.:.: [ الحلقـة الثانية مـن بـرنـامـج معكـم علـى الفضـاء بضيافـة الأستـاذ خلوها ] :.:.

[خلوها]

المشاركة الأصلية كتبت بواسطة المصمم الحربي هلااااااااااااااااااا والله أستاذنا خلوهاااااااااااااا ........ أنور القسم الجرافيكسي .. بوجودك ... إلا بكل المنتدى الظاهر عرفتني ...... أنا من قبلتني عضو عندك في فنون .. وعملت لي ترقيه .. وصدقني ماراح أنساك وما راح أنسا جميلك لي طول حياتي .. وأسأل الله أن يجمعنا وأياك في دار مستقر رحمته ... آمين... وفي حوزتي سؤال .. وبعد أذنك توافيني بالإجابه ... أعاني بعض المرات من بعض (( الزباين )) أو (( العملا )) من ناحية السعر ... فا إللي بقوله .. وش الأسعار التي متعارف عليها عند المصممين .. وعند الزباين .. إذا كانت جهات خيريه ..... وإذا كانت محلات تجاريه ...... وإذا كانت شركات ..؟ :::::::::::::::::::::::::::::::::::::::: :::::::::::::::::::::::::::::::::::::::: ::::::............ مثلا البنرات .. على حسب المتر ............. كم السعر وأيضاً .. لوحات المحلات ... على حسب المتر .............. كم السعر وأيضاً .. الشعار ................ كم السعر :::::::::::::::::::::::::::::::::::::::: :::::::::::::::::::::::::::::::::::::::: ::.......... وكذلك التصاميم الإعلانيه .............. كم السعر مقاس A4 .............. كم السعر مقاس A3 .............. كم السعر مقاس A2 .............. كم السعر مقاس A1 .............. كم السعر مقاس A0 .............. كم السعر :::::::::::::::::::::::::::::::::::::::: ::::::::::::::::::::::::::::::::::...... .... وكذلك ..... الكروت حقت المحل ... والكروت الشخصية .............. كم السعر :::::::::::::::::::::::::::::::::::::::: :::::::::::::::::::::::::::::::::::::::: ::::::........... وكذلك البروشورات ...... مقاس A4 ............... كم السعر :::::::::::::::::::::::::::::::::::::::: :::::::::::::::::::::::::::::::::::..... .................. وكذلك المجلات ... مقاس A3 ........ على حسب الوجه الواحد ............... كم السعر :::::::::::::::::::::::::::::::::::::::: :::::::::::::::::::::::::::::::::::::::: ::::::::::............ وتصميم المواقع .............. كم السعر :::::::::::::::::::::::::::::::::::::::: :::::::::::::::::::::::::::::::::::::::: :::::::.................... وتصميم التواقيع .............. كم السعر :::::::::::::::::::::::::::::::::::::::: :::::::::::::::::::::::::::::::::::::::: ::::::::::::::.............. المعذره أحسني حستك بالسؤال ... بس ياليت تتحملني ...... وتخدمني بالإجابه الشافيه .... لأني توني بادي بالتصميم التجاري .... ومتورط مع الزباين . وأبي الحل الشافي تحياتي لك ... محبك المصمم الحربي .....

حياك الله يالحربي .. ومن ما يعرفك ؟

شوف يا عزيزي ..
خلني أتكلم عن هالنقطة بالذات بعد ما أخلص من الردود كلها ؟
ما ودي ألخبط الموضوع عليكم .. يحتاج الرد عليك كثيراً من التفصيل .. خلني بس أكتب اللي عندي اول ..

شكراً لك ...

[خلوها]

المشاركة الأصلية كتبت بواسطة الرفيدي رااااائع جدا ,, وحيا الله الأستاذ خلوها . .

الله يحييك يا الرفيدي ويبارك فيك ..

[خلوها]

المشاركة الأصلية كتبت بواسطة ابن سحيم يا هلا وسهلا بودنا ان نرى بعض اعمالك وهل كل مقاس له سعر ولا على حسب التعب والشغل الي تعمل عليه المقاس؟؟

حياك الله يا ابن سحيم ..
ترى بعض أعمالي ؟

مممم .. أحسن لك لا تشوف .. خلنا كذا حبايب .

