.:.: [ الحلقـة الثانية مـن بـرنـامـج معكـم علـى الفضـاء بضيافـة الأستـاذ خلوها ] :.:.

[ضياء أنثى]

بوركت الجهود

لقاء جميل ووممتع وضيف متمكن ..

وفقتم وشكر الله جهودكم سـ نبقى بإنتظار مقدمتكم ونماذج لأعمالكم

ربما نعود بعدها بأسئلة ...

موفقين

[[ أبو سلمان ]]

××

به احد مايحب القرووووش ?





من هنا ..
[ دوري تنس الفوتو ]

تحيّتي ومعَزّتي لكم

محبكم : أبو سلمان

[A m e e r]

أبوبانة شكل طار لشقق مرايا الشرقية : )

الله لنا : )

[واقعي]

(خارج الموضوع)

السلام عليكم

حيا الله الأستاذ إبراهيم ..

كأني قرأت في منتدى . . تحت اسمك مكتوب :

Mac User

هل من الممكن طرح بعض الاستفسارات السريعة ..

لأني - تقدر تقول - جديد في الماك ..

أنتظرك

[صالح العبدالله]

هلا والله بالخوال

ودي أسألك وش رأيك بالذوق العربي اللي يستخدمه غالب المصممين هنا والذي تكون أهم مكوناته الألوان الكثيرة
والزحمة في الأشكال والتراكيب ..
بينما من يشاهد الذوق الأجنبي يجد أن غالب اعتمادهم في التصوير وإدخال فكرة رائعة مع التصوير بدون أي هذر زايد ....
أنت أي الأذواق تفضل ؟؟
وأي الأذواق أفضل ؟؟ ذوقنا أم ذوقهم

[~غروووب~]

حيــــاك الله أخي الكريم خلوهـــا



هنــــاك سؤال كان دائماً يجول في خاطري و كنت أحب أن أســـالك إيه بحكم طبيعة عملك

- والحمدلله هاهي تيسرت -


وسؤالي هو


كيف أقوم بتصميم وعرض الفـــــــكرة التي أريد بكل بساطة ووضوح


مـــا هو العلم الذي يساعدني على تحديد هذه الفكرة والإبداع في عرضها؟


فلقد بحثت في المكتبات ومواقع الإنترنت عن ما يجيب هذا التساؤل ولكني وللأسف لم أجد شيء يذكر

فلعلك أخي الكريم تتكرم علينا بالإجابة


وحبذ لو تضع لنا أسماء للكتب والمواقع التي قد نستفيد منها حتى وإن كانت بالإنجليزي


وجـــــــــــــزاك الله خيــــــــراً....

[خلوها]

عسى ما فيه أحد توهق ؟ ..

المعذرة .. كنت في سفر، واليوم حصلت وقت مناسب للإيفاء بما وعدتكم به ..

؛

التصميم التجاري ..
حقيقةً .. بهذا المسمى نهدم أسس كثيرة في مجال الدعاية والإعلان ..
الدعاية .. الإعلان .. ليست تصميماً يا ناس ...

الدعاية والإعلان دراسة .. فهم نفسيات المستهدفين .. طبائعهم .. استراتيجيات .. أهداف .. تسويق ... رسالة .. فكرة .. أشياء كبيرة .. أكبر من أن أكتب عنها!

خلوني أبسط لكم المسألة، وكيف ممكن تبدأ مرحلة الدعاية والإعلان اللي عشتها ولازلت .. :

1- لازم نفهم شيء معيّن .. الدعاية والإعلان ( بشكل مجمل ) تعتمد أفكارهم على عدم محاور :

- الجنس .. ويعتبر أشهر مجال من مجالات الدعاية والإعلان، وأنا أتكلم هنا بشكل عام ... منطقتنا العربية ما استخدمت المجال هذا كثير للمحاذير الشرعية، والعرف، وتقبل الناس لمثل هالإعلانات من عدم ذلك .. سواءً بالإيحاء أو غيره ..
رغم إن فيه كذا شركة تعاملت مع هالمجال بذكاء .. وما فيه داعي أذكر أمثلة ..

