░░▒▓██ هنا نحللك مجاناً " شاركنا " ░░▒▓██

[مثقف]

بص بص حضرتك ** إنت إنت وكشرتك

حؤلك كلمتين ** أدخل ادخل رايح فين





بسم الله الرحمن الرحيم

السلام عليكم ورحمة الله وبركاته


عمتم مساء


هذه مقدمة طللية بواسطة " مثقف المعالي " <<أبد ما ني بحتك



http://forum.ma3ali.net/upload/File/1162752571.wav


المهم كيف حال الشباب كلهم عساكم بخير ..

******************

أبشركم ولله الحمد خلصت هوامير الاختبارات وإن شاء .. إن شاء الله.. إني ناجح .. إن شاء الله .. بلا اختبار اليوم

الله يقلع أبو ابليسه بغيت أجيب العيد فيه .. بس شكلها من دعواتكم << الله يخلف ما حد درا عني


*****************

كل عامن وأنتم بخير .. ومن العايدين الفايزين .. << معليش ما حصلتش فرصة نبارك لكم إلا من باركنا له على المسنجر ومن باركنا له بموضوع واحدن من الشباب منزله بالديوانية نسينا منهو


*****************

المهم ندخل بالموضوع دغري

" وأن تعفوا هو أقرب للتقوى " << الآية وردت في العفو عن القتل

" والنبي صلى الله عليه وسلم عفى عن أهل مكة يوم الفتح " << ترا مغششني إياه شاطئ الغروب

" في واحدن والله أعلم اسمه الأحنف .. هالرجال كان جالس بمجلسه وجابوا له ولد أخوه .. قالوا يالأحنف ترا هالولد ذبح ولدك ؛ الرجال وش سوا .. !! نادى ولده الثاني قال فك ولد عمك ورح عط أمك الدية " << مقلع هالرجال

ما ودي أطول بالموضوع وأتفلسف .. تعرفون لكل من اسمه نصيب .. يعني ماشاء الله علي لو بغيت أتكلم ما سكت من زود الثقافة << إيه هين

في هذا الموضوع الكريم: نطلب من سماحتك الكريمة .. بأن تعتذر من أي شخص أسأت إليه بالمنتدى ..

ما يخلو يا إخوان .. واحدن قد زعلته أو قد زعل عليك ..

المشكلة في سماحاتنا الكريمة إن ما غير نخزن في هالمشاكل .. ونترك القسم لأن فلان فيه .. ولا نحاول نحل المشكلة أو نصارح المتمشكلين معه << متعوب على كتابتها بقوة ..

أيضا يا شباب يمكن تحس إن فلان زعلان عليك .. فودنا بهالموضوع تذكر اسم من تعتقد إنه يحمل شي عليك وتطلب منه الحل .. بدون أي ثرثرات في المشكلة أو في سببها أو في أي حتة تانية ..
** أنا أبدؤكم **

فيه واحدن اسمه طالب الحور ؛ أذكر إني خليتها تطرطع معه قبل سنة وحتة شهور .. وقال ما حصل شي .. لكن أطلب منه الحل التام هنا ... وإن ما حللني يروح يطق راسه بجدران المنتدى كلها .. صدق إنه ما ينعطى وجه

أيضا فيه نفر اسمه المبدع " أنت اللي شفتك بالاستراحة "
نفس طالب الحور .. إن ما حللتنا ترا فيه جدارين كثيرين بالمنتدى .. تفاهم معها ..

.. الموضوع ما نبي أحد يشطح به جانبن ..

** نتفق في هذا الموضوع على ما يلي **
1- أي رد تحس إن اللي قدامك بيحس قيد أنملة إنه بيزعل .. لا يدرج ..

2- نتعامل مع بعض بما نحب أن يعاملونا الناسون ..

3- نبتعد عن السب والشتم حتى بالمزح ...

شخخخخخطططط

شكرنين للراعي الرسمي " عليان "
يعني اللي بيحذف هالموضوع بيحذف عليان معه

إن كان في أحد غلطنا عليه ونسيناه .. يحط رد ويبشر باللي يسره ..

وجميع من أخطا علينا محلل مباح ...

دمتم بود
مثقف

[طود]

.


والله الحقيقة موضوع جميل جداً


وجزاك الله خير أخوي مثقف على بادرة الإصلاح


الحمد لله حالياً ولا شخص بيني وبينه أي عداوة


كلهم سمن وعسل


.

[مباري الساس]

السلام عليكم ورحمة الله وبركاته



اولا أعتذر من مشرف هنا يسمونه أبو حنيس


الصراحة قبل مأعرفه كان دايم يتقعد لي


ودايم يحذف مواضيعي ومسوي شدة

ومواعد(ن) بفطورــ من زين الهوشة ــ
عاد أنا ما أقصر معه أعطيه المقسوم بمنكم وإليكم

عاد عبد الكريم حللن

[البحراوي5]

الحمد لله أنا قلبي أبيض زي اللبن

بس فيه دم لاأحد يحسب ان قلبي شغال على اللبن







وإذا أخطينا على أحد فنتمنى ان يسامحنا


حللوناااااا

وجزيت خيرا اخي المثقف على هالموضوع الأخوي

[مليح السجايا]

بليز دونت تتش مي ..

