 |  |  |  |  |  |  |  |  |  |
| |  |  | |||||||
 |
 |  |  |  |  |  |  |  |  |
| Ma3ali Tube | Be Happy | الجـوال | Ma3ali flickr | الغرفة الصوتية | البطاقات | الصـوتيـات | مركز التحميل | مجلة أجيال |
  |
  |
| |||||||
| | LinkBack | أدوات الموضوع | انواع عرض الموضوع |
25-09-2006, 12:19 AM
| #1 |
     |  ██▓▒░░ كــــــــــــــان ..فعل ماض ناسخ ؛ والمشكلة إنه ناسخ !! ██▓▒░░  بص بص حضرتك ** إنت إنت وكشرتكحؤلك كلمتين ** ادخل ادخل رايح فين بسم الله الرحمن الرحيم السلام عليكم ورحمة الله وبركاته يا حيا الله القايزون كلهم ؛ عمتم مورنينج *  وعمتم آفتر نون * وعمتم إيفنينج ( الفاء أم ثلاث نقط حقت النيفيا ميب حقة الفازلين )  وتسيف الصيام معكم * عساكم متحميلن اليوع ؛  وطبعا الصيام لعلكم تتقون ؛ مهب لعلكم تأكلون.. توهقت وأنا أكتب هالموضوع .. بالسمايلات .. كل شوي يقولي العدد واجد .. ( صورة واحد معصب ) المهم ( بكسر الميم والهاء ).. كل واحد ياخذ له ثلاث حبات نفس عميق.. واحد  اثنين ثلاثة :: مدخل :: ( كثير الاستخدام الرجاء عدم الوقوف ) أحد البلاد تقريبا كل سنة أسير عليها ، ومن كثر الزيارات صار عندي أخويا وحبايب << لا تفهموها غلط المهم ( زي اللي فوق ) سنتن من السنوات يوم رحت لمهم كان أخوي قد سبقني لهم وشاف أخوياي اللي هم أخوياه .. الشاهد يوم وصلت للبتاع قالي أخوي تبي أعطيك علوم الشباب ؟ قلت : عطن !! أخوي: ( أنس ) انتكس وفي رواية دحدر ولا صار يصلي بالمسجد إلا نادرا .. هذا إن صلى !!! أنا اتغربت وقمت أسترجع شريط الذكريات .. أنس هو نفسه اللي ذاك اليوم لزم إلا نعتكف بالمسجد برضى الإمام وللا بدون رضاه برضى المشرفين وللا بدون رضاهم .. !! أنس اللي قبل كان ما تفوته صلاة الفجر بالمسجد .. !! أنس اللي كانت اللحية تحلي وجهه ..!!  قطع أخوي شريط الذكريات وكمل : وخوينا ( حسام ) أيضا دحدر وصار على الدخان وبدون صلاة ..!! عود شريط الذكريات هالمرة لكن مع حسام .. إيه حسام اللي كان ينصح أهله وأبوه يوم كانوا ما يصلون بالمسجد ؛ وينصحهم لا تسمعوا الأغاني .. فيستهزؤون أهله فيه ويقولون أحلى يا شيخ البيت !! عود أخوي وقطع الشريط مرة ثانية .. وتعرف فلان وفلان وفلان .. هذا انتكس ... وهذا .. !!! إنا لله وإنا إليه راجعون .. كل هؤلاء وفي سنتن وحدة ..!! فصرت أقول : كــــــــان أنس مستقيماً ؛وكـــــــان حسام مستقيما ؛ وكان ... يااااه ذاك اليوم ما عرفت أنام ..!! كنت مشتاق لشوفتهم .. لكن الآن ....!!! ننتقل بالكيمرة لمشهد ثاني وهالمرة بملعب كورة قدم .. كنا جالسين نلعب ، وفجأة ثنين قاموا يدخنون .. فجا خوينا ( أنس ) : قال شكلك يا عبد الرحمن أنت وإياه ما رح تتوبون إلا إن جاكم سرطان بالشفايف ( وعند