يقولون فيه إختراع إسمه [ مترو ] يامملكتي الحبيبة

[مجموعة إنسـان]

بسم الله الرحمن الرحيم












سؤال .. ليه المملكة العربية السعودية لايوجد فيها مترو ؟؟ (مافيها إلا قطار بطيء يقرقع من الرياض الى الدمام )

مع إنها بحاجة إليه لتوصل بين مناطق المملكة الشمالية والجنوبية والوسطى والشرقية والغربية

مع العلم إن المتروات موجودة لها أكثر من 23 سنة وتتنافس من الأكثر سرعة .. سرعات خيالية فيه اللي تحت الأنفاق وو ..


وهم على هالقطار ؟؟؟

[نسناس نجد]

والله لازم يكون فيه مترو بالسعودية بس يبيلهم يفكرون عشر سنين عشان يحطونه ...

[رسيـل]

إذا لقيتي إجابه علمينا ...........

دايم أسأل نفسي هذا السؤال !!!!!

[Abdulrazaq]

يتطلب إمكانيات و جهود عالية جداً ..
تخطيط و تفكير و دراسة و خبرات و تكلفة مادية عالية ..
لكن سمعت انهم بدؤا في دراسة إنشاء مترو في مدينة الرياض ..
يربط شمالها بجنوبها و شرقها بغربها ..
لعلي أستزيد من المعلومات و أعود إليكم ..

[البراء الرشود]

أنا سمعت قبل فترة بالأخبار ..


إنهم رصدوا ميزانية لهذا الأمر ..


نقول إن شاء الله نلحق عليه





The Top

[هدوء الفجر]

رددي ياليل ماطولك



مجموعة انسان

قربي شوي ابي اقولك حاجة












انا كل ماشفت هالسمايل

اتذكر الصورة الرمزية حقتك


ياترا وش وجه القرابة بينهم ؟؟

[فَـنَنْ ~]

أهلين مجموعة...

تبين يسوون مترو..!!!

الحين نفق في الشمال له سنه وزيادة مابعد خلص..! << محوم كبدها

فكيف بالمترو..!

بتقيم القيامة ولا بعد خلص


وهذا ناتج عن تلاعب في الشركات..كل شركه توكل الثانية وهلما ياجرى..،

[مجموعة إنسـان]

المشاركة الأصلية كتبت بواسطة نسناس نجد والله لازم يكون فيه مترو بالسعودية بس يبيلهم يفكرون عشر سنين عشان يحطونه ...

للأسف حنا كذا دايم مايجينا الشئ إلا بآخر الوقت

المشاركة الأصلية كتبت بواسطة رسيل 41 إذا لقيتي إجابه علمينا ........... دايم أسأل نفسي هذا السؤال !!!!!

شكلي بعلمتس بعد 20 سنة

المشاركة الأصلية كتبت بواسطة Abdulrazaq يتطلب إمكانيات و جهود عالية جداً .. تخطيط و تفكير و دراسة و خبرات و تكلفة مادية عالية .. لكن سمعت انهم بدؤا في دراسة إنشاء مترو في مدينة الرياض .. يربط شمالها بجنوبها و شرقها بغربها .. لعلي أستزيد من المعلومات و أعود إليكم ..

أكيد يتطلب ومن ناحية المادة ماتشكل عليهم أبداً لكن ليش كل هالتأخير !!

لعلي أستزيد من المعلومات و أعود إليكم ..

جزاكم الله خير..




شكراً لكم جميعاً..

[أمـيـرة الــنور]

الله كريم

[سوار العسل]

خليهم يحطون لنا قطارات زي الأوادم في الملاهي بعدين يفكرون بالمترو :s

[هيثم محمد التميمي]

المشاركة الأصلية كتبت بواسطة The Top أنا سمعت قبل فترة بالأخبار .. إنهم رصدوا ميزانية لهذا الأمر .. نقول إن شاء الله نلحق عليه The Top

.
.
أيوه أتوقع العامة راح يسموه " مترو الهنود " !
.
.

[نهـــاد]

يمدحون أخذ ( غفوات ) بهالأمور .. نحلّم فيها بكل اللي نبي ..!....

[درة الأقصى]

هذي صور مترو دبي .. صح ؟

صح .. مع إنه دولتنا صغيرة مقارنة بالمملكة بس جاري العمل على المترو ..


العملية تراها مب سهله ..

يبيلها تخطيط عدل .. ومسح .. ومعاينة بدقه ..

وميزانية كبييييييييييرة جداً .. وشركات خبرة ..

و .. و ... إلخ ..

يعني طبيعي جداً راح تطول ..

.

[strawberry]

لو كان فيه مترو بتخف الزحمة كثير..

