 |  |  |  |  |  |  |  |  |  |
| |  |  | |||||||
 |
 |  |  |  |  |  |  |  |  |
| Ma3ali Tube | Be Happy | الجـوال | Ma3ali flickr | الغرفة الصوتية | البطاقات | الصـوتيـات | مركز التحميل | مجلة أجيال |
26-09-2006, 03:55 AM
| #1 |
 |  ██▓▒░░ مذكــرات عريــس طفــران (( الجزو الرابع )) ░░▒▓██ السلام عليكم خلسيييييييير قصدي سلخييييييييييير اولالن وقبل كلو شيء احب ابارك لكم دخول شهر رمضان المبارك .. ثنيانين اقول مبروك لكل الناجحين هالسنة هذي واللى ما نحج نقول الله يخلف على امن جابتك  الصراحة لي اكثر من ساعة وانا ماغير اتقلب على الفراش تقل ضب وعيا يجين النوم  قلت فرصة دامي فاضي وماعندي لا شغل ولا مشغله .. والسحور اليوم صندوشتات يعنى من باب التغيير لا اكثر ولا اقل من ذلك .. فأحببت انا شخصين ان اكمل او اتابع كلاهما على حدن سواء ما تبقى من ماضوع مذكرات عريص طفرن .. وبما انه هذه الاحداث قد وقعت لي شخصانين ولا يتخللها او يشوبها اي عوالق ترابية او اسرائيليات او تزوير  فانني اناشد جميع العزوبيه ان لا يعرسوا سواء بعد الزواج او قبله الا ومعهم مبلغن من المال وقدر .. اي لمعنى اصح ان لا يقل عن 100 الف ريال .. ريال ينجف ريال وما ذلك الا حفاظا على مسيرة الحياة الزوجية على الطريق الصحيح والسليم والسحيباني  اللى مالحق على الجزو الثالث يرعص على الزرار تحت ويطلع له http://forum.ma3ali.net/t231688.html يوم رحت للبيت عقب الكوافير وعقب ما تكشخت وقبل صلاة العشاء يمكن بمدري كم من الوقت  قلت ياولد ما يصلح تدخل على العروسة وانت ما تروشت  المشكلة اني ومن الخبه ماجبت معي ليفتي ياولد وس السواة .. لازم اليوم اطلع انضف واحد بالعالم كالرة الارضية  الصراحة اني بلشت بعمري .. بس الحل عندي وانا ابوهندي  واقلّب الحمام فوق تحت قلت غدين الى لو ملعقه والا فرشة سنون والا ايتها حاقة .. بس قهر مالقيت الا الحصاة اللى يفركون به عراقيبهم  ياولد هذي بتشلخ ظهري وبتحوسن حوس .. وبعد صراع مع نفسي والصراحة في هذه الحالة صراح مستحب ولا بأس به قررت اني افرك به ركبي بس .. (( خخخخخخخخ تذكرت ذو الركبتين ))وباقي جسمي اتصرف به .. فتحت الباب .. واطلع دميجتي واصوت : ياهوووووه  ياعاااااااااالم محد ردي علي .. قلت ايه تمام كلن لاهي بالتكشخ .. وافتح الباب وبديت افرك ظهري بالكيلون قلت غدية تطلع لو فنيلة من حقات حلّة العنوز  يوم اذن العشاء والا خالص من كل شي .. واناظر نفسي بالمراية والا كل شغلي عند المكوفر راح وطي يعنى ماطلعنا بش الله يخلف تهي تهي تهي قلت الشكوى لله .. نزلت تحت والا البشت والاطياب والعصيرات والحركات اللى ياشيخ ودك كل يوم تعرس >> ايقاله مهب مندبغ علشان هذي  مسكن ابوي وقال : الحين ياوليدي وش تبي تروح به ..؟؟ قلت ابروح على صاروخ خخخخخخخ قال اقول تبي تحتس زي الاوادم والا اخلطك هالحين واوزعك بقوارير كلونيا قلت وش تقصد بالضبط ..؟؟ قال يعنى عقب العرس وش تبي تروح به ..؟؟ قلت بالددسن  قال وشو  قلت ابركب بابوعزيز عطي الله قال اجل غدينا نهون بس مهب لازم عرس .. يعنبو دارك ما تستحي تبي تركب عروستك بددسن .. قلت والله يابيي اني متحسف بتلميعة الكفرات من امس وانا ما غير احوفهن الين غدن تقل منب قايل >> اقول ايه قال اقول تلايص بس .. الله من يزن الامور  ياللى منب قايل تبي تطامر ببنت الناس من اول ليله .. قلت بصرك يايبه .. شف اللى يريحك لو تبي انام بالقصر ماعندي مانع .. جا ولد خالتي الحفيد الاكبر لجدي الله يرحمة وقال : خذ سيارتي يابوفهد .. طبعا سيارته فورد ابيض مكيف والدريشة اللى ورا خربانه بس انه كشخة ذاك الوقت .. وحنا على هاالحال .. ومير يدق البيجر >> قديم صح واناظر الرقم والاه واحدن يطلبن قروش  انا لله مهب وقته .. والله ما ارد عليك يالهيس الاربد  راحوا العيال ووقفوا السيارة عند بيت العروسة .. وانا قعدت انتظر الشبح الين تجي .. قال ابوي ادخل سلم على الجماعة .. واناظر من بعيد الا والله المجلس والمقلط والحوش مصطكات من هالعالم  قلت هالحين اذا سلمت عليهم .. محدن جاين يسلم علي بالقصر .. الا خلن اسهجهم والوعد هناك جا ولد عمي ولبسن الغتره والبشت .. الا والله ان الدعوى شغله .. كود ما اتحرك والا ابنحاس صرت اذا جيت التفت افتر كل ابوي خخخخخخخخخ اخاف تخرب الشخصية يوم جت الشبح ... تطربنق طربنق طربنق واطمر بالمرتبه الورانية .. قلت يالله حركوا ياشباب .. كان اللى يسوق ولد عمتي وقدام عمي الكبير وورى انا وابوي قال ولد عمتي : عبدالله ناظر ورى .. واناظر الا والله كومة سيارات تقل بجنازة اعوذ بالله قلت يايبه غدينا نهون بس .. من يبي يعشى هذولا قال : انطم مهب شغلك لا اتمردغ بحوض بطنك هالحين  وحنا نمشي مرتن يجون اخواي بسيارتهم من عندي ويسوون حركات مال امها داعي  ومرتن عيال عمي ومرتن اخوياي بس في ذيك اللحظة تذكرت عرس المبدع وش سوينا به خخخخخخخخ وصلنا القصر والا عالمن اللهم ياكافي واقفين عند الباب  تقل حادث اعوذ بالله  بس خل عند .. والله ياهي شي .. اول ما وقفنا فتحوا لي الباب ومير انتفخ واعطيهم ذيك الابتسامة حسيت اني مدير المملكة العربية الصعودية  وكلن قام يمطخن مع جهه .. قلت والله ما الومكم الكومستكا مهب سهل حطون بالمنصة .. وخذ ياقهوه .. وخذ ياشاهي .. وخذ ياعصيرات وخذ ياحلويات وخذ يابخور الصراحة ماودي اقووووم حتى يوم قالوا اقلطوا للعشا .. قلت وراكم مستعجلين .. خلونا كذا مبصوطين  المهم وحنا جالسين حسيت ان بطني يوجعن .. قلت بس هذا اللى هم يقولونه بيوم العرس  يقولون انه اذا جيت تعرس تصير ما تشتهي لا عشا ولا غدا ولا اي شي .. عاد كل ماجابوا البخور اقول لأبوي خذ يايبة انت ابو العريس >> ام الاخلاق ياشيخ  وانا قاعد هجت بي شوي وقعد افكر بالعروسة وش هي تسوي هالحين  قلت اخخخخخ بس لو حنا بعد الرومانيين كان امتطي ذاك الخيل الابيض واقمز على البيت اخذ عروسي واهج  عاد مدري وشوله اهج تقل به احدن يلحقن اكيد انه هالحين معه وردة تقطع ورقه وهي تحتري فارس الاحلام  مادريت الا وابوي ينغزن .. يالله تراهم قلطوا على العشا .. قلت يايبه مالي نفس .. خايف .. قال ميخالف لو تقعد .. اهم شي لا تبطي .. واقوم .. طبعا اول مره ادخل لعزيمة اول واحد ههههههههه وجازت لي الشغلة .. يوم جيت ادخل طنت براسي حركة .. قلت ماودي ادخل بالبشت اخاف يتوصخ وانا متسلفه من واحد .. مهب زينه والله يوم رجعت لمكاني .. وقفوا الناس مادخلوا للعشا .. لازم ادخل انا اول يالله وناااااااااسه  يوم جيت ادخل .. قلت والله مهب زينه ادخل للعشا بدون بشت .. تقل منب عريس رجعت اخذ البشت .. وقفوا الناس  يوم جيت ادخل مرتن ثانية قلت والله الكنادر مايصلح اتعشى بهن ..