[أنا جيت]

* * * * * * * * * *



كلام جميل جدن .. !

وحكم ودرر تتناسر تناسر .. لا عدمناك .. !

والأخوان اللي قد حصل وفقعنا وجيهم وإلا شيء يعذرونا .. !

مع أني ما أذكر زعـلت أحـد أبد .. أصـلن أسئلهم .. حبيبـكم مييييييين .. !



* * * * * * * * * *

[مثقف]

إضافة بسيطة على ما سبق

*****************

يمكن تجي البعض حالة .. إن والله أخاف يطيح وجهي ويقولون فلان ظالم ..

فخل عنك الكبر وخل طيحة الوجه ( إن كانت طيحة وجه )

طيحة الوجه في الدنيا أهون من طيحته في الآخرة ..

أغلبنا يكتب خلف اسم مستعار .. بعدين أنا من اللي يقدر أي واحدن يعترف بخطأه ..

وبإذن الله رفعة لك في الدنيا والآخرة ..





دمت بود
مثقف

[اسحاق]

بسم الله الرحمن الرحيم

انا دائما أقول للرشيق يا دب
بس لن أعتذر له لأنه بصراحة دب

[الفتى الوديــ؟ــع]

المشاركة الأصلية كتبت بواسطة مثقف " وأن تعفوا هو أقرب للتقوى " << الآية وردت في العفو عن القتل

بارك الله فيك..

1_ الآية بدون (هو)..

2_ وردت في القتل؟!

خذ الآية كاملة:

(وإن طلقتموهن من قبل أن تمسوهن وقد فرضتم لهن فريضة فنصف ما فرضتم

إلا أن يعفون أو يعفو الذي بيده عقدة النكاح وأن تعفو أقرب إلى التقوى

ولا تنسوا الفضل بينكم إن الله بما تعملون بصير)..


خلاص..سمحت لك..بس لا عمرك تعوده..

أنت تدري أن هذا تدليس وغش وخداع للمستهلك؟! (اللي هو عضو المعالي المسكين)

خداع وغش..

تفهم وش معنى هذا؟!

يعني تضطرني أركبك الدورية

يالله امش قدامي..ولا كلمة



<<< خربت الأخلاق

.

[أبو ريتان]

جزاك الله خير موضوع جميل وبادره جميله منك

لكن فيه اثنين كل ما جيت اسامحهم أو أعفوا عنهم أهون مدري ليه

عجزت اسامحهم :s

وش الحل ؟

[أبوالشباب]

كلام كويس .. من واحد كويس ..

تشكراتي ..

[غثا]

الله يحييكم ويبيحكم

مشكوووووور يا دكتووووووور

[الدعوى حوسه]

ودي أرد بس مستحي ..!

:seko

[هدر]

888888


نفس البتاع

[| سـلـمـان ~]

888888
مب نفس البتاع

موضوع رائع

مع أن فيه شي مدري أش يبي فوق الرابط والله يا هو خاش عرض ..

الله يهديك ترانا مب ناقصين تجيبلنا مسلسلات ياسر العضمه .ذذ


ثانياً والله ياكثر اللي أخطينا عليهم ..

طالب الحور إن كان أخطينا عليك سامحنا وإذا ما تبي تسامح بكيفك <== ما تقرب لأيميل عليان ..

السجين إن كان غلطنا عليك سامحنا ..

والله فيه واحد أذكر أني بغيت أتوطى بحوض بطنه بس مدري منهو وأرجوا إذا يذكر ذاك الموقف يسامحني ..

لأني ناسي هو منهو ...

مثقف إن كان أخطينا عليك ترا المنتدى ما به جدران ولا كان أنواع التلميخ ...ذذ

[ملك الريشة]

السلام عليكم ورحمة الله وبركاته
يا مثقف أنا الصراحة ما أعرف عنك شي

ليه

قلي

ليه

لأني الصراحه عضو جديد في منتدى المعالي
بس صراحة كلامك واجد ويمكن تكون هذي ميزه
ولكن قد تكون هذي من الضرافه وسعة الصدر
والله يحللك ويبيحك
... محبك ملك الريشة

[ابو الدحمي]

مهب نفس البتاعات اللي تحت وفوق



شقرن عفون

[كان فيه وخلص]

مشكوووووووووور 100 الف طعش مره

[عليان]

ما أذكر أحد زعلان مني اللهم لك الحمد

إلا إذا فيه أحد زعلان بدون ماندري فيحللنا ياشباب

أنا أسامح الجميل

الله يجمعنا في الجنة أخواناً على سرر متقابلين

[المتيقن]

أشكرك على موضوعك الأكثر من رائع


أنا ما أتذكر اني اخطيت إلا على أمير الشبكه و عساه يحللني


و أرجو من الأخوه أن يحللوني إن كاني اخطيت على أحد منكم


موفقين إن شاء الله