدك

كنت أحسبها ملهاة

[ليل هادئ]

المشاركة الأصلية كتبت بواسطة طايف إيه وش حيثك تقول ونا امس بالمعارض كلها جيوب لكزس اللهم لا عيش إلا عيش الاخره

مدري أنا اللي ما فهمت ردك والا أنت اللي ما فهمت الموضوع

[ورقات]

شيء عادي

تعيش وتاكل غيرها

يحسبه مقلب

[ليل هادئ]

المشاركة الأصلية كتبت بواسطة أبو ناصر وش يقول اللي يمشي بأفيو الوجهية تدودل ..

لعل الشباب ردوا بما فيه الكفاية