>> على بالي ان الدعوى تبي تبتل على هالحال  مادريت الا والعالم انكبوا على الصحون .. ويمتلن ابوي قال اخلص علينا محناب فاضين لك يوم قعدنا قلت ياجماعة الخير خلونن ادخل على العروسة .. مالي نفس بالعشا .. قالوا اصبر شي .. قلت مابدهاش .. واصفط كمومي .. وادب من هالمفطح الين بديت اتاغر واصفط لي قوطي ببسي .. قلت غديه يهضم قبل ما امشي .. الى هنا مشت الامور تمام ولله الحمد والمنه .. يوم قضينا من العشا ويمغطون بي لبيت اهل العروسة .. علشان ليلة الدخلة  طبعا الجزو هذا مافيه اي احداث غريبة او اي شي ثاني .. والوعد ان شاء الله مع الجزو الخامس .. |
  3
|
 | |||
| منتديات مسلمة النسائية | مساحة إعلانيه | ||
|
26-09-2006, 05:37 AM
| #2 |
  |  بسم الله وعلى بركة الله نعتمد هذا الماضوع ويالله إنك تبارك به وتبارك براعيه وتيسر له الي يباركه ياجعل البركة تبرك عليك يامليح ياجعلك مبروك وين ماتروح على طاري مبروك تخيل عاد إن اسمك مبروك الظاهري يجيك الرشيق يدق على المبدع وينك ؟؟ والله طالع اتعشى انا ومبروك كوارع لأنه مايركب عليك تتعشى من هالمطاعم الغالية  رابط ذو أهمية |
| 3
|
|
26-09-2006, 06:04 AM
| #3 |
| |
أقترح الجزو الخامس بعد رمضان .. عشان فيه ### وما ###.. وتعرف الشباب مراهقين |
| التعديل الأخير تم بواسطة واحد منهم ; 26-09-2006 الساعة 06:07 AM. سبب آخر: يرحم ام امك ياشيخ لاتوهقنا :seko: | |
| 1
|
|
26-09-2006, 06:17 AM
| #4 | |
| |  .:.:.:.:.:.:.
كان اشتكيتك لحقوق الإنسان .. وخليتهم يوقفونك .. .. ( ليلة العمر بالتوقيف ) << تدخل موسوعة جينيس .:.:.:.:.:.:.  __________________ :::::::::::::  :::::::::::::  ::::::::::::: مــا أجمــل الإبتســامــة | |
| |
|
26-09-2006, 10:04 AM
| #5 |
| يبحث عن باص سعودي أوجيه ذذ  | هههههههههههههههههههههههههههههههههه الله يرجك مدري وش اعلق عليه وش اخلي بس انا اقول لو تخلي الجزو الخامس إشتراك على اوربت وتعطينا الجزو السادس مهب احسن *********** واحد منهم حركات ابو سحلب خله عنك لا تخلين اتهور واحذف الموضوع  خلك هاجد ولا عمرك تحط مثل هالاشكال طط |
| 3
|
|
26-09-2006, 11:00 AM
| #6 |
| |
. كمل كمل يامليح معك البهور وش أنت كاتب جعلك الـ##### |
| 1
|
|
26-09-2006, 12:38 PM
| #7 |
| | .. ، .. أجل ما لقيت ليفه .. لو إنك معلّم(ن) كان جبت لك تالي خرقة(ن) مجدوعة وراء البيت .. أجل تفرك ظهرك بحصاة .. والله لو إن ظهرك مقاوم للرصاص كان تمخش .. مذكرات حلوة يا حلو .. ولعلك تتعوذ من الشيطان وتخلي الجزو الجاي بعد رمضان .. تصدق عاد .. جتني فكرة يوم حتسيت عن الرومانيين والخيل والمطامر .. تهقى تضبط قصة .. !! .:. واحد منهم .. حركات قديمة ..  وأشوا إن المعالي حاطين [ أحذف شكرك ] .. حذفته من باب العناد العام .. .. ، .. |
| |
|
26-09-2006, 12:50 PM
| #8 | |
| |
منتب عاقل يالملك عبدالله .. اجل بسم الله وعلى بركة الله شكلك تبي تحط كريم اساس قصدي حجر اساس اما مبروك خخخخخخخخخخ كثر لي منها ياخي تذكرت حارس الاهلي  | |
| 1
|
|
26-09-2006, 01:00 PM
| #9 | |
| |
