 |
 |
 |
 |
 |
 |
 |
 |
|
|
|
|
 |
 |
||||||||
 |
 |
 |
 |
 |
 |
 |
 |
| Be Happy | الجـوال | معارض الصور | الغرفة الصوتية | البطاقات | الصـوتيـات | مركز التحميل | مجلة أجيال |
23-10-2005, 06:21 PM
|
#1 |
     |
:::. احـــــــــــــــراج !! .:::
السلام عليكم ورحمة الله وبركاته سلخيييييييييييييير وشلونكوا ياجماعة الربوع ؟؟ فصل اعلاني .. سنعود .. قبل ماادخل بالموضوع دغري .. انتم شريتوا خلاقين للعيد والا ما تفطنون الا آخر ليلة  عوايدكم  عدنا .. ثمة موضوع منذ مبطي وهو في بالي كنت ارغب في طرحه .. ولكن منعني امر ما لا اذكره  بحكم علاقاتنا القوية مع بعض الأصحاب .. والتى تصل الى حد ننسى ان فيه شي اسمه (( زعل ))  يعنى ناخذ الموضوع بيننا بأريحيه .. وهذا ما ربطني بكثير من الأشخاص .. خصوصا هنا في المنتدى .. وبحكم هذه العلاقة القوية .. كان لزاما علينا ان نتقابل في كل يومين او ثلاثة ايام على الأقل .. بل وانها في بعض الاحيان تصل الى (( يوميا )) >> يسمونها بالأنقليزي (( سم بدي )) مدري عاد هي صز والا يهكون علينا  وفي بعض الأحيان .. نحرج انفسنا او بمعنى اصح (( نزنق )) انفسنا في اوقات ضيقه جدا جدا .. اذكر في يومن من الأيام .. اتصل على احد الأصدقاء (( وهو من الأشخاص التى تربطني بهم علاقة قوية الى حد لا يوصف )) وقال : ابوفهد انت وينك ؟؟ قلت : انا الحين عندي برنامج صلة ارحام >> اللهم لا رياء .. آمر تدلل بس وش تبي ؟؟ قال : ابد بس ودنا نتقهوى في المقهى الفلاني >> مقهى يعنى كوفي شوب مهب حق شيشة ..!! قلت : خلاص اذا طلعت ادق عليك .. مع علمي المسبق بطبع صديقي .. عدم الإنتظام في الواعيد  طلعت من عند اقاربي واتصلت عليه .. قلت له : يابوفلان يالله تراني طالع للمقهى .. قال : يالله انا بالطريق .. طبعن قبل ما اطلع من اقاربي دقيت عليه لأني ادري متى بيجي  رحت للمقهى .. وانتظر عشر دقايق .. ربع ساعة .. نص ساعة .. ماجا الرجال .. دقيت عليه .. قلت له : وينك ؟؟ قال : يابن الحلال الطريق زحمة الظاهر فيه حادث  عاد انا قلت : لاحول ولا قوة الا بالله اجل ابنتظرك مهب مشكلة .. اثناء ما كنا نتكلم .. سمعت صوت (( طنطن ))  طلع صوت اللفت (( الأصنصير )) اللى في فلة الفيصلية .. قلت : والله ياخي مشكلة اذا صار الطريق زحمة والاصنصير توه ينفتح .. لالا ملهم حق  قال وهو يضحك : تصدق عاد ان هاللفت نكبه قعدت اضحك الين قلت بس .. طبعا الغينا الاجتما ع .. طبعه نفس طبع صديق آخر يمكن اقول عنه (( عديل )) وهما من نفس الفصيلة (( يعنى نفس العايلة  )) متشابهان الى حد كبير .. مشكلتهما ليست في (( التزليب )) او التأخر الغير معقول في المواعيد .. وانما عدم اعطاء الشخص المنتظر خبر بأنهما سيتأخران .. خذا احد المواقف اللى حصلت .. وهي كثيرة جدا .. طبعا هناك شخص آخر ولكن ليس من نفس الفصيلة اذا اتصلنا عليه وتواعدنا .. خلاص ما ننتظره اصلا .. رغم انه يؤكد مجيئه لنا .. ولكن تعودنا منه .. الخااااااامس .. هذا الشخص .. من مخرج (( .. )) يقولك خلاص ابجي .. وينتهي الامر بنهاية المكالمة ..