أصحاب الغلظة * البراطم * ) ذذ مر شهر على هالسالفة .. كأني شميت من أنس ريحة دخان .. فشكيت .. خاصة إني كنت أتذكر كلمته .. على الأقل إن ما عنده وازع ديني ... ترده الكلمة اللي قال .. قلت خلني ألحق على الرجال : فأرسلت له أبيات هي : لا تشربن أرجيلة أو سيجارة ** إن استعمالها ضرب من الحقارة ولا تهجرن أبدا سواكاً ** هو للفم نظافة وطهارة مر كم يوم ثم شفت الرجال وهو يدخن .. إيه يدخن وهو نفسه اللي قال لعبد الرحمن : ما رح تتوبون إلا ......!! فكــــان أنس مستقيما ...!!! : ما كتبت الموضوع عشان أعطيكم قصص عن الانتكاسات والدحدرات .. لكن حبيت إن هالقصتين تصير عبارة عن مدخل للموضوع .. تدرون ليش .. !!! لأن الحين بعضنا يقول أنا ما يعنيني هالموضوع ولا يخصني أنا إنسان ملتزم الحمد لله وبعيد عن هالحركات والعياذ بالله .. !!!! تدرون يا شباب إن ( أنس ؛ وحسام ؛ وعبد الرحمن ) كلهم كانوا يقولون نفس هالكلام ..!! إيه نعم.. والدليل كلمة أنس.. لعبد الرحمن ..!! ولا يجيني واحدن ويقول أنا الحمد لله بين مطاوعة ومع حلقة .. وأنا وأنا .. لا لا أبدا يا شباب .. الرسول عليه الصلاة والسلام .. كان يقول وهو الرسول : اللهم يا مقلب القلوب والأبصار ثبت قلبي على دينك .. اللهم يا مصرف القلوب والأبصار صرف قلبي إلى طاعتك .. !! ****** طيب الحين أنا وأنت وش الأسباب اللي بتخيلنا .. نصير من أهل ( الانتقام من الالتزام ) !! أقصد وش اللي يخلينا ندحدر .. مع إنا الحين مرتاحين .. ومطاوعة ونقول ما في أمل ننتكس .. ونعطي نصايح وإرشادات ..!! طبعا أكثر من الأسباب ما به بهالزمن ومنها على سبيل المثال لا الحصر : 1- شي يسمونه ( الالتزام بالوراثة  ) يعني أطلع أنا من بطن أمي والوالد والوالدة ملتزمين وثوب قصير والهيلا هوب فوق الكعبين .. وهو من الأسباب القوية لأن الشي إن ما أخذته عن قناعة .. بتتركه ولو بدون قناعة .. والله ليش الثوب قصير ... لأن إخواني و ... مع الخيل يا شقرا ..!!! 2- بعض الناس يصير مطفر مستحبات وسنن .. لكنه مطخطخ مباحات ومكروهات ..!! فيموت قلب الرجال تدريجياً .. حتى يدخل بالمحرمات .. مثلا بعض الشباب بالحلقات 24 ساعة بلوتوث حتى وقت الدورات .. جالسين آخر المسجد .. وشف هالمقطع واسمع هالأنشودة .. وبعضهم من ربع أهوى حياة البراري .. والهلي وجنوط مرسيدس ولحية الموتر وسكسوكتها .. وكنه ما عاش إلا عشان البر.. 3- الصحبة السيئة ( الصاحب ساحب ) عن المرء لا تسل وسل عن قرينه ****** فكل قرين بالمقارن يقتدي قصة : محمد دخل مطرسة أغلب طلابها ( دشير ، ولا حبايب ) محمد صار يجلس معهم يسولف .. قاموا يسولفون بالأغاني .. ياناس حرام .. مرة ثانية يا عالم حرام  .. مرة ثالثة .. يا بشر حرام .. مرة رابعة  ، خامسة ، ... شكلي ثقلت عليهم .. صار يسمع منهم .. ثم جرب أغنية .. أغنيتين ..... إلين صار زيهم ... ( الصاحب ساحب ..) فكــــــــان محمد مستقيما ..!! 