- المشاهير .. وبرضوه مستخدم بشكل كبير جداً في العالم .. شوفوا بيبسي .. مرتبطة بذهني برونالدينو .. روبرتو كالروس .. بينما كوكا كولا .. نانسي وأنت جاي .. شوفوا مثلاً ( للناس القديمين ) : شامبو هيد آند شولدرز .. مربوط بذهني حتى اليوم بعمرو دياب .. أعلن إعلان يوم كنت توي أشوف التلفزيون .. ولازلت أتذكر الإعلان بكل تفاصيله حتى اليوم رغم إني ما شفته من ذيك الفترة ..
مثلاً .. الجوال - نوعاً ما - ارتبط بياسر القحطاني ومحمد الشلهوب ومالك معاذ مدري مين .. لاعبين أندية ..
هذا اسمه استخدام المشاهير في الترويج عن المنتج .. طبعاً ممكن تستخدم كلمة كان يرددها المشهور وتكون مربوطة بالإعلان .. ممكن أغنية له .. مثلاً اللي تابع معكم إعلانات الـ MMS من الاتصالات السعودية . كنت وقتها في شركة الدعاية والإعلان المشرفة على إعداد الحملة الإعلانية الخاصة بإطلاق تلك الخدمة .. وتابعت الموضوع من حين توقيع يوسف الثنيان العقد حتى آخر إعلان نزل له عن تلك الحملة .. استخدمنا ذيك الفترة كلمة كانت مشهورة عن يوسف الثنيان بعد مقابلة كانت معه ( كيف الحال ؟ ) .. وكانت هي الفكرة اللي انطلقنا من خلالها للحملة كاملة .. ومنها لمسالم ومساعد والشباب اللي مثلوا دور التوأم ..

- الضحك .. وهذا مجال كبير جداً وفيه أفكار كثيرة .. تخليك مربوط بالمنتج لفترة طويلة جداً وأنت بس من يوم تشوف ( الرابط ) مع المنتج تضحك .. حتى لو ما شفت الدعاية ..
مثلاً سنكرز اللي شاف منكم إعلاناتهم الأخيرة ( قبل إعلانات الإشارات ) .. أقصد إعلانات اللي بالمطار والبنك والسوق واللي ينزل جح من سيارة .. كانت إعلانات فظيعة .. اللي يشوفها يجزم إن اللي سواها محشش .. لازلت أشوفها وأضحك .. مع إني شايفها قبل شوي .. وصار سير المطار ( بما إني راعي سفريات ) مربوط بسنكرس .. لما أنتظر دوري بأي مكان عام وفيه أرقام .. مباشرة تجي في بالي دعاية سنكرز .. وهذا شيء أعتبره خطير .. خطير إنه غير نظرتك عن أمور كثيرة وربطها بالمنتج حقه .. وهذا بحد ذاته نجاح ..
خلونا من سنكرز .. غالب إعلانات المصرييين تنهج هذا المنهج .. منهج الضحك .. إعلانات فودافون .. موبينيل .. تابعتها فترة كانت كلها اضحك وبس ..

- التلاعب بالمشاعر .. وهذا نادر ما يكون لأن مو كل الناس على طبقة واحدة أو اتحاد في مشاعرهم .. ولذلك ما تستخدم إلا في إعلانات الـ Corporate .. وربط هوية الشركة بطبيعة مكانها ونشأتها .. بأشياء من هالقبيل ..
إذا تتذكرون إعلان الاتصالات ( معاً لغد واعد ) .. والزهرة البرية اللي تنتقل من مكان لمكان .. كانت تلعب على وتر المشاعر .. واحد كبير والثاني صغير .. وواحد ابيض واسود .. وتوصل إلى إنه كلنا ( معاً ) .. لغد واعد ..

اللي تابع قبل فترة إعلان الـ MBC قروب .. كان كله مبني على أساس التلاعب بالمشاعر ..

ممممم .. خلوني أبسط لكم السالفة :
لما أكون إماراتي .. أو قطري .. ويكون فيه إعلان عن السياحة .. وأستخدم اسلوب اللعب ع المشاعر .. وأجيب خور دبي .. ومنظر من العين .. وشوي من الشارقة .. وخليج أبو ظبي .. والموسيقى تتغير بتغيّر المكان ..

الموسيقى أو التأثير الصوتي عندنا بالسعودية أكبر .. مثلاً لما تكون الصورة على الرياض تكون الموسيقى عصرية .. ثم أروح لجبال عسير والصوت عبارة عن عرضة جنوبية .. ثم امر الدواسر والايقاع يتغير للدوسري .. ثم اقمز لعيون الحسا وتكون الموسيقى شرقاوية .. ثم اطلع للشمال واجيب الدحة .. شوي اجيب جيد وتكون السمسمية مدهرة ..

هنا ( غصبن عنك ) تعيش جو الإعلان .. وتوصل بك الدعاية إلى مكان كامن في النفس .. تخليك ترتبط بالمكان وتؤمن بالرسالة حقته إيمان كامل ..

تابعوا الإعلانات اللي كانت تنزل في قناة العربية من 4 سنوات وجاي .. واللي كانت تتكلم عن العراق وإعادة بناءه .. شيء فظيع! .. بعضها تمنيت أكون عراقي عشان أفتخر بهالاعلان .. بس!
إعلانات لبنان والمنشورة بالعربية برضوه .. شيء من التلاعب بالمشاعر بشكل كبير ..
المهم .. هذا هو الفن .. وهذي نبذة عنه .. ما ودي نخوض بتفاصيل أكثر ..