فأصيحنا لا نثق به حتى نراه امامنا بل وفي بعض الاحيان نتحسسه .. هل هو حقيقة ام اننا في حلم  شخص آخر .. من زملاء العمل .. تواعدنا مرتن من المرات اننا ننزل مكه .. ناخذ لنا اغراض ونرجع .. قال خوينا هذا : والله اني مشغول مع واحد يبي يتقضى من الحراج ولا يدل بالطائف زين .. قلنا : خلاص حنا نبي نتصل عليك العصر .. ونشوف عاد .. وافترقنا على هذا الاتفاق .. >> الاتفاق والاالقادسية  >> اقول اهجد لا يتوطاك نبض القلم  يوم جا من بكرا العصر .. دقينا عليه .. هاه يبوفلان تبي تروح معنا والا لا ؟؟ قال : والله اني مشغول مع الرجال وهذانا قاعدين نحوس بالحرج الله لا يوريكم >> يوصف لنا انه تعبان هق هق هق اثناء ما كان يتكلم .. صاحت بنته الصغيره  ابوالاحرااااااج عجز يتكلم  حاول يسكت البنت .. ماقدر .. قلنا له : يابوفلان .. عساك تقضيت للبنت من الحراج  قال : هاه مدري بس انا اصلا يوم ..... وبدا يتلخبط .. قلنا له : طيب يابن الحلال طالما انك ما تبي تروح اساسا .. ليش تلف وتدور ما تبي تزعلنا .. وبنفس الوقت ما تبي تروح ..!! حقيقة الآن اصبح موقفه محرج للغاية اكثر من لو انه اعتذر من البداية .. ما اريد الوصول اليه .. اذا اعطينا وقت محدد لعمل ما خصوصا اذا كان يتعلق بأشخاص آخرين او لقاء مع احد الأشخاص .. فعلينا الإلتزام والصدق في ذلك .. وكما اننا نريد ان يلتزم معنا الناس في كل ما يتعلق بنا .. فعلينا ان نبادلهم نفس التعامل .. |
|
|
|
|
|
 |
||||
| الواحة كوم | مركز رفع و تحميل الملفات | رسيفر الأسرة | وسيط SMS | شبكة الأسيف |
|
23-10-2005, 06:31 PM
|
#2 |
|
|
اي والله ابو فهد ..
ياما عانينا منها .. موضوعك في الصميم .. وللاسف المشكله هذي تمثل شريحة كبيره من مجتمعنا وفي المقابل فيه ناس ما شاء الله على الموعد . ومثل هالنوعية احب اواعدهم .. اذا قلت له 10 يكون 9 و 59 دقيقه قدام بيتك  المشكله .. وش هو العلاج لهالنوعية المذكوره بموضوعك ؟! |
|
|
|
|
23-10-2005, 06:35 PM
|
#3 | |
|
|
ابوطبيع ما يخلي طبعه والمشكلة اني اكثر من مره سويت نفسي ذهين .. وزلبتهم اكثر من مره .. بس قهروني بارديييييين ولا كأني سويت شي  |
|
|
|
|
|
23-10-2005, 06:51 PM
|
#4 |
 |
بعد قراءة للماضووووع>>>تراك بالعاصمة يبو 18 مليون مشرف >>>>>لا لا اليوم أكيد آوت من المنتدى
في واحد من الشباب سميناه ((جردات))) من كثر ما يسوي الحركات ذي هذا الرجال لو هو قدامي ويقول مشينا نروووح أي مكان أقوله خلاص إذا وصلت دق عليه |
|
|
|
|
23-10-2005, 06:57 PM
|
#5 |
|
|
ما اريد الوصول اليه ..