4- المشاكل بين المستقيمين مع بعضهم البعض .. << وهذا السبب من أكبار أسباب انتكاسة الأشخاص المذكورين في القصة الأولى ..!! 5- البيئة والمجتمع المحيط ( المحيط وللا البحار << بايخة ) : يعني بعضهم يجيه أبوه أخوه غير مستقيم .. يسمع أغاني وبعض الصور .. فخوينا ما ينكر .. ويجلس بنفس المكان الموجود فيه المنكر .. حتى يصير زيه ..!! 6- الانترنت : وحط هنا أنواع السيكوات والبي زدات والاستفهامات ... ؟؟ وهو بحر الانتكاسات .. إن ماصار بالمسنجر يضيف الجنس الآخر وللا الجنس الآخر يضيفه ؛ وللا الطرطشة ... وأنتم أبخص ..!! 7- شيئين متناقضين .. ( التحجر ؛ الانفتاحية ) : يا يجيك حاجر عمره .. معه كتاب ومحبرة << متعوب عليها .. وجاد في كل وقت ,, يا تشوفه هزلي ( ) بكل وقت وأي شي ينزل يروح له بدون استشارة ولا استخارة .. وخاصة إن كان توه صغير بالعمر .. والبعض بالعقل..!!  8- الفراغ : إن الشباب والفراغ والجدة .. مفسدة للمرء أي مفسدة يعني شباب وفراغ ودراهم << وش بيسوي ..!! 9- يمكن الرجال ضابط عمره .. لكن يكتب موضوع بقسم من الأقسام وهو مخلص فيه.. فيجيه أنواع المدح ، فتبدأ النية تتغير .. والعجب بالنفس يبدأ .. وفيه قصة إن أحد كبار العلماء أظن اسمه عبد الله القصيمي .. وكـــــان حجة .. ألحد .. حتى ألف كتاب باسم ( بصقة في وجه الإله ) << سبحان الله ..!! فكــــــــــــان عالما حجة .. والآن ملحدا جحة ..!! *** الأسباب اللي كتبناها سابقا .. فيه غيرها .. لكن ما ودي أطول عليكم .. ومنها السفر للخارج لغير مصلحة ، وضعف الوازع الديني .. وخلنا نتعرف ونشوف ونتثقف << احم احم .. طيب الحين الواحد .. يبي يمسك عمره ويمشيه على الصراط المستقيم .. وش السواة ..!! وجه عليه علامات استفهام ذذ من الأسباب المعينة بعد توفيق الله عز وجل : 1- الإكثار من قول: اللهم يا مقلب القلوب والأبصار .. ثبت قلبي على دينك .. اللهم يا مصرف القلوب والأبصار ثبت قلبي على طاعتك ..فقد كان صلى الله عليه وسلم يكثر منها .. 2- تكثير الجرع الإيمانية .. وتاخذها من المستشفيات الربانية .. من الخلوات مع النفس والمحاسبة .. اليوم 5 صلوات عندنا .. كم صليت منها جماعة بالمسجد ..!!! الشهر هذا كم يوم صمت منه ..!! يعني الجدية .. وليس ( التزدية ) .. 3- الصحبة الطيبة .. الحسنة .. وتاخذها من الحلقات .. وترا اللي ما يدخل حلقة في الثانوي أعتبره راح عليه نص عمره .. والأغلب أقول سلملي على عمره .. إلا ما رحم ربي .. 4- الواحد خلي لنفسه شخصية مستقلة .. ( مستقلة وللا الجزيرة ) يعني ما يتأثر بكل شي حوله ..  