- الربط .. أو الخداع .. تبدأ الدعاية وأنت في بالك شيء .. وتطلع في النهاية شيء مختلف تماماً عن توقعك ..
غالباً ما تكون النهاية مضحكة .. وأحياناً تكون أليمة محزنة .. المهم أن تكون خاتمة الإعلان عبارة عن شيء ما لأمه علاقة بالبداية .. وهذي تحتاج خيال كبير وحذر من ردة فعل المتلقين للإعلان ..

آخر إعلان تلفزيوني لموبايلي شفته كان إعلان خدمة ( حوّل ) .. اللي شافه منكم يعرف وش أقصد ..
شباب كانوا يطاردون جمس .. وفي النهاية ........ ما ودي أحرقه عليكم .. شوفوه

- الإعلان دون إظهار المنتج ..
وهذا أعتبره من أقوى الإعلانات .. واشدها تأثير .. كيف تعلن عن شيء وانت ما جبت صورته مثلاً ؟

راح أضرب لكم مثال بعدين إن شاء الله ...

- الإعلان المباشر .. وهذا مستخدم عندنا بشكل كبير ..
أنا مطوّر عقاري .. يالله تعالوا اشتروا من عندي ..
أنا عندي مطعم .. يالله تعالوا اشتروا من عندي أكل ..

وعلى هالمنوال ... وهذا مُضيع للوقت والجهد والمال دون أن يجني صاحبه الربح الحقيقي من الإعلان .. فضلاً عن كونه صاحب سبق في تغيير مجرى الدعاية والإعلان بالمنطقة ..

وفيه أنواع كثيرة .. لو تذكرت منها شيء أو جت في بالي راح أشير لها إن شاء الله ..

؛

شركات كثيرة صنعت من إعلاناتها سياسة واضحة لا يمكن أن تحيد عنها ..
لنأخذ مثلاً ( تويكس ) .. تويكس تستخدم سياسة الذكاء في إعلاناتها .. من أيام مسابقة حامد الغامدي حقت تويكس .. حتى سباق التحدي حق جورج قرداحي وحنا نشوف تويكس عبارة عن شركة تموّل للمسابقات .. واللي ياكل تويكس يكون ذكي ..

دومينوز بيتزا .. عمركم شفتوا إعلان لهم خارج البيت ؟ يعني التصوير يكون خارج البيت ..
ما فيه!
ليه ؟
يرسمون في ذهن المتلقي إننا حنا شركة بيتزا ( توصل طلبات ) .. فـ أجلس ببيتكم وحنا نجيك بالبيت .. حتى دومينوز ما عندهم ولا مكان أكل في مطاعمهم ..

كوكا كولا ..
أتحداك تحصل لهم إعلان قبل نشرة الأخبار .. سياستهم إنه ما ودنا يرتبط المنتج حقنا بأي خبر سيء .. فلا قبل الاخبار بعشر دقايق ولا بعدها بعشرين دقيقة ما تشوف إعلان كوكا كولا .. وهذا معروف عالمياً ..

؛

للحديث بقية .. بس عندي ضيوف يبوني أعشيهم .. يمكن أرجع بالليل متأخر .. الله ييسر ..

[د. ماجد عبدالله]

مذهل يا أبو بانة ..

[ريشة]

أبو بانة بكبرة


محظوظين يالمعالي


ودي تتكلم عن كيفية إستخراج الأفكار المذهلة الجذابة
من أفكار الشعارات إلى أفكار الإعلانات




تحملنا يبو بانه داري أني دب

[عبدالله الحمدان]

ماشاء الله تبارك الله .. الله يفتح عليك أخوي خلوها

كأني في دورة تسويق ..

تحياتي إلك ..

[أنسام الغروب . .]

لقاء ممتع ,,
حياكم الله أستاذ خلوها ,,

[لظى البندقية]

جزاك الله عنا خير الجزاء

أخي خلوها
بس ممكن تعطينا مقاسات التصميم الإعلاني
سواء أغلفة أشرطة
أو لوحات محلات



بارك الرحمن بك


---------------------------

[abudi92]

أخي لظى البندقية لعل الملف السفلي يفيدك ويفيد الشباب .. وأعتذر عن التطفل أخي : خلوها :

15751604160516021575158715751578 1575160415781610 1610158115781575158016071575 157516041605158916051605.rar - 0.25MB

[أضواء بارق]

أمتعتنا ..متعك الله بالصحة والإيمان ...