اذا اعطينا وقت محدد لعمل ما خصوصا اذا كان يتعلق بأشخاص آخرين او لقاء مع احد الأشخاص .. فعلينا الإلتزام والصدق في ذلك .. وكما اننا نريد ان يلتزم معنا الناس في كل ما يتعلق بنا .. فعلينا ان نبادلهم نفس التعامل .. قلت حكمه بس ياليت الناس يتعظون <<<<<<<<<<<<شف من يتكلم ( وجه يقول وش معنى هق هق هق ) |
|
|
|
|
23-10-2005, 07:06 PM
|
#6 |
|
|
ماشاء الله .. أخونا مليح راضي علينا ..ولله الحمد
مقالات في الصميم وطرح لمشاكل المجتمع .. بأسلوب مليح الذي لا يتقنه غيره .. موضوعك هذا بالذات ذو شجون .. أو شؤون .. او ما تريد .. فبعض الناس من السهل عليه أن يعطيك موعد يعلم بالتأكيد أنه لا يستطيع أن يأتي فيه .. فتلغي ارتباطاتك .. و مشاويرك .. ثم ببساطة لا يأتي .. وليته لا يعتذر لأن عذره يرفع الضغط أكثر من تطنشيه لموعدك ..  لكن ما العمل مع هؤلاء ..؟؟ لا تقــدر تخسرهم عشان موعد ... ومن الصعب تتحملهم وهم بهذا الأسلوب .. فياليت تعطينا طريقة نتفاهم معهم .. من واقع خبرتك التي جعلتك تفتح هذا الموضوع ... وتطرح هذه المشكلة .. ........ |
|
|
|
|
23-10-2005, 07:11 PM
|
#7 |
|
|
****
 أدام الله رضاكم على العاصمه لتخصوها بمواضيعكم. إدارة العاصمة **** |
|
|
|
|
23-10-2005, 08:10 PM
|
#8 |
|
|
°°°°°°
هذي يسمونها بالمصطلح العربي .. (( الطقرة )) ..--- عموما .. يقال أن الإلتزام بالمواعيد من شيم العرب .. كما قال عليه الصلاة والسلام في نبذ صفات المنافقين .. لكني اعتقد أن المواعيد الأوروبية .. أصبحت هي المصطلح أو الجملة التي تطلق للشخص لكي يأتي في موعده المحدد بالدقيقة .. لا بل بالثانية .. يؤسفني كثيرا كعربي أن مواعيدنا تكون عار علينا .. أخيرا .. أشكرك ع.أبوفهد على ماتفضلتم به .. وجعله الله لنفع الناس .. وفي ميزان حسناتك .. وربي لايحرمني منك .. °°°°°° |
|
|
|
|
23-10-2005, 08:53 PM
|
#9 | |
|
|
ايه انتبه وانا اخوك تراهم يقبصون  خويكم هذا يبي لكم تروحون للربع الخالي على انكم تبي تكشتون .. همن تجردون به .. وتجونه بعد اسبوع والا اسبوعين علشان يتأدب .. شاكرا لك مشاركتك .. |
|
|
|
|
|
23-10-2005, 08:54 PM
|
#10 |
|
موقف من قبل الإدارة
|
الصراحة بعض الناس طبعهم غريب
يعني انا مثلا من النوع اللي مايرتاح قلبي اذا مواعدة احد خصوصا اذا في السالفه طلوع من البيت يعني احسها عيب وقلة ذوق اني أفوت الموعد لكن سبحان الله فعلا أواجة ناس من هالنوعيات انواع البرود (( الله يهدي الجميع )) ياليت لو امتلك ربعه عشان اعرف كيف اتصرف معهم وسبحان الله اعتبره عدم تقدير للمسؤليه خلاص منتب موفي بوعدك لا تواعد من اصله ليش تشق بخلق الله ولا انسا وحدة من زميلاتي واعدته اني بزورهم وداني اخوي لقيت الباب مفتوح توقعت انها فاتحه الباب ( الله من قل ماسوته ) تطمن اخوي وراح دخلت واثر مافيه احد بالحوش طلعت الشارع اخوي راح (( ورطة )) رجعت مره ثانيه المشكلة خفت لا يطلع لي رجال من بيتهم طقيت الباب حق البيت الداخلي اشوا فتحوا ماتسوا علي هالزيارة طاح قلبي ومت من الخوف يوم فتحت الله يجزاه خير وتهلي وترحب سالته وينتس مالقيت احد قالت والله ماتوقعت انتس بتسوينه وتجين ......لا والله انواع القهر عاد الله المستعان مواقف ماود الواحد يتذكرة لكن الصراحة موضوع بالصميم وجزاك الله خير |
|
|
|
|
23-10-2005, 08:55 PM
|
#11 | |
|
|
ابوعزوز حياك ربي .. من ردك كأنه بك عرق منهم نسيت اقول : هق هق هق اشكر لك تواصلك |
|
|
|
|
|
23-10-2005, 09:00 PM
|
#12 |
|
|
سأعود اليكم بأذن الله تعالى ..