أذكر يوم إني بثالث ثانوي .. سجلت بمدرسة كان أغلب طلابها دجة ، دشير ، عاطلين .. اللي تبي .. ولا فيه إلا 5 نفرات ملتزمين .. وضايعين بالطاسة .. والطاسة ضايعة.. فكنت ما أخلي أحد يخاويني .. يعني أنا اللي أخاويه أما هو يخاويني .. فيجيب الله مطر .. وكنت ما أعطي أحد وجه .. فكان الطلاب لا كلمتهم بشي .. هجدوا . حتى واحد من هدورهم .. جا مدري وش قال .. فنصحته ... حاولت إنها تكون بيني وبينه .. فرفع صوته عشان يسمعونه طلاب الفصل .. فلعلي رديت رد .. هجده .. فقال والله يا حسام أنت لك معزة .. << معزة وللا خروف .. أنا بغيت أضحك باليالله مسكت عمري .. وكانوا الطلاب يرتاعون لا جيت مريت حولهم .. لكن إن سلموا عطيناهم حبة ابتسامة .. فيرتاحون .. والرجال والله حبيب .. وتذكروا .. كثرة المزاح تذهب الهيبة .. فبعض الناس .. لو حطيته بحضن عاهرة .. ثبت .. مثل سيدنا يوسف عليه السلام ... وبعض أمثال السلف .. 5- الواحد يحدد هدف له بالحياة .. وبنفس الوقت يعرف الهدف اللي هو خلق عشانه .. ( وما خلقت الجن والإنس إلا ليعبدون ) مرة إحدى الممثلات أو المغنيات ما بغت لعيالها الثلاثة الصلاح .. أرسلتهم على ديرة معروفة بمعاداة المسلمين .. عشان يكملون دراستهم الجامعية .. فسبحان الله رجعولها الثلاثة .. كل واحد طاقن لحية شبر .. 6- بالنسبة للانطرنط : خل الجهاز في مكان مكشوف ؛ خله بالصالة .. والشاشة لا تصير لم الجدار << يعني حجر لنفسك بنفسك .. 7- اشغل وقتك .. ثم اشغل وقتك .. ثم اشغل وقتك .. إن كان تبي تعرف أن بخير وللا لا ... شف وقتك .. إن فيه فراغ واجد فاعرف وتيقن .. إنك على المحك .. ويمكن تطيح طيحتن قشرة .. فنقول .. كـــــــــان فلان ... مستقيما !! وأحسن مكان تشغل فيه وقتك الحلقات .. قصة من واقع التجربة الشخصية : يوم الأربعاء أسبوعيا بالحلقة كان عندنا طلعة .. إن ماصار فيه شي رحت عند بعض أخوياي أألف قلوبهم .. يلعبون سوني .. المهم .. قالوا يامثقف << طبعا ما يقولون مثقف .. وراك تسحب علينا .. وتروح لم ربعك يقصدون الحلقة دايما .. فقلت : لو أجلس معهم أناظر بوجيهم بس .. أحسن عندي من الجلسة معكم ..!!بعد بمدة .. واحدن منهم سجل بحلقة .. فصار يسحب عليهم .. فمرتن زرنا الإخوان .. قالوا ماشاء الله يا صهيب .. قمت تسحب علينا زي حسام .. فأجباهم بإجابتي السابقة ..!! ** الواجبات أكثر من الأوقات ** ********* كان ودي أذكر كم من نصيحة للتعامل مع المنتكسين لكن ما بغيت أثقل عليكم زيادة .. خاصة إن الكلام السابق كله بدون مراجع .. غير الذاكرة والخلفيات السابقة ... ********* :: ختاما :: لا أبرأ نفسي من اللي كتبته .. يعني بعض التنبيهات .. يمكن أصير أنا طايحن فيها .. لكن من باب .. قول ابن تيمية : "على أصحاب الخمور أن يتناصحوا فيما بينهم " أخوكم المقصر : مثقف |
