تطوّر .. واركب الهوا صـــــــاروخ !

[مدمن شاهي]

سلام على كل الغالين .. القريبين منهم والبعيدين ...

كل عام وانتم بخير قبل الزحمه .. والله الله .. اشتروا أغراض العيد من آلحين .. أرخص لكم وأوفر لدراهمكم << ترى هذي وصيّة أبوي لي .. ماخذها وراثه من جدي السابع - الله يرحمه - !

اليوم ماهي من عادتي .. رقدت بعد الظهرلأني أسمع بــ " القيلوله " .. يقولون والعلم عند الله أنها تقوّي الظهر .. وتشدّ الرجلين .. وتمنع عن الواحد الأمراض المُعديه من أوّل مرض إلى آخر بلوى !

رقدت وياليتني مارقدت .. جاني " جاثوم " وش كبره .. خمّني مع صدري .. ثم نفضني .. ونطلني في طرف المرقد وقال بكُل بجاحه ( نمْ يامُدمن .. نمْ وكمّل رقدتك جعلك السهاد ) !

سبحان الله .. بعدها جتني زي " التكّه " اللي خرّعتني << كلمة ( خرّعتني ) هذي .. أوّل وآخر مرّه أقولها بإذن الله في مواضيعي .. لأنها كلمة مهوب زينه للتماسيح .. وتهزّ من رجولة الواحد .. وتخليّه يبدى يحتسي بشي مهوب له .. ! .. وتراي ماجبت طاريها إلا عشان واحد أشغلني .. ويقول واكب الموضه واركب التطور عرض .. واحتس زي الناس .. واعرف المُصطلحات الجديده اللي تهز الخفوق وتخليك ( شي مهوب طبيعي ) !

عالعموم .. خلوّنا في المُهم والأهم .. وخلّوا عنا التطوّر اللي ودانا في ( سته وستين داهيه ) .. لأن التطوّر " نوعين " بسسسس .. !

النوع الأول ... اللي هو ( التطور التقليدي ) يعني تتطوّر وتروح فيها هوا .. وتصير غبي بِكُل ماتعنيه الكلمه .. يعني لما تدخل مطعم تبدى تسوي فيها زحمه قدّام الناس اللي واقفين جنبكم وجالسين ينتظرون الطلب .. ثم تقول لموظف المطعم - وانت على بالك فاهم - ( بليز حبيبي .. عطني واحد تشكن تشير .. بس بليز خليّه بدون جبن ) .. ! .. هذا من الناس اللي راكب التطوّر غلط .. وفي النهايه صار غبي .. !

النوع السابع .. قصدي الثاني .. اللي يمكن يستفيد من التطوّر .. اللي هو ( التطور الذاتي ) << أحس أني بديت أخش جو مع كلامي .. ويبغى لي " قهوه تركيه سودااا " !

التطوّر هذا .. يقدر الواحد يقدّم به شي لوطنه وينفع به نفسه .. ومن التطوّر هذا نقدر نخدم الكُل .. نخدم جميع شرائح " الجُبن " أقصد شرائح المُجتمع ... عن طريق هالتطوّر أقدر أخدم بيتي .. بحيث أني أطوّر الوضع الداخلي في المنزل .. طبعاً .. من الأسوأ إلى الأفضل .. !

أطوّر حالة زميلي وصديقي .. - أيضاً - من الأسوأ إلى الأفــضل .. !

أطوّر حالة شغّالة ( خدّامة ) البيت .. يعني إذا صارت هندوسيه - ملعونة جدف - أطوّر حالها وأنقذها من النار إلى الإسلام .. وأعطيها كم كتاب وشريط وطراق مهوب طبيعي << أمزح عليكم ( الطراق ) هذا .. تراه خارج النص .. وما أتحمّل تابِعاته !

أقول .. ماتلاحظون أن جاثومي هذا خلّاني أطلع من " التكّه " اللي عشتها في بداية " القيلوله " .. !

الجاثوم هذا خطيييير .. طلّعني من جو " التكّه " إلى جو " التطوّر الذاتي " ... !

واحد .. ثنين .. ثلاثه .. وش رايكم .. خلّونا نبدا نطوّر أحوالنا الذاتيه .. ننفع أنفسنا .. وكمان غيرنا !

أحلى سلام للغالين ..

[سوبر المعالي]

يصلمــو.. مدمن ... من راسك إلى كرياسك ..<< أنا ماعندي جاثوم أنا عندي ترهل في البطين الأيمن للقــلب
بصراحة صدقت بالنسبة للتــطور الذاتي ... وبصراحــة فكنــا من تطوير الخــدامــة وكما قيل الخوادم عقارب << تفكير عجيز
حنا خلنــا على إنا نطور أنفسنــا إلى أفضل شي وكما قال الشاعر المخضرم .. محمــاس (( مد رجولك على قد لحافك ))
وبهــذه المناسبة أهدي الماما والبابا وجدتي إلي في كوكب زحل إنشــودة أنا صرت كبيراً ياماما.