|
|
|
|
|
23-10-2005, 09:15 PM
|
#13 |
|
|
موضوع رااائع
تسلم لنا يامليخخخ بس وش العلاااج؟؟!! |
|
|
|
|
23-10-2005, 09:15 PM
|
#14 |
|
|
اليوم اليوم كلمت خالتي وقلت لها بكلمك بالمغرب علشان اعطيك الماسنجر وتكلميني ضروووووووووووري
قالت: خلاص كلمتها بالمغرب مافيه فايده ماترد مشغوله طيب ليش تقول انها بتكلمني وهي داريه ان عندها اشغال بالمغرب بس تمون هالمره لكن غيرها مافيه هم عارفين انفسهم اوريهم اقتراح بسيط : اذا تبي تادب الي يخلف مواعيده عطه موعد واذا قال خلاص جاهز للمكالمه ...................الخ طنش تعش تنتعش قله مشغول جايك 5 دقايق بس وخله يموت قهر علشان يتادب ويعرف غيره كيف يعانون اذا ما ضبطت الموعد ه وسلام |
|
|
|
|
23-10-2005, 11:00 PM
|
#15 |
|
|
مواقف مضحكة
والناس اصحاب المواقف توهقوا فيك , غسلة شراعهم الكثير تعلم وهو صغير هذه المقولة ( ان حبل الكذب قصير ) وللمعلومية الكذب هو الكذب لا يتغير بتغير الاشخاص ولا (السي تشي ويشن) ! والكثير تعلم ان الكذاب سينفر عنه كثير ممن حوله ولو بعد حين شكرا على الكلام الحلو |
|
|
|
|
23-10-2005, 11:19 PM
|
#16 |
|
مشرف صالة العرض وطلبات الشراء
مزاجي:
|
يالبيه يابو فهد على هالمواضيع..
ياخي صدقت بعض الناس يرفع ضغط بمواعيده... هذا غير مايسببه من مفاسد لايعلمها الا الله.. لكن انا قبل فترة بالرياض بصراحة وشهادة لله .... المبدع فقط هو من يعرف حق المواعيد... ويعرف كيف يتعامل معها.. اذكر لكم هذا الموقف البسيط.. وصلت للرياض واتصلت على المبدع عشان نتقابل في مكان ونروح نجتمع مع بعض الشباب.. احد الشباب قال مامعي صيارة (عفوا اقصد سيارة) قلنا نمر عليك... قال خلاص ربع ساعة وتعالوا دقينا عليه بالموعد وقال خلاص مروا علي ... المهم اللي صار الحبيب وصلنا لباب بيتهم ودقينا عليه جوال مرة وثنتين وبالرحمة دق المبدع عليه بعد ماجلست اطلبه ساعة يدق عليه.. ودق الثالثة مارد علينا.. وعلطول وبكل حزم مشا... تربية على الاصول... الداهية ان الاخ اتصل علينا يوم مسكنا الطريق العام... قريب من بيتهم والله.. والله قريب ماابعدنا يعني يمكن ثلاث دقايق بس.. ولكن ابى المبدع ان يرد .. وبعد الحاح ان يرجع قال والله ماارجع ... لازم نتعلم المواعيد.. وبعد مطالبات دق عليه وقال له حنا بالمكان الفلاني شف احد يجيبك.. لله درك يالمبدع... فن من فنون التربية.. ولعل المبدع يذكر لكم مواقف اكثر من هالقبيل... ........... اكرر شكري لك ابو فهد...  |
|
|
|
|
23-10-2005, 11:20 PM
|
#17 |
|
|
صدقت والله
|
|
|
|
|
23-10-2005, 11:51 PM
|
#18 |
|
|
لا تعليق !!!
|
|
|
|
|
24-10-2005, 12:24 AM
|
#19 |
|
|
الله يخلف..
. |
|
|
|
|
24-10-2005, 12:24 AM
|
#20 |
|
نائب ال**** العام
|
كأني عرفت خوينا اللي بالسالفة الأولى
 الله يهديك بس يا ...ـــ ..ـــ ما يحتاج ذكر اسماء ذكرني يبو فهد اوريك جوالي عندي واحد مسميه ابو ركبة سماحة ابو ركبة يعطيك موعد عقب المغرب ويعطيني موعد ويعطي 10 اشخاص موعد بعد المغرب ثم يا يتنقى الوعد اللي يبيه يا يصفط كل المواعيد لي عودة مع بعض الجحدات لكن الآن مشغول شوي |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
الأعضاء الذين قرؤوا الموضوع منذ 30 يوم ( أيام ) : 0 .
|
|
| الموضوع لم يُقرأ بعد |
| أدوات الموضوع | |
| انواع عرض الموضوع | |
العرض العادي
|
|
الساعة الآن 12:08 AM.