 |
 | |||
| منتديات مسلمة النسائية | مساحة إعلانيه | ||
|
25-09-2006, 04:31 PM
| #2 |
 |  هذا الموضوع الأول من مجالس شبابية دعوة للفائدة واحد منهم |
| |
|
25-09-2006, 04:45 PM
| #3 |
| |
بسم الله الرحمن الرحيم ساستاذن المشرف : يا مشرف هل ستسمح لي بالرد في هذه الموضوع ام لا  |
| |
|
25-09-2006, 04:45 PM
| #4 |
| | بــارك الله فيكـ ... أســلــوب جيّد .. موفق .. |
| |
|
25-09-2006, 04:46 PM
| #5 |
| |
جزاك الله خيرا أخي لقد والله نكأت جراحا ثبتنا الله وإياك على طاعته تقول : أنا اتغربت تقصد استغربت ؟ شكلي عرفت هالبلد أعانك الله |
| |
|
25-09-2006, 04:51 PM
| #6 |
| موقف نهائيا | كــــلام رائع أخي مثقف.. بارك الله فيك.. لاعدمناك يابعدي |
| |
|
25-09-2006, 04:51 PM
| #7 |
| |
شكرا لك ياغالي
|
| |
|
25-09-2006, 04:56 PM
| #8 |
| |
ابدااااااااااااااااع متوقع منك يامثقف وانتبه من . *** الأسباب اللي كتبناها سابقا .. فيه غيرها .. لكن ما ودي أطول عليكم .. ومنها السفر للخارج لغير مصلحة ، وضعف الوازع الديني .. وخلنا نتعرف ونشوف ونتثقف  << احم احم ..  . اخوك/ابوامل الطائفي |
| |
|
25-09-2006, 05:01 PM
| #9 | |
| |
ولا ظنيتني كتب كلمت ( اتغربت إلا إن كانت خطأ إملائي ) !!دمت بود! | |
| |
|
25-09-2006, 05:07 PM
| #10 |
| | جزاك الله كل خير .. |
| |
|
25-09-2006, 05:10 PM
| #11 | |
 |
..... ..... طيب والي وقته كله فراغ مثلي وش يسوي  | |
| |
|
25-09-2006, 05:10 PM
| #12 |
| |
جزاك الله الجنة أخوي مثقف.. موضوع جمييييييل .. بجمال صاحبه.. وراااااائع .. بروعة صاحبه.. سدد الله خطالك.. وثبتنا الله وإياك.. |
| |
|
25-09-2006, 05:12 PM
| #13 |
| |
موضووع قيم ورهيب الله يكتب لك الأجر |
| |
|
25-09-2006, 05:16 PM
| #14 | |
| |
أنور الموضوع بتشريفك!! | |
| |
|
25-09-2006, 05:18 PM
| #15 | |
| |
| |
| |
|
25-09-2006, 05:28 PM
| #16 |
| |
مشكوراخوي
|
| |
|
25-09-2006, 05:29 PM
| #17 |
| |
جزاك الله الف خير اسلوب رائع وتستاهل التثبيت وقعت على الجلرح مشكور |
| |
|
25-09-2006, 05:32 PM
| #18 |
| | |
| |
|
25-09-2006, 06:14 PM
| #19 |
| | رائع با مبدع .. |
| |
|
26-09-2006, 02:45 PM
| #20 | |
| |
| |
| |
| مواقع النشر (المفضلة) |
« شـــــــــــرب القهوة مضر.......!!!
|
'''''llllll قوقل تستضيف الهدر الكبير ( أبو ريتان ) lllll''''' »
| الذين يشاهدون محتوى الموضوع الآن : 1 ( الأعضاء 0 والزوار 1) | |
الأعضاء الذين قرؤوا الموضوع منذ 30 يوم ( أيام ) : 0 .
| |
| الموضوع لم يُقرأ بعد |
| أدوات الموضوع | |
| انواع عرض الموضوع | |
العرض العادي
| |
الساعة الآن 06:12 PM.