بما ان الانسان مبتلى في الدنيا بالفتن .. فان الجزو الخامس بيكون بالعشر الاواخر | |
| 1
|
|
26-09-2006, 01:07 PM
| #10 |
| | والله انكم جحلّط الحين انا اللى اكتب الموضوع والشكر يروح لواحد منهم علشانه اعتمد الموضوع ام الواصطة ياشيخ |
| 1
|
|
26-09-2006, 01:10 PM
| #11 | |
| |
والله ياخي اني بلشت مدري ارد عليك والا اقرا توقيعك | |
| 1
|
|
26-09-2006, 01:21 PM
| #12 |
| | الجزو الخامس .. أنصح انك تحطه بعد مايعود الإستقرار لديوانية .. عشان مايشيكون عليها ولا تروح للمجلس .. أحس انه بيطلع تقل فلم مصري معروض بالقناة الأولى تقل انك اذا بغيت تحط مشاركة لازم تمر على كل المشرفين ويعتمدونها .. والله لو انها معاملة بوزارة الداخلية ..  |
| 2
|
|
26-09-2006, 01:21 PM
| #13 | |
| |
الجزء الخامس ان شاء الله ياسوار بيكون على الهوت بيرد بعدين اترك عند واحد منهم .. اللى يقول بسم الله وعلى بركة الله خخخخخخخخخخ | |
| 1
|
|
26-09-2006, 02:28 PM
| #14 |
| |
صراحه موزوع شميل متتهتل ننتظر الجزو الخامس |
| 2
|
|
26-09-2006, 02:37 PM
| #15 |
| | والله يا عليك وقت حطيت فيه المازوع ... بالتوفيق ... |
| |
|
26-09-2006, 02:55 PM
| #16 |
| |
الأعضاء الذين شاهدوا الموضوع : 23 **ميعاد**, مليح السجايا, Abdulrazaq, أبو أنس, أبوصالح41, أخوالمعالي, ا هـ م 001, المحترمة, البسمة الحزينة, البهور, الخنســــــاء, ابو الدحمي, ترف, ريّانة, رومنسي بالغلط, سهيل المطيري, سوار العسل, فايق, هليكوبتر, إيّاس, واحد منهم, { الفارس }, طود ذذ |
| |
|
26-09-2006, 03:11 PM
| #17 | |
| |
حطه ليلة الختمة عشان يخف مسجد ياسر شوي | |
| |
|
26-09-2006, 03:18 PM
| #18 |
    | سرا ! ذكرتني بسوالف العصرية أنا وأبو سحلب وسوار حق النقطة السوداء The Top |
| |
|
26-09-2006, 04:10 PM
| #19 | |
| |
هذا اللى قاهرن ودي اعرف وشهو كاتب | |
| 1
|
|
26-09-2006, 04:20 PM
| #20 | |
| |
اسمح لي يابوصالح .. اولا يامفتري انا ماقلت اني افرك ظهري بحصاة انا قلت اني احط ظهرري بكيلون الباب .. يالك من قاسي يابوصالح ياجلف عمرك شفت احد يفرك حتى عراقيبة بحصاة الا انت اوشكالك سمعت عنك انك تحك اذنك بفاروع وتكد شعرك بمسحاة ايــــــه يابوصالح ... تصدق هالحين اني انواع الخكرنة .. منول العب كورة بملعب تقول جبل .. وحافي .. ولا كان فيه شي .. حتى اذكر مره انه جا الفاول عند برميل القمامة اللى على خط التماس >> لاحظ ان خط التماس عند برميل القمامة واحط الكوره .. نانا عاد منول مشهور بالبوز .. واجيك طاير .. وبدال ما اشوت الكورة شت البرميل .. عاد تحسبن طلعت والا خليت واحدن يشوت بدالي ... طبعا البرميل انعفط بس ما تحرك عن مكانه .. جيت وخرت الكورة شوي وكملت المباراة خخخخخخخخ ابوالجلافه ياشيخ | |
| 1
|
| مواقع النشر (المفضلة) |
« !! :: حــتــى بالـتـحـجـيـر تــعـــصـــب :: !!
|
عاجل :: إلى شباب الديوانية :: هل وجدتم صديق الإنسانية :: »
| الذين يشاهدون محتوى الموضوع الآن : 1 ( الأعضاء 0 والزوار 1) | |
الأعضاء الذين قرؤوا الموضوع منذ 30 يوم ( أيام ) : 0 .
| |
| الموضوع لم يُقرأ بعد |
| أدوات الموضوع | |
| انواع عرض الموضوع | |
العرض العادي
| |
الساعة الآن 06:13 PM.