الجهاز اللي أكتب منه الآن جهاز العمل ..
أجهز بعض الأعمال إن شاء الله وأنزلها لكم ..

كل مقاس له سعر ؟
برضوه بيكون بعد شوي الجواب عن هالنقطة .. حياك

[حسام الحربي]

ياحبيلك ........ ماعليه أبد خذ راحتك


ما أبي أكلف عليك ... أنا متواصل على طول مع الموضوع .... لأنه يعنيلي الكثير


بس أبي تعلمنا وش يحتاج أخراجك للتصميم الإعلاني وكيف يكون ؟؟

[خلوها]

المشاركة الأصلية كتبت بواسطة A m e e r واه .. حياه .. : ) منور أبو بانة , ماتصدق كم أستمتع بالعودة لموضوعك حول التصميم التجاري كل فترة .. كل ماجاني عميل وأقلق أم راحتي .. رجعت إليه فوجدته أحسن حااااجة .. : ) هل ترى عمل البربسه والعميل الي يدق الظهر ويبي التصميم العشاء وياخذه ويعدل عليه عشر مرات ثم يستقبله ويدس في مخباتك 200 <-- كنه خويك حق اللوحات : ) يسمى عمل تجاري ؟ طيب .. كيف نغير المجتمع ؟ كيف نتفق ك مصممين ونغير هالطابع .. بدل أن تكون مقيود ومذلول وأحتسب الأجر ومدري كيف .. إلى إنك تصير ماخذ حقك بالضبط مانبي زيادة : ) , السؤال الثاني .. الطريقة المحكمة والخطة الملكية للتعامل مع الزباين بشكل عام ك فهم طريقة التصميم والتعديلات والفلوس والتسليم .. الطريقة .. الي تشوفها مناسبة وذات جدوى .. لي عودات : )

هلا بالأمير عبدالله .. ..
الله يسعد أيامك ..

سؤاليك في صميم ما أود الحديث عنه إن شاء الله بشكل عام ..
اسفط شوي الله لا يهينك

[خلوها]

المشاركة الأصلية كتبت بواسطة عقرب السلام عليكم ورحمة الله وبركاته سؤالي _-_-_-_-__ على ماذا يكون الاتفاق مع الزبون قبل التصميم _-_-_-_- تحياتي : عقرب اخوي وليد الفجر اضفني للضروره ___________________ HACKER-c1@hotmail.com

عقرب .. وعليكم السلام ورحمة الله وبركاته ..

الاتفاق يكون على ما ( يحوي ) الإعلان .. الهدف منه .. فهم المنتج والفئة المستهدفة .. وطريقة التواصل والاتصال المناسبة له ..

هذا اهم شيء ..

حياك ..

[خلوها]

المشاركة الأصلية كتبت بواسطة ثقيل بس خفيف ما شا الله تبارك الله .. إبداع متجدد يا إخواننا .. في الجرافيكس .. أكتفي بأسئلة الأخوة .. بورك فيكم . .

حياك الله يا ثقيل بس خفيف ..

وفيك بارك الله ..

[خلوها]

المشاركة الأصلية كتبت بواسطة alwleed ماشاء الله ’’’,,,’’’ جميـل هالعنوان عاد كيف إذا كان مع مصمم مثل برهوم ) سؤالـي :- بعض الزبائن يفرض عليك الألوان والطريقة وسو كذا ولا تسوي كـذا كأنه أفضل منك .. كيف طريقة التعامل معهم ؟

الوليد ..
الله يجمل حالك ..

التعامل معهم تقول له : سم ..
مو هو في النهاية ( دافع ) لك فلوس ؟
يسوي اللي يبي!!

جايك بالكلام عن هالنقطة بالتفصيل ان شاء الله ..