بس مااتوقع نلحق عليه

[أبو العز الاندونيسي]

قبل كم يوم قريت خبر في الجريدة


انهم بيسوون خط من الرياض إلى جدة <<< طبعا هذا الخبر قديم


والجديد انهم بيخلون سرعة القطار 200 كم/س

[المبدع]

سؤال .. ليه المملكة العربية السعودية لايوجد فيها مترو ؟؟ (مافيها إلا قطار بطيء يقرقع من الرياض الى الدمام )

الجواب بسبب سوء التخطيط ..

دعوني اكلمكم عن تجربه بسيطه ..كنت في امريكا .. في عام 2000 ..في مدينه تبعدن عن شيكاغوا حوالي الخمسين كيلو .. في 4 جولاي عيد الاستقلال . او العيد الوطني .. او مدري وش يسمونه ..

وكان هناك احتفلات ع الشاطئ .. فقررنا انا واخوي . اننا نطالع .. نشوف الاتفالات والطراطيع ..

قلت له هاه وش رايك نطلع بالسياره ..؟؟
قال لو طلعنا بالسياره ما راح نوصل .. الا الفجر ..

فــ طلعنا بال(( السب وي )) او متروا لانفاق .. الحقيقه شي مدهش ورحله حلوه ورخيصه ..

والله يا العالم اللي راكبين ما يحصيهم الا خالقهم .. العجيب بعد انتهاء الحفل .. الصفوف ع المترو ش خرافه ..
ومع ذالك الامور تمشي حلوه ..!!

ما يعيب المتروا انه ما يوقفك في المكان اللي تبي بالزبط .. يعني لازم تدقها كعابي شوي ..!!

=-=-=-=-=-=-=-=

اعتقد ان كثير من المشاكل عندنا في السعوديه .. سببهاالتخطيط .. يعني فرضا طريق خريص .. هذا ما راح يصمد امام حشود السيارات لمده 5 سنوات زياده .!

والسبب .. التخطيط ..!
يالله ربنا يستر .!

[.:. جبنة .:.]

لا ... !! أجل أنا

كأني سمعت قبل فترة ( قريباً سيتم إنشاؤه في الرياض )

تخطط له أمانة مدينة الرياض على ماأظن !!!

للتخفيف من زحام السيارات

والعهدة على الراوي


جبنة والأجبانو قليلو

[طالب الحور]

نفق بـ شمال الرياض في مخرج 9
له أكثر من سنتين ما خلص .. وهذه أعتقد أنها شغلة جداً سهلة على المهندسين والمختصين
وكم جلست ؟ أكثر من سنتين هذه إذا ما وصلت لـ الثلاث سنين

أجل المترو اللي يبيله شغل وترتيب و و و و
كم بيجلسون فيه ؟

بعض الردود السابقة تقول :
إن شاء الله نلحق عليه .

أنا أقول : موب احنا اللي عسانا نلحق عليه .. عيالنا اللي إن شاء الله يلحقون عليه .
أما أنه يخفف الزحمة فـ هذه مستحيلة جداً

اللي أنا مستغرب منه أكثر وأكثر
أنه إلى الآن يبنون في طريق الملك فهد في الشمال !!
يعني طريق الملك فهد قبل كم سنة زحمته تبدأ من إشارة الإنتر كونتننتال
بعدها الزحمة امتدت إلى تقاطع الملك فهد مع طريق التحلية
الآن الزحمة بطريق الملك فهد مع تقاطع العروبة [ برج المملكة ]
وما زال الإزدحام في إزدياد إلى أن وصل لطريق الملك فهد مع تقاطع طريق الملك عبد الله .

وللأسف إلى الآن يبنون بين طريق الملك فهد والعليا ..!!
المناطق هذه فيه إزدحام مو طبيعي .. ويزيدون الزحام بإنشاء بالمباني ؟
الآن مبنى على وشك الإنتهاء قبل برج المملكة وفيه واحد ثاني بتقاطع الملك فهد مع الملك عبد الله
وكذلك بطريق الملك فهد مع طريق الإمام محمد بن سعود ..

إن استمر الحال بهذا الشكل بدون إيجاد حل
فـ الله يستر لا يوصل إلى تقاطع طريق القصيم مع بنان بعد سنوات < تخيلوا

[الإصلاحي]

أشوف أنهم ما يسوون مترو أفضل ، لأنهم لو بيشتغلون ما أظن ينتهون قبل عشر سنوات ، وأتوقع ذاك الوقت يكون عند أي مواطن طيارة خاصة يتنقل فيها.

[L I M I T E D]

مترو وفي الرياض المتطوره ...!!

اللي سمتعه وانهم بيبدوون فيه بجديه

قطار يربط بين مدن المملكه

من طريق لجدة لمكة للرياض للجنوب وكل محل

وهذا افتتحه الملك عبدالله - وجاري التنفيد عليه -

المترو ايضا سمعت عنه لكن مهوب اكيد

طريق الملك فهد & العليا & خريص ...... ويا قلب .. لاتحزن !!