بارك الله فيك أخي مدمن شاهي
وننتظر منك المزيد ..

[ابو الدحمي]

فلنطور انفسنا>>احلق شعر الين الايسر كانه قرا الموزوع

[أمير الشبكة]

المشاركة الأصلية كتبت بواسطة مدمن شاهي [color=#000099]خرّعتني << كلمة ( خرّعتني ) هذي .. أوّل وآخر مرّه أقولها بإذن الله في مواضيعي .. لأنها كلمة مهوب زينه للتماسيح .. وتهزّ من رجولة الواحد أحلى سلام للغالين ..

[أمير الشبكة]

تحيه لمدمن الشاهي

[{ الفارس }]

فلنطور انفسنا ... ( حتى الموزة طورت نفسها وانتحرت .... )
اجيب صورتها يا مدمن ولا بعدين ..










__________________


:::::::::::::




:::::::::::::



:::::::::::::

مــا أجمــل الإبتســامــة

[و1حد]

كلام جميــل ..

كلام أكبر منك .. بس يبقى جميل !

يعطيك العافيه مدمن .. موضوع رائع

[عـديـل الـروح]

يسلم بؤك على الكلام النضيف ده

[Abdulrazaq]

.

عوداً حميداً أخي مدمن .. اشتقنا لك و لمواضيعك اللي توسع الصدر

موضوعك في الصميم .. الرسالة وصلت .. تسلم يالغالي ..

[( المرقاب )]

أخووي مدمن شااهي ..


كتابتك حلووه مرره وشييقه

وأنا متااابع لمووااضيعك ..




ومجلة شباب بعد :SEKO:

[اسحاق]

بسم الله الرحمن الرحيم

انت بتتكلم جد

[الفانوس]

يا زين مثل هالمواضيع ونييييييييييييييييييييييييييسة

[مدمن شاهي]

المشاركة الأصلية كتبت بواسطة سوبر المعالي يصلمــو.. مدمن ... من راسك إلى كرياسك ..<< أنا ماعندي جاثوم أنا عندي ترهل في البطين الأيمن للقــلب بصراحة صدقت بالنسبة للتــطور الذاتي ... وبصراحــة فكنــا من تطوير الخــدامــة وكما قيل الخوادم عقارب << تفكير عجيز حنا خلنــا على إنا نطور أنفسنــا إلى أفضل شي وكما قال الشاعر المخضرم .. محمــاس (( مد رجولك على قد لحافك )) وبهــذه المناسبة أهدي الماما والبابا وجدتي إلي في كوكب زحل إنشــودة أنا صرت كبيراً ياماما. بارك الله فيك أخي مدمن شاهي وننتظر منك المزيد ..

محماس هذا رجّال راعي علوم طيّبه .. ووصاياه خذها ولاتشاور .. حتى لو وصّاك أنك تنتحر .. فانتحر ولايهمّك أحد

شكراً لك ياغالي .. وأسعدني مرورك ..

[الواثق بنفسه]

الجاثوم هذا خطيييير .. طلّعني من جو " التكّه " إلى جو " التطوّر الذاتي " ... !

والله يا عليك خطمه هباااااااااال بس عساكـ دقيت اشارهـ قبل م ط

[ذيب تميم]

سلملي عليك

[مهند]

.. ، ..


التطوير شي(ن) طيب ورهيب بس وين اللي يعرف كيف يتطور ؟!

والنوع الأول اللي ذكره سماحتكم نبلش به في كثير(ن) من الأحيان والأماكن ..

لا عمرك تقيل ولا تجيب طاري الجاموس مدري الجاثوم لأنه جاني مرت(ن) وخرب نومتي حسبي الله عليه ..

أجل تكة .. ! والله يا حسيت كنه جادع(ن) واحدة من الصبات المجدّعة بشوارع الرياض على صدري ..

موفق ..


.. ، ..

[فخامة الرئيس]

عني نفسي ما أنصح أبداً بالنوم في الظهر ...

[السوبر]

أما القيلوله عقب نجديه وسروال النص طبعن تحت ثوب النوم ..

واااااااااا تسبدييييييييييييييييييييييييه

لا وإذا صرت بالبيت لحالك .. صك الجوال .. وإفصل التلفون ..

يمكن ما أقوم إلا من باتسر الظهر

[مدمن شاهي]

المشاركة الأصلية كتبت بواسطة ابو الدحمي فلنطور انفسنا>>احلق شعر الين الايسر كانه قرا الموزوع

أنت مصرقع .. ..وصرقعتك مافيه أمل تخليك تقرا حرف واحد ..

أقول .. نصيحه لك وانا اخوك ... أنطل مجلة ميكي ماوس .. وخلّك معنا .. أقرا وقرقع ووسّع صدرك

شكراً لحضورك ياحلو

[o n e]

×
×

مشكور على المواضيع الهادفة ،

انا معجب بمواضيعك ،

حبيبي مدمن ، ألف شكر لك .



×
×