[خلوها]

المشاركة الأصلية كتبت بواسطة زينو زينو مراحب أبا خلّة .. - هل تملك رصيداً أكاديميّا يدعم هذا التوجّه ، أم أنّها الموهبة ، حدثنا عن الترابط بينهما ؛ وهل ترى أنّه ينقصنا أكاديميّا الشيء الكثير ؟ - حدثنا عن أهم مقومات الفكرة الإعلانية .. ؟ - تتجه معظم الإعلانات الغربية نحو التبسيط وتتميز بمساحات واسعة من الهدوء والفراغ ، على عكس الذائقة الشرقية التي تعجّ بضجة الألوان والرسوم ؛ هل المسألة " أذواق " أم أن التصميم الإعلاني يجب أن يكون حتماً كذلك ؟ قد أعود إن شاء الله لطرح المزيد ..

هلا بالصاحب .. بالامتياز ..

هل تملكُ رصيداً أكاديمياً ؟
في الفن ؟ التصميم ؟ لا .. وإن كانت هناك قراءة لكنها لا تكفي ..

هناك ارتباط بين الدراسة والموهبة ..
خلني ابسط لك السالفة :

شفت لما مثلاً تكون صاحب موهبة في التصميم الداخلي ..
تعرف إن وضع الأثاث بالطريقة الفلانية .. خطأ ..
هاللون ما يمشي مع اللون الثاني ..
توزيع الطاولات في الغرفة مسوي زحمة ..
التلفزيون المفروض ما يكون بالمكان الفلاني ..

( تعرف ) .. إن هذا ( خطأ ) ..

هذا اسمه ( موهبة ) ..

لكن لما أسألك ( ليه ) هذا خطأ ؟
تقول مدري .. ( أحس ) إنه خطأ ..

( ليه ) هذي .. هي ما يمكن أن نعتبره الشيء الاكاديمي ..
الأطر العامة للقضية .. أو لنكن أكثر تحديداً :
إزالة الضبابية من القضية .. وجعلها واضحة + بناية قاعدة تُعضد رأيك فيها .. تخليك ( واثق ) إن ( إحساسك ) صحيح لانه مدعوم بحاجة علمية ..

so ..

يكون عندك موهبة دون علم .. تمشي امورك ..
يكون عندك علم دون موهبة .. تكون مستشار .. مؤطر ، مقيّم .. مُلاحظ .. مقنن .. لكن ما تكون فنان أو صانع إعلان .. إلا في حدود ضيقة ..

تجمع الاثنين ؟
تجيب العيد .. .. قصدي .. تكون جمعت الحسنيين ..



مقومات الفكرة الإعلانية ..
ما فهمت سؤالك ..

مقومات تقييم الفكرة الإعلانية ؟
مقومات بناء الفكرة الإعلانية ؟
مقومات تقييم الفكرة الإعلانية ؟

ايش بالضبط ؟ ..

أو قصدك : كيف نبني فكرة إعلانية ؟


التبسيط، والتعقيد ..
في النهاية هي عائدة لتوجه العميل .. فِكره .. خبرته .. ذائقته .. هدفه من وجوده كعميل .. وكمالك او مسوق لهالمنتج ..

يختلف الإعلان .. بتغيّر مدير التسويق .. والأمثلة على هالشيء كثيرة ..

حياك يا صاحبي في اي وقت ..
كنت ولا زلت .. خامس خمسة ..

[رفقاً بالقوارير]

حياكم الله


*لماذا تخصصتم في التصميم التجاري؟


* هل تتحكمون بتعديل الاعلان وفق ما يوافقكم منهجيتكم في العمل؟

مثلاً شركة طلبت منكم عمل اعلان فيه أمور تخالف الشريعة مثل صوت موسيقى أو غيره..
هل ترضخ لاستبدالكم هذه الأمور بأخرى مشروعة..

جزاكم الله خير على الاستضافة المباركة..

[خلوها]

المشاركة الأصلية كتبت بواسطة أبـو رجـــاء ـ ـ ـ حــيـــا الــلـــــه ـ ـ ـ الأعــضـــاء ـ ـ ـ جــمــيــعـــاً ـ ـ ـ ـ ـ ـ سؤال للأستاذ الفاضل : خلوها ـ ـ ـ ـ ـ ـ هل واجهت صعوبات أثناء تعلمك هذا المجال الواسع ؟؟ ـ ـ ـ تــقــبــلــوا ـ ـ ـ تــحــيــاتـــي ـ ـ ـ

حياك الله ابو رجاء ..

ما فيه مجال تدخله إلا وتواجه فيه صعوبة .. مشاكل .. أشياء تشيب الراس ..
بس العبرة في النهاية : كيف تتجاوزها دون اي خساير ؟
وكيف توصل للي تبغاه ( في الوقت المناسب ) ؟

حياك ..

[خلوها]

المشاركة الأصلية كتبت بواسطة [ أبو سلمان ] ×× خلوها المجرشي أبو بانه ياخلفهم .. إذا جاك زبون وسيعن وجهه .. وطلب منك تصميم ، تاخذ دراهمك قبل التسلم ولا بعد ؟ أو تكتفي بأخذ [ عربون ] ؟؟ ومن الي يتحمل إذا ماجاز له الشغل ؟ تحيّتي ومعَزّتي لكم محبكم : أبو سلمان

كمان أنت صف مع الشباب شوي ..

* ما تلاحظون إن أكثر تركيزكم على القروش ؟

[خلوها]

المشاركة الأصلية كتبت بواسطة AL MOTHNA هلا والله بالاستاذ ردي مجرد ترحيب لكن اصبر علي لاني تعبان هاليومين بالتوفيق

هلابك أكثر يا المثنى ..
ما تشوف شر .. ونصبر لك يومين وثلاث ..

حياك

[خلوها]

المشاركة الأصلية كتبت بواسطة المصمم الحربي ياحبيلك ........ ماعليه أبد خذ راحتك ما أبي أكلف عليك ... أنا متواصل على طول مع الموضوع .... لأنه يعنيلي الكثير بس أبي تعلمنا وش يحتاج أخراجك للتصميم الإعلاني وكيف يكون ؟؟

اخراج التصميم ..
كمان خلنا نتفق على اشياء اهم من هالنقطة قبل ..

حياك

[خلوها]

المشاركة الأصلية كتبت بواسطة رفقاً بالقوارير حياكم الله *لماذا تخصصتم في التصميم التجاري؟ * هل تتحكمون بتعديل الاعلان وفق ما يوافقكم منهجيتكم في العمل؟ مثلاً شركة طلبت منكم عمل اعلان فيه أمور تخالف الشريعة مثل صوت موسيقى أو غيره.. هل ترضخ لاستبدالكم هذه الأمور بأخرى مشروعة.. جزاكم الله خير على الاستضافة المباركة..

الله يحييك ..

ما تخصصت في التصميم التجاري .. لكني ( كنت ) أعمل في شركة للدعاية والإعلان .. والآن اعمل مسؤول عن هوية الشركة، بما في ذلك ( الإشراف ) على كل الأعمال الإعلانية الخاصة بها ..


مممممم ..
نتحكم في تعديل الإعلان وفق ما يوافق منهجيتنا ...
وإن كانت الشركة تعمل اعلانات لشركات خمور ؟
أظن أن إضافة الموسيقى من باب اولى ..

نبذة عن عمل شركات الإعلان .. في طور الإعداد إن شاء الله .. وفيه إجابة لما تفضلتي بالسؤال عنه إن شاء الله ..

وإياك ..

[خلوها]

خلصت ؟ ..

طيب .. اعتذر عن اجابة اي تساؤل حتى انتهي من كتابة ( مقدمة ) عن الدعاية والإعلان والتصميم التجاري كما يحلو للجميع تسميته ..

وبعدها أظن أن مجال الأسئلة سنتجاوز فيه قضية كم أدفع وكم يدفع وكيف أدفع .. إلى أشياء أهم - في نظري - ..

اتمنى اقدر اضيف الرد قبل ما انام .. مع إن الجو الليلة يفتح النفس ..